སྤྱི་ཁོག་དཔལ་འབྱོར་རིག་པ་ནི་རྒྱལ་དམངས་དཔལ་འབྱོར་སྤྱིའི་བརྒྱུད་རིམ་གྱི་བྱ་འགུལ་དེ་ཞིབ་འཇུག་བྱ་ཡུལ་དུ་བཟུང་བ་ཞིག་ཡིན་པ་དང་། གཙོ་བོ་ལས་ཞུགས་སྤྱིའི་ཆུ་ཚད་དང་རྒྱལ་དམངས་ཀྱི་ཡོང་སྒོ་སྤྱི་སོགས་དཔལ་འབྱོར་གྱི་བསྡོམས་ཚད་ལ་ཟེར། དེ་བས་སྤྱི་ཁོག་དཔལ་འབྱོར་རིག་པ་ལ་ལས་ཞུགས་གཞུང་ལུགས་དང་ཡོང་སྒོའི་གཞུང་ལུགས་ཀྱང་ཟེར་བ་ཡིན།
སྤྱི་ཁོག་དཔལ་འབྱོར་རིག་པ་ནི་དཔལ་འབྱོར་ཐོན་ཁུངས་ཀྱི་སྤྱོད་སྒོའི་གནད་དོན་ལ་ཞིབ་འཇུག་བྱེད་པ་ཞིག་ཡིན་ཞིང་། དེ་ལ་རྒྱལ་དམངས་ཡོང་སྒོ་ཐག་གཅོད་ཀྱི་གཞུང་ལུགས་དང་ལས་ཞུགས་ཀྱི་གཞུང་ལུགས། དངུལ་འགྲེམ་ཚུལ་གྱི་གཞུང་ལུགས། དཔལ་འབྱོར་འཕར་སྣོན་གྱི་གཞུང་ལུགས། ནོར་སྲིད་དང་དངུལ་ལོར་གྱི་སྲིད་ཇུས་བཅས་ཀྱི་དབྱེ་བ་ཡོད།
སྤྱི་ཁོག་དཔལ་འབྱོར་རིག་པ་ནི་ཧྥ་རན་སེའི་ཁུའེ་ནའེ་ཡི«དཔལ་འབྱོར་བྲིས་རིས» ཞེས་པ་དང་དབྱིན་ཇིའི་མ་ཨར་སཱ་སིའི«མ་ཨར་སཱ་སིའི་མི་གྲངས་ཀྱི་རྣམ་བཤད»ཅེས་པ་ལས་བྱུང་བ་ཡིན་ཞིང་། སྤྱི་ལོ 1933ལོར། ནོར་ཝེ་རྒྱལ་ཁབ་ཀྱི་དཔལ་འབྱོར་རིག་པ་བ་ཧྥུ་རུའེ་ཞི་ཡིས«སྤྱི་ཁོག་དཔལ་འབྱོར་རིག་པ» ཡི་གོ་དོན་གསར་དུ་བཏོན་པ་དང་། དེང་རབས་སྤྱི་ཁོག་དཔལ་འབྱོར་རིག་པ་ནི་སྤྱི་ལོ1936 ལོར་ཁའེ་ཨུན་སིའི«ལས་འཁོད་དང་ཁེ་སྤོགས། དངུལ་ལོར་བཅས་ཀྱི་རྒྱས་བཤད» ཅེས་པ་པར་བསྐྲུན་བྱས་པ་ནས་འཕེལ་རྒྱས་བྱུང་བ་ཞིག་ཡིན།
སྤྱི་ཁོག་དཔལ་འབྱོར་རིག་པའི་བྱུང་བ་དང་འཕེལ་རྒྱས་དེ་ད་ལྟའི་བར་དུ་འཕེལ་རིམ་བཞི་བརྒྱུད་ནས་འོང་བ་ཞིག་ཡིན་ཏེ། དུས་རིམ་དང་པོ་ནི། དུས་རབས 17 པའི་དུས་དཀྱིལ་ནས་དུས་རབས19བའི་དུས་དཀྱིལ་བར་ཡིན་པ་དང། དེ་ནི་དུས་སྔ་མོའི་སྤྱི་ཁོག་དཔལ་འབྱོར་རིག་པའི་དུས་རིམ་ལ་ངོས་འཛིན་ཞིང་། ཡང་ན་གནའ་གཞུང་སྤྱི་ཁོག་དཔལ་འབྱོར་རིག་པའི་དུས་རིམ་ཞེས་བརྗོད། དུས་རིམ་གཉིས་པ་ནི་དུས་རབས19 བའི་དུས་མཇུག་ནས་དུས་རབས20 བའི་ལོ་རབས30བའི་བར་ཡིན་ཞིང་། དེ་ནི་དེང་རབས་སྤྱི་ཁོག་དཔལ་འབྱོར་རིག་པ་གཞི་རྐང་འཛུགས་པའི་དུས་རིམ་དེ་ཡིན། དུས་རིམ་གསུམ་པ་ནི། དུས་རབས20བའི་ལོ་རབས30 ནས་ལོ་རབས60 བའི་བར་ཡིན་ཞིང་། དེ་ནི་སྤྱི་ཁོག་དཔལ་འབྱོར་རིག་པ་འཛུགས་སྐྲུན་བྱེད་པའི་དུས་རིམ་དེ་ཡིན། དུས་རིམ་བཞི་བ་ནི། དུས་རབས20བའི་ལོ་རབས60བའི་རྗེས་ལ་ངོས་འཛིན་ཞིང་། དེ་ནི་སྤྱི་ཁོག་དཔལ་འབྱོར་རིག་པ་གོམ་གང་མདུན་སྤོས་ཀྱིས་འཕེལ་འགྱུར་འགྲོ་བའི་དུས་རིམ་ཞིག་ཡིན།
སྤྱི་ཁོག་དཔལ་འབྱོར་རིག་པས་ཞིབ་འཇུག་བྱེད་པའི་དཀྱིལ་སྙིང་གི་གནད་དོན་ནི། རྒྱལ་དམངས་ཡོང་སྒོའི་ཆུ་ཚད་དེ་ཇི་ལྟར་ཐག་གཅོད་བྱ་དགོས་ཞེ་ན། སྤྱི་ཁོག་དཔལ་འབྱོར་རིག་པས་ནི་རྒྱལ་དམངས་ཡོང་སྒོའི་ཆུ་ཚད་ཀྱིས་སྤྱི་ཚོགས་ཡོངས་ཀྱི་ཐོན་སྐྱེད་དང་ལས་ཞུགས་ཀྱི་ཆུ་ཚད་ཚུར་སྣང་བྱ་ཐུབ་པར་འདོད་ཀྱི་ཡོད།
སྤྱི་ཁོག་དཔལ་འབྱོར་རིག་པས་དཔལ་འབྱོར་འཁོར་ཡུན་འགྲེལ་བཤད་བྱེད་པའི་སྐབས་སུ་མ་གཏོང་གི་འགྱུར་བ་སྙོམས་སྒྲིག་བྱེད་པར་གནད་འགག་གི་བྱེད་ནུས་ཐོན་བཞིན་ཡོད། དེ་བས་དེས་དཔལ་འབྱོར་འཕེལ་རྒྱས་ཇེ་མགྱོགས་སུ་གཏོང་བར་ཕན་ནུས་གལ་ཆེན་འདོན་གྱི་ཡོད།
སྤྱི་ཁོག་དཔལ་འབྱོར་རིག་པས་དཔྱད་གླེང་བྱེད་པའི་རིན་གོང་གི་གནད་དོན་ནི། སྤྱིར་བཏང་དུ་རིན་གོང་གི་ཆུ་ཚད་ཡིན་པ་ལས། ཐོན་རྫས་བྱེ་བྲག་གི་རིག་གོང་གི་གནད་དོན་ནི་མིན། གོང་དུ་གླེང་བའི་རྒྱལ་དམངས་ཡོང་སྒོ་ཐག་གཅོད་ཀྱི་རྣམ་བཤད་གཞིར་བཟུང་ན། སྤྱིར་བཏང་དུ་རིན་གོང་གི་ཆུ་ཚད་དེ་གཙོ་བོ་སྤྱིའི་དགོས་འདུན་གྱི་ཆུ་ཚད་ལས་ཐག་གཅོད་བྱ་བ་ཞིག་ཡིན།
ཕྲ་མཐོང་དཔལ་འབྱོར་རིག་པས་སྲིད་གཞུང་གིས་ནོར་སྲིད་སྲིད་ཇུས་དང་དངུལ་ལོར་སྲིད་ཇུས་སོགས་ཀྱི་བྱ་ཐབས་སྤྱད་ནས་དགོས་མཁོ་སྤྱི་སྙོམས་སྒྲིག་སོགས་ཀྱི་བྱ་བ་ལེགས་པོར་བསྒྲུབ་དགོས།
དངུལ་ལོར་སྲིད་ཇུས་ཀྱི་ཕྱོགས་ནས་དངུལ་ལོར་འབོར་ཆེན་མཁོ་འདོན་བྱ་ཚད་དང་སྐྱེད་ཀའི་ཚད་མར་ཆགས་པའི་བྱ་ཐབས་གཙོ་བོར་འཛིན་པ་ཞིག་ཡིན།