ཧ་ས་ཁི་སི་ཐན་གྱི་མིང་ཆ་ཚང་ལ་ཧ་ས་ཁི་སི་ཐན་སྤྱི་མཐུན་རྒྱལ་ཁབ་ཟེར་ཞིང་། དེ་ནི་ཡ་གླིང་དབུས་མ་རུ་གནས་པའི་སྐམ་སའི་དབུས་ཁུལ་གྱི་རྒྱལ་ཁབ་ཅིག་ཡིན་ལ། འཛམ་གླིང་སྟེང་ཆེས་ཆེ་བའི་སྐམ་སའི་དབུས་ཁུལ་གྱི་རྒྱལ་ཁབ་ཅིག་ཀྱང་ཡིན། ཧ་ས་ཁི་སི་ཐན་གྱི་རྒྱལ་དར་གྱི་དབྱིབས་ནི་གྲུ་བཞི་ནར་དབྱིབས་ཤིག་ཡིན་ཞིང་། དཀྱུས་དང་ཞེང་གི་བསྡུར་ཚད་ནི2བསྡུར1ཡིན། དར་ངོས་ཀྱི་མདོག་ནི་སྔོ་སྐྱ་ཡིན་ཞིང་། དར་ངོས་ཀྱི་དཀྱིལ་དུ་གསེར་མདོག་གི་ཉི་མ་ཞིག་ཡོད་པ་དང་། ཉི་མ་དེར་འོད་ཟེར32ལྡན་ལ། ཉི་མ་དེའི་འོག་ཏུ་ནམ་འཕང་གཅོད་པའི་གླག་རྒོད་ཅིག་ཡོད། དར་ངོས་ཀྱི་གཡོན་ཕྱོགས་སུ་ཧ་ས་ཁི་སྲོལ་རྒྱུན་གྱི་གསེར་མདོག་གི་འཁྱུག་རིས་ཅན་གྱི་རི་མོ་དྲང་འཕྱང་དུ་ཡོད་པ་ཞིག་ཡིན། མདོག་སྔོ་སྐྱ་ནི་ཧ་ས་ཁི་མི་དམངས་ཆེས་དགའ་བའི་སྲོལ་རྒྱུན་གྱི་ཁ་དོག་ཅིག་ཡིན་ཞིང་། དེས་ནམ་མཁའ་མཚོན་པ་དང་། དེ་མིན་བདེ་སྐྱིད་དང་ཞི་བདེ། ལྷིང་འཇགས་བཅས་ཀྱང་མཚོན་པ་ཡིན།