བཤའ་ཟོག་གི་ཕྱུགས་རའི་ས་ཁམས་ཆགས་གནས།སྔ་མའི་པར་གཞི་དེ མྱིsteve ནས 2024-03-27 15:28ལ་འགྲུབ།
ས་ཁམས་གནས་ཡུལ་གདམ་གསེས་བྱེད་པར་གཙོ་བོ་གཤམ་གྱི་ཕྱོགས་འདི་དག་ལ་བསམ་བློ་གཏོང་དགོས།
གནས་ཡུལ་འདེམས་སྐབས་འགྲིམ་འགྲུལ་སྟབས་བདེ་བ་དང་། དངོས་ཟོག་གི་དགོས་མཁོ་དང་ཐོན་རྫས་མཁོ་སྤྲོད་ལ་བསམ་བློ་བཏང་ནས་འགྲིམ་འགྲུལ་སྟབས་བདེ་ཡོང་བར་ཁག་ཐེག་བྱེད་དགོས། ཕྱི་ནས་གཞུང་ལམ་ཤར་གཏོང་ཐུབ་དགོས་མོད། འོན་ཀྱང་འགྲིམ་འགྲུལ་ལམ་ཐིག་གཙོ་བོ་དང་བསྣོལ་མི་རུང་ལ། སྤྱིར་བཏང་དུ་ཕྱུགས་ར་དང་གཞུང་ལམ་གྱི་མ་ལམ་གཙོ་བོའི་བར་ཐག500mལས་བརྒལ་མི་རུང་།
བཤའ་ཟོག་གསོ་བར་གཟན་ཆས་དང་ལྷག་པར་དུ་གཟན་ཆག་དགོས་ཤིང་། ཟོག་གསོ་ར་བ་སོག་མ་དང་། སྔོ་གཟན་གསོག་ཉར། རྩྭ་སྐམ་བཅས་ཀྱི་ཐོན་ཁུངས་དང་ཐག་ཉེ་སྟེ་གཟན་རྩྭ་མཁོ་སྤྲོད་ལ་ཁག་ཐེག་དང་འདྲེན་གླ་ཇེ་ཉུང་དུ་གཏོང་དགོས།
འབག་བཙོག་མི་ཐེབས་པའི་ཆེད་དུ། ཕྱུགས་ར་དང་རྫས་འགྱུར་བཟོ་གྲྭ་སྣ་ཚོགས། སྒོ་ཕྱུགས་དང་ཁྱིམ་བྱའི་ཐོན་རྫས་ལས་སྣོན་བཟོ་གྲྭ་སོགས་བར་གྱི་བར་ཐག1500mལས་ཆུང་མི་རུང་ལ། ཕྱུགས་གསོ་ཁང་དེ་བཟོ་གྲྭ་འདི་དག་གི་རླུང་ཁའི་འོག་ནས་མི་འཛུགས་པར་གསོ་སྤེལ་ར་བ་གཞན་དང་བར་ཐག་རིང་དགོས། སྒོ་ཕྱུགས་དང་ཁྱིམ་བྱའི་ར་བ་ཆེ་གྲས་བར་གྱི་བར་ཐག་ནི1000~1500mལས་ཆུང་མི་རུང་། མི་འབོར་འདུས་ཚད་ཆེ་བའི་ས་ཁུལ་དང་སྡོད་དམངས་འདུས་ཁུལ་གྱི་བར་ཐག1000mནས3000mཡན་ཡོད་པ་མ་ཟད། སྡོད་དམངས་འདུས་ཁུལ་གྱི་རླུང་ཁའི་འོག་དང་སྡོད་དམངས་ཀྱི་ཆུ་ཁུངས་ཀྱི་སྨད་རྒྱུད་དུ་གནས་དགོས།
《སྒོ་ཕྱུགས་དང་ཁྱིམ་བྱའི་ཆེ་ཆུང་ལྡན་པའི་གསོ་སྤེལ་སྦགས་བཙོག་འགོག་བཅོས་སྲོལ་ཡིག》གི་གཏན་འབེབས་ནང་གཏན་འགོག་བྱས་པའི་ས་ཁོངས་སུ་ར་བ་མི་འཛུགས་པ།
1.འཐུང་ཆུའི་ཆུ་མགོ་སྲུང་སྐྱོབ་ཁུལ་དང་། མཛེས་ལྗོངས་ཁུལ་གྲགས་ཅན།
2.རང་བྱུང་སྲུང་སྐྱོབ་ཁུལ་གྱི་ལྟེ་བའི་ཁུལ་དང་བར་མཚམས་ཁུལ།
3.གྲོང་ཁྱེར་དང་གྲོང་རྡལ་གྱི་གྲོང་མིའི་སྡོད་ཁུལ་དང་། རིག་གནས་སློབ་གསོ་ཚན་རིག་ཞིབ་འཇུག་ཁུལ་སོགས་མི་འབོར་གཅིག་སྡུད་ཆེ་བའི་ས་ཁོངས།
4.བཅའ་ཁྲིམས་དང་ཁྲིམས་སྲོལ་ནང་གཏན་འབེབས་བྱས་པའི་གསོ་སྤེལ་བྱེད་མི་ཆོག་པའི་ས་ཁོངས་གཞན་དག་བཅས་ཡིན།