དག་ཅིའི་འབྲས་བུ་བསྡུ་བ་དང་ལས་སྣོན།སྔ་མའི་པར་གཞི་དེ མྱིsteve ནས 2024-03-27 15:29ལ་འགྲུབ།
དག་ཅི་ལོ་རེར་ཐེངས་གཉིས་རེ་བསྡུ་ལེན་བྱས་ན་ལེགས། ཧྭ་པེ་ས་ཁུལ་དུའང་ཐེངས་གཅིག་བསྡུ་ཐུབ་པ་དང་། སི་ཁྲོན་ས་ཁུལ་དུ་ཐེངས3-4བསྡུ་ཐུབ་པ་ཡིན། ཐེངས་དང་པོ་ནི་ཟླ6པའི་ཟླ་སྨད་ནས་ཟླ7པའི་ཟླ་སྟོད་བར་ཡིན་ཞིང་། དེར་གྲི་མགོ་དག་ཅི་ཟེར། ཐེངས་གཉིས་པ་ནི་ཟླ10པའི་ཟླ་སྟོད་དུ་མེ་ཏོག་མ་བཞད་གོང་ཡིན་ལ། དེ་ལ་གྲི་གཉིས་ག་ཅི་ཟེར། བསྡུ་ལེན་བྱེད་སྐབས་གནམ་ངོ་དྭངས་དགོས་པ་མ་ཟད། ཉིན་གུང་གི་ཆུ་ཚོད12ནས་ཕྱི་དྲོའི་ཆུ་ཚོད2བར་ཡིན་དགོས། རྒྱུ་མཚན་ནི་སྐབས་དེའི་ལོ་མའི་ཁྲོད་ཀྱི་དག་ཅིའི་སྣུམ་དང་། དག་ཀླད་འདུས་ཚད་ཆེས་མཐོ་བའི་སྐབས་ཡིན། བསྡུ་ལེན་བྱེད་སྐབས་ཟོར་བས་ས་ངོས་དང་མཉམ་པོར་སྡོང་བོ་དང་ལོ་མ་འབྲེག་དགོས་པ་ལས་མྱུ་གུ་མཐོ་དྲགས་མི་རུང་ཞིང་། མཐོ་དྲགས་ན་མྱུ་གུ་གསར་བའི་སྐྱེ་འཚར་ལ་རྟག་ཏུ་ཤུགས་རྐྱེན་ཐེབས་ཀྱིན་ཡོད།
དག་ཅི་བསྡུ་ལེན་བྱས་རྗེས་མྱུར་ཏུ་སྲབ་མོར་ཉི་མར་སྐམ་དགོས། ཉི་མར་སྐེམ་དུས་ཡང་དང་བསྐྱར་དུ་དཀྲུགས་དགོས་ལ། བཅུ་ཆའི་བདུན་བརྒྱད་ཙམ་སྐེམ་དུས་ཤོག་བསྡམས་དགོས། སྡོམ་དུས་སྡོང་བོ་སྙོམས་པོར་འཇོག་དགོས། དེ་ནས་ལོ་མའི་གཤམ་གྱི3-5cmཡི་གཞུང་རྟ་དོར་བ་དང་། ཡང་བསྐྱར་ཉི་སྐམ་མམ་བསིལ་སྐམ་བྱས་རྗེས་སྨན་དུ་སྤྱོད་ཆོག་པ་ཡིན་ལ་ཆག་སྐམ་ཚད25%ཡིན། དག་ཅིའི་སྨན་རྫས་ནི་སྡོང་བོ་སྙོམས་ཤིང་ལོ་མ་མཐུག་ལ་ལྗང་ཁུ་དང་། ཡལ་ག་དམར་བོ། སྤུ་དཀར་བ། རྩ་བ་མེད་པ། ཆག་མེད་པ། རུལ་མེད་པ། དྲི་ཞིམ་ཆེ་བ་བཅས་ནི་མཆོག་ཏུ་གྱུར་བ་ཡིན།