དགོན་པ་འདི་ནི་འབར་ཁམས་རྫོང་སོ་མང་འབུར་ཁྱུ་སྡེ་བར་ཡོད། རབ་བྱུང་སྔོན་གྱི་སྤྱི་ལོ900ཙམ་ལ་གསར་འདེབས་བྱས་ཟེར་བའི་བཤད་སྲོལ་ཡོད། གསར་འདེབས་བྱེད་མཁན་རིག་འཛིན་ཀུན་བཟང་ཤེས་རབ་ཁོང་རྒྱ་གར་རྡོ་རྗེའི་གདན་ནས་ཕེབས་ཟེར། གྲུབ་མཐའ་གསང་སྔགས་རྙིང་མའི་ཕྱག་སྲོལ་ཡིན་ལ། བཤད་སྒྲུབ་ཆོས་སྤྱོད་ཀྱི་ཚུལ་ཡང་སྨྱུང་གནས་ཆོས་སྤྱོད་སོགས་འཛུགས་བཞིན་པའོ། །
དགོན་སྡེ་འདི་སྐྱོང་བའི་མཁན་རབས་ནི། དང་བོ། རིག་འཛིན་ཀུན་བཟང་ཤེས་རབ། གཉིས་པ། ཨ་ཙ་བླ་མ་དྲི་མེད། གསུམ་པ། ཆུ་ཆེན་བླ་མ། བཞི་བ། ཨ་གནམ། ལྔ་བ། ཨ་འདའ། དྲུག་པ། ཨ་མཚོ་མཁས། བདུན་པ། ཨ་གཡས། བརྒྱད་པ། ཏཱ་བྱ་ལ། དགུ་བ། ངའ་གྲ། བཅུ་བ། ཨ་གོ་ཅན། བཅུ་གཅིག་པདྨ་ཚུལ་ཁྲིམས་སོ་མང་དུ་འཁྲུངས་ནས་དགོན་སྡེ་རིམ་པར་ཕྱག་སྐྱོང་གནང་བའོ། ། འདིར་བཞུགས་པའི་བླ་གྲྭ་ནི་སྔོན་ཆད50ལྷག་དང་ད་ལྟ30བཞུགས་སོ། ། མ་དགོན་ནི་སྡེ་དགེ་དཔལ་ཡུལ་དགོན་ཆེན་ཡིན། སྤྱི་ལོ1987ལོར་འབར་ཁམས་རྫོང་གིས་ཆོས་སྒོ་ཕྱེ་བའི་ཆོག་མཆན་གནང་བའོ། །