ཀྲང་ཁྲེན།སྔ་མའི་པར་གཞི་དེ མིང་གསང་RhAr78538 ནས 2026-04-08 15:27ལ་འགྲུབ།
སི་ཁྲོན་ཞིང་ཆེན་ཆུས་རྫོང་ཐེན་ཞིན་གྲོང་རྡལ་གྱི་མཉམ་ཤུགས་སྡེ་ཁུལ་གྱི་གྲོང་མི།
སྤྱི་ལོ2025ལོའི་ཟླ2ཚེས2ཉིན་གྱི་དགོང་མོའི་ཆུ་ཚོད8པ་ཙམ་ལ། ཧོ་ཆེ་གེ་མོས་རླངས་འཁོར་བཏང་ནས་ནང་མི་ཁྲིད་དེ་ཞའོ་ཧུང་མྱུར་བགྲོད་གཞུང་ལམ་གྱི་ཧུང་ཞའོ་ཕྱོགས་སུ་སྤྱི་ལེ174ཡི་སར་འགྲིམ་འགྲུལ་དོན་རྐྱེན་བྱུང་པ་དང་། མི་གསུམ་རླངས་འཁོར་ནང་ལུས་ཡོད་པ་རེད། ཧི་ཆེ་གེ་མོས་ཉེན་བརྡ་བཏང་བ་མ་ཟད། ཁ་པར་གྱི་གློག་སྒྲོན་ཕྱེ་ནས་འགྲོ་འོང་རླངས་འཁོར་ལ་ཉེན་བརྡ་བཏང་། ཀྲང་ཁོ་གསུམ་གྱིས་རླངས་འཁོར་བསྐོར་ནས་དེ་གར་བརྒྱུད་སྐབས་གནས་ཚུལ་ཤེས་རྟོགས་བྱུང་ཞིང་། ཁོང་གིས་འཕྲལ་དུ་རང་ཉིད་ཀྱིས་ཁ་ལོ་བསྒྱུར་བའི་རླངས་འཁོར་འཕྲལ་སྡོམ་འཁོར་ལམ་ཐོག་བཞག་པ་དང་། ཀྲང་ལི་ཀྲུང་དང་ཀྲང་ཁྲེན་ཡང་རླངས་འཁོར་ལས་བབས་ཏེ་མི་བསྐྱབས་པ་རེད།
ཀྲང་ཁོ་སོགས་ཀྱིས་ཉེན་བརྡའི་བྱང་བུ་བཞག་ནས་རྒྱབ་ཕྱོགས་ཀྱི་རླངས་འཁོར་དག་ལ་བརྡ་རྟགས་བསྟན་པ་རེད། དོན་རྐྱེན་བྱུང་བའི་རླངས་འཁོར་ལ་དབྱིབས་འགྱུར་ཚབས་ཆེན་བྱུང་བས་སྐྱོབ་རྒྱུ་ཧ་ཅང་ཁག་པོ་རེད། ཀྲང་ཁྲིན་རླངས་འཁོར་གྱི་རྩེ་མོར་འཛེགས་རྗེས། མི་གསུམ་གྱིས་མཉམ་དུ་རླངས་འཁོར་གྱི་སྒོ་ཕྱེ་བ་དང་།ཀྲང་ཁོ་དང་ཀྲང་ལི་ཀྲུང་གཉིས་ཀྱིས་གྲལ་རྗེས་མའི་འདུག་སྟེགས་སུ་ཡོད་པའི་མི་གཉིས་འཐེན་རྗེས། ཁ་ལོ་བ་ཧི་ཆེ་གེ་མོ་ཕྱིར་འཐེན་བྱས། མི་གསུམ་གྱིས་མཉམ་དུ་རླངས་འཁོར་ནང་གི་མི་གསུམ་བདེ་བླག་ངང་བསྐྱབས་པ་མ་ཟད། བདེ་འཇགས་ཁུལ་དུ་བསྐྱལ་ནས་རོགས་སྐྱོབ་ལ་སྒུག་ཡོད། ཀྲང་ཁོ་སོགས་མི་གསུམ་པོ་ཁ་ཕྱིར་འཁོར་ནས་རང་གི་རླངས་འཁོར་དུ་ལོག་སྐབས། རླངས་འཁོར་གཞན་ཞིག་གིས་དོན་རྐྱེན་བྱུང་བའི་རླངས་འཁོར་ལ་གདོང་ཐུག་བརྒྱབ་ནས་རླངས་འཁོར་མགོ་རྟིང་ལོག་པ་དང་། ཀྲང་ཁོ་སྟབས་མ་ལེགས་པར་གདོང་ཐུག་བརྒྱབ་ནས་ལུས་ཡོངས་ཀྱི་གནས་མང་པོར་རུས་ཆག་བྱུང་བ་དང་རྨས་སྐྱོན་ཚབས་ཆེན་ཕོག་པ་རེད།
སྤྱི་ལོ2025ལོའི་ཟླ2པར་ཀྲང་ཁོ་ཡི་ཉེན་སེལ་སྲོག་སྐྱོབ་ཀྱི་བྱ་སྤྱོད་དེ་བདེན་པའི་རྒྱབ་ལངས་ཀྱི་བྱ་སྤྱོད་དུ་གཏན་འཁེལ་བྱས་པ་རེད།
སྤྱི་ལོ2025ལོའི་ཟླ3པར། སྤྱི་ལོ2025ལོའི་དུས་ཚིགས་དང་པོའི་བདེན་པའི་རྒྱབ་ལངས་ཀྱི་དཔའ་བོའི་མིང་ཐོའི་ནང་བཅུག་པ་རེད།