གཅིག ཀྲུང་དབྱང་དང་ཞིང་ཆེན། གྲོང་ཁྱེར་བཅས་ཀྱི་འབྲེལ་ཡོད་ཁྲིམས་འཛིན་སྲིད་འཛིན་གྱི་བྱེད་ཕྱོགས་དང་སྲིད་ཇུས། བཅའ་ཁྲིམས། ཁྲིམས་སྲོལ། སྒྲིག་སྲོལ་བཅས་ལག་བསྟར་མཐར་ཕྱིན་པར་བྱ་རྒྱུ་དང་། དོན་དངོས་དང་ཟུང་འབྲེལ་བྱས་ནས་ཆུས་ཡོངས་ཀྱི་ཁྲིམས་འཛིན་སྲིད་འཛིན་ལས་དོན་གྱི་འབྲེལ་ཡོད་སྲིད་ཇུས་བཟོ་དགོས་ཤིང་། ཆུས་དེ་གའི་ཁྲིམས་འཛིན་སྲིད་འཛིན་ལས་དོན་གྱི་དུས་ཡུན་རིང་བོ་དང་འབྲིང་གི་འཆར་འགོད་དང་། ལོ་འཁོར་གྱི་འཆར་གཞི་བཟོ་རྒྱུ་མ་ཟད། ལག་ཏུ་བསྟར་རྒྱུར་ལྟ་སྐུལ་ཡང་བྱེད་དགོས།
གཉིས། གཞི་རིམ་མི་དམངས་འདུམ་འགྲིག་ཨུ་ཡོན་ལྷན་ཁང་གི་རྩ་འཛུགས་འཛུགས་སྐྲུན་དང་ལས་སྒོའི་ལས་ཀར་མཛུབ་ཁྲིད་བྱེད་དགོས།
གསུམ། ཆུས་འདི་གའི་སྡེ་ཁུལ་ཡོ་བསྲང་གི་ལས་ཀར་ཁྲིད་སྟོན་དང་དོ་དམ་བྱེད་དགོས།
བཞི། ཉེས་ཆད་གུ་ཡངས་དང་སློབ་གསོ་འགྲོལ་བར་ཁྲིད་སྟོན་དང་དོ་དམ་བྱེད་པའི་མི་སྣ་བཀོད་སྒྲིག་གི་ལས་ཀར་རོགས་རམ་དང་རམ་འདེགས་བྱེད་དགོས།
ལྔ། ཆུས་འདིའི་ཁྲིམས་རྩོད་པ་དང་གཞི་རིམ་གྱི་བཅའ་ཁྲིམས་ཞབས་ཞུའི་ལས་ཀར་ཁྲིད་སྟོན་དང་ལྟ་སྐུལ་བྱེད་དགོས།
དྲུག ཆུས་འདིའི་བཅའ་ཁྲིམས་རོགས་སྐྱོར་གྱི་བྱ་བར་ལྟ་སྐུལ་དང་དོ་དམ་བྱ་རྒྱུ་དང་། ཆུས་འདིའི“12348”བཅའ་ཁྲིམས་ཞབས་ཞུའི་ལས་དོན་ལ་མཛུབ་ཁྲིད་དང་མཐུན་སྦྱོར་བྱེད་དགོས།
བདུན། ཆུས་འདིའི་ཁྲིམས་འཛིན་སྲིད་འཛིན་མ་ལག་གི་དཔུང་ཁག་འཛུགས་སྐྱོང་དང་། གཞི་རིམ་གྱི་ཏང་འཛུགས་སྐྱོང་། བསམ་བློ་དང་ཆབ་སྲིད་བཅས་ཀྱི་ལས་ཀར་ཁྲིད་སྟོན་དང་དོ་དམ་བྱེད་དགོས།
བརྒྱད། ཆུས་སྲིད་གཞུང་གིས་སྤྲད་པའི་ལས་དོན་གཞན་དག་བསྒྲུབ་དགོས།
ཧང་ཀྲོའུ་གྲོང་ཁྱེར་ཞི་ཧུའུ་ཆུས་ཁྲིམས་འཛིན་ཅུའུ་ཀྱི་ཅུའུ་ཀྲང་། ཁྲེན་ཅན་ཧྭ།