ཀན་ནན་འཕྲོད་བསྟེན་བདེ་ཐང་ལས་རིགས་སློབ་གླིང་ནི་ཉིན་ཧྲིལ་བོའི་ལམ་ལུགས་ཀྱི་སྨན་རྫས་བདེ་ཐང་རིགས་ཀྱི་མཐོ་རིམ་ལས་རིགས་སློབ་གླིང་ཞིག་ཡིན། ཀན་ཀྲོའུ་གྲོང་ཁྱེར་མི་དམངས་སྲིད་གཞུང་ལ་གཏོགས་པ་དང་། སྤྱི་ལོ2016ལོའི་ཟླ3པར་ཅང་ཞི་ཞིང་ཆེན་མི་དམངས་སྲིད་གཞུང་གི་ཆོག་མཆན་ཐོབ་ནས་བཙུགས་པ་དང་ལོ་དེའི་ཟླ4བར་སློབ་གསོ་པུའུ་ལ་ཐོ་འགོད་སྙན་སེང་ཞུས།
སྤྱི་ལོ2018ལོའི་ཟླ12པའི་བར་སློབ་གྲྭའི་རྒྱ་ཁྱོན་ལ་མུའུ840ཡོད་པ་དང་། དཔེ་མཛོད་ཁང་དུ་དཔེ་དེབ་ཁྲི34.9ཉར་ཚགས་བྱས་པའི་ནང་གློག་རྡུལ་དཔེ་དེབ་ཁྲི10ཡོད་པ། སློབ་གྲྭར་སྔོན་ཐོན་གྱི་རྩིས་འཁོར་འཕྲུལ་འཁོར་ཁང་དང་། སྨྱན་སྦྱོར་སློབ་ཁང་། སྐད་གདངས་སློབ་ཁང་། དེ་བཞིན་སྨི400ཚད་ལྡན་གྱི་འགྱིག་བཟོས་རྒྱུག་ལམ་གྱི་ལུས་རྩལ་ཐང་བཅས་བསྐྲུན་ཡོད། སློབ་ཁྲིད་ཡོ་བྱད་སྒྲིག་ཆས་ཀྱི་རིན་གོང་བསྡོམས་འབོར་སྒོར་ཁྲི6186ཟིན་པ། ད་ལྟ་སློབ་གྲྭའི་ཕྱི་རོལ་གྱི་དངོས་སྦྱོང་རྟེན་གཞི160ལྷག་ཡོད།
སྤྱི་ལོ2018ལོའི་ཟླ12པར། སློབ་གྲྭར་ནད་གཡོག་སྡེ་ཁག་དང་། སྨན་རྫས་རིག་པའི་སྡེ་ཁག གསོ་རིག་ལག་རྩལ་སྡེ་ཁག ནད་ཐོག་གསོ་རིག་སྡེ་ཁག གསོ་རིག་རྨང་གཞིའི་པུའུ། སྤྱི་ཚོགས་ཀྱི་རིག་གནས་སྣང་ཚུལ་སྣ་ཚོགས་དང་སྤྱི་ཚོགས་ཚན་རིག་པུའུ(བསམ་བློ་ཆབ་སྲིད་པུའུ)སོགས་ཆེད་ལས་སྡེ་ཁག6བཙུགས་ཡོད་པ་དང་། ནད་གཡོག་དང་། སྨན་རྫས་རིག་པ། གསོ་རིག་ཞིབ་བཤེར་ལག་རྩལ། བདེ་ཐང་སླར་གསོའི་སྨན་བཅོས་ལག་རྩལ། གསོ་རིག་མཛེས་བཟོའི་ལག་རྩལ། གསོ་རིག་བརྙན་པར་ལག་རྩལ། ཁ་སྦུག་གསོ་རིག་ལག་རྩལ། ཀྲུང་ལུགས་སྨན་རྫས་རིག་པ། སྨན་རྫས་ཐོན་སྐྱེད་ལག་རྩལ། ཀྲུང་ལུགས་གསོ་རིག་དྲག་སྐྱེད་ལག་རྩལ་སོགས་མཐོ་རིམ་ཆེད་ལས11བཙུགས་ཡོད།
སློབ་གླིང་དུ་ནད་གཡོག་སྡེ་ཁག སྨན་རྫས་རིག་པའི་སྡེ་ཁག གསོ་རིག་ལག་རྩལ་སྡེ་ཁག གསོ་རིག་རྨང་གཞིའི་པུའུ། མི་རིག་སྤྱི་ཚོགས་ཚན་རིག་པུའུ་བཅས་ཡོད།
སྤྱི་ལོ2018ལོའི་ཟླ12པའི་བར་སློབ་གྲྭར་དགེ་རྒན་དང་ལས་བཟོ་བ373ཡོད། དེའི་ནང་རབ་འབྱམས་པའི་ཞིབ་འཇུག་སློབ་མ་ཡན་གྱི་སློབ་གཉེར་བརྒྱུད་རིམ་མི103དང་། མཐོ་རིམ་གཞོན་པ་ཡན་གྱི་གོ་མིང་མི95ཡོད། “ཉིས་འཇོན་རྣམ་པའི”དགེ་རྒན120ཡོད། རྒྱལ་ཡོངས་ཀྱི་ལས་རིགས་སློབ་གསོའི་དགེ་རྒན་གྲགས་ཅན1 ཞིང་ཆེན་རིམ་པའི་ཕུལ་བྱུང་སློབ་ཁྲིད་ཚོགས་པ1 ཞིང་ཆེན་དང་གྲོང་ཁྱེར་རིམ་པའི“ལྔ་གཅིག་ངལ་རྩོལ་གཟེངས་རྟགས”མི5ཡོད། ཞིང་ཆེན་རིམ་པའི“བུད་མེད་དཔེ་དམག”1 ཀན་ཀྲོའུ་གྲོང་ཁྱེར་གྱི་དམིགས་བསལ་ཕོགས་སྣོན་ཆེད་མཁས་པ་དང་སློབ་གསོའི་ཆེད་མཁས་པ8བཅས་ཡོད། དགེ་རྒན13གྱིས་རྒྱལ་ཁབ་དང་། ཞིང་ཆེན། གྲོང་ཁྱེར་བཅས་རིགས་ཁག་གི་རིག་གཞུང་ཚོགས་པ་དང་མཐུན་ཚོགས་སུ་གལ་ཆེའི་གོ་གནས་འཁུར་ཡོད།
རྒྱལ་ཡོངས་འཕྲོད་བསྟེན་ལས་རིགས་སློབ་གསོའི་ཁོག་ནད་ཚན་ཁག་ཞིབ་འཇུག་ཨུ་ཡོན་ལྷན་ཁང་གི་ཀྲུའུ་རེན་ཨུ་ཡོན་ལས་ཁུངས།
རྒྱལ་ཡོངས་ལས་རིགས་སློབ་གླིང་དང་སློབ་གྲྭའི་བདེ་ཐང་ཞབས་ཞུའི་རིགས་ཀྱི་ཆེད་ལས་དཔེ་སྟོན་ས་ཚིགས་ཁག་དང་པོ།
རྒྱལ་ཡོངས་འཕྲོད་བསྟེན་ལས་རིགས་སློབ་གསོའི་སློབ་ཁྲིད་མཛུབ་སྟོན་ཨུ་ཡོན་ལྷན་ཁང་གི་གསོ་རིག་བརྟག་བཤེར་ལག་རྩལ་ཆེད་ལས་ཡན་ལག་ཨུ་ཡོན་ལྷན་ཁང་གི་ཀྲུའུ་རིན་ཨུ་ཡོན་ལས་ཁུངས།