ཁྲོ་བོའི་རྒྱལ་པོ་འཕགས་པ་མི་གཡོ་བ་སྔོན་པོ་པུས་བཙུགས་མ་ས་ལུགས།སྔ་མའི་པར་གཞི་དེ འབའYoungsan ནས 2026-01-27 16:22ལ་འགྲུབ།
འཕགས་པ་མི་གཡོ་བའི་ལྷ་ཚོགས་ཀྱི་གྲས་ཤིག་སྟེ། གཏུམ་པོ་ཆེན་པོ་སྔོན་པོ་ཞལ་གཅིག་ཕྱག་གཉིས་པ། གཡས་ཡེ་ཤེས་ཀྱི་རལ་གྲི་ནམ་མཁའ་ལ་འཕྱར་བ། གཡོན་རྡོ་རྗེ་ཞགས་པ་སྡིགས་མཛུབ་ལ་ལན་གཉིས་སུ་དཀྲིས་ཤིང་ཐུགས་ཀར་གཏོད་པ། ཞབས་གཡོན་གྱི་པུས་མོ་དང་། གཡས་ཀྱི་མཐིལ་སྣ་ཚོགས་པདྨ་དང་ཉི་མའི་གདན་ལ་བཞེངས་སྟབས་ཀྱི་ཚུལ་དུ་བཞུགས་ཤིང་། སྤྱན་གསུམ་གྱི་གཡས་པ་སྟེང་དུ་གཟིགས་པས་ལྷའི་བུའི་བདུད་ཚར་གཅོད་ཅིང་། གཡོན་པ་འོག་ཏུ་གཟིགས་པས་ལྷ་མིན་དང་ཀླུའི་གདོན་འདུལ་བ་དང་། དབུས་ཐད་ཀར་གཟིགས་པས་ས་སྟེང་གི་བགེགས་ཐམས་ཅད་འཇོམས་པ། ཁྲོས་ཤིང་ཁྲོ་གཉེར་བསྡུས་པ། ཡ་སོས་མ་མཆུ་མནན་པ། མཆེ་བ་གཙིགས་པ། དབུ་སྐྲ་སེར་པོ་ཐོར་ཚུགས་སུ་བཅིངས་ཤིང་ཟུར་ཕུད་ལྔ་དང་ལྡན་པ། དར་སྣ་ཚོགས་པའི་ཤམ་ཐབས་དང་། རིན་པོ་ཆེའི་རྒྱན་དང་། སྦྲུལ་དཀར་པོའི་སེ་རལ་ཁར་བྱས་པའོ༎