ཨ་མྱེས་སྟག་གདོང་།སྔ་མའི་པར་གཞི་དེ དཔལ་ལྷLhamo ནས 2023-05-24 15:47ལ་འགྲུབ།
གླང་ཆེན་སྟག་གདོང་ནི་བསང་ཡིག་ལས་སྲས་དང་བཙུན་མོ་ཡོད་པ་མ་ཟད་བོན་པོའི་ལྷ་ཞིག་ཡིན་ལ་སྔོན་ཆད་ཀོང་ཙེ་འཕྲུལ་གྱི་རྒྱལ་པོའི་རིང་ཉིན་གཅིག་ལ་ལབ་ཙེ་བརྒྱ་དང་བརྒྱད་བསྟད་པ་དེའི་ནང་གི་གཅིག་ཡིན་ཟེར། དང་པོ་ཞིག་ལ་གླང་ཆེན་གྱི་རྫ་རྒྱུད་ཀྱི་ཕྱོགས་སུ་མི་དང་བུད་མེད་ཁྱི་སོགས་འགྲོ་མི་རུང་བའི་རྒྱུ་མཚན་ནི་ཨ་ལགས་རྙེ་ཚང་ཕ་ཡུལ་མང་སྟོད་ལ་འགྲོ་སྐབས་སྟག་གདོང་ཉག་ཁར་བརྒྱུད་སྐབས་ཁོང་གི་ཇ་མ་ཐོག་གིས་བསད་པས་སྐུ་ཕྲེང་ཞོལ་མས་སྟག་གདོང་ལབ་ཙེ་མེ་ལ་བསྲེགས། སྟག་གདོང་ལ་མཆོད་བཀུར་བྱས་ན་མགོན་སྐྱབས་ཁྱད་མཚར་བྱེད་ངེས་སོ། །དཔའ་མཁར་ནི་གཞི་བདག་དེའི་ཕོ་བྲང་ལྟ་བུ་ཡིན་ཞིང་སྲས་མཁར་ནི་ནགས་དང་མདའ་མདུང་སོགས་ཀྱིས་བསྟོད་དགོས་ཕྱིར་དམུ་ཐག་གིས་དཀྲིས་ཡོད་པ་ལ་ཟེར་ཞིང་ལབ་ཙེ་ནི་རྡོ་འབུམ་རྡོ་སྤུངས་བཅས་ཀྱིས་བསྟོད་སྲོལ་འདུག་ཅིང་ཀྱེ་ཏོ་ནི་ཁྱིམ་ཚང་དང་མི་སྒེར་གྱིས་བསང་ཕུལ་སའི་གཞི་རྟེན་ལ་ཀྱེ་ཏོ་ཟེར་བ་ཡིན་ནོ། །
མཆན། མང་རྫོང་མགོ་མང་འབྲོག་རུ་སྡེ་བའི་སྙན་གྲགས་ཀྱིས་བཤད་པ་ཡིན།
གླང་ཆེན་སྟག་གདོང་ནི་བླ་མས་བཀུར་ན་ཆོས་སྐྱོང་དང་སྐྱེ་གཟིས་བཀུར་ན་དགྲ་ལྷ་ཉན་པ། བན་གྱིས་བན་རི་དང་བོན་གྱིས་བཀུར་ན་བོན་རི་ཉན་ནོ། །སྟག་གདོང་གི་ཆིབས་པ་རྟ་ནག་ཐོད་དཀར་ཅན་ཞིག་ཡིན་པ་དང་གླང་ཆེན་ཆིབས་པ་རྟ་ངང་བ་དང་ཁོང་ནི་བླ་མ་གསེར་ཞྭ་ཅན་ཞིག་ཡིན།
མཆན། མང་རྫོང་མགོ་མང་བབས་རུ་སྡེ་བའི་སྟག་ལྷ་དང་མ་ཁོ་གཉིས་ནས་གསུངས་པ་ཞིག་ཡིན།
སྟག་གདོང་བསང་ཡིག
གླང་ཆེན་སྦྲུལ་བའི་བློན་པོ་སྟག་གདོང་། །སྡེ་བརྒྱད་དྲག་པོའི་གཙོ་བོའི་མཆོག །ཞྭ་དཀར་བསྟན་པའི་བདག་པོ། །མི་ནོར་ཕྱུགས་ཀྱི་རྒྱབ་རྟེན། །བཀུར་ན་མཆོད་པའི་ཁ་འཛིན། །ཕ་ཨ་ཁུའི་བླ་རི་སྨུག་པོ། །གླང་ཆེན་སྟག་གདོང་གཉན་པོ། ། ཞེས་པ་འདི་ནི་འབུམ་བྱམས་རྒྱལ་གྱིས་བརྩམས་པའི《བསང་མཆོད་འདོད་དོན་མྱུར་འགྲུབ》ལས་བཤུས།