ལག་ལེན་གྱི་དམིགས་ཡུལ།སྔ་མའི་པར་གཞི་དེ འབའYoungsan ནས 2025-06-20 08:04ལ་འགྲུབ།
བར་བརྒྱུད་དམིགས་ཡུལ་ལ་ལན་རེར་རྒྱང་རིང་དམིགས་ཡུལ་ཟེར་བ་ལྟར། ལག་ལེན་གྱི་དམིགས་ཡུལ་ལ་སྐབས་འགར་ཉེ་བའི་དམིགས་ཡུལ་ཡང་ཟེར། དངུལ་ལོར་སྲིད་ཇུས་ཀྱི་བྱེད་ནུས་ཀྱི་བརྒྱུད་རིམ་ཡོངས་ནས་བལྟས་ན། ལག་ལེན་གྱི་དམིགས་ཡུལ་ནི་ལྟེ་བའི་དངུལ་ཁང་གི་སྲིད་ཇུས་ཡོ་བྱད་དང་བར་ཐག་ཆེས་ཉེ་བས། ལྟེ་བའི་དངུལ་ཁང་གིས་དངུལ་ལོར་སྲིད་ཇུས་ལ་ཐད་ཀར་ཚོད་འཛིན་བྱེད་བཞིན་ཡོད་ལ། ཚོད་འཛིན་ནུས་པའི་རང་བཞིན་ཧ་ཅང་དྲག་པོ་ཡོད། ལྟེ་བའི་དངུལ་ཁང་གིས་དངུལ་ལོར་སྲིད་ཇུས་ཀྱི་ཡོ་བྱད་ལ་བརྟེན་ནས་ལག་ལེན་གྱི་དམིགས་ཡུལ་ལ་བྱེད་ནུས་འདོན་པ་དང་སྦྲགས། བར་བརྒྱུད་དམིགས་ཡུལ་ལ་བསྟུད་མར་ཤན་ཞུགས་ནས། དེའི་མཐར་ཐུག་གི་དམིགས་ཡུལ་མངོན་འགྱུར་བྱེད། དེ་ལས་ཀྱང་ཧ་ཅང་གལ་ཆེ་བ་ཞིག་ནི། ལག་ལེན་གྱི་དམིགས་ཡུལ་གྱི་གདམ་ང་དེ་ཚད་ཆེ་ས་ནས་བཤད་ན་བར་བརྒྱུད་དམིགས་ཡུལ་གྱི་གདམ་ང་ལ་རག་ལས་ཡོད། གལ་ཏེ་བསྡོམས་འབོར་དམིགས་ཡུལ་དེ་བར་བརྒྱུད་དམིགས་ཡུལ་དུ་བྱས་ན། ལག་ལེན་གྱི་དམིགས་ཡུལ་གྱིས་ཀྱང་བསྡོམས་འབོར་དམིགས་ཡུལ་གདམ་གསེས་བྱེད་འོས། ཡང་སྐྱེད་ཚད་བར་བརྒྱུད་དམིགས་ཡུལ་དུ་བྱས་ན། ལག་ལེན་གྱི་དམིགས་ཡུལ་གྱིས་སྐྱེད་ཚད་ཀྱི་དམིགས་ཡུལ་གདམ་གསེས་བྱ་འོས། ནུབ་ཕྱོགས་ཀྱི་བཟོ་ལས་ཅན་གཙོ་བོ་ཡིན་པའི་རྒྱལ་ཁབ་སོ་སོའི་ལྟེ་བའི་དངུལ་ཁང་གི་ལག་ལེན་གྱི་ཕྱོགས་ནས་བལྟས་ན། རྒྱུན་དུ་ལག་ལེན་གྱི་དམིགས་ཡུལ་དུ་འཛིན་བྱ་ནི་ཡུན་ཐུང་དངུལ་ལོར་ཁྲོམ་རའི་སྐྱེད་ཚད་དང་དངུལ་ཁང་གི་ཉར་དངུལ། རྨང་གཞིའི་དངུལ་ལོར་སོགས་སོ༎