སྤྱི་ལོ2018ལོའི་ཟླ9པའི་བར། སློབ་གྲྭའི་འོག་ཏུ་སློབ་ཁྲིད་དང་ཚན་རིག་ཞིབ་འཇུག་སྡེ་ཚན22བཙུགས་པ་དང་། དངོས་གཞིའི་ཚན་ཁག་གི་ཆེད་ལས58ཡོད། རང་བྱུང་ཚན་རིག་དང་། བཟོ་ལས། དཔལ་འབྱོར། དོ་དམ། རིག་གནས། སྒྱུ་རྩལ་བཅས་རིག་ཚན་ཆེན་པོ་དྲུག་ཚུད་ཡོད།
སྤྱི་ལོ2018ལོའི་ཟླ9པ་བར་སློབ་གྲྭར་དགེ་རྒན་དང་ལས་བཟོ་བ1600ལྷག་ཙམ་ཡོད་པ་དང་ཆེད་བསྐོས་དགེ་རྒན་ཆིག་སྟོང་ཙམ་ཡོད། དེའི་ནང་ཀྲུང་གོ་བཟོ་སྐྲུན་ཁང་གི་ཡོན་ཧྲི1དང་ཆེད་བསྐོས་ཡོན་ཧྲི9ཡོད། འབུམ་རམས་པའི་མཛུབ་སྟོན་དགེ་རྒན20དང་རབ་འབྱམས་པའི་མཛུབ་སྟོན་དགེ་རྒན368ཡོད། མཐོ་རིམ་ལག་རྩལ་གྱི་གོ་མིང་ཡོད་པའི་དགེ་རྒན503དང་འབུམ་རམས་པའི་བསླབ་གནས་ཡོད་པའི་དགེ་རྒན405ཡོད། ལེའོ་ཉིང་ཞིང་ཆེན་གྱི་སློབ་ཁྲིད་ཚོགས་པ3ཡོད། ལེའོ་ཉིང་ཞིང་ཆེན་གྱི་དགེ་རྒན་གྲགས་ཅན13དང་སློབ་གྲྭ་རིམ་པའི་དགེ་རྒན་གྲགས་ཅན25ཡོད། སློབ་གསོ་པུའུ་ཡི་དུས་རབས་གསར་པའི་ཕུལ་བྱུང་ཤེས་ལྡན་པ1དང་ལེའོ་ཉིང་ཞིང་ཆེན་གྱི་ཕུལ་བྱུང་ཆེད་མཁས་པ3བཅས་ཡོད་པ་རེད། རྒྱལ་སྲིད་སྤྱི་ཁྱབ་ཁང་གི་སྲིད་གཞུང་གི་དམིགས་བསལ་ཕོགས་སྣོན་ཐོབ་པའི་ཆེད་མཁས་པ25དང་། ལིའོ་ཉིན་ཞིང་ཆེན་གྱི་དམིགས་བསལ་གདན་ཞུས་དགེ་རྒན་ཆེན་མོ5ཡོད། ལེའོ་ཉིང་ཞིང་ཆེན་གྱི་ཤེས་ལྡན་མི་སྣ་བརྒྱ་དང་། སྟོང་། ཁྲི་རིམ་པ་བཅས་ཀྱི་ཤེས་ལྡན་མི་སྣ72དང་ལེའོ་ཉིང་ཞིང་ཆེན་གྱི་གཞོན་ནུ་རྐང་འཛིན་དགེ་རྒན23ཡོད། ཀྲུང་གོའི་རྒྱལ་ཁབ་ཕྱི་ནང་གི་གྲགས་ཅན་མཁས་དབང་བརྒྱ་ཙམ་གྱིས་སློབ་གྲྭའི་དགེ་རྒན་ཆེན་མོའི་གཅིག་ལྕོགས་ཀྱི་འགན་བཞེས་ཡོད།
སྤྱི་ལོ2018ལོའི་ཟླ9པའི་བར་སློབ་གྲྭར་རྒྱལ་ཁབ་རིམ་པའི་ཚན་ཞིབ་ལས་སྟེགས2ཡོད་པ་རེད། ཞིང་ཆེན་དང་པུའུ་རིམ་པའི་གཙོ་གནད་ཚོད་ལྟ་ཁང(ལས་གྲྭའི་ལྟེ་གནས)21དང་། ཞིང་ཆེན་རིམ་པའི་མཐུན་སྦྱོར་གསར་གཏོད་ལྟེ་གནས1 རྒྱལ་ཁབ་རྒྱལ་སྲུང་ཚན་རྩལ་བཟོ་ལས་ཅུས་ཀྱི་རྒྱལ་སྲུང་ཚན་རྩལ་གསར་གཏོད་ཚོགས་པ1དང་། ལེའོ་ཉིང་ཞིང་ཆེན་མཐོ་སློབ་ཀྱི་གསར་གཏོད་ཚོགས་པ4བཅས་ཡོད།
སྤྱི་ལོ2018ལོའི་ཟླ9པའི་བར། རྒྱལ་ཁབ80ཡི་སློབ་མ1200ལྷག་ཙམ་སློབ་གྲྭར་སློབ་སྦྱོང་བྱེད་ཀྱིན་ཡོད་པ་དང་། སློབ་གྲྭ་དང་ཧྥ་རན་སེའི་ཕི་ཁ་ཏི་སློབ་ཆེན། ཨུ་རུ་སུའི་མོ་སི་ཁོ་མཁའ་འགྲུལ་སློབ་གླིང་སོགས་ཀྲུང་གོའི་ཕྱི་རྒྱལ་གྱི་མཐོ་སློབ་དང་ཚན་ཞིབ་ཁང125ལ་རིག་གཞུང་སྤེལ་རེས་དང་ཚན་ཞིབ་མཉམ་ལས་ཀྱི་འབྲེལ་བ་བཙུགས་ཡོད། དགེ་རྒན་གཞུང་དོན་གྱི་ཆེད་ཕྱི་རྒྱལ་དུ་བསྐྱོད་མཁན་མི་ཐེངས300ལྷག་ཙམ་ཡོད་པ་དང་སློབ་མ་རྒྱལ་ཁབ(རྒྱལ་མཚམས)ཕྱིར་སྤེལ་རེས་བྱེད་མཁན་མི་ཐེངས700ཙམ་ཀྲུང་གོའི་རྒྱལ་ཁབ་ཕྱི་ནང་དུ་ཚན་ཞིབ་མཉམ་ལས་དང་། རིག་གཞུང་སྤེལ་རེས། ཟབ་སྦྱོང་གསོ་སྦྱོང་བཅས་བྱེད་པར་བསྐྱོད་ཡོད།