སྤྱི་ལོ2020ལོའི་ཟླ6པ་བར་སློབ་གྲྭ་དེར་སློབ་ཁུལ་གསུམ་དང་ཚན་རྩལ་གླིང་དང་པོའི་སློབ་གླིང20དང་། སློབ་ཁྲིད་པུའུ2ལས་གྲྭའི་ལག་ལེན་ལྟེ་གནས2བཅས་བཙུགས་ཡོད།
སྤྱི་ལོ2017ལོའི་ཟླ7པར་གཞུང་ཕྱོགས་དྲ་གནས་ཀྱི་དཔྱད་ཡིག་ལས་མངོན་པར་གཞིགས་ན། སློབ་གྲྭའི་དགེ་རྒན་དཔུང་སྡེ་ལ་ཁྱོན་མི1308ཡོད་པའི་ནང་ཡོན་ཧྲི2དང་། དགེ་རྒན་ཆེན་མོ་བ185དགེ་རྒན་ཆེན་མོ་གཞོན་པ406འཆད་ཁྲིད་དགེ་རྒན662འབུམ་རམས་པའི་མཛུབ་སྟོན་དགེ་རྒན97 རབ་འབྱམས་པའི་མཛུབ་སྟོན་དགེ་རྒན488 ན་གཞོན་རིག་ཚན་གྱི་སྣེ་ཁྲིད་པ70བཅས་ཡོད། འབུམ་རམས་པའི་བསླབ་གནས་ལྡན་པའི་དགེ་རྒན་གྱིས་དགེ་རྒན་དཔུང་སྡེ་བསྡོམས་འབོར་གྱི33.9%བཟུང་བ་དང་རབ་འབྱམས་པ་དང་འབུམ་རམས་པའི་བསླབ་གནས་ལྡན་པའི་དགེ་རྒན་གྱིས་དགེ་རྒན་དཔུང་སྡེ་བསྡོམས་འབོར་གྱི85.9%བཟུང་ཡོད། མཐོ་རིམ་གོ་མིང་ལྡན་པའི་དགེ་རྒན་གྱིས་ཆེད་བསྐོས་དགེ་རྒན་གྱི་བསྡུར་ཚད45.2%ཟིན་ཡོད།
སྤྱི་ལོ2014ལོའི་ཟླ6པའི་བར་སློབ་གྲྭ་དེར་ཤེས་རམས་པ་དང་། རབ་འབྱམས་པ། འབུམ་རམས་པ་བཅས་རིམ་པ་གསུམ་གྱི་བསླབ་གནས་སྤྲོད་ཆོག་པའི་དབང་ཆ་ཡོད་པ་རེད། རིམ་པ་དང་པོའི་རིག་གཞུང་ཚན་ཁག5དང་རིམ་པ་གཉིས་པའི་རིག་གཞུང་ཚན་ཁག19ལ་འབུམ་རམས་པའི་བསླབ་གནས་སྤྲོད་དབང་ཡོད། གློག་ཤུགས་ལས་གྲྭ་དང་། རྒྱུ་ཆའི་ཚན་རིག་དང་ལས་གྲྭ། འཕྲུལ་ཆས་ལས་གྲྭའི་འབུམ་རམས་པའི་ཚན་རིག་ཞིབ་འཇུག་འཁོར་སྐྱོད་ས་ཚིགས་བཅས་བཙུགས་ཡོད་པ་དང་། རིམ་པ་གཉིས་པའི་རིག་ཚན77ལ་རབ་འབྱམས་པའི་བསླབ་གནས་སྤྲོད་དབང་ཡོད། གཞན་ཡང་ལས་གྲྭའི་རབ་འབྱམས་པ་དང་། བཟོ་ཚོང་དོ་དམ་གྱི་རབ་འབྱམས་པ་དང་རྩིས་གཉེར་གྱི་རབ་འབྱམས་པ་དང་དེ་བཞིན་ལས་གྲྭའི་དོ་དམ་གྱི་རབ་འབྱམས་པ་བཅས་ཀྱི་ཆེད་ལས་བསླབ་གནས4ཡོད་པ་རེད། དེའི་ནང་ལས་གྲྭའི་རབ་འབྱམས་པའི་ནང་སློབ་བསྡུའི་ཁྱབ་ཁོངས12ཚུད་ཡོད་ཅིང་། དེ་ནི་བཟོ་ཚོང་དོ་དམ་གྱི་རབ་འབྱམས་པ་(MBA)གྱི་ཆེད་ལས་བསླབ་གནས་ཀྱི་ཞིབ་འཇུག་སློབ་མའི་གསོ་སྐྱོང་ཚན་པ་ཞིག་རེད།
སྤྱི་ལོ2014ལོའི་ཟླ3པ་བར་སློབ་གྲྭ་དེས་ཨ་རི་དང་། ཨུ་རུ་སུ། འཇར་པན། འཇར་མན། དབྱིན་ཇི། ཨོ་སི་ཁྲུ་ལི་ཡ། ཧྥིན་ལན་སོགས་རྒྱལ་ཁབ་ཀྱི་སློབ་གྲྭ36དང་ཡུན་རིང་བརྟན་ལྷིང་གི་སློབ་གྲྭའི་དབར་གྱི་མཉམ་ལས་འབྲེལ་བ་བཙུགས་ཡོད། སྤྱི་ལོ1985ལོ་ནས་བཟུང་ཕྱི་རྒྱལ་དུ་སློབ་སྦྱོང་བྱེད་མཁན་སློབ་མ་བསྡུ་འགོ་ཚུགས། སྤྱི་ལོ2001ལོ་ནས་བཟུང་དབྱིན་ཇིའི་པེ་ཏེ་ཕུའུ་ཐེ་སློབ་ཆེན་དང་། ཨོ་སི་ཁྲུ་ལི་ཡའི་ཀེ་ལི་ཧྥེ་སི་སློབ་ཆེན། ཨ་རིའི་པན་ཉི་ཏི་ཁེ་སློབ་ཆེན་བཅས་ཀྱིས་དངོས་གཞིའི་ཚན་ཁག་དང་ཞིབ་འཇུག་སློབ་མའི་རྒྱལ་སྤྱིའི་མཉམ་ལས་སློབ་གཉེར་བྱས་པ་དང་ཨ་རིའི་པན་ཉི་ཏི་ཁེ་སློབ་ཆེན་དང་མཉམ་འབྲེལ་ཐོག་གསོ་སྐྱོང་བྱས་པའིMBAཞིབ་འཇུག་སློབ་མ་སྐབས་བརྒྱད་པ་ཐོན་ཡོད།
ཏང་ཨུའི་ཧྲུའུ་ཅི། ལིའུ་ཙི་ཁང་།
ཏང་ཨུའི་ཧྲུའུ་ཅི་གཞོན་པ་དང་སློབ་གཙོ། ཀུའོ་ལེན་ཅུན།
ཏང་ཨུའི་ཧྲུའུ་ཅི་གཞོན་པ། ལི་དབྱིན་རྨིན།
སྒྲིག་ཨུའི་ཧྲུའུ་ཅི། པའེ་ཆིའུ་ཡན།
སློབ་གཙོ་གཞོན་པ། ལི་སན་ཞི་དང་། ཡོན་ཞའོ་ཀོང་། ཧོ་ཡིའུ་ཁྲུན། ཝང་ཧྲི་ཅེ།