པདྨ་ཚེ་བརྟན།སྔ་མའི་པར་གཞི་དེ ཀུན་བཟང་སྐྱིད།kulog ནས 2023-05-09 15:12ལ་འགྲུབ།
པདྨ་ཚེ་བརྟན།
པདྨ་ཚེ་བརྟན།
པདྨ་ཚེ་བརྟན་ནི་སྤྱི་ལོ1969ལོའི་ཟླ12པར་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་ཁྲི་ཀ་རྫོང་དུ་སྐྱེས་ཤིང་། ནུབ་བྱང་མི་རིགས་སློབ་ཆེན་དང་པེ་ཅིང་གློག་བརྙན་སློབ་གླིང་ནས་མཐར་ཕྱིན་པ་དང་། ཁོང་ནི་རྩོམ་རིག་རབ་འབྱམས་པའི་བསླབ་གནས་ཐོབ་པའི་ཤེས་ལྡན་པ་ཞིག་ཡིན་པར་མ་ཟད། དེང་རབས་བོད་ཀྱི་འཁྲབ་ཁྲིད་པ་དང་འཁྲབ་གཞུང་རྩོམ་པ་པོ། གློག་བརྙན་ཕབ་སྐྲུན་པ་གྲགས་ཅན་ཞིག་ཡིན། སྤྱི་ལོ2023ལོའི་ཟླ5པའི་ཚེས8ཉིན་བོད་ལྗོངས་ནས་ཚེ་ལས་འདས།
གཞི་རྩའི་གནས་ཚུལ།
རྒྱ་ཡིག་གི་མིང་།
万玛才旦
ཕྱི་ཡིག་གི་མིང་།
Pema Tseden
སྐྱེས་ལོ།
སྤྱི་ལོ1969ལོའི་ཟླ12པ།
རྒྱལ་ཁབ།
ཀྲུང་གོ།
མི་རིགས།
བོད་རིགས།
སྐྱེས་ཡུལ།
མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་ཁྲི་ཀ་རྫོང་།
ལས་རིགས།
འཁྲབ་ཁྲིད་པ། འཁྲབ་གཞུང་རྩོམ་པ་པོ། གློག་བརྙན་ཕབ་སྐྲུན་པ། རྩོམ་པ་པོ། ལོ་ཙཱ་བ།
མཐར་ཕྱིན་སློབ་གྲྭ།
ནུབ་བྱང་མི་རིགས་སློབ་ཆེན། པེ་ཅིང་གློག་བརྙན་སློབ་གླིང་།
འཐུས་ཚབ་བརྩམས་ཆོས།
《ལག་དམར》《དབུགས་ལྒང》《ལྷིང་འཇགས་ཀྱི་མ་ཎི་རྡོ་འབུམ》《རྩྭ་ཐང》《ཁྱི་རྒན》《ཐར་ལོ》སོགས།
གྲུབ་འབྲས་གཙོ་བོ།
ཀྲུང་གོའི་གྲངས་ཉུང་མི་རིགས་རྩོམ་རིག་གསར་རྩོམ་གྱི་བྱ་དགའ་དང་སྦྲང་ཆར་རྩོམ་རིག་བྱ་དགའ། སྐབས52པའི་ཐའེ་ཝན་གློག་བརྙན་གསེར་རྟ་བྱ་དགའི་འཁྲབ་ཁྲིད་པ་རྩེ་གྲའི་འོས་མིང་སོགས་སུ་ཚུད་པ་དང་དེ་ལས་གཞན་པའི་བྱ་དགའ་མང་པོ་ཐོབ་མྱོང་།
འདས་ལོ།
སྤྱི་ལོ2023ལོའི་ཟླ5པའི་ཚེས8ཉིན།
དཀར་ཆག
1
ངོ་སྤྲོད་མདོར་བསྡུས།
པདྨ་ཚེ་བརྟན་ནི་སྤྱི་ལོ1969ལོའི་ཟླ12པར་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་ཁྲི་ཀ་རྫོང་དུ་སྐྱེས་ཤིང་། རྩོམ་རིག་རབ་འབྱམས་པའི་བསླབ་གནས་ཐོབ་པའི་ཤེས་ལྡན་པ་ཞིག་ཡིན། སྤྱི་ལོ1991ལོ་ནས་སྤྱི་ལོ1995ལོའི་བར་དུ་ནུབ་བྱང་མི་རིགས་སློབ་ཆེན་དུ་བསླབ་གཞི་མཐའ་དག་ལ་སྦྱང་བ་དཔྱིས་ཕྱིན་པ་བྱས་ཤིང་། སྤྱི་ལོ1995ལོ་ནས་སྤྱི་ལོ2000ལོའི་བར་དུ་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་སྲིད་གཞུང་དུ་ཕྱག་ལས་གནང་མྱོང་། སྤྱི་ལོ2000ལོ་ནས་སྤྱི་ལོ2002ལོའི་བར་དུ་ཡང་བསྐྱར་ནུབ་བྱང་མི་རིགས་སློབ་ཆེན་དུ་ཕྱིན་ནས་རབ་འབྱམས་པའི་ཉན་ཐོས་ཀྱི་ཐད་དུ་འབད། སྤྱི་ལོ2002ལོ་ནས་སྤྱི་ལོ2004ལོའི་བར་དུ་པེ་ཅིང་གློག་བརྙན་སློབ་གླིང་དུ་སློབ་གཉེར་གནང་བ་དང་། སྤྱི་ལོ2004ལོའི་ལོ་མཇུག་ཏུ་པེ་ཅིང་ཧི་མ་ལ་ཡའི་གློག་བརྙན་རིག་གནས་བརྒྱུད་སྒྲོག་ཚད་ཡོད་ཀུང་སི་བཙུགས་པ་དང་། རིམ་གྱིས་ཀྲུང་གོའི་འཁྲབ་ཁྲིད་པའི་མཐུན་ཚོགས་ཀྱི་ཁོངས་མི་དང་། ཀྲུང་གོའི་གློག་བརྙན་མཁན་མཐུན་ཚོགས་ཀྱི་ཁོངས་མི། ཀྲུང་གོའི་གློག་བརྙན་རྩོམ་རིག་རིག་པའི་མཐུན་ཚོགས་ཀྱི་ཁོངས་མི་བཅས་སུ་གྱུར་པ་རེད། སྤྱི་ལོ1991ལོ་ནས་བཟུང་རྩོམ་རིག་བརྩམས་ཆོས་ཀྱི་ལས་སུ་ཞུགས་ཤིང་། སྔ་གཞུག་ཏུ་བོད་ཡིག་དང་རྒྱ་ཡིག་བཅས་ཀྱི་ལམ་ནས་བརྩམས་པའི་སྒྲུང་ཐུང་དང་སྒྲུང་རིང་ལྔ་བཅུ་ལྷག་མཛད། ལོ་ཙཱའི་བརྩམས་ཆོས་བཅུ་ལྷག་ཡོད་པ་རེད། དེ་དག་གི་ནང་ནས་བརྩམས་ཆོས་ཁག་ཅིག་དབྱིན་སྐད་དང་ཧྥ་རན་སིའི་སྐད། འཇར་མན་སྐད་སོགས་སུ་བསྒྱུར་ཡོད་པར་མ་ཟད། བོད་ཀྱི་སྦྲང་ཆར་རྩོམ་རིག་གི་བྱ་དགའ་དང་མཚོ་སྔོན་ཞིང་ཆེན་གྱི་སྐབས4བའི་རིག་རྩལ་གསར་རྩོམ་གྱི་བྱ་དགའ། ཀྲུང་གོའི་དེང་རབས་ཀྱི་མི་རིགས་གྲངས་ཉུང་གི་རྩོམ་རིག་གསར་རྩོམ་པ་ཕུལ་བྱུང་ཅན་གྱི་བྱ་དགའ་སོགས་བྱ་དགའ་མི་དམན་པ་གང་མང་བླངས་མྱོང་།
ད་ལྟའི་བར་དུ་པར་དུ་བསྐྲུན་པའི་སྒྲུང་གཏམ་རིང་གྲས《རྗེ་བླ་མ་བོད་ལྗོངས་སུ་བཞུགས་དུས》ཞེས་པར་མཉམ་རྩོམ་དང་། བོད་ཡིག་གི་བརྩམས་སྒྲུང་ཕྱོགས་བསྒྲིགས་དེབ《བསླུ་བྲིད》དང་ལོ་ཙཱ་བྱས་པའི་བརྩམས་ཆོས་རིང་གྲས《བཤད་ནས་ཚར་རྒྱུ་མེད་པའི་གཏམ་རྒྱུད》སོགས་ཡོད།
སྤྱི་ལོ2002ལོ་ནས་བཟུང་གློག་བརྙན་བསྒྱུར་སྒྲིག་དང་འཁྲབ་ཁྲིད་ཀྱི་ལས་གཉེར་ཞིང་། ཁོང་གི་གློག་བརྙན་ཐོག་མ་སྟེ་གློག་བརྙན་ཐུང་ངུ《ལྷིང་འཇགས་ཀྱི་མ་ཎི་རྡོ་འབུམ》ཞེས་པར་སྤྱི་ལོ2003ལོར་སྐབས4བའི་སློབ་གྲྭ་ཆེན་མོ་བའི་གློག་བརྙན་དུས་ཆེན་གློག་བརྙན་ཐུང་ངུའི་འགྲན་བསྡུར་ཚན་པའི་ཆེད་ལས་ཚོགས་ཆུང་གི་འཁྲབ་པའི་གློག་བརྙན་གྱི་ནང་དོན་རིགས་ཀྱི་ཕུལ་བྱུང་བྱ་དགའ་ཐོབ་པར་མ་ཟད། པེ་ཅིང་གློག་བརྙན་སློབ་གླིང་གི་མཆོད་རྟེན་དབྱིབས་ཀྱི་བྱ་དགའ་ཞེས་པའི་སྐབས་དང་པོའི་གློག་བརྙན་རྩེ་གྲའི་བྱ་དགའ་དང་། པེ་ཅིང་གི་རྒྱལ་སྤྱིའིDVགླེང་སྟེགས་སྐབས་དང་པོའི་བྱུང་རིམ་གློག་བརྙན་གྱི་བྱ་དགའ། སྐབས2པའི་ཡ་ཞི་ཡའི་རྒྱལ་སྤྱིའི་གློག་བརྙན་ཐུང་ངུའི་དུས་ཆེན་དཔྱད་འདེམས་ཚོགས་པའི་བྱ་དགའ་བཅས་ཀྱང་ཐོབ་མྱོང་བ་རེད། 35mmཡི་ཚོན་ལྡན་གཏམ་རྒྱུད་ཐུང་ངུ《རྩྭ་ཐང》ཞེས་པར་སྐབས་གསུམ་པའི་རྒྱལ་སྤྱིའི་སློབ་གྲྭ་ཆེན་མོ་བའི་གློག་བརྙན་བརྩམས་ཆོས་འགྲེམས་སྟོན་གྱི་ཀྲུང་གོའི་སློབ་མའི་གློག་བརྙན་ཐུང་ངུ་རྩེ་གྲའི་བྱ་དགའ་ཐོབ་པར་མ་ཟད། ཧྥ་རན་སི་དང་ཉི་ཧོང་། ཨུ་རུ་སི། ཁོ་རེ་ཡ། ཧོ་ལན་སོགས་རྒྱལ་ཁབ་ཀྱི་རྒྱལ་སྤྱིའི་གློག་བརྙན་འགྲེམས་སྟོན་དུ་ཞུགས་པ་རེད།
དངོས་བཤུས་གློག་བརྙན《ཆེས་མཐའ་མཇུག་གི་སེར་སྲུང་བ》ཞེས་པར་སྤྱི་ལོ2004ལོརDISCOVERYའཁྲབ་ཁྲིད་པའི་འཆར་འགོད་ནང་དུ་བདམས་པ་དང་། 35mmབྱུང་རིམ་གློག་བརྙན་རིང་གྲས《ལྷིང་འཇགས་ཀྱི་མ་ཎི་རྡོ་འབུམ》ཞེས་པར་སྤྱི་ལོ2005ལོར་སྐབས24བའི་ཁ་ན་ཏའི་གྲོང་ཁྱེར་ཝུན་ཀུ་ཧྭ་རྒྱལ་སྤྱིའི་གློག་བརྙན་དུས་ཆེན་སྟེང་སྟག་འབྲུག་ཞེས་པའི་དམིགས་བསལ་བྱ་དགའ་ཐོབ་པ་དང་། ཁོ་རེ་ཡའི་ཧྥུའུ་ཧྲན་རྒྱལ་སྤྱིའི་གློག་བརྙན་གྱི་དར་ལུགས་གསར་བའི་བྱ་དགའ། སྐབས25བའི་ཀྲུང་གོའི་གློག་བརྙན་གསེར་བྱ་བྱ་དགའི་འཁྲབ་ཁྲིད་པའི་གློག་བརྙན་ཐོག་མ་རྩེ་གྲའི་བྱ་དགའ། སྐབས30བའི་ཞང་ཀང་རྒྱལ་སྤྱིའི་གློག་བརྙན་དུས་ཆེན་གྱི་རྒྱལ་སྤྱིའི་གློག་བརྙན་དཔྱད་འདེམས་མཁན་གྱི་མནའ་འབྲེལ་བྱ་དགའ། སྐབས30བའི་ཞང་ཀང་གི་རྒྱལ་སྤྱིའི་གློག་བརྙན་དུས་ཆེན་གནམ་བདག་ཆོས་ལུགས་རིག་གནས་ཀྱི་བྱ་དགའ་སྟེ་ཁྱད་དུ་གཟེངས་སུ་བསྟོད་པའི་བྱ་དགའ། སྐབས13པའི་སློབ་ཆེན་སློབ་མའི་གློག་བརྙན་དུས་ཆེན་གྱི་གློག་བརྙན་ཐོག་མ་རྩེ་གྲའི་བྱ་དགའ། སྐབས9བའི་ཧྲང་ཧའེ་རྒྱལ་སྤྱིའི་གློག་བརྙན་དུས་ཆེན་གྱི་ཡ་གླིང་གི་མི་སྣ་གསར་བའི་འཁྲབ་ཁྲིད་པ་རྩེ་གྲའི་བྱ་དགའ། སྐབས8པའི་ཁྲང་ཁྲུན་གློག་བརྙན་དུས་ཆེན་དཔྱད་སྡུར་ཚོགས་པའི་དམིགས་བསལ་བྱ་དགའ། སྤྱི་ལོ2006ལོའི་ཀྲུང་གོའི་གློག་བརྙན་སློབ་གླིང་གི་བྱ་དགའ་སྟེ་ཀྲུང་གོའི་གློག་བརྙན་བརྙན་འཕྲིན་བརྩམས་ཆོས་ཀྱི་མཐོང་ཚོར་སྒྱུ་རྩལ་གྱི་ལོ་དེའི་བྱ་དགའ་ཆེན་པོ་སོགས་བྱ་དགའ་མི་ཉུང་བ་ཞིག་ཐོབ་མྱོང་ཡོད། ཨ་རིའི་སན་ཧྥ་རན་སི་སི་ཁོ་རྒྱལ་སྤྱིའི་གློག་བརྙན་དུས་ཆེན་དང་ཧྥ་རན་སིའི་ནན་ཐེ་གླིང་ཆེན་གསུམ་གྱི་རྒྱལ་སྤྱིའི་གློག་བརྙན་དུས་ཆེན། ཧྥ་རན་སིའི་པཱ་ལི་གྲོང་ཁྱེར་དུ་འཚོགས་པའི་ཀྲུང་གོའི་གློག་བརྙན་དུས་ཆེན། ཧོ་ལན་གྱི་ལོའུ་ཐུ་ཏན་རྒྱལ་སྤྱིའི་གློག་བརྙན་དུས་ཆེན། ཉི་ཧོང་དུ་འཚོགས་པའི་ཀྲུང་གོའི་གློག་བརྙན་དུས་ཆེན་སོགས་སུ་འགྲེམ་སྟོན་ཡང་བྱས་པ་རེད།
སྤྱི་ལོ2007ལོར《ཀ་ཐོག་སྨོན་ལམ་ཆེན་མོ》ཞེས་པའི་དངོས་བཤུས་གློག་བརྙན་དང《བསམ་ཡས་དགོན》ཞེས་པའི་ཀྲུང་གོའི་དགོན་སྡེ་གྲགས་ཅན་དང་སྐྱེས་ཆེན་དམ་པ་ཞེས་པའི་མུ་འབྲེལ་དངོས་བཤུས་གློག་བརྙན། སྤྱི་ལོ2008ལོར།《འཚོལ》དང《ཁྱི་རྒན》《དོར་མ་དུང་ཆེན་དར་སྲོལ་ཆེ་བའི་སྤྱི་ལོ1983ལོ》ཞེས་པའི་གཏམ་རྒྱུད་གློག་བརྙན་དང《ཀྲུང་གོའི་དགོན་སྡེ་གྲགས་ཅན་གྱི་འཕགས་པའི་དགེ་འདུན་དག་གི་རི་བོ་རྩེ་ལྔའི་སྤྱན་རས་གཟིགས་ཀྱི་སྒྲུབ་ཕུག》ཅེས་པའི་དངོས་བཤུས་གློག་བརྙན་ཕབ་སྐྲུན་བྱས།
2
གྲུབ་འབྲས་གཙོ་བོ།
སྤྱི་ལོ2021ལོའི་སྐབས12པའི་ན་གཞོན་གློག་བརྙན་ལག་དེབ་ལོ་འཁོར། སྤྱི་ལོ2020ལོའི་ལོ་འཁོར་གྱི་འཁྲབ་འཁྲིད་པའི་བྱ་དགའ། 《དབུགས་ལྒང》ལ་བྱ་དགའ་ཐོབ།
སྤྱི་ལོ2020 ལོའི་སྐབས2པའི་པེ་ཅིང་གློག་བརྙན་སློབ་གླིང་གི་བྱ་དགའ། གློག་བརྙན་འཁྲབ་གཞུང་གི་བྱ་དགའ། 《ལག་དམར》ལ་བྱ་དགའ་ཐོབ།
སྤྱི་ལོ2016 ལོའི་སྐབས 22 པའི་ཧྥ་རན་སིའི་ཝེ་སུའུ་ཨར་ཡ་རྒྱལ་སྤྱིའི་གློག་བརྙན་དུས་ཆེན་པ་ལི་ཤར་ཕྱོགས་སྐད་ཡིག་བྱ་དགའ། 《ཐར་ལོ》ལ་བྱ་དགའ་ཐོབ།
སྤྱི་ལོ2016 ལོའི་སྐབས1པོའི་དབྱི་ཐ་ལིའི་ཀྲུང་གོའི་གློག་བརྙན་དུས་ཆེན་གྱི་ཆེས་ལེགས་པའི་གཏམ་རྒྱུད་བྱ་དགའ། 《ཐར་ལོ》ལ་བྱ་དགའ་ཐོབ།
ཝེ་ནེ་སི་རྒྱལ་སྤྱིའི་གློག་བརྙན་དུས་སྟོན།
སྤྱི་ལོ2015ལོར། སྐབས72པའི་ཝེ་ནེ་སི་རྒྱལ་སྤྱིའི་གློག་བརྙན་དུས་སྟོན་གྱི་ས་ངོས་སྙོམས་ཐིག་སྡེ་ཚན་གྱི་གསེར་སེང་བྱ་དགའ། 《ཐར་ལོ》འོས་མིང་དུ་ཚུད།
ཧྲང་ཧའེ་རྒྱལ་སྤྱིའི་གློག་བརྙན་དུས་སྟོན།
སྤྱི་ལོ2014ལོར། སྐབས17པའི་ཧྲང་ཧའེ་རྒྱལ་སྤྱིའི་གློག་བརྙན་དུས་སྟོན་གྱི་འགྲན་རྩོད་གཙོ་བོའི་བྱ་དགའ། 《གཡང་མདའ》འོས་མིང་དུ་ཚུད།
སྤྱི་ལོ2009ལོར། སྐབས12པའི་ཧྲང་ཧའེ་རྒྱལ་སྤྱིའི་གློག་བརྙན་དུས་སྟོན་གྱི་འགྲན་རྩོད་གཙོ་བོའི་བྱ་དགའ། 《འཚོལ》འོས་མིང་དུ་ཚུད།
སྤྱི་ལོ2009ལོར། སྐབས12པའི་ཧྲང་ཧའེ་རྒྱལ་སྤྱིའི་གློག་བརྙན་དུས་སྟོན་གྱི་འགྲན་རྩོད་གཙོ་བོའི་དཔྱད་སྡུར་ཚོགས་པའི་བྱ་དགའ། 《འཚོལ》ལ་བྱ་དགའ་ཐོབ།
སྤྱི་ལོ2006ལོར། སྐབས9པའི་ཧྲང་ཧའེ་རྒྱལ་སྤྱིའི་གློག་བརྙན་དུས་སྟོན་གྱི་ཡ་གླིང་གི་མི་སྣ་གསར་བ་བྱ་དགའི་གློག་བརྙན་རྩེ་གྲ། 《ལྷིང་འཇགས་ཀྱི་མ་ཎི་རྡོ་འབུམ》འོས་མིང་དུ་ཚུད།
སྤྱི་ལོ2006ལོར། སྐབས9པའི་ཧྲང་ཧའེ་རྒྱལ་སྤྱིའི་གློག་བརྙན་དུས་སྟོན་གྱི་ཡ་གླིང་གི་མི་སྣ་གསར་བ་བྱ་དགའི་འཁྲབ་ཁྲིད་པ་རྩེ་གྲ། 《ལྷིང་འཇགས་ཀྱི་མ་ཎི་རྡོ་འབུམ》ལ་བྱ་དགའ་ཐོབ།
ཀྲུང་གོའི་གློག་བརྙན་གསེར་བྱའི་བྱ་དགའ།
སྤྱི་ལོ2005ལོར། སྐབས25པའི་ཀྲུང་གོའི་གློག་བརྙན་གསེར་བྱའི་བྱ་དགའི་འཁྲབ་ཁྲིད་པ་རྩེ་གྲའི་བརྩམས་ཆོས་ཐོག་མའི་བྱ་དགའ། 《ལྷིང་འཇགས་ཀྱི་མ་ཎི་རྡོ་འབུམ》ལ་བྱ་དགའ་ཐོབ།
ཧྥུའུ་ཧྲན་རྒྱལ་སྤྱིའི་གློག་བརྙན་དུས་སྟོན།
སྤྱི་ལོ2005ལོར། སྐབས10པའི་ཧྥུའུ་ཧྲན་རྒྱལ་སྤྱིའི་གློག་བརྙན་དུས་སྟོན་གྱི་འགྲན་རྩོད་གཙོ་བོའི་དར་ལུགས་གསར་བའི་བྱ་དགའ། 《ལྷིང་འཇགས་ཀྱི་མ་ཎི་རྡོ་འབུམ》འོས་མིང་དུ་ཚུད།
ཀྲུང་གོའི་ཁྲང་ཁྲུན་གློག་བརྙན་དུས་སྟོན།
སྤྱི་ལོ2006ལོར། སྐབས8པའི་ཀྲུང་གོའི་ཁྲང་ཁྲུན་གློག་བརྙན་དུས་སྟོན་གྱི་འཁྲབ་ཁྲིད་པ་རྩེ་གྲའི་བྱ་དགའ། 《ལྷིང་འཇགས་ཀྱི་མ་ཎི་རྡོ་འབུམ》འོས་མིང་དུ་ཚུད།
སྤྱི་ལོ2006ལོར། སྐབས8པའི་ཀྲུང་གོའི་ཁྲང་ཁྲུན་གློག་བརྙན་དུས་སྟོན་གྱི་དཔྱད་སྡུར་ཚོགས་པའི་དམིགས་བསལ་བྱ་དགའ། 《ལྷིང་འཇགས་ཀྱི་མ་ཎི་རྡོ་འབུམ》ལ་བྱ་དགའ་ཐོབ།
རྒྱ་སྐད་གློག་བརྙན་བརྒྱུད་སྒྲོག་བྱ་དགའ།
སྤྱི་ལོ2007ལོར། སྐབས7པའི་རྒྱ་སྐད་གློག་བརྙན་བརྒྱུད་སྒྲོག་བྱ་དགའི་འཁྲབ་ཁྲིད་པ་གསར་བ་རྩེ་གྲའི་བྱ་དགའ། 《ལྷིང་འཇགས་ཀྱི་མ་ཎི་རྡོ་འབུམ》འོས་མིང་དུ་ཚུད།
པེ་ཅིན་སློབ་གྲྭ་ཆེན་མོ་བའི་གློག་བརྙན་དུས་སྟོན།
སྤྱི་ལོ2016ལོར། སྐབས23པའི་པེ་ཅིང་གི་སློབ་གྲྭ་ཆེན་མོ་བའི་གློག་བརྙན་དུས་ཆེན་གྱི་སྒྱུ་རྩལ་འཚོལ་དཔྱོད་བྱ་དགའ། 《ཐར་ལོ》ལ་བྱ་དགའ་ཐོབ།
སྤྱི་ལོ2016ལོར། སྐབས23པའི་པེ་ཅིང་གི་སློབ་གྲྭ་ཆེན་མོ་བའི་གློག་བརྙན་དུས་ཆེན་གྱི་གློག་བརྙན་རྩེ་གྲའི་བྱ་དགའ། 《ཐར་ལོ》འོས་མིང་དུ་ཚུད།
སྤྱི་ལོ2016ལོར། སྐབས23པའི་པེ་ཅིང་གི་སློབ་གྲྭ་ཆེན་མོ་བའི་གློག་བརྙན་དུས་ཆེན་གྱི་འཁྲབ་ཁྲིད་པ་རྩེ་གྲའི་བྱ་དགའ། 《ཐར་ལོ》འོས་མིང་དུ་ཚུད།
སྤྱི་ལོ2006ལོར། སྐབས13པའི་པེ་ཅིང་གི་སློབ་གྲྭ་ཆེན་མོ་བའི་གློག་བརྙན་དུས་ཆེན་གྱི་གློག་བརྙན་ཐོག་མ་རྩེ་གྲའི་བྱ་དགའ། 《ལྷིང་འཇགས་ཀྱི་མ་ཎི་རྡོ་འབུམ》ལ་བྱ་དགའ་ཐོབ།
ཀྲུང་གོའི་གློག་བརྙན་འཁྲབ་ཁྲིད་པའི་མཐུན་ཚོགས།
སྤྱི་ལོ2015ལོར། སྐབས6པའི་ཀྲུང་གོའི་གློག་བརྙན་འཁྲབ་ཁྲིད་པའི་མཐུན་ཚོགས་ཀྱི་ལོ་འཁོར་འཁྲབ་གཞུང་བཅོས་སྒྲིག་བྱ་དགའ། 《གཡང་མདའ》འོས་མིང་དུ་ཚུད།
ཏུང་ཅིན་མ་འོངས་རྒྱལ་སྤྱིའི་གློག་བརྙན་དུས་སྟོན།
སྤྱི་ལོ2011ལོར། སྐབས12པའི་ཏུང་ཅིན་མ་འོངས་རྒྱལ་སྤྱིའི་གློག་བརྙན་དུས་སྟོན་བརྩམས་ཆོས་རྩེ་གྲའི་བྱ་དགའ། 《ཁྱི་རྒན》ལ་བྱ་དགའ་ཐོབ།
ཐའེ་ཝན་གློག་བརྙན་གསེར་རྟ་བྱ་དགའ།
སྤྱི་ལོ2015ལོར། སྐབས52ཐའེ་ཝན་གྱི་གསེར་རྟ་གློག་བརྙན་བྱ་དགའི་འཁྲབ་གཞུང་བཅོས་སྒྲིག་རྩེ་གྲའི་བྱ་དགའ། 《ཐར་ལོ》ལ་བྱ་དགའ་ཐོབ།
སྤྱི་ལོ2015ལོར། སྐབས52ཐའེ་ཝན་གྱི་གསེར་རྟ་གློག་བརྙན་བྱ་དགའི་གཏམ་རྒྱུད་གློག་བརྙན་རྩེ་གྲའི་བྱ་དགའ། 《ཐར་ལོ》འོས་མིང་དུ་ཚུད།
སྤྱི་ལོ2015ལོར། སྐབས52ཐའེ་ཝན་གྱི་གསེར་རྟ་གློག་བརྙན་བྱ་དགའི་འཁྲབ་ཁྲིད་པ་རྩེ་གྲའི་བྱ་དགའ། 《ཐར་ལོ》འོས་མིང་དུ་ཚུད།
དབྱི་ཐ་ལིའི་ཀྲུང་གོའི་གློག་བརྙན་དུས་སྟོན།
སྤྱི་ལོ2016ལོར། སྐབས1པའི་དབྱི་ཐ་ལིའི་ཀྲུང་གོའི་གློག་བརྙན་དུས་སྟོན་གྱི་གཏམ་རྒྱུད་གློག་བརྙན་རྩེ་གྲའི་བྱ་དགའ། 《ཐར་ལོ》ལ་བྱ་དགའ་ཐོབ།
3
བརྩམས་ཆོས་གཙོ་བོ།
3_1
འཁྲབ་ཁྲིད་བརྩམས་ཆོས།
སྤྱི་ལོ2020ལོར། 《དབུགས་ལྒང》 གློག་བརྙན།
སྤྱི་ལོ2015ལོར། 《ཐར་ལོ》 གློག་བརྙན།
སྤྱི་ལོ2014ལོར། 《གཡང་མདའ》 གློག་བརྙན།
སྤྱི་ལོ2011ལོར། 《ཁྱི་རྒན》 གློག་བརྙན།
སྤྱི་ལོ2010ལོར། 《ལོ་ངོ་སྟོང་གི་བྱང་ཆུབ་ཀྱི་ལམ》 བརྙན་འཕྲིན་ཟློས་གར།
སྤྱི་ལོ2008ལོར། 《བ་ཡན་ཧ་རིའི་ཁ་བ》 གློག་བརྙན།
སྤྱི་ལོ2007ལོར། 《འཚོལ》 གློག་བརྙན།
སྤྱི་ལོ2005ལོར། 《ལྷིང་འཇགས་ཀྱི་མ་ཎི་རྡོ་འབུམ》 གློག་བརྙན།
3_2
འཁྲབ་གཞུང་བརྩམས་ཆོས།
སྤྱི་ལོ2011ལོར། 《ཁྱི་རྒན》 གློག་བརྙན།
སྤྱི་ལོ2008ལོར། 《བ་ཡན་ཧ་རིའི་ཁ་བ》 གློག་བརྙན།
སྤྱི་ལོ2007ལོར། 《འཚོལ》 གློག་བརྙན།
སྤྱི་ལོ2005ལོར། 《ལྷིང་འཇགས་ཀྱི་མ་ཎི་རྡོ་འབུམ》 གློག་བརྙན།
3_3
སྒྱུ་རྩལ་མཛུབ་སྟོན་གྱི་བརྩམས་ཆོས།
སྤྱི་ལོ2011ལོར། 《དབུས་ལམ་གྱི་ཉི་མ》གློག་བརྙན།
3_4
རྩོམ་རིག་བརྩམས་ཆོས།
སྤྱི་ལོ2018ལོར། 《ལག་དམར》
སྤྱི་ལོ2004ལོར། 《ཆོས་སྒྲོན་དང་མོའི་བུ་བློ་ལྡན》
སྤྱི་ལོ2001ལོར། 《སློང་མོ་བ》
སྤྱི་ལོ1999ལོར། 《གངས》
སྤྱི་ལོ1997ལོར། 《བསླུ་བྲིད》
དཔྱད་གཞིའི་ཡིག་ཆ།