མེ་ཟོན་ཚོད་འཛིན་ཁང་།སྔ་མའི་པར་གཞི་དེ བསེ་ཆང་རྡོ་རིན། ནས 2023-12-26 10:28ལ་འགྲུབ།
མེ་ཟོན་ཚོད་འཛིན་ཁང་།
མེ་ཟོན་ཚོད་འཛིན་ཁང་།
མེ་ཟོན་ཚོད་འཛིན་ཁང་ནི་མེ་སྐྱོན་རང་འགུལ་ཉེན་བརྡ་གཏོང་བའི་ཚོད་འཛིན་སྒྲིག་ཆས་དང་མེ་ཟོན་ཚོད་འཛིན་སྒྲིག་ཆས་བཙུགས་ཡོད་པ་དང་། མེ་སྐྱོན་ཉེན་བརྡ་གཏོང་བའི་བརྡ་རྟགས་བསྡུ་ལེན་དང་། མངོན་སྟོན། ཐག་གཅོད་བཅས་བྱེད་པར་སྤྱོད་པ་དང་། འབྲེལ་ཡོད་མེ་ཟོན་སྒྲིག་བཀོད་ཚོད་འཛིན་བྱེད་པའི་ཆེད་དམིགས་ཁྲུའུ་ཡིན། མེ་གསོད་མེ་འགོག་གི་མཉམ་འགུལ་ནུས་པ་ལྡན་པའི་མེ་སྐྱོན་རང་འགུལ་ཉེན་བརྡ་གཏོང་བའི་མ་ལག་སྲུང་སྐྱོང་བྱ་ཡུལ་ཁྲོད་མེ་གསོད་མེ་འགོག་ཚོད་འཛིན་ཁང་འཛུགས་དགོས།
གཞི་རྩའི་གནས་ཚུལ།
རྒྱ་ཡིག་གི་མིང་།
消防控制室
རིགས་དབྱེ།
མེ་ཟོན།
དཀར་ཆག
1
སྒྲིག་འགོད་བླང་བྱ།
1_1
ཨར་ལས་འཛུགས་སྐྲུན།
1. ལོགས་སུ་བཙུགས་པའི་མེ་ཟོན་ཚོད་འཛིན་ཁང་གི་མེ་གསོད་ཐུབ་ཚད་རིམ་པ་གཉིས་པ་ལས་མི་དམའ་བ་བྱེད་དགོས།
2. འཛུགས་སྐྲུན་དངོས་པོའི་ནང་གི་མེ་ཟོན་ཚོད་འཛིན་ཁང་དེ་འཛུགས་སྐྲུན་ནང་གི་ཐོག་མའི་རིམ་པ་དང་ས་འོག་གི་རིམ་པ་གཅིག(ཆུ་འགོག་ཆུ་བསྣུབས་པའི་བྱེད་ཐབས་སྤྱོད་རྒྱུ)བཀོད་སྒྲིག་བྱེད་དགོས་པ་མ་ཟད། ཕྱིའི་གྱང་ལ་ཉེ་བའི་གནས་སུ་བཀོད་སྒྲིག་བྱེད་དགོས།
3. གློག་སྡུད་ར་བའི་གནོད་སྐྱོན་ཅུང་ཆེ་བ་དང་མེ་ཟོན་ཚོད་འཛིན་སྒྲིག་ཆས་ཀྱི་རྒྱུན་ལྡན་ལས་ཀར་ཤུགས་རྐྱེན་ཐེབས་སྲིད་པའི་ཁང་པའི་ཉེ་འགྲམ་དུ་འཛུགས་མི་རུང་།
4. ཁ་འགྲེམ་སྒོ་དེ་ཐད་ཀར་ཁང་པའི་ཕྱི་དང་བདེ་འཇགས་ཀྱི་སྒོ་ནས་ཐོན་དགོས།
5. མེ་ཟོན་ཚོད་འཛིན་ཁང་པའི་ནང་གི་སྒྲིག་ཆས་གྲུབ་ཚུལ་དང་དེའི་འཛུགས་སྐྲུན་གྱི་མེ་འགོག་གི་སྒྲིག་བཀོད་ཚོད་འཛིན་དང་མངོན་འཆར་བྱེད་ནུས་དང་དེ་བཞིན་རྒྱང་རིང་ལྟ་སྐུལ་ཚོད་འཛིན་མ་ལག་ལ་འབྲེལ་ཡོད་ཆ་འཕྲིན་བརྒྱུད་གཏོང་བྱེད་པའི་ནུས་པ་དེ་ད་ལྟ་སྤྱོད་བཞིན་པའི་རྒྱལ་ཁབ་ཀྱི་ཚད་གཞིའི《མེ་སྐྱོན་རང་འགུལ་ཉེན་བརྡ་གཏོང་བའི་མ་ལག་གི་ཇུས་འགོད་ཚད་གཞི》GB50116དང《མེ་ཟོན་ཚོད་འཛིན་ཁང་གི་སྤྱི་སྤྱོད་ལག་རྩལ་བླང་བྱའི》GB25506ཡི་གཏན་འབེབས་དང་མཐུན་དགོས།
1_2
དྲོད་གཏོང་།
1. མེ་ཟོན་ཚོད་འཛིན་ཁང་གིས་སྐྱེལ་བའི་སྦུག་ལམ་གྱི་གྱང་ངོས་སུ་མེ་གསོད་སྟེམ་འགོག་དགོས།
2. མེ་ཟོན་ཚོད་འཛིན་ཁང་ལ་ཁང་པ་དེ་དང་འབྲེལ་བ་མེད་པའི་སྦུག་ལམ་གཞན་དག་ཡོད་མི་ཆོག
1_3
ཆུ་ཕྱིར་གཏོང་།
1. ཆུ་འབུད་པར་ངེས་པར་དུ་ཆེད་གཉེར་གྱི་ཆུ་འབུད་སྦུ་གུ་ཡོད་དགོས།
2
སྒྲིག་ཆས་གཙོ་བོ།
མེ་ཟོན་ཚོད་འཛིན་ཁང་པའི་ནང་བཀོད་སྒྲིག་བྱས་པའི་མེ་གསོད་སྒྲིག་ཆས་ལ་མེ་སྐྱོན་ཉེན་བརྡ་གཏོང་བྱེད་ཚོད་འཛིན་ཆས་དང་། མེ་ཟོན་མཉམ་འགུལ་ཚོད་འཛིན་ཆས། མེ་ཟོན་ཚོད་འཛིན་ཁང་གི་རིས་དབྱིབས་མངོན་ཆས། མེ་ཟོན་ཆེད་སྤྱོད་ཁ་པར་སྤྱིའི་འཕྲུལ་ཆས། མེ་ཟོན་འཕྲལ་སྡོམ་རླུང་འཕྲིན་ཚོད་འཛིན་སྒྲིག་ཆས། མེ་ཟོན་འཕྲལ་སྡོམ་གློག་སྒྲོན་དང་ཁ་འགྲེམ་མཛུབ་སྟོན་མ་ལག་ཚོད་འཛིན་སྒྲིག་ཆས། མེ་ཟོན་གློག་ཁུངས་ལྟ་སྐུལ་ཚོད་འཛིན་ཆས་སོགས་སྒྲིག་ཆས་སམ་དེར་མཐུན་གྱི་བྱེད་ནུས་ལྡན་པའི་སྡེབ་སྒྲིག་སྒྲིག་ཆས་ཚུད་དགོས།
མེ་ཟོན་ཚོད་འཛིན་ཁང་དུ་མེ་སྐྱོན་ཉེན་བརྡ་གཏོང་བའི་ཕྱི་ཁོངས་ཁ་པར་ཡོད་དགོས།
མེ་ཟོན་ཚོད་འཛིན་ཁང་པའི་ནང་མེ་ཟོན་སྒྲིག་བཀོད་དང་འབྲེལ་བ་མེད་པའི་གློག་ཤུགས་སྐུད་ལམ་དང་སྦུག་ལམ་བརྒྱུད་མི་ཆོག（མེ་ཟོན་ཚོད་འཛིན་ཁང་ལོགས་སུ་འཛུགས་སྐབས）
3
སྒྲིག་ཆས་བཀོད་སྒྲིག་གི་བླང་བྱ།
1. སྒྲིག་ཆས་ངོས་སྡེར་སྔོན་གྱི་བཀོལ་སྤྱོད་བར་ཐག་དེ་ཟུར་དུ་བཀོད་སྒྲིག་བྱེད་སྐབས1.5mལས་ཆུང་མི་རུང་། སྒྲིག་སྦྱོར་གཉིས་བྱེད་སྐབས2mལས་ཆུང་བ་བྱེད་མི་རུང་།
2. ལས་རེས་མི་སྣས་རྒྱུན་དུ་ལས་ཀ་བྱེད་པའི་ཕྱོགས་སུ་སྒྲིག་ཆས་ཀྱི་ངོས་ནས་གྱང་བར་གྱི་བར་ཐག3mལས་ཐུང་མི་རུང་།
3. སྒྲིག་ཆས་ཀྱི་ངོས་སྡེར་གྱི་ཉམས་གསོའི་བར་ཐག1mལས་ཐུང་མི་རུང་།
4. སྒྲིག་ཆས་ངོས་སྡེར་གྱི་བསྟར་སྒྲིག་གི་རིང་ཚད་དེ4mལས་ཆེ་སྐབས། སྣེ་གཉིས་སུ་ཞེང་ཚད1mལས་མི་ཆུང་བའི་བགྲོད་ལམ་འཛུགས་དགོས།
5. གློག་ཞན་པའི་མ་ལག་གཞན་དག་དང་མཉམ་དུ་སྤྱོད་པའི་མེ་ཟོན་ཚོད་འཛིན་ཁང་པའི་ནང་མེ་ཟོན་སྒྲིག་ཆས་གཅིག་བསྡུས་ཀྱིས་བཀོད་སྒྲིག་བྱེད་དགོས་པ་མ་ཟད། སྒྲིག་ཆས་གཞན་དག་བར་མངོན་གསལ་གྱི་བར་མཚམས་ཡོད་དགོས།
དཔྱད་གཞིའི་ཡིག་ཆ།