ཀུན་ཏུ་བཟང་པོའི་སེམས་བསྐྱེད་པ་བཅུ།སྔ་མའི་པར་གཞི་དེ ཀུན་བཟང་སྐྱིད།kulog ནས 2021-10-19 14:43ལ་འགྲུབ།
ཕལ་ཆེན་ལེའུ་ཞེ་གསུམ་པ་དེ་བཞིན་གཤེགས་པ་སྐྱེ་བ་འབྱུང་བ་བསྟན་པ་ལས་བྱུང་བ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཀུན་ཏུ་བཟང་པོའི་སེམས་བསྐྱེད་པ་བཅུ་སྟེ།
1.འདི་ལྟར་སེམས་བསྐྱེད་པ་དེ་ནི་འགྲོ་བ་ཐམས་ཅད་ཡོངས་སུ་སྐྱོབ་པའི་ཕྱིར་བྱམས་པ་ཆེན་པོ་དང་ལྡན་པའོ༎
2.སེམས་བསྐྱེད་པ་དེ་ནི་འགྲོ་བ་ཐམས་ཅད་ཀྱི་སྡུག་བསྔལ་གྱི་ཕུང་པོ་རང་གི་ལུས་ཀྱིས་ལེན་པའི་ཕྱིར་སྙིང་རྗེ་ཆེན་པོ་ལྡན་པའོ༎
3.སེམས་བསྐྱེད་པ་དེ་ནི་ཅི་བདོག་པ་ཡོངས་སུ་གཏོང་བའི་ཕྱིར་གཏང་བ་ཐམས་ཅད་ཡོངས་སུ་གཏོང་བ་སྔོན་དུ་འགྲོ་བའོ༎
4.སེམས་བསྐྱེད་པ་དེ་ནི་སངས་རྒྱས་ཀྱི་ཆོས་ཐམས་ཅད་ལ་མངོན་པར་མོས་པས་ཐམས་ཅད་མཁྱེན་པའི་ཡེ་ཤེས་ཡིད་ལ་བྱེད་པ་སྔོན་དུ་འགྲོ་བའོ༎
5.སེམས་བསྐྱེད་པ་དེ་ནི་བྱང་ཆུབ་སེམས་དཔའི་བསླབ་པ་ཐམས་ཅད་ལ་ནན་ཏན་དུ་བྱེད་པས་ཡོན་ཏན་གྱིས་བརྒྱན་པའོ༎
6.སེམས་བསྐྱེད་པ་དེ་ནི་སྐྱེ་བའི་སྐྱེ་མཆེད་ཐམས་ཅད་དུ་ཉམས་པར་མི་འགྱུར་བས་རྡོ་རྗེ་ལྟ་བུའོ༎
7.སེམས་བསྐྱེད་པ་དེ་ནི་ཆོས་དཀར་པོ་ཐམས་ཅད་ལ་ཡང་དག་པར་གཞོལ་བས་རྒྱ་མཚོ་ལྟ་བུའོ༎
8.སེམས་བསྐྱེད་པ་དེ་ནི་གཞན་གྱི་ངན་དུ་བརྗོད་པ་དང་། ངན་དུ་སྨོས་པའི་ངག་དང་། ཚིག་བཟོད་པའི་ཕྱིར་རི་བོ་ཆེན་པོའི་དབང་པོ་དམ་པ་ལྟ་བུའོ༎
9.སེམས་བསྐྱེད་པ་དེ་ནི་སེམས་ཅན་ཐམས་ཅད་ལ་དབུགས་འབྱིན་པ་ཆེན་པོས་སྡུད་པའི་ཕྱིར་བདེ་བར་བྱེད་པའོ༎
10.སེམས་བསྐྱེད་པ་དེ་ནི་ཆོས་ཐམས་ཅད་རབ་ཏུ་དབྱེ་བ་ལ་མཁས་པས་མི་དམིགས་པའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པས་རྟོགས་པར་ཁོང་དུ་ཆུད་པའོ༎