ཧྥན་ཧུང་མིན།སྔ་མའི་པར་གཞི་དེ གནམ་ཐར་རྒྱལ། ནས 2025-09-15 09:46ལ་འགྲུབ།
སྤྱི་ལོ2023ལོའི་ཟླ7པའི་ཚེས22ཉིན་གྱི་ཆུ་ཚོད16ཙམ་ལ་ཧྥན་ཧུང་མིན་གྱིས་ནན་ཁྲང་ཟམ་ཆེན་ཀན་ཅང་གཙང་པོའི་ནུབ་ངོགས་སུ་ཆུ་རྐྱལ་བྱེད་སྐབས། ཆུར་ལྷུང་བའི་སྐྱེས་པ་ཞིག་མཚོ་འགྲམ་དུ་བསྐྱབས་རྗེས་མདོག་སྔོ་སྨུག་དང་འདུ་ཤེས་མེད་པར་གྱུར་ཡོད། ཁོ་མོས་འཕྲལ་དུ་གཞན་ལ་མྱུར་སྐྱོབ་ཁ་པར་རྒྱག་རྒྱུའི་མཛུབ་ཁྲིད་བྱས་པ་དང་འབྲེལ་ཆེད་ལས་སྨན་བཅོས་ཤེས་བྱ་སྤྱད་དེ་གློ་སྙིང་སླར་གསོ་དང་། དབུགས་ལམ་སྒོ་ཕྱེ་བ། ཁའི་ནང་གི་དངོས་པོ་གཙང་སེལ་སོགས་ཀྱི་བྱ་ཐབས་སྤྱད་པ་རེད། མྱུར་སྐྱོབ་རྒྱུན་མཐུད་བྱས་པ་བརྒྱུད་སྐྱེས་པའི་རང་འགུལ་ངང་དབུགས་འབྱིན་རྔུབ་སླར་གསོ་བྱུང་ནས་ཉེན་ཁ་ལས་ཐར་ཐུབ་པ་བྱུང་ཡོད། དོན་རྐྱེན་དེ་གྲོང་མིས་པར་ལེན་བྱས་པ་དང་འབྲེལ་བརྒྱུད་བསྒྲགས་བྱས་པས་སྤྱི་ཚོགས་ཀྱི་བསྔགས་བརྗོད་རྒྱ་ཁྱབ་ངང་ཐོབ་ཡོད།
ཧྥན་ཧུང་མིན་གྱིས་དུས་ཡུན་རིང་བོར་ནད་ཐོའི་དོ་དམ་ཁྱབ་ཁོངས་ལ་བློ་རྩེ་གཅིག་སྒྲིམ་གྱིས་ཚན་ཁག་གི་སྣེ་ཁྲིད་དེ་ཚད་ལྡན་ཅན་གྱི་འཛུགས་སྐྲུན་དང་སྤུས་ཚད་ཚོད་འཛིན་སོགས་ཀྱི་ཐད་གྲུབ་འབྲས་མངོན་གསལ་དོད་པོ་ཐོབ་ཡོད། ཁོང་སྔ་རྗེས་སུ་ཅང་ཞི་ཞིང་ཆེན་ནད་གཞིའི་ནད་ཐོའི་སྤུས་ཚད་ཚོད་འཛིན་ལྟེ་གནས་ཀྱི་ཆེད་ལས་མཁས་ཅན་དང་ཅང་ཞི་ཞིང་ཆེན་སྨན་ཁང་མཐུན་ཚོགས་ཀྱི་ནད་གཞིའི་དོ་དམ་ཆེད་ལས་ཨུ་ལྷན་གྱི་རྒྱུན་ཨུར་གྱུར་ཡོད། གཙོ་བཅོས་སྨན་པ་དཀའ་བཅུ་པ་ཞིག་ཡིན་པའི་ངོས་ནས་མོས་ནད་ཐོག་སྨན་བཅོས་ཀྱི་ཉམས་མྱོང་དང་ནད་གཞིའི་དོ་དམ་ཟུང་འབྲེལ་བྱས་ཏེ་སྨན་བཅོས་ཆ་འཕྲིན་ཚད་ལྡན་ཅན་དུ་སྤྱོད་རྒྱུར་སྐུལ་འདེད་བཏང་ཡོད།
ནན་ཁྲང་གྲོང་ཁྱེར་སྲིད་གྲོས་ཀྱི་ཨུ་ཡོན་གྱི་འགན་འཁུར་སྐབས་ཧྥན་ཧུང་མིན་གྱིས་ཆེད་ལས་རྒྱབ་ལྗོངས་དང་ཟུང་འབྲེལ་བྱས་ཏེ། 《ཞི་ཧུའུ་ཁུལ་གྱི་ཁྱབ་ཁོངས་ནང་སྨན་བཅོས་མཉམ་འབྲེལ་སྒྲིག་གཞི་བཙུགས་ནས་མི་སེར་གྱི་སྨན་བཅོས་ལ་སྟབས་བདེ་བསྐྲུན་ནས་བདེ་སྐྱིད་ཚོར་སེམས་ཆེ་རུ་གཏོང་རྒྱུའི་སྐོར་གྱི་གྲོས་གཞི》དང《མཁོ་ཆོད་སྨན་བཅོས་མ་ལག་འཛུགས་སྐྱོང་ལ་ཤུགས་སྣོན་རྒྱག་རྒྱུའི་སྐོར་གྱི་གྲོས་གཞི》སོགས་གྲོས་གཞི་མང་པོ་བྲིས་པ་རེད། གྲོས་འགོ་དེ་དག་འབྲེལ་ཡོད་སྡེ་ཚན་གྱིས་དང་ལེན་བྱས་པ་དང་འབྲེལ་སྲིད་ཇུས་དོན་འཁྱོལ་ལ་སྐུལ་འདེད་བཏང་ནས་ས་ཁོངས་སྨན་བཅོས་ཐོན་ཁུངས་བཀོད་སྒྲིག་ཇེ་ལེགས་སུ་བཏང་ཡོད།