མཚོ་སྔོན་པད་མ་སྨར་ཁོག་གཙང་བོ་རྒྱལ་ཁབ་འདམ་རའི་སྤྱི་གླིང་།སྔ་མའི་པར་གཞི་དེ སྒོ་མེ་སྙིང་བྱམས་ཚེ་རིང ནས 2025-07-18 14:52ལ་འགྲུབ།
མཚོ་སྔོན་པད་མ་སྨར་ཁོག་གཙང་བོ་རྒྱལ་ཁབ་འདམ་རའི་སྤྱི་གླིང་།
མཚོ་སྔོན་པད་མ་སྨར་ཁོག་གཙང་བོ་རྒྱལ་ཁབ་འདམ་རའི་སྤྱི་གླིང་།
མཚོ་སྔོན་པད་མ་སྨར་ཁོག་གཙང་བོ་རྒྱལ་ཁབ་འདམ་རའི་སྤྱི་གླིང་ནི་མཚོ་སྔོན་ཞིང་ཆེན་པད་མ་རྫོང་དུ་གནས་པ་དང་། རྒྱལ་མོ་རྔུལ་ཆུའི་ཆུ་འགོ་སྨར་ཁོག་གཙང་བོ་གཙོ་བོར་བྱས་པའི་མཐོ་སྒང་གི་ཆུ་བོའི་འདམ་ར་ཞིག་ཡིན་པ་དང་སྤྱིའི་རྒྱ་ཁྱོན་ལ་སྤྱི་ཆིང1610.74ཟིན་ཡོད། སྤྱི་ལོ2021ལོའི་ཟླ4པའི་ཚེས13ཉིན། གསར་འགོད་པར་མཚོ་སྔོན་སྨར་ཁོག་གཙང་པོ་རྒྱལ་ཁབ་འདམ་རའི་སྤྱི་གླིང་ནས་ཤེས་རྟོགས་བྱུང་བར། སྨར་ཁོག་གཙང་བོ་རྒྱལ་ཁབ་འདམ་རའི་སྤྱི་གླིང་དུ་སྤྱི་ལོ2021ལོའི་ཟླ3པར་བྱ་རིགས་ལ་བརྟག་དཔྱད་བྱས་པ་བདེ་བླག་ངང་མཇུག་སྒྲིལ་བ་དང་། ཐེངས་དེར་བརྟག་དཔྱད་བྱས་པའི་འདབ་ཆགས་རིགས56ལྷག་ཙམ་ཟིན་ཐོ་བཀོད་པ་དེ་སྤྱི་ལོ2020ལོའི་ལོ་འཁོར་གྱི་དུས་མཚུངས་བརྟག་དཔྱད་བྱས་པ་ལས་འདབ་ཆགས་རིགས10གསར་དུ་ཇེ་མང་དུ་ཕྱིན་ཡོད།
གཞི་རྩའི་གནས་ཚུལ།
རྒྱ་ཡིག་གི་མིང་།
青海班玛玛可河国家湿地公园
རིམ་པ།
རྒྱལ་ཁབ་རིམ་པ།
གནས་ཡུལ།
མཚོ་སྔོན་ཞིང་ཆེན་མགོ་ལོག་ཁུལ་པད་མ་རྫོང་།
མཆན་བཀོད་དུས་ཚོད།
སྤྱི་ལོ2015ལོའི་ཟླ12པ།
རྒྱ་ཁྱོན།
སྤྱི་ཆིང1610.74ཡོད།
1
གནས་ཡུལ།
མཚོ་སྔོན་པད་མ་སྨར་ཁོག་གཙང་བོ་རྒྱལ་ཁབ་འདམ་རའི་སྤྱི་གླིང་ནི་མཚོ་སྔོན་ཞིང་ཆེན་པད་མ་རྫོང་གི་ཤར་རྒྱུད་དུ་གནས་པ་དང་། འདམ་རའི་སྤྱི་གླིང་ནི་བྱང་པད་མ་རྫོང་དང་དར་ལག་རྫོང་གི་ས་མཚམས་ནས་ལྷོ་པད་མ་རྫོང་ཁོངས་ཀྱི་གཙང་གསུམ་འབྱུང་ཡུལ་རང་བྱུང་སྲུང་སྐྱོང་ཁུལ་གྱི་མཐའ་མཚམས་བར་ཡིན་པ་དང་། ས་ཁམས་གནས་ཚད་དེ་ཤར་གྱི་གཞུང་ཐིག100°28'～100°49'དང་བྱང་གི་འཕྲེད་ཐིག32°52'～33°15'བར་ཡིན་ལ། ལྷོ་བྱང་གི་རིང་ཚད་སྤྱི་ལེ60.39ཙམ་དང་ཤར་ནུབ་ཀྱི་ཞེང་ཚད་སྤྱི་ལེ0.83ཟིན་པ། སྤྱིའི་རྒྱ་ཁྱོན་སྤྱི་ཆིང1610.74ཟིན་ཡོད།
2
ས་ཁམས་ཁོར་ཡུག
སྨར་ཁོག་གཙང་བོ་ནི་འབྲི་ཆུའི་ཆུ་རྒྱུད་ཀྱི་རིམ་པ་དང་པོའི་ཡན་ལག་ཆུ་བོ་རྒྱལ་མོ་རྔུལ་ཆུའི་ཆུ་འགོའི་གཙང་པོའི་ཁོངས་སུ་གཏོགས་པ་དང་། གཙང་བོ་ནུབ་བྱང་ནས་ཤར་ལྷོའི་ཕྱོགས་སུYཡི་དབྱིབས་སུ་ཆགས་ནས་འདམ་རའི་སྤྱི་གླིང་གི་མངའ་ཁོངས་ཡོངས་སུ་ཤར་གཏོང་ཐུབ་ཡོད། འཆར་འགོད་ཁྱབ་ཁོངས་ནང་པད་མ་རྫོང་ཁོངས་སུ་གཙང་གསུམ་ཆུ་འགོའི་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་ཕུད་པའི་སྨར་ཁོག་གཙང་བོ་གཞུང་ཆུ་འབབ་རྒྱུད་ཧྲིལ་པོ་དང་དེའི་ཉེ་འཁོར་གྱི་ཆུ་ངོགས་ཀྱི་ན་ཁ་ཚུད་ཡོད།
3
གཟི་བརྗིད་མཚན་སྙན།
སྤྱི་ལོ2021ལོའི་ཟླ12པའི་ཚེས29ཉིན། རྒྱལ་ཁབ་ནགས་ལས་དང་རྩྭ་ཐང་ཅུའུ་ཡིས་ཞིབ་བཤེར་རྩིས་ལེན་བྱས་པའི་རྒྱལ་ཁབ་འདམ་རའི་སྤྱི་གླིང44ཡི་མིང་ཐོ་ཁྱབ་བསྒྲགས་བྱས་པ་དང་། མཚོ་སྔོན་པད་མ་སྨར་ཁོག་གཙང་བོ་རྒྱལ་ཁབ་འདམ་རའི་སྤྱི་གླིང་གྲས་སུ་ཚུད་ཡོད།
དཔྱད་གཞིའི་ཡིག་ཆ།