ལུའོ་དབྱང་གྲོང་ཁྱེར་ལའོ་ཁྲེང་ཆུས་སྤྱི་བདེ་ཅུའུ།སྔ་མའི་པར་གཞི་དེ ཡུན་དུང་སྐྱབས་རྒྱལ། ནས 2021-03-01 11:11ལ་འགྲུབ།
ལུའོ་དབྱང་གྲོང་ཁྱེར་ལའོ་ཁྲེང་ཆུས་སྤྱི་བདེ་ཅུའུ།
ལུའོ་དབྱང་གྲོང་ཁྱེར་ལའོ་ཁྲེང་ཆུས་སྤྱི་བདེ་ཅུའུ།
རྒྱལ་ཁབ་ཀྱི་སྤྱི་བདེའི་ལས་དོན་སྐོར་གྱི་བཅའ་ཁྲིམས་དང་། ཁྲིམས་སྲོལ། བྱེད་ཕྱོགས། སྲིད་ཇུས་བཅས་དོན་འཁྱོལ་མཐར་ཕྱིན་དང་། ཞིང་ཆེན་ཡོངས་ཀྱི་སྤྱི་བདེའི་ལས་དོན་སྐོར་གྱི་འབྲེལ་ཡོད་གཏན་འབེབས་བཟོ་འགོད། ཞིང་ཆེན་ཡོངས་ཀྱི་སྤྱི་བདེའི་ལས་དོན་བཀོད་སྒྲིག་དང་ཁྲིད་སྟོན། ལྟ་སྐུལ། ཞིབ་བཤེར་བཅས་ཀྱི་འགན་ཁུར་ཡོད།
གཞི་རྩའི་གནས་ཚུལ།
རྒྱ་ཡིག་གི་མིང་།
洛阳市老城区公安局
ངོ་བོ།
སྡེ་ཁག་སྲིད་འཛིན།
ཁོངས་གཏོགས་ལས་ཁུངས།
ལུའོ་དབྱང་གྲོང་ཁྱེར་སྤྱི་བདེ་ཅུའུ།
འགན་ནུས་གཙོ་བོ།
སྤྱི་ཚོགས་ཕྱོགས་བསྡུས་བདེ་འཇགས།
དཀར་ཆག
1
འགན་འཁྲི་གཙོ་བོ།
（གཅིག）སྤྱི་ཚོགས་བརྟན་གནས་ཡོང་བར་གནོད་ཅིང་རྒྱལ་ཁབ་ཀྱི་བདེ་འཇགས་དང་སྤྱི་ཚོགས་ཀྱི་བདེ་དོན་ལ་གནོད་འཚེ་གཏོང་བའི་གནས་ཚུལ་ཁོང་དུ་ཆུད་པ་དང་། གནས་བབ་ལ་དབྱེ་ཞིབ་བྱས་ནས་ཐབས་ཇུས་གཏན་འབེབས་བྱ་དགོས།
（གཉིས）ཞིང་ཆེན་ཡོངས་ཀྱི་སྤྱི་བདེ་ལས་ཁུངས་ཀྱི་མྱུལ་ཞིབ་ལས་དོན་སྒྲིག་འཛུགས་དང་མཛུབ་ཁྲིད་བྱས་ཏེ་ཉེས་དོན་གྱོད་གཞི་ཆེ་གྲས་དང་། ཞིང་ཆེན་ནང་ཁུལ་གྱི་རྒྱལ་ཁབ་ཀྱི་བདེ་འཇགས་ལ་གནོད་འཚེ་གཏོང་བའི་ཉེས་གསོག་གྱོད་གཞི། དཔལ་འབྱོར་ཉེས་གསོག་གྱོད་གཞི་གལ་ཆེན། གོང་རིམ་གྱིས་བརྒྱུད་འགྲེམས་བྱས་པའི་གྱོད་གཞི་གལ་ཆེན། དེ་བཞིན་ཆེད་དོན་རྣམ་གྲངས་བཅས་མཐུན་སྦྱོར་དང་སྒྲུབ་གཉེར་བྱེད་རྒྱུར་མཐུན་སྦྱོར་བྱེད་དགོས།
（གསུམ）ཞིང་ཆེན་ཡོངས་ཀྱི་བདེ་འཇགས་དོ་དམ་ལས་དོན་གྱི་འགན་འཁུར་དགོས་པ་མ་ཟད་དེ་མཚུངས་ཀྱི་འགན་འཁྲི་འཁུར་དགོས་ལ། བདེ་འཇགས་ལས་འཛོལ་དང་ཚོགས་སྤྱིའི་རང་བཞིན་གྱི་དོན་རྐྱེན་ཚབས་ཆེན་ལ་མཐུན་སྦྱོར་དང་ཐག་གཅོད་བྱས་ནས་ཞིང་ཆེན་ཡོངས་ཀྱི་སྤྱི་བདེ་ལས་ཁུངས་ཀྱིས་སྤྱི་ཚོགས་བདེ་འཇགས་སྒྲིག་ལམ་ལ་གཏོར་བཤིག་གཏོང་བའི་བྱེད་སྤྱོད་ལ་ཁྲིམས་ལྟར་ཞིབ་བཤེར་ཐག་གཅོད་བྱ་རྒྱུར་མཛུབ་ཁྲིད་དང་ལྟ་སྐུལ་བྱེད་པ། བདེ་འཇགས་སྲིད་འཛིན་དོ་དམ་ལས་དོན་ཁྲིམས་ལྟར་སྤེལ་ནས་གྲོང་ཁྱེར་དང་རྫོང་རིམ་པའི་སྤྱི་བདེ་ལས་ཁུངས་ཀྱི་བདེ་འཇགས་སྲུང་སྐྱོང་ལས་དོན་ལ་མཛུབ་ཁྲིད་དང་ལྟ་སྐུལ་བྱ་དགོས།
（བཞི）རྒྱལ་མཚམས་ནས་འགྲོ་འོང་བྱེད་པར་དོ་དམ་དང་འབྲེལ་ཡོད་ལས་ཀ་བྱེད་པར་འགན་འཁུར་རྒྱུ། ཁྲིམས་ལྟར་རྒྱལ་ཁོངས་དོ་དམ་གྱི་ལས་དོན་སྤེལ་བ་དང་ཞིང་ཆེན་ཡོངས་ཀྱི་རྒྱལ་མཚམས་ནས་འགྲོ་འོང་དང་ལམ་ཡིག་དཀྱུས་མ་འཁྱེར་བའི་ཕྱི་རྒྱལ་བ་དང་། ཞང་ཀང་དང་ཨའོ་མོན་དམིགས་བསལ་སྲིད་འཛིན་ཁུལ་དང་དེ་བཞིན་ཐའེ་ཝན་ས་ཁུལ་གྱི་མི་སྣ་བཅས་ཀྱིས་ཧོ་ནན་དུ་གནས་སྡོད་དང་ཡུལ་སྐོར་བྱེད་པར་འབྲེལ་ཡོད་དོ་དམ་ལས་དོན་སྒྲིག་འཛུགས་དང་ཁྲིད་སྟོན་བྱ་དགོས།
（ལྔ）ཞིང་ཆེན་ཡོངས་ཀྱི་མེ་ཟོན་ལས་དོན་གྱི་འགན་འཁུར་དགོས་པ་མ་ཟད་དེ་མཚུངས་ཀྱི་འགན་འཁྲི་འཁུར་དགོས། ཞིང་ཆེན་ཡོངས་ཀྱི་མེ་གསོད་མེ་འགོག་ལ་ལྟ་སྐུལ་དང་མེ་སྐྱོན་སྔོན་འགོག མེ་སྐྱོན་སེལ་བ། སྤྱི་བདེའི་བབ་བསྟུན་མྱུར་སྐྱོབ་བཅས་ཀྱི་ལས་ཀར་ཁྲིད་སྟོན་དང་ལྟ་སྐུལ། མཐུན་སྦྱོར་བཅས་བྱ་དགོས།
（དྲུག）ཞིང་ཆེན་ཡོངས་ཀྱི་བགྲོད་ལམ་འགྲིམ་འགྲུལ་བདེ་འཇགས་དོ་དམ་བྱ་བའི་འགན་འཁུར་དགོས་པ་མ་ཟད། དེར་བསྟུན་གྱི་འགན་འཁྲི་འཁུར་དགོས་ལ། ཞིང་ཆེན་ཡོངས་ཀྱི་སྤྱི་བདེ་ལས་ཁུངས་ཀྱིས་གཞུང་ལམ་འགྲིམ་འགྲུལ་བདེ་འཇགས་དང་། གཞུང་ལམ་འགྲིམ་འགྲུལ་སྒྲིག་ལམ་སྲུང་སྐྱོང་དང་དེ་བཞིན་འཕྲུལ་སྒུལ་འཁོར་ལོ་དང་ཁ་ལོ་བའི་དོ་དམ་ལས་དོན་སྤེལ་རྒྱུར་མཛུབ་ཁྲིད་དང་ལྟ་སྐུལ་བྱ་རྒྱུ། མྱུར་བགྲོད་གཞུང་ལམ་གྱི་འགྲིམ་འགྲུལ་དང་བདེ་སྐྱོང་སྒྲིག་ལམ་སྲུང་སྐྱོང་བྱ་དགོས།
（བདུན）ཞིང་ཆེན་ཡོངས་ཀྱི་སྤྱི་བདེ་ལས་ཁུངས་ཀྱིས་སྤྱི་པའི་ཆ་འཕྲིན་དྲ་རྒྱའི་བདེ་འཇགས་སྲུང་སྐྱོབ་ལས་དོན་ལ་མཛུབ་ཁྲིད་དང་ལྟ་སྐུལ་བྱས་ནས་ཆ་འཕྲིན་བདེ་འཇགས་ཀྱི་རིམ་པ་སྲུང་སྐྱོབ་ལས་དོན་ལ་ལྟ་སྐུལ་དང་ཞིབ་བཤེར། མཛུབ་ཁྲིད་བཅས་བྱེད་རྒྱུའི་འགན་འཁུར་དགོས།
（བརྒྱད）འཇིགས་སྐུལ་བྱ་སྤྱོད་ལ་ཉེན་ཟོན་དང་མྱུལ་ཞིབ་བྱེད་པའི་ལས་ཀ་སྒྲིག་འཛུགས་དང་ཁྲིད་སྟོན། མཐུན་སྦྱོར་བཅས་བྱ་དགོས།
（དགུ）སྤྱི་བདེ་ལས་ཁུངས་ཀྱིས་ཁྲིམས་ལྟར་ཁུར་བའི་ཁྲིམས་ཆད་ལག་བསྟར་ལས་ཀར་མཛུབ་སྟོན་དང་ལྟ་སྐུལ་བྱ་རྒྱུ་དང་། ཞིང་ཆེན་ཡོངས་ཀྱི་སྤྱི་བདེ་ལས་ཁུངས་ཀྱིས་ཉེས་ཅན་ལྟ་སྲུང་ཁང་དང་བཀག་སྐྱིལ་ཁང་། བཙན་ཐབས་ལོགས་བཀར་དུག་གཅོད་ཁང་། བསྡུ་ཉར་སློབ་གསོ་ཁང་བཅས་ཀྱི་དོ་དམ་ལས་ཀར་ཁྲིད་སྟོན་དང་ལྟ་སྐུལ་བྱ་རྒྱུ། བསྡུ་ཉར་སློབ་སྐྱོང་དང་ངལ་རྩོལ་ལས་ཀར་ཁྲིད་སྟོན་དང་ལྟ་སྐུལ་བྱ་རྒྱུ། ཞིང་ཆེན་གྱི་བཙོན་ཁང་དོ་དམ་བཅས་བྱ་དགོས།
（བཅུ）ཏང་དང་རྒྱལ་ཁབ་ཀྱི་འགོ་ཁྲིད་པ་དང་དེ་བཞིན་ཕྱི་རྒྱལ་གྱི་སྐུ་མགྲོན་གལ་ཆེན་ལ་རང་རེའི་ཞིང་ཆེན་དུ་བདེ་འཇགས་ཉེན་སྲུང་གི་ལས་དོན་སྤེལ་རྒྱུ་སྒྲིག་འཛུགས་བྱེད་པ་དང་འབྲེལ་བབ་མཚུངས་ཀྱི་འགན་འཁྲི་འཁུར་དགོས།
（བཅུ་གཅིག）ཞིང་ཆེན་ཡོངས་ཀྱི་སྤྱི་བདེའི་ཚན་རིག་ལག་རྩལ་གྱི་ལས་དོན་སྒྲིག་འཛུགས་བྱས་ནས་སྤེལ་དགོས་པ་དང་། སྤྱི་བདེ་ལས་ཁུངས་ཀྱི་བཀོད་འདོམས་མ་ལག་དང་ཆ་འཕྲིན་ལག་རྩལ། ཉེས་དོན་ལག་རྩལ་བཅས་འཛུགས་སྐྱོང་བྱེད་རྒྱུའི་འཆར་འགོད་བཟོ་དགོས།
（བཅུ་གཉིས）ཞིང་ཆེན་ཡོངས་ཀྱི་སྤྱི་བདེ་ལས་ཁུངས་ཀྱི་སྒྲིག་སྦྱོར་ཚད་གཞི་དང་ལམ་ལུགས་བཟོས་ནས་སྤྱི་བདེ་ལས་ཁུངས་ཀྱི་སྒྲིག་ཆས་དང་གྲོན་དངུལ་ཚད་གཞི་བཟོ་འགོད་བྱེད་རྒྱུར་ཞུགས་པ་དང་དོ་དམ་ལམ་ལུགས་བཟོ་དགོས། ཞིང་ཆེན་ཡོངས་ཀྱི་སྤྱི་བདེ་ལས་ཁུངས་ཀྱི་ལས་འགན་གལ་ཆེན་གྱི་ཉེན་དོན་འགན་སྲུང་ལས་དོན་སྒྲིག་འཛུགས་དང་མཐུན་སྦྱོར་བྱེད་དགོས་ལ། ཞིང་ཆེན་ཡོངས་ཀྱི་ཉེན་རྟོག་ཐད་འཕུར་གནམ་གྲུས་འཁོར་སྐྱོད་དང་བདེ་འཇགས། དོ་དམ་བཅས་ཀྱི་ལས་ཀ་བྱེད་པར་འགན་འཁུར་དགོས།
（བཅུ་གསུམ）ཞིང་ཆེན་ཡོངས་ཀྱི་སྤྱི་བདེ་ལས་ཁུངས་ཀྱིས་ཞིང་ཆེན་ཕྱི་རོལ་དང་རྒྱལ་ཁོངས་ཕྱིའི་ཉེན་རྟོག་ལས་ཁུངས་དང་ལས་སྒོ་སྤེལ་རེས་དང་མཉམ་ལས་བྱེད་རྒྱུར་སྒྲིག་འཛུགས་དང་མཐུན་སྦྱོར་ཡོང་བ་བྱ་དགོས།
（བཅུ་བཞི）ཞིང་ཆེན་ཡོངས་ཀྱི་སྤྱི་བདེའི་མེ་གསོད་དང་སྐུ་སྲུང་དཔུང་སྡེ་འཛུགས་སྐྱོང་བྱེད་རྒྱུར་གཅིག་གྱུར་འགོ་ཁྲིད་བྱེད་རྒྱུ་དང་དྲག་ཆས་ཉེན་རྟོག་སྤྱི་ཁྱབ་རུ་ཁག་གིས་སྤྱི་བདེའི་ལས་འགན་དང་འབྲེལ་ཡོད་ལས་སྒོ་འཛུགས་སྐྱོང་བྱེད་རྒྱུར་འགོ་ཁྲིད་དང་བཀོད་འདོམས་བྱ་རྒྱུ།
（བཅོ་ལྔ）གཏན་འབེབས་ཀྱི་དབང་ཚད་ལྟར་ལས་བྱེད་པའི་མི་དོན་ལས་ཀར་དོ་དམ་བྱ་དགོས་ལ། ཞིང་ཆེན་ཡོངས་ཀྱི་སྤྱི་བདེའི་དཔུང་ཁག་གི་དོ་དམ་ལྟ་སྐུལ་ལས་དོན་གྱི་གཏན་འབེབས་བཟོས་ཏེ་སྤྱི་བདེ་ལས་ཁུངས་ཀྱི་ལྟ་ཞིབ་དང་རྩིས་བཤེར། ཡིག་བསྐུར་ངོ་བཅར་བཅས་ཀྱི་ལས་དོན་སྒྲིག་འཛུགས་དང་མཛུབ་ཁྲིད་བྱས་ནས་གཏན་འབེབས་ཀྱི་དབང་ཚད་ལྟར་ལས་བྱེད་པར་ལྟ་སྐུལ་བྱེད་པ་དང་སྤྱི་བདེའི་དཔུང་ཁག་གི་སྒྲིག་འགལ་གྱོད་གཞི་ཆེ་གྲས་ལ་ཞིབ་བཤེར་ཐག་གཅོད་བྱེད་པའམ་ཡང་ན་སྒྲུབ་རྒྱུར་ལྟ་སྐུལ་བྱས་ནས་ཞིང་ཆེན་ཡོངས་ཀྱི་སྤྱི་བདེའི་དཔུང་ཁག་གི་བསམ་བློའི་སྤྱོད་ཚུལ་དང་ལས་ཀའི་སྤྱོད་ཚུལ་འཛུགས་སྐྱོང་ལ་མཛུབ་ཁྲིད་བྱ་དགོས།
（བཅུ་དྲུག）ཞིང་ཆེན་སྲིད་གཞུང་གིས་བསྒྲུབ་རྒྱུར་སྤྲད་པའི་བྱ་བ་གཞན་དག་བསྒྲུབ་རྒྱུ།
དཔྱད་གཞིའི་ཡིག་ཆ།