ཧྥུའུ་དབྱང་དགེ་ཐོན་སློབ་ཆེན།སྔ་མའི་པར་གཞི་དེ བླ་མ་གཡང་སངས། ནས 2020-09-27 11:29ལ་འགྲུབ།
ཧྥུའུ་དབྱང་དགེ་ཐོན་སློབ་ཆེན།
ཧྥུའུ་དབྱང་དགེ་ཐོན་སློབ་ཆེན།
ཧྥུའུ་དབྱང་དགེ་ཐོན་སློབ་ཆེན་ནི་ཨན་ཧུའེ་ཞིང་ཆེན་གྱི་མཐོ་རིམ་སློབ་གྲྭ་དཀྱུས་མ་ཞིག་ཡིན་པ་དང་། ཁག་དང་པོའི་ཕུལ་བྱུང་ཞིང་ནགས་འཇོན་མིའི་སློབ་གསོ་གསོ་སྦྱོང་འཆར་གཞིའི་སྒྱུར་བཅོས་ཚོད་ལྟའི་རྣམ་གྲངས་དང་། ཨན་ཧུའེ་ཞིང་ཆེན་མཐོ་སློབ་ཀྱི་ཕྱོགས་བསྡུས་སྒྱུར་བཅོས་ཀྱི་ཁག་དང་པོའི་ཚོད་ལྟའི་ཚན་པ། ཨན་ཧུའེ་ཞིང་ཆེན་གྱི་ཁག་དང་པོའི་ཞིང་ཆེན་རིམ་པའི་ལས་གཏོད་སློབ་གླིང་བཅས་སུ་བདམས་ཐོབ་བྱུང་ཡོད།
གཞི་རྩའི་གནས་ཚུལ།
རྒྱ་ཡིག་གི་མིང་།
阜阳师范大学
ཕྱི་ཡིག་གི་མིང་།
Fuyang Normal University
བཙུགས་ལོ།
སྤྱི་ལོ1956ལོར་བཙུགས།
གཙོ་གཉེར་སྡེ་ཁག
ཨན་ཧུའེ་ཞིང་ཆེན།
སློབ་གྲྭའི་རིགས་དབྱེ།
དགེ་འོས་སློབ་གྲྭ།
ལས་ཐོག་འགོ་ཁྲིད།
ཏང་ཨུའི་ཧྲུའུ་ཅི། ལིའུ་ཧྲུའུ་ཧྲེང་། སློབ་གཙོ། ཁྲེང་ཞི།
སློབ་སྒྲུབ་ངོ་བོ།
གཞུང་བཙུགས་སློབ་ཆེན།
དངོས་གཞིའི་ཆེད་ལས།
69ཡོད།
སློབ་གླིང་དང་སྡེ་ཁག་གི་སྒྲིག་བཀོད།
རྩོམ་རིག་སློབ་གླིང་དང་། རྩིས་རིག་དང་བསྡོམས་རྩིས་སློབ་གླིང་། དངོས་ཁམས་དང་གློག་རྡུལ་བཟོ་སྐྲུན་སློབ་གླིང་། ཕྱི་རྒྱལ་སྐད་ཡིག་སློབ་གླིང་། རྩིས་འཁོར་དང་ཆ་འཕྲིན་བཟོ་སྐྲུན་སློབ་གླིང་། ཚོང་ལས་སློབ་གླིང་སོགས་སློབ་ཁྲིད་སློབ་གླིང16ཡོད།
གནས་ཡུལ།
ཞི་ཧུའུ་སློབ་ཁུལ་ནི་ཨན་ཧུའེ་ཞིང་ཆེན་ཧྥུའུ་དབྱང་གྲོང་ཁྱེར་དབྱིན་ཀྲོའུ་ཆུས་ཆིང་ཧོ་ནུབ་ལམ་གྱི་ཨང་རྟགས100པར་གནས་ཡོད། ཆིང་ཧུའུ་སློབ་ཁུལ་ནི་ཨན་ཧུའེ་ཞིང་ཆེན་ཧྥུའུ་དབྱང་གྲོང་ཁྱེར་དབྱིན་ཀྲོའུ་ཆུས་ཆིང་ཧོ་ཤར་ལམ་གྱི་ཨང་རྟགས741པར་གནས་ཡོད།
གཟི་བརྗིད་མཚན་སྙན།
སྤྱི་ལོ2005ལོ་དང་སྤྱི་ལོ2014ལོར་རྒྱལ་ཁབ་རིམ་པའི་སློབ་ཁྲིད་གྲུབ་འབྲས་ཀྱི་བྱ་དགའ་རིམ་པ་གཉིས་པ་ཁག2ཐོབ།
སློབ་གྲྭའི་ཁྱད་ཆོས།
སྤྱི་ལོ2014ལོར་ཕུལ་བྱུང་ཞིང་ནགས་འཇོན་མིའི་སློབ་གསོ་གསོ་སྐྱོང་འཆར་གཞི། སྤྱི་ལོ2015ལོར་ཨན་ཧུའེ་ཞིང་ཆེན་མཐོ་སློབ་ཀྱི་ཕྱོགས་བསྡུས་སྒྱུར་བཅོས་ཀྱི་ཚོད་ལྟའི་ཚན་པ་ཁག་དང་པོར་བདམས།
རབ་འབྱམས་པའི་ཐོབ་ཐང་སྤྲོད་གནས།
རིམ་པ་དང་པོའི་རིག་ཚན5དང་། རིམ་པ་གཉིས་པའི་རིག་ཚན21ཡོད།
འབུམ་རམས་ཕྱི་ཚར།
ཚན་རིག་ཞིབ་འཇུག་གི་འཁོར་སྐྱོད་ས་ཚིགས7ཡོད།
སློབ་བཙུགས་ཉིན་མོ།
ཟླ9པའི་ཚེས20ཉིན།
སློབ་གྲྭའི་ཚབ་ཨང་།
10371
དཀར་ཆག
1
ངོ་སྤྲོད་མདོར་བསྡུས།
ཧྥུའུ་དབྱང་དགེ་ཐོན་སློབ་ཆེན་ནི་ཨན་ཧུའེ་ཞིང་ཆེན་གྱི་མཐོ་རིམ་སློབ་གྲྭ་དཀྱུས་མ་ཞིག་ཡིན་པ་དང་། ཁག་དང་པོའི་ཕུལ་བྱུང་ཞིང་ནགས་འཇོན་མིའི་སློབ་གསོ་གསོ་སྦྱོང་འཆར་གཞིའི་སྒྱུར་བཅོས་ཚོད་ལྟའི་རྣམ་གྲངས་དང་། ཨན་ཧུའེ་ཞིང་ཆེན་མཐོ་སློབ་ཀྱི་ཕྱོགས་བསྡུས་སྒྱུར་བཅོས་ཀྱི་ཁག་དང་པོའི་ཚོད་ལྟའི་ཚན་པ། ཨན་ཧུའེ་ཞིང་ཆེན་གྱི་ཁག་དང་པོའི་ཞིང་ཆེན་རིམ་པའི་ལས་གཏོད་སློབ་གླིང་བཅས་སུ་བདམས་ཐོབ་བྱུང་ཡོད། སྤྱི་ལོ2019ལོའི་ཟླ6པའི་བར་སློབ་གྲྭར་སློབ་ཁུལ2བཙུགས་ཡོད། རྒྱ་ཁྱོན་ལ་སྨི་གྲུ་བཞི་མ་ཁྲི114.34ཡོད་པ་དང་སློབ་གྲྭའི་ཉལ་ཁང་གི་འཛུགས་སྐྲུན་གྱི་རྒྱ་ཁྱོན་ལ་སྨི་གྲུ་བཞི་མ་ཁྲི85.15ཡོད། སློབ་ཁྲིད་ཚན་ཞིབ་དཔྱད་ཆས་སྒྲིག་ཆས་ཀྱི་རིན་ཐང་བསྡོམས་འབོར་སྒོར་ཁྲི23198.28ཟིན་པ་དང་ཤོག་རིགས་དཔེ་དེབ་ཁྲི195.07ཉར་ཚགས་བྱས་ཡོད། ཉིན་ཧྲིལ་བོའི་ལམ་ལུགས་ཀྱི་སློབ་གྲྭར་ཡོད་པའི་སློབ་མ18230དང་ཆེད་བསྐོས་དགེ་རྒན1000ལྷག་ཡོད། སློབ་ཁྲིད་སློབ་གླིང16དང་རྒྱུན་མཐུད་སློབ་གསོའི་སློབ་གླིང1 དངོས་གཞིའི་སྡེ་ཁག་གི་ཆེད་ལས66བཅས་བཙུགས་ཡོད། རིག་གཞུང་རྣམ་པའི་རབ་འབྱམས་པའི་བསླབ་གནས་རིམ་པ་དང་པོའི་རིག་ཚན་གྱི་བྱ་དགའ་སྤྲོད་ཡུལ5ཡོད་པ་དེ་དག་རིམ་པ་གཉིས་པའི་རིག་ཚན་ས་ཚིགས21ལ་ཁྱབ་ཡོད།
2
ལོ་རྒྱུས་འཕེལ་རིམ།
སློབ་གྲྭ་དེ་ནི་སྤྱི་ལོ1956ལོར་ཧྥུའུ་དབྱང་མཐོ་རིམ་དགེ་རྒན་མྱུར་འགྲུབ་འཛིན་གྲྭའི་རྨང་གཞིའི་སྟེང་། ཧྥུའུ་དབྱང་སློབ་འབྲིང་གི་དགེ་རྒན་ཟབ་སྦྱོང་སློབ་གྲྭ་དང་། ཧྥུའུ་དབྱང་ཀྲོན་ཆུས་དགེ་འོས་ཆེད་སྦྱོང་སློབ་གྲྭ། ཨན་ཧུའེ་དགེ་འོས་སློབ་ཆེན་ཧྥུའུ་དབྱང་ཡན་ལག་སློབ་གྲྭའི་འཕེལ་རྒྱས་དུས་རིམ་སོགས་བརྒྱུད་ནས་རིམ་འགྱུར་བྱུང་བ་ཡིན། སྤྱི་ལོ1978ལོའི་ཟླ12པར་རྒྱལ་སྲིད་སྤྱི་ཁྱབ་ཁང་གིས་ཧྥུའུ་དབྱང་དགེ་འོས་སློབ་གླིང་འཛུགས་རྒྱུའི་ཆོག་མཆན་གནང་ནས་ཤེས་རམས་པའི་བསླབ་གནས་སྤྲོད་དབང་ཐོབ་པ་དང་། སྤྱི་ལོ2013ལོར་རབ་འབྱམས་པའི་བསླབ་གནས་སྤྲོད་དབང་ཐོབ། སྤྱི་ལོ2019ལོའི་ཟླ6པར་ཧྥུའུ་དབྱང་དགེ་འོས་སློབ་ཆེན་ཞེས་པར་མིང་བསྒྱུར།
3
སློབ་སྒྲུབ་ཆ་རྐྱེན།
3_1
སློབ་གླིང་དང་སྡེ་ཁག་གི་ཆེད་ལས།
སྤྱི་ལོ2018ལོའི་ཟླ12པའི་བར། སློབ་གྲྭས་སློབ་ཁྲིད་སློབ་གླིང16དང་། རྒྱུན་མཐུད་སློབ་གསོའི་སློབ་གླིང1བཙུགས་ཡོད། དངོས་གཞིའི་སྡེ་ཁག་གི་ཆེད་ལས66ཡོད། རྩོམ་རིག་དང་། ལོ་རྒྱུས་རིག་པ། ཁྲིམས་ལུགས་རིག་པ། སློབ་གསོ་རིག་པ། དཔལ་འབྱོར་རིག་པ། རང་བྱུང་ཚན་རིག དོ་དམ་རིག་པ། བཟོ་རིག ཞིང་ལས་རིག་པ། སྒྱུ་རྩལ་རིག་པ་སོགས་རིག་ཚན་ཆེ་གྲས་བཅུ་ཡོད།
3_2
རིག་ཚན་འཛུགས་སྐྲུན།
སྤྱི་ལོ2018ལོའི་ཟླ12པའི་བར། སློབ་གྲྭར་རིག་གཞུང་རྣམ་པའི་རབ་འབྱམས་པའི་བསླབ་གནས་རིམ་པ་དང་པོའི་རིག་ཚན་གྱི་ཐོབ་ཐང་སྤྲོད་གནས5ཡོད་པ་དེ་དག་རིམ་པ་གཉིས་པའི་རིག་ཚན་ས་ཚིགས21ལ་ཁྱབ་ཡོད། རབ་འབྱམས་པའི་ཆེད་ལས་བསླབ་གནས་སྤྲོད་དབང་ཡོད་པའི་རིགས3དང་རབ་འབྱམས་པའི་ཆེད་ལས་བསླབ་གནས་སྤྲོད་དབང་ཡོད་པའི་ཁྱབ་ཁོངས7ལ་ཁྱབ་ཡོད། ཞིང་ཆེན་རིམ་པའི་གཙོ་གནད་རིག་ཚན4དང་ཞིང་ཆེན་རིམ་པའི་རིག་ཚན1འཛུགས་སྐྲུན་གྱི་རྣམ་གྲངས་གལ་ཆེན1བཅས་བཙུགས་ཡོད།
4
དགེ་རྒན་གྱི་དཔུང་སྡེ།
སྤྱི་ལོ2018ལོའི་ཟླ12བར་སློབ་གྲྭར་ཆེད་བསྐོས་དགེ་རྒན1000ལྷག་ཙམ་ཡོད་པ་དང་། དགེ་རྒན92%ཡན་ལ་རབ་འབྱམས་པ་དང་དེ་ཡན་གྱི་བསླབ་གནས་ཡོད་པའི་ནང་འབུམ་རམས་པས31.65%བཟུང་ཡོད། མཐོ་རིམ་ཆེད་ལས་ལག་རྩལ་གྱི་གོ་མིང་ཡོད་མཁན412ཡོད་པའི་ནང་དགེ་རྒན་ཆེན་མོ126ཡོད། ཨན་ཧུའེ་ཞིང་ཆེན་གྱི་རིག་གཞུང་ལག་རྩལ་སྣེ་ཁྲིད་པ་དང་རྗེས་གྲབས་འོས་མི། ཨན་ཧུའེ་ཞིང་ཆེན་གྱི་ཕུལ་བྱུང་འཇོན་མི། རྒྱལ་སྲིད་སྤྱི་ཁྱབ་ཁང་ངམ་ཞིང་ཆེན་སྲིད་གཞུང་གི་ཕོགས་སྣོན་ཐོབ་མཁན། རྒྱལ་ཡོངས་ཀྱི་ཕུལ་བྱུང་དགེ་རྒན། པའོ་ཀང་ཕུལ་བྱུང་དགེ་རྒན། ཨན་ཧུའེ་ཞིང་ཆེན་གྱི་ཕུལ་བྱུང་དགེ་རྒན་དང་སློབ་ཁྲིད་དགེ་རྒན་གྲགས་ཅན་སོགས་ཁྱོན་མི86ཡོད། འབུམ་རམས་པ་དང་རབ་འབྱམས་པའི་མཛུབ་སྟོན་དགེ་རྒན229ཡོད།
5
རིག་ཞིབ་གྲུབ་འབྲས།
སྤྱི་ལོ2018ལོའི་ཟླ12པའི་བར། སློབ་གྲྭས་ལོ་ལྔའི་རིང་རིམ་པ་ཁག་དང་རིགས་ཁག་གི་ཚན་རིག་ཞིབ་འཇུག་དཔྱད་གཞི1000ཙམ་སྒྲུབ་འགན་འཁུར་བའི་ནང་ཞིང་ཆེན་དང་པུའུ་རིམ་པ་ཡན་གྱི་ཞིབ་འཇུག་དཔྱད་གཞི500ལྷག་ཙམ་དང་འཕྲེད་ཕྱོགས་མཉམ་ལས་རྣམ་གྲངས161ཡོད། ཞིང་ཆེན་དང་པུའུ་རིམ་པ་ཡན་གྱི་ཚན་ཞིབ་གྲུབ་འབྲས་བྱ་དགའ25ཐོབ་ཡོད། རིག་གཞུང་དཔྱད་རྩོམ4100ཙམ་སྤེལ་ཡོད། དེའི་ནང་རིགས་གཉིས་པ་ཡན་གྱི་དུས་དེབ་ཀྱི་དཔྱད་རྩོམ1350ལྷག་ཙམ་ལ་རྒྱལ་ཁབ་ཀྱིས་དབང་ཆ་སྤྲད་པའི་ཁེ་བེད་བདག་ཐོབ464ཐོབ་པ་དང་། གསུང་རྩོམ196ལྷག་དཔེ་སྐྲུན་བྱས་ཡོད།
དཔྱད་གཞིའི་ཡིག་ཆ།