སྤྱི་ལོ1929ལོའི་ཟླ8པར་ཨ་ལ་ཧྥ་ཐེ་ཅེ་རུས་ས་ལེམ་དུ་སྐྱེས་པ་དང་། ལོ་ཆུང་དུས་སུ་ཕ་ལེ་སི་ཐན་གྱི་ཨ་རབ་མི་རིགས་རིང་ལུགས་ཀྱི་བྱེད་སྒོར་ཞུགས་མྱོང་བ་དང་། ཕ་ལེ་སི་ཐན་གྱི་འགོག་རྒོལ་ལས་འགུལ་གྱི་འགོ་ཁྲིད་པ་ཨ་པུའུ་ཏུའུ་ལེ•ཁ་ཧྥར•ཧོའུ་སའེ་ཉི་ཡི་སྒེར་གྱི་དྲུང་ཡིག་གི་འགན་བཞེས་མྱོང་།
སྤྱི་ལོ1948ལོར་ཁོང་ཨ་དབྱི་དམག་འཁྲུག་ཐེངས་དང་པོར་ཞུགས།
སྤྱི་ལོ1949ལོར་ཁོང་ཡབ་ཡུམ་དང་མཉམ་དུ་ཅཱ་ཧྲ་རུ་གནས་སྤོས་པ་དང་། རྗེས་སུ་ཨེ་ཅིབ་ཏུ་ཕེབས་ནས་ཁེ་རོ་སློབ་ཆེན་བཟོ་སྐྲུན་སློབ་གླིང་གི་ཨར་ལས་ཚན་ཁག་ཏུ་སློབ་སྦྱོང་བྱས།
སྤྱི་ལོ1952ལོར་ཨ་ལ་ཧྥ་ཐེ་ཕ་ལེ་སི་ཐན་སློབ་མའི་མཉམ་འབྲེལ་ལྷན་ཚོགས་ཀྱི་ཀྲུའུ་ཞིར་བདམས་པར་མ་ཟད། ཕ་ལེ་སི་ཐན་གྱི་བཟོ་ཚོགས་སུ་བྱ་བ་སྒྲུབ། སློབ་མཐར་ཕྱིན་རྗེས་ཨེ་ཅིབ་དམག་དོན་སློབ་གླིང་དུ་སློབ་སྦྱོང་བྱེད་པར་བསྐྱོད་དེ་ཀྲུང་ཝེ་ཡི་གོ་རྟགས་ཐོབ།
སྤྱི་ལོ1956ལོར་ཨ་ལ་ཧྥ་ཐེ་སའེ་ཏེ་གྲུ་ཁ་ནས་དབྱིན་ཇི་དང་། ཧྥ་རན་སི། དབྱི་སི་རལ་བཅས་རྒྱལ་ཁབ་གསུམ་གྱིས་ཨེ་ཅིབ་ལ་བཙན་འཛུལ་བྱེད་པའི་དམག་འཁྲུག་ལ་ཞུགས།
སྤྱི་ལོ1958ལོར་ཨ་ལ་ཧྥ་ཐེ་གསང་བའི་སྒོ་ནས་ཕ་ལེ་སི་ཐན་མི་རིགས་བཅིངས་འགྲོལ་ལས་འགུལ་རྩ་འཛུགས“ཧྥ་ཐ་ཧོ”གྲབས་འཛུགས་བྱེད་པར་ཞུགས།
སྤྱི་ལོ1964ལོར་ཁོང་ཧྥ་ཐ་ཧོ་ཡི་འཐུས་མི་བྱས་ནས་ཡེ་ལུའུ་ས་ལེམ་དུ་འཚོགས་པའི་སྐབས་དང་པོའི་ཕ་ལེ་སི་ཐན་གྱི་རྒྱལ་ཡོངས་འཐུས་མི་ཚོགས་ཆེན་ལ་ཞུགས།
སྤྱི་ལོ1968ལོར་ཁོང་གིས་ཁ་ལ་མའེ་གཡུལ་འགྱེད་ཁྲོད་ཕ་ལེ་སི་ཐན་གྱི་དྲག་ཆས་སྟོབས་ཤུགས་ལ་བཀོད་འདོམས་བྱས་ཏེ་དབྱི་སི་རལ་ལ་འགོག་རྒོལ་བྱས་པ་དང་། ལོ་དེར་ཧྥ་ཐ་ཧོ་ཀྲུང་དབྱང་ཨུ་ཡོན་ལྷན་ཁང་གི་ཀྲུའུ་ཞིར་བདམས་ཐོན་བྱུང་།
སྤྱི་ལོ1969ལོར་ཨ་ལ་ཧྥ་ཐེ་ཕ་ལེ་སི་ཐན་བཅིངས་འགྲོལ་རྩ་འཛུགས་ལག་བསྟར་ཨུ་ཡོན་ལྷན་ཁང་གི་ཀྲུའུ་ཞིར་བདམས་ཐོན་བྱུང་།
སྤྱི་ལོ1974ལོར་ཨ་ལ་ཧྥ་ཐེས་ཕ་ལེ་སི་ཐན་གསར་བརྗེའི་དྲག་ཆས་དམག་དཔུང་གི་སྤྱི་ཁྱབ་དམག་སྤྱིའི་འགན་བཞེས། ལོ་དེར་ཁོང་གིས་ཕ་ལེ་སི་ཐན་གྱི་བཅིངས་འགྲོལ་རྩ་འཛུགས་ཀྱི་འཐུས་མི་ཚོགས་པ་ཁྲིད་དེ་སྐབས29པའི་མཉམ་འབྲེལ་རྒྱལ་ཚོགས་ཀྱི་ཚོགས་ཆེན་ལ་ཞུགས་པ་དང་། ཕ་ལེ་སི་ཐན་གྱི་གནད་དོན་སྐོར་གྱི་གྲོས་བསྡུར་ལ་ཞུགས།
སྤྱི་ལོ1982ལོར་ཨ་ལ་ཧྥ་ཐེ་ཕ་ལེ་སི་ཐན་བཅིངས་འགྲོལ་རྩ་འཛུགས་ལག་བསྟར་ཨུ་ཡོན་ལྷན་ཁང་གི་ཀྲུའུ་ཞིར་བདམས་ཐོན་བྱུང་།
སྤྱི་ལོ1984ལོར་ཨ་ལ་ཧྥ་ཐེ་ཕ་ལེ་སི་ཐན་བཅིངས་འགྲོལ་རྩ་འཛུགས་ལག་བསྟར་ཨུ་ཡོན་ལྷན་ཁང་གི་ཀྲུའུ་ཞིར་བདམས།
སྤྱི་ལོ1987ལོར་ཨ་ལ་ཧྥ་ཐེ་ཕ་ལེ་སི་ཐན་བཅིངས་འགྲོལ་རྩ་འཛུགས་ལག་བསྟར་ཨུ་ཡོན་ལྷན་ཁང་གི་ཀྲུའུ་ཞིར་བདམས་ཐོན་བྱུང་།
སྤྱི་ལོ1989ལོར་ཨ་ལ་ཧྥ་ཐེ་ཕ་ལེ་སི་ཐན་རྒྱལ་ཁབ་ཀྱི་ཙུང་ཐུང་ལ་བདམས།
སྤྱི་ལོ1991ལོའི་ཟླ9པར་ཨ་ལ་ཧྥ་ཐི་ཙུང་ཐུང་དང་མཉམ་འབྲེལ་བྱས།
སྤྱི་ལོ1994ལོའི་ཟླ7པར་ཨ་ལ་ཧྥ་ཐེས་ལོ27རིང་གི་ཡུལ་གྱར་འཚོ་བ་མཇུག་འགྲིལ་ནས་ཅཱ་ཧྲ་རུ་གཞིས་ཆགས་པར་ལོག
སྤྱི་ལོ1996ལོའི་ཟླ1པོར་ཕ་ལེ་སི་ཐན་གྱིས་ལོ་རྒྱུས་ཐོག་གི་འདེམས་བསྐོ་ཆེན་པོ་ཐེངས་དང་པོ་བྱས་པ་དང་། ཨ་ལ་ཧྥ་ཐེ་ཕ་ལེ་སི་ཐན་གྱི་མི་རིགས་དབང་ཆའི་སྒྲིག་གཞིའི་ཀྲུའུ་ཞིར་བདམས་ཐོན་བྱུང་།
སྤྱི་ལོ2004ལོའི་ཟླ11པའི་ཚེས11ཉིན། ཨ་ལ་ཧྥ་ཐེ་ནད་ཀྱིས་དབང་གིས་སྨན་བཅོས་བྱས་ཀྱང་ཕན་འབྲས་མ་ཐོན་པར་ཧྥ་རན་སེའི་པེར་ཞི་ཅུན་སྨན་ཁང་དུ་སྐུ་གཤེགས་པ་དང་། སྐུ་གཤེགས་སྐབས་དགུང་ལོ75ཡིན།