སྤྱི་ལོ2006ལོའི་ཟླ4པར་སློབ་གྲྭ་རྒྱལ་ཁབ་ཀྱི་སློབ་ཆེན་སློབ་མའི་རིག་གནས་བྱང་ཚད་སློབ་གསོའི་རྟེན་གཞིར་བདམས་པ་རེད།
སྤྱི་ལོ2008ལོའི་ཟླ12པར་ཏ་ལེན་ལྕགས་ལམ་འཕྲོད་བསྟེན་སློབ་གྲྭ་དེ་ཏ་ལེན་སློབ་ཆེན་དང་ཟླ་སྒྲིལ་བཏང་། སྤྱི་ལོ2014ལོའི་ཟླ12པར་སློབ་གྲྭ་ཕུལ་བྱུང་དགེ་རྒན་གསོ་སྐྱོང་འཆར་གཞིའི་ནང་བདམས་པ་རེད།
སྤྱི་ལོ2016ལོའི་ཟླ་དང་པོར་སློབ་གྲྭCDIOལས་གྲྭའི་སློབ་གསོའི་མནའ་འབྲེལ་ནང་ཚུད་ཡོད།
སྤྱི་ལོ2019ལོའི་ཟླ12པའི་ཚེས27ཉིན་ཏ་ལེན་སློབ་ཆེན་གྱི་ཞོར་གཏོགས་ཕན་ཀྲོའུ་གྲོང་ཁྱེར་མི་དམངས་སྨན་ཁང་གི་སྒོ་བྱང་དངོས་སུ་བཀལ་བ་རེད།
སྤྱི་ལོ2019ལོའི་ཟླ12པར་ཏ་ལེན་སློབ་ཆེན་མཉེན་ཆས་བཟོ་སྐྲུན་སློབ་གླིང་བཙུགས་པ་དང་མཉེན་ཆས་ལས་གྲྭའི་དངོས་གཞིའི་ཚན་ཁག་དང་མཉེན་ཆས་ལས་གྲྭ་དང་། རྩིས་འཁོར་ཚན་རིག་དང་ལག་རྩལ། ཚོད་འཛིན་ཚན་རིག་དང་ལས་གྲྭའི་རིམ་པ་དང་པོའི་རིག་ཚན་གྱི་རབ་འབྱམས་པའི་བསླབགགནས་དང་རྩིས་འཁོར་ལག་རྩལ(གློག་རྡུལ་ཆ་འཕྲིན)གྱི་རབ་འབྱམས་པའི་བསླབ་གནས་བཅས་བཙུགས་ཡོད། རྒྱལ་ཡོངས་ཀྱི་རིག་གཞུང་ཚན་ཁག་དཔྱད་དཔོག་ཐེངས་བཞི་པའི་ནང་། མཉེན་ཆས་ལས་གྲྭའི་རིག་ཚན་ཞིང་ཆེན་གྱི་རིག་ཚན་རྩེ་གྲའི་གྲས་སུ་ཚུད་པ་དེ་ལེའོ་ཉིང་ཞིང་ཆེན་གྱི་སློབ་གླིང985གཉིས་ལས་མེད། དེའི་ནང་ཨང་གསུམ་པ་ཡིན།
སྤྱི་ལོ2020ལོའི་ཟླ5པའི་བར་སློབ་གྲྭར་སློབ་གླིང26བཙུགས་ཡོད། དངོས་གཞིའི་ཚན་ཁག་གི་ཆེད་ལས64དང་རིམ་གསུམ་ཀ་པའི་ཞོར་གཏོགས་སྨན་ཁང3བཅས་ཡོད་པ་རེད།
སྤྱི་ལོ2019ལོའི་ཟླ3པ་བར་སློབ་གྲྭར་དགེ་རྒན་དང་ལས་བཟོ་བ6400ལྷག་ཙམ(ཞོར་གཏོགས་སྨན་ཁང2ཚུད་པ)ཡོད་པ་རེད། སློབ་གྲྭ་རང་གི་དགེ་རྒན་དང་ལས་བཟོ་པ1600ལྷག་ཡོད། མཐོ་རིམ་ལས་རིགས་ཀྱི་དགེ་རྒན179དང་འབུམ་རམས་པའི་མཛུབ་སྟོན་དགེ་རྒན35ཡོད། འབུམ་རམས་པའི་བསླབ་གནས་ལྡན་པའི་དགེ་རྒན473དང་ཆེད་བསྐོས་དགེ་རྒན1014ཡོད། སློབ་གྲྭར་ལེའོ་ཉིང་ཞིང་ཆེན་རྗེས་གྲབས་ཡོན་ཧྲི་གསོ་སྐྱོང་ལས་གྲྭའི་འོས་མི1ཡོད། རྒྱལ་ཁབ་ཀྱི་ཕུལ་བྱུང་གཞོན་ནུའི་ཐེབས་རྩ་ཐོབ་མཁན2རྒྱལ་ཁབ་ཀྱི་ཕུལ་བྱུང་གཞོན་ནུའི་ཐེབས་རྩ་ཐོབ་མཁན1 རྒྱལ་ཁབ་ཀྱི“བརྒྱ་སྟོང་ཁྲིའི་འཇོན་མིའི་ལས་གྲྭ”ཡི་རིམ་པ་བརྒྱའི་འོས་མི3ཡོད། རྒྱལ་སྲིད་སྤྱི་ཁྱབ་ཁང་སྲིད་གཞུང་གི་དམིགས་བསལ་ཕོགས་སྣོན་ཆེད་མཁས་པ11ཡོད་པ་རེད། ལེའོ་ཉིང་དམིགས་བསལ་གདན་ཞུས་དགེ་རྒན་ཆེན་མོ11ཡོད། ཞིང་ཆེན་མཐོ་རིམ་སློབ་གྲྭའི་སློབ་ཁྲིད་དགེ་རྒན་གྱི་བྱ་དགའ་ཐོབ་མཁན18ཡོད་པ་དང་། ལེའོ་ཉིང་ཞིང་ཆེན་གྱི་བརྒྱ་སྟོང་ཁྲིའི་འཇོན་མིའི་མི་བརྒྱའི་རིམ་པའི་མི23ཡོད་པ་རེད། ལེའོ་ཉིང་ཞིང་ཆེན་གྱི་ཕུལ་བྱུང་དགེ་རྒན3དང་ལེའོ་ཉིང་ཞིང་ཆེན་གྱི་ཕུལ་བྱུང་ཆེད་མཁས་པ6བཅས་ཡོད་པ་རེད། ལིའོ་ཉིང་ཞིང་ཆེན་གྱི་སྣེ་ཁྲིད་ཤེས་ལྡན་མི་སྣ1ཡོད་པ་དང་། དགེ་རྒན8སློབ་གསོ་པུའུ་ཡི་སློབ་ཁྲིད་མཛུབ་སྟོན་ཨུ་ཡོན་ལྷན་ཁང་གི་ཨུ་ཡོན་དུ་བདམས། དགེ་རྒན39ཞིང་ཆེན་མཐོ་རིམ་སློབ་གྲྭའི་དངོས་གཞིའི་ཚན་ཁག་གི་སློབ་ཁྲིད་མཛུབ་ཁྲིད་ཨུ་ཡོན་ལྷན་ཁང་གི་ཨུ་ཡོན་ལ་བདམས་པ་རེད།
སྤྱི་ལོ2018ལོའི་ཟླ3པའི་བར། སློབ་གྲྭར་འབུམ་རམས་པའི་ཚན་རིག་ཞིབ་འཇུག་ལས་དོན་ས་ཚིགས1དང་ཡོན་ཧྲིའི་ལས་དོན་ས་ཚིགས1ཡོད་པ་དང་། སློབ་གསོ་པུའུ་ཡི་གསར་གཏོད་ཚོགས་པ1དང་ལེའོ་ཉིང་ཞིང་ཆེན་གྱི་གསར་གཏོད་ཚོགས་པ6ཡོད། རྒྱལ་ཁབ་དང་ས་གནས་ཀྱི་མཉམ་འབྲེལ་ལས་གྲྭའི་ཚོད་ལྟ་ཁང3དང་། སློབ་གསོ་པུའུ་ཡི་གཙོ་གནད་ཚོད་ལྟ་ཁང1ལེའོ་ཉིང་ཞིང་ཆེན་གྱི་མཐོ་སློབ་ཀྱི་ཚན་རྩལ་ལས་སྟེགས1ལེའོ་ཉིང་ཞིང་ཆེན་གྱི་མཐུན་སྦྱོར་གསར་གཏོད་ལྟེ་གནས2བཅས་བཙུགས་ཡོད། དེ་བཞིན་ཞིང་ཆེན་རིམ་པའི་གཙོ་གནད་ཚོད་ལྟ་ཁང་དང་། བཟོ་སྐྲུན་ལག་རྩལ་ལྟེ་གནས། སྤྱི་ཚོགས་ཀྱི་རིག་གནས་སྣང་ཚུལ་སྣ་ཚོགས་དང་སྤྱི་ཚོགས་ཚན་རིག་གི་གཙོ་གནད་ཞིབ་འཇུག་རྟེན་གཞི་སོགས35ཡོད།