ཟླ12པའི་ཚེས8ཉིན“རྩ་ཁྲིམས་ཀྱི་སྙིང་སྟོབས་ཕྱོགས་ཡོངས་ནས་དར་སྤེལ་བཏང་ནས་ཁྲིམས་ལྟར་སྡོམ་རྩིས་ལ་སྐུལ་འདེད་གཏིང་ཟབ་གཏོང་བར”བརྗོད་དོན་གཙོ་བོར་བྱས་པའི་སྡོམ་རྩིས་ཁྲིམས་སྐྱོང་དྲིལ་བསྒྲགས་ཀྱི་བྱེད་སྒོ་རབ་དང་རིམ་པ་ཧྲེན་ཀྲེན་གྲོང་ཁྱེར་ལུང་ཧྭ་ཆུས་སུ་སྤེལ་བ་རེད།
སྡོམ་རྩིས་ཁྲིམས་སྐྱོང་དྲིལ་བསྒྲགས་བྱེད་སྒོའི་རྣམ་པ་གསར་རྐྱང་དང་། ནང་དོན་ཕུན་སུམ་ཚོགས་པ། བཀྲག་མདངས་འཚེར་ས་ཞིག་ནི་གཙོ་བོ་བསྡོམས་རྩིས་ཀྱི་གཞི་རྒྱུ་གཙོ་བོར་བྱེད་པའི་སྐད་ཡིག་རིགས་ཀྱི་ལེ་ཚན་དང་ས་གནས་ས་ཐོག་གི་རོལ་རྩེད་ཡིན་པ་རེད། ལེ་ཚན་ནང་གཙོ་བོར《རྒྱལ་ཁབ་ཆེན་པོས་མིང་བཏོན་ནས་ཁྱེད་མེད་ན་མི་འགྲིག》ཅེས་པའི་གསར་རྩོམ་པང་ལེབ་དང་།《ང་ནི་སྤྱིར་བཏང་གི་བསྡོམས་རྩིས་པ་ཞིག་ཡིན》ཞེས་པའི་སྙན་ངག་གྱེར་འདོན་བྱས་པ་མ་ཟད། ད་དུང་བསྡོམས་རྩིས་པའི་ལས་དོན་ནང་དོན་དུ་བྱས་པའི《གཞི་གྲངས་ཀྱི་རྒྱབ་རོལ་དུ》ཞེས་པའི་འཁྲབ་ཚན་ཐུང་གྲས་སོགས་རིག་རྩལ་ལེ་ཚན་ཚུད་ཡོད།