ཡུའུ་ཧའེ་ཆིང་།སྔ་མའི་པར་གཞི་དེ དཔལ་ལྷLhamo ནས 2026-02-11 14:33ལ་འགྲུབ།
ཁོ་ནི་སྤྱི་ལོ1914ལོར་སྐྱེས་ཤིང་། ཧུའུ་པེ་མ་ཁྲེང་གི་མི་ཡིན་པ་དང་། ཀྲུང་གོ་གུང་ཁྲན་ཏང་ཡོན་ཡིན།
སྤྱི་ལོ1931ལོར་དམར་དམག་ལ་ཞུགས། དམར་དམག་གཙོ་བོ་རྒྱང་སྐྱོད་བྱས་རྗེས། ཧོ་ནན་ཧྲེང་ཁྲེང་གི་རྒྱུད་དུ་དམག་འཐབ་བྱས་ཏེ། ལྷོ་ཕྱོགས་སུ་ལོ་གསུམ་རིང་ངེས་མེད་རྒོལ་རྡུང་དམག་འཁྲུག་རྒྱུན་འཁྱོངས་བྱས། འཇར་འགོག་དམག་འཁྲུག་ཕྱོགས་ཡོངས་ནས་ལངས་རྗེས། སྤྱི་ལོ1938ལོའི་ཟླ2པར། ཨོ་ཡུས་ཝན་མཐའ་མཚམས་ཀྱི་དམར་དམག་ངེས་མེད་རྒོལ་རྡུང་རུ་ཁག་ཞིན་སི་ཅུན་གྱི་ཡན་ལག་རུ་ཁག་བཞི་བར་བཅོས་སྒྲིག་བྱས་པ་དང་། ཡུས་ཧའེ་ཆིང་གིས་ཡན་ལག་རུ་ཁག་གི་མེ་མདའ་ཐོན་གྱི་པན་ཀྲང་བྱས། ལོ་དེའི་ཟླ3པར། དམག་དཔུང་དང་མཉམ་དུ་ཨན་ཧུའེ་ཤར་རྒྱུད་དུ་བསྐྱོད་དེ་འཇར་འགོག་གནས་གཞིའི་ས་ཁུལ་བཙུགས་ཏེ། ཞིན་སི་ཅུན་གྱི་ཡན་ལག་རུ་ཁག་བཞི་བའི་དམག་སྤྱི་ཁང་གི་སྐུ་སྲུང་ལེན་གྱི་བརྒྱ་དཔོན་གྱི་འགན་ཁུར།
སྤྱི་ལོ1939ལོའི་དཔྱིད་ཀར། ཏིང་ཡོན་རྫོང་གི་ཟམ་ཆེན་དུ་དམངས་ཚོགས་ལས་འགུལ་གྱི་བྱ་བ་བསྒྲུབས་ཤིང་། ཟླ་གཉིས་ནས་གསུམ་གྱི་རིང་ལ་མི་བརྒྱ་ལྷག་གི་འཇར་འགོག་དྲག་དཔུང་ཞིག་བཙུགས་ཏེ། ཏིང་ཡོན་ཆུས་བཞི་བའི་རང་སྲུང་དམག་རུ་ཆེན་དུ་བསྒྱུར་ནས་རུ་དཔོན་གྱི་འགན་ཁུར།
སྤྱི་ལོ1940ལོའི་ཟླ9བར། ཏིང་ཡོན་རྫོང་སྤྱི་ཁྱབ་རུ་ཁག་གི་སྤྱི་ཁྱབ་རུ་དཔོན་གཞོན་པའི་འགན་ཁུར།
སྤྱི་ལོ1941ལོའི་དཔྱིད་ཀར། ཞིན་སི་ཅུན་ཅིན་ཕུའུ་ལམ་གྱི་ནུབ་མཉམ་སྲུང་དམག་སྤྱི་ཁང་གི་ཐད་གཏོགས་ཐོན1པོའི་ཐོན་ཀྲང་ལ་བསྐོ་གཞག་བྱས་ཏེ། དམག་དཔུང་ཁྲིད་དེ་ཏིང་ཡོན་ས་ཁུལ་དང་ཧོའེ་ཧྲུའེ་མཚོ་འགྲམ་དུ་དམག་འཐབ་བྱས། ཏིང་ཡོན་གྱི་རྫུས་དམག་ཅང་པིན་ཡུའུ་ཡི་དམག་དཔུང་གཏོར་བ་རེད།
སྤྱི་ལོ1945ལོའི་ཟླ1པོའི་ཚེས31ཉིན། ཧྲི་པ་ལི་ཀང་ས་ཁུལ་དུ་ས་དབྱིབས་ལ་ལྟ་ཞིབ་བྱེད་སྐབས། འཇར་དམག་གི་འཇབ་རྒོལ་ཐེབས་ནས་རང་སྲོག་བློས་བཏང་།