ས་གནས་རང་བཞིན་གྱི་བདེ་འཇགས་ཐོན་སྐྱེད་སྐོར་གྱི་ཁྲིམས་སྲོལ།སྔ་མའི་པར་གཞི་དེ ཟླ་བའི་སྲས་མོ ནས 2025-11-20 11:07ལ་འགྲུབ།
ས་གནས་རང་བཞིན་གྱི་བདེ་འཇགས་ཐོན་སྐྱེད་སྐོར་གྱི་ཁྲིམས་སྲོལ་ནི་ཁྲིམས་འཛུགས་པའི་དབང་ཆ་ཡོད་པའི་ས་གནས་མི་དམངས་འཐུས་མི་ཚོགས་ཆེན་དང་དེའི་རྒྱུན་ལས་ཨུ་ཡོན་ལྷན་ཁང་། ས་གནས་སྲིད་གཞུང་བཅས་ཀྱིས་གཏན་ལ་ཕབ་པའི་བདེ་འཇགས་ཐོན་སྐྱེད་སྐོར་གྱི་ཡིག་ཆ་ཚད་ལྡན་ཅན་ཞིག་ཡིན། དེ་ནི་བཅའ་ཁྲིམས་ཀྱིས་གཏན་ལ་ཕབ་པ་དང་རྒྱལ་ཁབ་ཀྱི་བདེ་འཇགས་ཐོན་སྐྱེད་སྐོར་གྱི་བཅའ་ཁྲིམས་དང་ཁྲིམས་སྲོལ་བཅས་ཁ་གསབ་དང་འཐུས་ཚང་དུ་བཏང་བ་ཞིག་ཡིན་ལ ། དེས་ས་གནས་དེ་གའི་བདེ་འཇགས་ཐོན་སྐྱེད་སྐོར་གྱི་གནད་དོན་ངེས་ཅན་ཞིག་ཐག་གཅོད་བྱེད་པ་དམིགས་འབེན་དུ་བཟུང་ཡོད་པས་དེར་དམིགས་སའི་རང་བཞིན་དང་བཀོལ་སྤྱོད་བྱ་ཐུབ་པའི་རང་བཞིན་བཅས་ཡོད།
རྒྱལ་སྲིད་སྤྱི་ཁྱབ་ཁང་གི་སྡེ་ཁག་བདེ་འཇགས་ཐོན་སྐྱེད་སྐོར་གྱི་སྒྲིག་སྲོལ་ནི་འབྲེལ་ཡོད་སྡེ་ཁག་གིས་བདེ་འཇགས་ཐོན་སྐྱེད་ཀྱི་ལས་དོན་གྱི་ཐད་ལ་ཤུགས་སྣོན་པའི་ཆེད་དུ་ཁྱབ་བསྒྲགས་བྱས་པའི་ཡིག་ཆ་ཚད་ལྡན་ཞིག་ཡིན་པ་དཔེར་ན། རྒྱལ་ཁབ་ཀྱི་བདེ་འཇགས་ཐོན་སྐྱེད་ལྟ་སྐུལ་དོ་དམ་སྤྱི་ཁྱབ་ཅུས་ཀྱིས་ཁྱབ་བསྒྲགས་བྱས་པའི་《བདེ་འཇགས་ཐོན་སྐྱེད་ཁྲིམས་འགལ་བྱ་སྤྱོད་སྐོར་གྱི་སྲིད་འཛིན་ཉེས་གཅོད་བྱེད་ཐབས》ཞེས་པ་ལྟ་བུ། ས་གནས་སྲིད་གཞུང་གི་བདེ་འཇགས་ཐོན་སྐྱེད་སྐོར་གྱི་སྒྲིག་སྲོལ་དེ་ཕྱོགས་གཅིག་ནས་བཅའ་ཁྲིམས་དང་སྲིད་འཛིན་ཁྲིམས་སྲོལ་གྱི་ཁོངས་སུ་གཏོགས་པ་དང་། ཕྱོགས་གཞན་ཞིག་ནས་ས་གནས་ཀྱི་ཁྲིམས་སྲོལ་གྱི་ཁོངས་སུ་གཏོགས་པ་མ་ཟད་དེ་གཉིས་དང་འགལ་བ་བཟོ་མི་རུང་།