ཁ་ལ་ཁུ་ནུ་ལ་དང་གདང་ལ་རི་རྒྱུད།སྔ་མའི་པར་གཞི་དེ རྣམ་རྒྱལPemaNamgyal ནས 2024-03-26 15:54ལ་འགྲུབ།
རི་རྒྱུད་སྔ་མ་དེ་ཕལ་ཆེ་བ་ཤིན་ཅང་དང་ཀ་ཤི་སྨིར་འབྲེལ་མཚམས་སུ་ཆགས་ཤིང༌། བོད་ཁོངས་སུ་རི་དེའི་ཤར་རྒྱུད་ཀྱི་ཆ་ཤས་ཙམ་ལས་མེད། རི་རྒྱུད་འདི་དཔལ་མགོན་མཚེའུའི་བྱང་ངོས་སུ་ཁེལ་བའི་མུ་ལམ་ཅུང་གསལ་བ་སྟེ་དེ་ནི་ནུབ་བྱང་ནས་ཤར་ལྷོའི་མཚམས་སུ་བརྒྱུགས་ཡོད། དེའི་ཆ་སྙོམས་མཐོ་ཚད་རྒྱ་མཚོའི་ངོས་ལས་སྤྱི་ཁྲེ་དྲུག་སྟོང་ཡན་ཟིན་ཞིང་དེང་གི་འཁྱག་ཀླུང་ཡོངས་སུ་རྒྱས་ཐུབ་མེད་པའི་རི་བོ་ཞིག་ཡིན། རི་རྒྱུད་འདི་མུ་མཐུད་ཤར་དུ་དེད་ན་ལེ་ལག་ཤིན་ཏུ་མང་གཤིས་གཞུང་ཐིག85°ཡས་མས་སུ་སླེབས་དུས་རི་རྒྱུད་ཧ་ལམ་ངོས་འཛིན་རྒྱུ་མེད་པ་ལྟ་བུར་སྣང་ཞིང༌། གཞུང་ཐིག ༩༠°ཉེ་འགྲམ་ནས་གདང་ལའི་རི་རྒྱུད་ཀྱི་སྣེ་ཟིན། དེ་ནི་བོད་དང་མཚོ་སྔོན་གྱི་སའི་དབྱེ་མཚམས་ལྟ་བུར་མཆིས། གདང་ལའི་རི་རྒྱུད་ཀྱི་ཞེང་ཚད་སྤྱི་ལེ་བརྒྱ་དང་ལྔ་བཅུ་ཡན་ཟིན་ཞིང༌། རི་ཁུལ་གྱི་འཕེལ་སྟངས་ལ་གཞིགས་ན་དེང་གི་འཁྱག་ཀླུང་ཡོད་པར་ངེས་སོ། །