ཡུས་ཧྲེན་ཏེ།སྔ་མའི་པར་གཞི་དེ འབྲོངDruglha ནས 2026-02-28 14:31ལ་འགྲུབ།
ཡུས་ཧྲེན་ཏེ།
ཡུས་ཧྲེན་ཏེ།
ཁོང་ནི་སྤྱི་ལོ1907ལོར་སྐྱེས་ཤིང་། མིང་གཞན་ལ་ཡི་ཅིང་ཨན་ཞེས་ཀྱང་འབོད།
གཞི་རྩའི་གནས་ཚུལ།
རྒྱ་ཡིག་གི་མིང་།
于慎德
སྐྱེས་ལོ།
སྤྱི་ལོ1907ལོ།
འདས་ལོ།
སྤྱི་ལོ1942ལོའི་ཟླ6པ།
སྐྱེ་ཡུལ།
ཡན་ཧྭ་རྫོང་ཞ་བ་གྲོང་རྡལ་ཡུས་ཅཱ་སྡེ་བ།
དཀར་ཆག
1
མི་ཚེའི་བརྒྱུད་རིམ།
ལོ8ཀྱི་སྟེང་སྡེ་བ་དེའི་སྒེར་བཙུགས་སློབ་གྲྭར་ཞུགས་པ་དང་། སྤྱོད་ཡོན་གཉིས་ལྡན་གྱི་སློབ་མ་ཞིག་ཡིན། སྤྱི་ལོ1927ལོར་ཝུའུ་ཏི་རྫོང་གི་མཐོ་རིམ་སློབ་ཆུང་དང་པོར་རྒྱུགས་འཕྲོད། སློབ་གྲྭར་སྡོད་པའི་རིང་སློབ་མའི་ལས་འགུལ་ནང་ཞུགས་མྱོང་བས་གསར་བརྗེའི་བསམ་བློའི་བག་ཆགས་ཅུང་ཙམ་ཐེབས་ཡོད།
སྤྱི་ལོ1929ལོར་མཐོ་རིམ་སློབ་ཆུང་མཐར་ཕྱིན་རྗེས། སློབ་གྲོགས་ཏིང་རུན་ཧྲེང་དང་ཧྲི་ཡུས་ཐིང་དང་མཉམ་དུ་གུང་ཁྲན་ཏང་འཚོལ་བར་སོང་ཡང་འབྲས་བུ་མ་ཐོན་པར་ཕ་ཡུལ་དུ་ལོག་དགོས་བྱུང་།
སྤྱི་ལོ1930ལོར་ཡུས་ཧྲེན་ཏེ་ཧྲན་ཏུང་ཞིང་ཆེན་གྱིས་བཙུགས་པའི་སློབ་འབྲིང་བཞི་པར་རྒྱུགས་འཕྲོད། སློབ་གྲྭར་ཡོད་པའི་སྐབས་སུ། ལུའུ་ཞུན་གྱི《ང་རོ》དང《སོམ་ཉི》ཅང་ཀོང་ཁྲི་ཡི《ཡ་ལུའུ་ཅང་གཙང་བོའི་སྟེང》དང《ན་གཞོན་འཁྱམ་བསྐྱོད་པ》སོགས་ཡར་ཐོན་རྩོམ་རིག་བརྩམས་ཆོས་བཀླགས་ཤིང་། ཧྲི་ཅིན་ཧྥང་གིས་རྩ་འཛུགས་བྱས་པའི་སློབ་གྲོགས་ཚོགས་པར་ཞུགས་ཏེ། ཧྲི་ཅིན་ཧྥང་ལ་རོགས་འདེགས་བྱས་ནས་ཡར་ཐོན་བྱ་འགུལ་སྤེལ་བ་དང་། སློབ་གྲྭའི་ལོག་སྤྱོད་སྟོབས་ཤུགས་དང་འཐབ་རྩོད་བྱས། སྤྱི་ལོ1933ལོར་ཞིང་ཆེན་གྱིས་བཙུགས་པའི་སློབ་འབྲིང་བཞི་བ་ནས་མཐར་ཕྱིན་རྗེས་པེ་ཅིན་དགེ་འོས་ཆེད་སྦྱོང་སློབ་གྲྭར་རྒྱུགས་འཕྲོད། ཁོང་གིས་སྔར་ལས་ཧུར་བརྩོན་གྱིས་ཡར་ཐོན་གྱི་དཔེ་ཆ་དང་དུས་དེབ་བཀླག་པ་དང་། སྤྱི་ཚོགས་ཀྱི་གནད་དོན་ལ་བགྲོ་གླེང་། བདེན་དོན་བརྩོན་ལེན་བཅས་བྱས་པར་མ་ཟད། སློབ་གྲྭའི་ཡར་ཐོན་གྱི་བྱ་འགུལ་སྣ་ཚོགས་ལ་ཞུགས།
སྤྱི་ལོ1935ལོར་པེ་ཅིན་དགེ་འོས་ཆེད་སྦྱོང་སློབ་གྲྭ་ནས་སློབ་མཐར་ཕྱིན་རྗེས་སློབ་གཙོ་ལུའོ་ཆིན་ཧྲན་གྱིས་ངོ་སྤྲོད་བྱས་པ་བརྒྱུད་ལིན་དབྱི་ཡི《ས་ཞིང་ཚགས་པར》དུ་ལས་བཟོ་བ་བྱས། 《ས་ཞིང་ཚགས་པར》གྱི་ནང་དོན་མང་ཆེ་བ་ནི་གོ་མིན་ཏང་གིས་མང་ཚོགས་ལ་མགོ་སྐོར་གཏོང་བ་དྲིལ་བསྒྲགས་བྱེད་པའི་ཆེད་དུ་ཡིན་པ་མཐོང་ནས། བཅོས་བསྒྱུར་དང་ཡར་ཐོན་གྱི་བསམ་བློ་དྲིལ་བསྒྲགས་བྱེད་པའི་གྲོས་གཞི་བཏོན་མོད། འོན་ཀྱང《ས་ཞིང་ཚགས་པར》གྱི་འགོ་ཁྲིད་ཀྱིས་དང་ལེན་མ་བྱས། ཁོང་གིས་ལས་གནས་དགོངས་ཞུ་བྱས་ནས་ཁྱིམ་དུ་ལོག་སྟེ་སྔོན་ལ་ཕ་ཡུལ་དུ་དགེ་རྒན་བྱས་པ་དང་དེ་རྗེས་ཝུའུ་ཏི་ཁྲེ་གྲོང་རྡལ་ཀའོ་ཞའོ་རུ་སློབ་སྟོན་ཀྲུའུ་རེན་གྱི་འགན་བཞེས། དབུལ་ཕོངས་སློབ་མར་ཁོས་སློབ་ཡོན་མི་བསྡུ་བར་མ་ཟད། སློབ་སྦྱོང་ཐད་ཀྱི་དཀའ་ངལ་སེལ་རོགས་བྱས།
སྤྱི་ལོ1937ལོའི་བདུན་པའི་ཚེས་བདུན་གྱི་དུས་འགྱུར་བྱུང་རྗེས་ཕ་ཡུལ་དུ་ལོག་ནས་དམག་ལ་ཞུགས། ལོ་དེའི་ཟླ9པར་ཀོན་ཞིན་ཧྥུ་ཡིས་ངོ་སྤྲོད་བྱས་ཏེ་ཀྲུང་གོ་གུང་ཁྲན་ཏང་ལ་ཞུགས། དེ་ནས་བཟུང་ཏང་གི་མགོ་ཁྲིད་འོག་ཧུར་བརྩོན་གྱིས་འཇར་འགོག་རྒྱལ་སྐྱོབ་ཀྱི་བྱ་འགུལ་སྤེལ་བ་དང་། སློབ་མའི་དྲིལ་བསྒྲགས་རུ་ཁག་རྩ་འཛུགས་བྱས་ཏེ། གྲོང་གསེབ་དང་སྲང་ལམ་དུ་སོང་ནས་འཇར་འགོག་དྲིལ་བསྒྲགས་བྱས། ལོ་དེའི་ཟླ9བར། ཡན་ཧྭ་རྫོང་གི་ཆུས་གཉིས་པའི་ཁུལ་ཨུའི་ཧྲུའུ་ཅིའི་འགན་བཞེས་པར་མ་ཟད། ཀུའུ་ཧྭ་རྫོང་གི་ཏང་ཀྲི་པུའུ་དང་པོ་ཡུས་ཅ་ཏང་ཀྲི་པུའུ་བཙུགས་ཤིང་། ཁོང་གིས་ཧྲུའུ་ཅིའི་འགན་གཅིག་ལྕོགས་སུ་ཁུར།
སྤྱི་ལོ1939ལོའི་ཟླ7པར། ཝུའུ་ཏི་རྫོང་དུ་ཐེངས་གཉིས་པར་འཇར་འགོག་དམངས་གཙོའི་སྲིད་གཞུང་བཙུགས་པ་དང་། ཁོང་གིས་རྫོང་སྲིད་གཞུང་གི་དྲུང་ཡིག་གི་འགན་བཞེས་ཤིང་། རྫོང་དཔོན་ལིའུ་པའོ་ཐེན་ལ་རོགས་བྱས་ནས་ལས་བྱེད་པ་གསོ་སྦྱོང་བྱས་ཏེ་བྱ་བ་བསྒྲུབས།
སྤྱི་ལོ1940ལོའི་ཟླ5པའི་ཉིན་ཞིག་ལ། རྫོང་སྲིད་གཞུང་གི་ལས་ཁུངས་ཚའོ་ཀྲོང་ནས་ཇག་པའི་དྲག་ཆས་ཀྱིས་བསྐོར་ཡོད། འཐབ་འཛིང་དྲག་པོའི་ཁྲོད་རྫོང་དཔོན་ལིའུ་པའོ་ཐེན་སྐུ་གཤེགས་པ་དང་། ཡུས་ཧྲེན་ཏེ་ཡིས་མི་ཉུང་ཤས་ཤིག་ཁྲིད་དེ་སྟབས་ལེགས་ནས་ཐར་ཐུབ་པ་བྱུང་། ཝུའུ་ཏི་རྫོང་སྲིད་གཞུང་ལ་གྱོང་གུན་ཚབས་ཆེན་ཐེབས་པས་མི་འཐོར་ཐབས་མེད་བྱུང་། སྤྱི་ལོ1942ལོའི་ཟླ་3པར། ཀྲུང་གུང་ཆིང་ཡུན་རྫོང་ཨུའི་ཧྲུའུ་ཅིའི་འགན་བཞེས་ཏེ། ཉིང་ཅིན་དང་ཆིང་ཡུན། ཏུང་ཀོང་བཅས་ཀྱི་ས་ཁུལ་དུ་ཅི་ལུའུ་མཐའ་མཚམས་ཀྱི་ས་ཁུལ་ཏང་ཨུ་དང་པོ་དང་ཆེད་དོན་ལས་ཁུངས་དང་པོའི་ལས་ཁུངས་དང་མཉམ་དུ་བྱ་འགུལ་སྤེལ།
སྤྱི་ལོ1942ལོའི་ཟླ6པའི་ཚེས19ཉིན་གྱི་ཐོ་རེངས་སུ། འཇར་དམག་གི་གཙང་འཕྱག་རུ་ཁག་གིས་ས་ཁུལ་ཏང་ཨུ་དང་ཆེད་དོན་ཧྲུའུ་ཡི་སྡོད་གནས་ཏུང་ཀོང་རྫོང་ཏ་ཏན་སྡེ་བ་བསྐོར་ཞིང་། འཐབ་འཛིང་དྲག་པོའི་ཁྲོད་དུ། སྟབས་མ་ལེགས་པར་རྨས་སྐྱོན་ཚབས་ཆེན་ཕོག་ནས་འཛིན་བཟུང་བྱས་ཤིང་། མནར་གཅོད་ཚད་མེད་བཏང་མོད། འོན་ཀྱང་ཤི་ཡང་དཔའ་མི་ཞུམ་པར་དྲང་བདེན་གྱི་ཆེད་དུ་དཔའ་ངར་ཞུམ་མེད་ཀྱིས་དགྲ་བོར་སྡིགས་མོ་དྲག་པོ་བྱས། མཇུག་མཐར་དགྲ་བོས་གྲོད་པ་གཤགས་ནས་དཔའ་ཉམས་ལྡན་པའི་ངང་རང་སྲོག་བློས་བཏང་བ་དང་། སྐབས་དེར་དགུང་ལོ་སོ་ལྔ་ལས་སོན་མེད།
དཔྱད་གཞིའི་ཡིག་ཆ།