གནས་གཞི་དགོན།སྔ་མའི་པར་གཞི་དེ གངསསྨྱུག་སྲས། ནས 2017-01-19 17:17ལ་འགྲུབ།
གནས་གཞི་དགོན།
གནས་གཞི་དགོན།
མཚན་རྒྱས་པར་གནས་གཞི་ཞི་ཁྲོ་བཀའ་བརྒྱད་ལྷ་ཁང་ཞེས་ཞུ། མཚོ་སྨད་རྫོང་ནས་སྤྱི་ལེ་ཉི་ཤུ་ཙམ་སོང་ནས་འཁོར་ལམ་འོག་ཏུ་གནས་གཞི་གྲོང་དབུས་སུ་དགོན་དེ་མཇལ་རྒྱུ་ཡོད།
གཞི་རྩའི་གནས་ཚུལ།
མཚན་རྒྱས་པ།
གནས་གཞི་ཞི་ཁྲོ་བཀའ་བརྒྱད་ལྷ་ཁང་།
བཞེངས་མཁན།
སྲས་གུ་རུ་ཆོས་དབང་ངམ་ཆོས་ཀྱི་དབང་ཕྱུག
རིགས་དབྱེ།
དགོན་པ།
གནས་ཡུལ།
བོད་ལྗོངས་ལྷོ་ཁ་ས་ཁུལ་གྱི་ལྷོ་བྲག་རྫོང་།
དཀར་ཆག
1
ངོ་སྤྲོད།
མཚན་རྒྱས་པར་གནས་གཞི་ཞི་ཁྲོ་བཀའ་བརྒྱད་ལྷ་ཁང་ཞེས་ཞུ། མཚོ་སྨད་རྫོང་ནས་སྤྱི་ལེ་ཉི་ཤུ་ཙམ་སོང་ནས་འཁོར་ལམ་འོག་ཏུ་གནས་གཞི་གྲོང་དབུས་སུ་དགོན་དེ་མཇལ་རྒྱུ་ཡོད། དགོན་དེ་ནི་སྲས་གུ་རུ་ཆོས་དབང་གིས་ཕྱག་བཏབ་གནང་མཛད། རྗེ་དེ་ཉིད་ལྷོ་བྲག་ཏུ་ཡབ་མཁས་སྟོན་ཉི་རྒྱ་བ་དང་། ཡུམ་དཀར་བཟའ་མགོན་སྐྱིད་གཉིས་ཀྱི་སྲ་སུ་སྤྱི་ལོ1212ལོར་སྐུ་བལྟམས། མཚན་ཆོས་ཀྱི་དབང་ཕྱུག་ཏུ་གསོལ། རྙིང་མའི་གཏེར་སྟོན་བརྒྱ་རྩའི་ནང་ནས་ཉང་ཉི་མའི་འོད་ཟེར་གཏེར་སྟོན་གོང་དང་། རྗེ་འདི་ཉིད་གཏེར་སྟོན་འོག་ཅེས་གྲགས། ཐོག་མར་དགོན་དེའི་རྒྱབ་རིར་རྗེ་ཉིད་སྒྲུབ་པ་བསྐྱོན་ནས་བཞུགས་ཡོད་པ་ལ། གནས་འདིར་ཞི་ཁྲོ་བཀའ་བརྒྱད་ལྷ་ཁང་ཞིག་བཞེངས་དགོས་ཐུགས་ལ་འཁྲུངས་ནས་དགོན་དེ་ཕྱག་འདེབས་གནང་མཛད། སྔོན་གྲ་ཕྱི་སྨོན་གྲོལ་གླིང་གི་ཁོངས་ཡིན། ཐོག་མར་དབོན་དགོན་ཡིན་པ་ལ་རྗེས་སུ་གཙང་དགོན་དུ་འགྱུར། སྔོན་དགོན་དེར་ཆེ་མཆོག་ཧེ་རུ་ཀ་སོགས་ཞི་ཁྲོའི་ལྷ་ཚོགས་ཆ་ཚང་ཡིན།
2
རྟེན་གཙོ།
ད་ལྟ་ཉམས་གསོ་ཞུས་པའི་བཀའ་བརྒྱད་ལྷ་ཁང་ནང་ཆེ་མཆོག་ཧེ་རུ་ཀ་གསར་བཞེངས་དང་། ཉམས་གསོ་ཞུས་པའི་ལྡེབས་རིས་སྒྲོལ་མ་ལྷ་ཁང་ནང་གཙོ་བོ་སྟོན་པའི་སྐུ་བརྙན་དང་། གུ་རུ་སྣང་སྲིད་ཟིལ་གནོན། གུ་རུ་ཆོས་དབང་སོགས་གསར་བཞེངས་གནང་བ་མཇལ་རྒྱུ་ཡོད།
3
ཆགས་ཚུལ།
དེ་ནས་ནུབ་ངོས་སུ་འཁོར་ལམ་བརྒྱུད་སྤྱི་ལེ་གཉིས་གསུམ་ཙམ་སོང་ན་མངའ་བདག་ཉང་གི་གཏེར་གནས་བྲག་སྲིན་པོ་སྦར་རྗེས་ཞེས་པའི་སྒྲུབ་ཕུག་དེ་ལམ་སྟེང་དུ་མཇལ་རྒྱུ་ཡོད།
དཔྱད་གཞིའི་ཡིག་ཆ།