ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་སྲིད་སྤྱི་ཁྱབ་ཁང་གི་བཀའ་རྒྱ།（ཨང119པ）སྔ་མའི་པར་གཞི་དེ རྣམ་རྒྱལPemaNamgyal ནས 2022-07-26 15:24ལ་འགྲུབ།
ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་སྲིད་སྤྱི་ཁྱབ་ཁང་གི་བཀའ་རྒྱ།（ཨང119པ）
ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་སྲིད་སྤྱི་ཁྱབ་ཁང་གི་བཀའ་རྒྱ།（ཨང119པ）
ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་རྒྱལ་སྲིད་སྤྱི་ཁྱབ་ཁང་གི་བཀའ་རྒྱ་ཨང119པ་ནི་རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཕེང་གིས་སྤྱི་ལོ1993ལོའི་ཟླ8པའི་ཚེས1ཉིན་ཆོག་མཆན་བཀོད་ནས་སྤྲད་པའི་བཀའ་རྒྱ་ཞིག་རེད།
གཞི་རྩའི་གནས་ཚུལ།
རྒྱ་ཡིག་གི་མིང་།
中华人民共和国国务院令(第119号)
གྲོས་འཆམ་བྱུང་བའི་དུས་ཚོད།
སྤྱི་ལོ1993ལོའི་ཟླ6པའི་ཚེས11ཉིན།
མཆན་བཀོད་དུས་ཚོད།
སྤྱི་ལོ1993ལོའི་ཟླ8པའི་ཚེས1ཉིན།
ལག་བསྟར་དུས་ཚོད།
སྤྱི་ལོ1993ལོའི་ཟླ9པའི་ཚེས1ཉིན།
འགྲེམ་གཏོང་ཡིག་ཨང་།
རྒྱལ་སྲིད་སྤྱི་ཁྱབ་ཁང་བཀའ་རྒྱ་ཨང119པ།
ཡིག་གཏོང་ལས་ཁུངས།
རྒྱལ་སྲིད་སྤྱི་ཁྱབ་ཁང་།
1
འགྲེམ་བསྒྲགས་ཆ་འཕྲིན།
ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་རྒྱལ་སྲིད་སྤྱི་ཁྱབ་ཁང་གི་བཀའ་རྒྱ་ཨང119པ།
《ཆུ་བླངས་འཐུས་ལག་ཁྱེར་ལམ་ལུགས་ལག་བསྟར་བྱེད་ཐབས》འདི་སྤྱི་ལོ1993ལོའི་ཟླ6ཚེས11ཉིན་རྒྱལ་སྲིད་སྤྱི་ཁྱབ་ཁང་གི་རྒྱུན་ལས་གྲོས་ཚོགས་ཐེངས་ལྔ་པའི་ཐོག་གྲོས་འཆམ་བྱུང་ཞིང་། ད་ལྟ་ཁྱབ་བསྒྲགས་བྱས་ཏེ་སྤྱི་ལོ1993ལོའི་ཟླ9ཚེས1ཉིན་ནས་ལག་བསྟར་བྱས།
སྤྱི་ཁྱབ་ལི་ཕེང་།
སྤྱི་ལོ1993ལོའི་ཟླ8པའི་ཚེས1ཉིན།
2
སྲོལ་ཡིག་ཆ་ཚང་།
ཆུ་བླངས་འཐུས་ལག་ཁྱེར་ལམ་ལུགས་ལག་བསྟར་བྱེད་ཐབས།
དོན་ཚན་དང་པོ། ཆུའི་ཐོན་ཁུངས་དོ་དམ་བྱེད་ཤུགས་ཆེ་རུ་གཏོང་བ་དང་། ཆུ་གྲོན་ཆུང་བྱེད་པ། ཆུའི་ཐོན་ཁུངས་ལུགས་མཐུན་ངང་གསར་སྤེལ་དང་བེད་སྤྱོད་བྱེད་པར་སྐུལ་འདེད་གཏོང་བ་བཅས་ཀྱི་ཆེད་དུ《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཆུའི་སྐོར་གྱི་བཅའ་ཁྲིམས》ལ་གཞིགས་ནས་བྱེད་ཐབས་འདི་བཟོས་པ་ཡིན།
དོན་ཚན་གཉིས་པ། བྱ་ཐབས་འདིའི་ནང་བརྗོད་པའི་ཆུ་ལེན་པ་ཞེས་པ་ནི་ཆུའི་ལས་གྲྭའམ་འཕྲུལ་ཆས་ཀྱིས་ཆུ་ལེན་པའི་སྒྲིག་བཀོད་སྤྱད་དེ་གཙང་པོ་དང་མཚེའུ་འམ་ཡང་ན་ས་འོག་ནས་ཐད་ཀར་ཆུ་ལེན་པར་ཟེར། ཆུ་འཐེན་མཁན་ཚན་པ་དང་མི་སྒེར་ཚང་མས་བྱ་ཐབས་འདིའི་དོན་ཚན་གསུམ་པ་དང་བཞི་པའི་ནང་གཏན་འབེབས་བྱས་པའི་གནས་ཚུལ་ཕུད་བྱ་ཐབས་འདིར་གཞིགས་ནས་ཆུ་ལེན་འཐུས་ལག་ཁྱེར་ཞུ་དགོས་པ་མ་ཟད་གཏན་འབེབས་གཞིར་བཟུང་ཆུ་ལེན་དགོས།
གོང་གསལ་ནང་གསེས་དོན་ཚན་དུ་འཁོད་པའི་ཆུའི་ལས་གྲྭའི་ནང་འགག་སྒོ（གྲུ་སྒོ་ཚུད་མེད）དང་། ཆུ་རགས་དང་ཆུ་བོ་ལས་བརྒལ་བའི་ཆུ་འདྲེན་རྣམ་པའི་ཆུ་ཤུགས་གློག་ཁང་དང་། ཆུ་ཡུར། མིས་བཟོས་ཆུ་ལམ། འཇའ་འཐེན་སྦུ་གུ་སོགས་ཀྱི་ཆུ་ལེན་དང་ཆུ་འདྲེན་ལས་གྲྭ་ཚུད་ཡོད།རང་འབབ་ཆུ་བཟོ་གྲྭ་སོགས་ཆུ་འདོན་ལས་གྲྭའི་ཆུ་ལེན་པར་བྱེད་ཐབས་འདི་སྤྱོད་མི་འཐུས།
དོན་ཚན་གསུམ་པ། གཤམ་གསལ་གྱི་ཆུ་ཉུང་ཙམ་ལེན་ཚེ་ཆུ་ལེན་འཐུས་ཀྱི་ལག་ཁྱེར་ཞུ་མི་དགོས་པ་སྟེ།
（གཅིག）ཁྱིམ་ཚང་གི་འཚོ་བ་དང་། སྒོ་ཕྱུགས་དང་ཁྱིམ་བྱའི་འཐུང་ཆུའི་ཆེད་དུ་ཆུ་ལེན་རིགས་དང་།
（གཉིས）ཞིང་ལས་ལ་ཆུ་འདྲེན་ཆེད་ཆུ་ཉུང་ཙམ་ལེན་རིགས།
（གསུམ）མི་ཤུགས་དང་།ཕྱུགས་ཤུགས།ཡང་ན་བྱེད་ཐབས་གཞན་དག་བཅས་ལ་བརྟེན་ནས་ཆུ་ཉུང་ཙམ་ལེན་རིགས་བཅས་ཡིན།
ཆུ་ཉུང་ཙམ་ལེན་པའི་བཅད་གྲངས་ནི་ཞིང་ཆེན་རིམ་པའི་མི་དམངས་སྲིད་གཞུང་གིས་གཏན་འབེབས་བྱ་རྒྱུ།
དོན་ཚན་བཞི་པ།གཤམ་གསལ་གྱི་ཆུ་བླངས་འཐུས་ཀྱི་འཁྲོལ་འཛིན་ཞུ་མི་དགོས་པ་སྟེ།
（གཅིག）ཞིང་ལས་ཐན་འགོག་གི་དགོས་མཁོ་མྱུར་སྒྲུབ་བྱེད་པར་ངེས་པར་དུ་ཆུ་ལེན་དགོས་རིགས་དང་།
（གཉིས）གཏེར་ཁྲོན་སོགས་ས་འོག་ཨར་ལས་ཀྱི་བདེ་འཇགས་དང་ཐོན་སྐྱེད་བདེ་འཇགས་ལ་འགན་སྲུང་བྱེད་ཆེད་ངེས་པར་དུ་ཆུ་ལེན་དགོས་པའི་རིགས།
（གསུམ）སྤྱི་པའི་བདེ་འཇགས་སམ་སྤྱི་པའི་ཁེ་ཕན་གྱི་གནོད་འཚེ་སེལ་ཆེད་ངེས་པར་དུ་ཆུ་ལེན་དགོས་པའི་རིགས་བཅས་ཡིན།
དོན་ཚན་ལྔ་པ། ཆུ་ལེན་འཐུས་ཀྱི་འཁྲོལ་འཛིན་ནི་དང་ཐོག་གྲོང་ཁྱེར་དང་གྲོང་གསེབ་ཀྱི་ཡུལ་མིའི་འཚོ་བའི་སྤྱོད་ཆུར་འགན་སྲུང་བྱ་དགོས་པ་དང་། ཞིང་ལས་དང་། བཟོ་ལས་ཐད་སྤྱོད་པའི་ཆུ། ཆུ་ཐོག་སྐྱེལ་འདྲེན། ཁོར་ཡུག་སྲུང་སྐྱོང་བཅས་ཀྱི་དགོས་མཁོར་གཅིག་གྱུར་གྱིས་ལྟ་རྟོག་བྱ་དགོས།
ཞིང་ཆེན་རིམ་པའི་མི་དམངས་སྲིད་གཞུང་གིས་དམིགས་འཛུགས་བྱས་པའི་ཆུ་ཁོངས་སམ་ས་ཁོངས་སུ་ལག་བསྟར་བྱས་ཚུལ་ལ་གཞིགས་ནས་ཆུ་ལེན་པའི་གོ་རིམ་ཞིབ་ཕྲ་གཏན་འབེབས་བྱས་ཆོག
དོན་ཚན་དྲུག་པ། ཆུ་བཏོན་འཐུས་ཀྱི་འཁྲོལ་འཛིན་དེ་ངེས་པར་དུ་གཙང་པོ་དང་ཆུ་བོའི་འབབ་རྒྱུད་ཀྱི་ཕྱོགས་བསྡུས་འཆར་འགོད་དང་། རྒྱལ་ཡོངས་དང་ས་གནས་ཀྱི་ཆུ་ཡུན་རིང་མཁོ་འདོན་བྱ་རྒྱུའི་འཆར་གཞི་དང་མཐུན་དགོས་པ་དང་། ཆོག་མཆན་ཐོབ་པའི་ཆུ་བགོའི་ཇུས་གཞིའམ་གྲོས་མཐུན་ལ་བརྩི་སྲུང་ཞུ་དགོས།
དོན་ཚན་བདུན་པ། ས་འོག་གི་ཆུ་འཐེན་འཁྲོལ་འཛིན་དེ་སྲིད་འཛིན་ས་ཁོངས་དེ་གའི་ས་འོག་གི་ཆུའི་ལོ་འཁོར་འཆར་གཞིའི་སྔོག་འདོན་བྱས་ཆོག་པའི་སྤྱི་འབོར་ལས་བརྒལ་མི་ཆོག་པ་མ་ཟད། ཁྲོན་པའི་གནས་ཀྱི་སྤྱིའི་བཀོད་སྒྲིག་དང་ཆུ་ལེན་རིམ་གྱི་བླང་བྱ་དང་མཐུན་དགོས།
ས་འོག་གི་ཆུའི་ལོ་འཁོར་འཆར་གཞི་ལྟར་ན་སྔོག་འདོན་བྱས་ཆོག་པའི་སྤྱི་འབོར་དང་། ཁྲོན་གནས་སྤྱིའི་བཀོད་སྒྲིག་དང་ཆུ་ལེན་རིམ་བཅས་ནི་རྫོང་རིམ་པ་ཡན་གྱི་ས་གནས་མི་དམངས་སྲིད་གཞུང་གི་ཆུའི་སྲིད་འཛིན་གཙོ་གཉེར་སྡེ་ཚན་གྱིས་ས་གཤིས་གཏེར་རྫས་སྲིད་འཛིན་གཙོ་གཉེར་སྡེ་ཚན་དང་མཉམ་དུ་གཏན་འཁེལ་བྱེད་དགོས། གྲོང་ཁྱེར་གྱི་འཆར་འགོད་ཁུལ་གྱི་ས་འོག་ཆུའི་ལོ་འཁོར་འཆར་གཞིའི་སྔོག་འདོན་ཆོག་པའི་སྤྱི་འབོར་དང་། ཁྲོན་སྤྱིའི་བཀོད་པ། ཆུ་ལེན་རིམ་བཅས་ད་དུང་གྲོང་ཁྱེར་འཛུགས་སྐྲུན་སྲིད་འཛིན་གཙོ་གཉེར་སྡེ་ཁག་དང་མཉམ་དུ་གཏན་འཁེལ་བྱེད་དགོས།
དོན་ཚན་བརྒྱད་པ། ས་འོག་གི་ཆུ་ཚད་བརྒལ་གྱིས་སྔོག་འདོན་བྱེད་ཁུལ་དུ་ས་འོག་གི་ཆུ་སྔོག་འདོན་བྱེད་པར་ཚོད་འཛིན་ནན་པོ་བྱ་དགོས་པ་ལས་ཆུ་ལེན་རྒྱ་ཆེ་རུ་བཏང་མི་ཆོག ཞིང་ཆུ་འདྲེན་པའི་བྱེད་ཐབས་མེད་པའི་ས་འོག་ཆུ་སྔོག་འདོན་ཚད་ལས་བརྒལ་ཏེ་ཆུ་བླངས་མི་ཆོག
ས་འོག་གི་ཆུ་ཚད་བརྒལ་གྱིས་སྔོག་འདོན་བྱེད་ཁུལ་དང་སྔོག་འདོན་བྱས་མི་ཆོག་པའི་ཆུ་ཁུལ་ནི་ཞིང་ཆེན་རིམ་པ་ཡན་གྱི་མི་དམངས་སྲིད་གཞུང་གི་ཆུའི་སྲིད་འཛིན་གཙོ་གཉེར་སྡེ་ཁག་གིས་ས་གཤིས་གཏེར་རྫས་སྲིད་འཛིན་གཙོ་གཉེར་སྡེ་ཁག་དང་མཉམ་དུ་གཏན་ཁེལ་བྱས་ཏེ། རིམ་པ་གཅིག་པའི་མི་དམངས་སྲིད་གཞུང་ལ་ཆོག་མཆན་ཞུ་དགོས། གྲོང་ཁྱེར་གྱི་འཆར་འགོད་ས་ཁུལ་དང་གྲོང་ཁྱེར་གྱི་ཆུ་འདོན་ཆུ་འགོ་དང་འབྲེལ་བ་ཡོད་རིགས་ཞིང་ཆེན་རིམ་པ་ཡན་གྱི་མི་དམངས་སྲིད་གཞུང་གི་ཆུའི་སྲིད་འཛིན་གཙོ་སྐྱོང་སྡེ་ཁག་གིས་རིམ་པ་གཅིག་མཚུངས་ཀྱི་མི་དམངས་སྲིད་གཞུང་གི་ས་གཤིས་གཏེར་རྫས་སྲིད་འཛིན་གཙོ་སྐྱོང་སྡེ་ཁག་དང་གྲོང་ཁྱེར་འཛུགས་སྐྲུན་སྲིད་འཛིན་གཙོ་སྐྱོང་སྡེ་ཁག་དང་ལྷན་དུ་དབྱེ་འབྱེད་གཏན་འབེབས་བྱས་ཏེ་རིམ་པ་གཅིག་མཚུངས་ཀྱི་མི་དམངས་སྲིད་གཞུང་ལ་ཆོག་མཆན་ཞུ་དགོས།
དོན་ཚན་དགུ་པ། རྒྱལ་སྲིད་སྤྱི་ཁྱབ་ཁང་གི་ཆུའི་སྲིད་འཛིན་གཙོ་སྐྱོང་སྡེ་ཁག་གིས་རྒྱལ་ཡོངས་ཀྱི་ཆུ་ལེན་འཐུས་ལམ་ལུགས་ལག་བསྟར་དང་དེར་ལྟ་སྐུལ་དོ་དམ་བྱེད་འགན་འཁུར་རྒྱུ།
དོན་ཚན་བཅུ་པ། འཛུགས་སྐྲུན་རྣམ་གྲངས་གསར་སྐྲུན་དང་། བཅོས་སྐྲུན། རྒྱས་སྐྲུན་བཅས་བྱེད་པར་ཆུ་བཏོན་འཐུས་ཀྱི་རེ་འདུན་ཞུ་དགོས་པའམ་ཡང་ན་བསྐྱར་དུ་རེ་འདུན་ཞུ་དགོས་རིགས་ལ། འཛུགས་སྐྲུན་སྡེ་ཚན་གྱིས་འཛུགས་སྐྲུན་རྣམ་གྲངས་ཀྱི་ཇུས་འགོད་ལས་འགན་མ་ཕུལ་གོང་ལ་རྫོང་རིམ་པ་ཡན་གྱི་མི་དམངས་སྲིད་གཞུང་གི་ཆུའི་སྲིད་འཛིན་གཙོ་སྐྱོང་སྡེ་ཁག་ལ་ཆུ་ལེན་འཐུས་ཀྱི་རེ་འདུན་ཞུ་དགོས། གྲོང་ཁྱེར་གྱི་འཆར་འགོད་ཁུལ་ནང་གི་ས་འོག་གི་ཆུ་བླངས་ནས་སྤྱོད་དགོས་ཚེ་ཆུའི་སྲིད་འཛིན་གཙོ་འགན་འཁུར་མཁན་སྡེ་ཚན་ལ་ཆུ་བཏོན་འཐུས་ཀྱི་སྔོན་ཞུའི་ཞུ་ཡིག་མ་ཕུལ་གོང་ངེས་པར་དུ་གྲོང་ཁྱེར་འཛུགས་སྐྲུན་སྲིད་འཛིན་གཙོ་འགན་འཁུར་མཁན་སྡེ་ཚན་གྱིས་ཞིབ་བཤེར་མོས་མཐུན་བྱེད་དགོས་པ་མ་ཟད་བསམ་འཆར་འགོད་དགོས།
ཆུའི་སྲིད་འཛིན་གཙོ་སྐྱོང་སྡེ་ཁག་ལ་འཛུགས་སྐྲུན་སྡེ་ཚན་གྱིས་བཏོན་པའི་ཆུ་ལེན་འཐུས་ཀྱི་སྔོན་གྲབས་ཞུ་ཡིག་འབྱོར་རྗེས་འབྲེལ་ཡོད་སྡེ་ཁག་དང་མཉམ་དུ་གྲོས་ཞིབ་བྱས་ནས་ཡིག་ཐོག་གི་བསམ་འཆར་འདོན་དགོས།
འཛུགས་སྐྲུན་སྡེ་ཚན་གྱིས་འཛུགས་སྐྲུན་རྣམ་གྲངས་ཀྱི་ཇུས་འགོད་ལས་འགན་ཞུ་ཡིག་འབུལ་སྐབས་ཆུའི་སྲིད་འཛིན་གཙོ་སྐྱོང་སྡེ་ཁག་གི་ཡིག་ཐོག་གི་བསམ་འཆར་ཞར་བྱུང་དུ་འབུལ་དགོས།
དོན་ཚན་བཅུ་གཅིག་པ། འཛུགས་སྐྲུན་རྣམ་གྲངས་ལ་ཆོག་མཆན་ཐོབ་རྗེས་འཛུགས་སྐྲུན་སྡེ་ཚན་གྱིས་ཇུས་འགོད་ལས་འགན་ཞུ་ཡིག་སོགས་འབྲེལ་ཡོད་ཆོག་མཆན་ཡིག་ཆ་ཁྱེར་ནས་རྫོང་རིམ་པ་ཡན་གྱི་མི་དམངས་སྲིད་གཞུང་གི་ཆུའི་སྲིད་འཛིན་གཙོ་གཉེར་སྡེ་ཁག་ལ་ཆུ་ལེན་འཐུས་ཀྱི་རེ་འདུན་ཞུ་དགོས། གྲོང་ཁྱེར་གྱི་འཆར་འགོད་ཁུལ་ནང་གི་ས་འོག་གི་ཆུ་ལེན་དགོས་རིགས་གྲོང་ཁྱེར་འཛུགས་སྐྲུན་སྲིད་འཛིན་གཙོ་སྐྱོང་སྡེ་ཁག་ནས་ཞིབ་བཤེར་གྱིས་མོས་མཐུན་བྱ་དགོས་པ་མ་ཟད་བསམ་འཆར་ཡང་བཀོད་རྗེས་ཆུའི་སྲིད་འཛིན་གཙོ་སྐྱོང་སྡེ་ཁག་ནས་ཞིབ་མཆན་འགོད་དགོས་པ་དང་།ཆུའི་སྲིད་འཛིན་གཙོ་སྐྱོང་སྡེ་ཁག་གིས་གྲོང་ཁྱེར་འཛུགས་སྐྲུན་སྲིད་འཛིན་གཙོ་སྐྱོང་སྡེ་ཁག་གམ་འབྲེལ་ཡོད་སྡེ་ཁག་གཞན་དག་ལ་ཞིབ་མཆན་འགོད་རྒྱུའི་དབང་ཆ་བསྐུར་ཆོགབྱེད་ཐབས་ཞིབ་ཕྲ་ནི་ཞིང་ཆེན་དང་། རང་སྐྱོང་ལྗོངས།ཐད་སྐྱོང་གྲོང་ཁྱེར་བཅས་ཀྱི་མི་དམངས་སྲིད་གཞུང་ནས་གཏན་འབེབས་བྱ་དགོས།
དོན་ཚན་བཅུ་གཉིས་པ། རྒྱལ་ཁབ་དང་། མཉམ་སྡེབ། མི་སྒེར་བཅས་ཀྱིས་ཆུའི་ལས་གྲྭའམ་ཡང་ན་འཕྲུལ་ཆས་ཀྱི་ཆུ་འཐེན་སྒྲིག་བཀོད་གསར་འཛུགས་བྱེད་པར་དེའི་གཙོ་གཉེར་བྱེད་མཁན་གྱིས་ཆུ་ལེན་འཐུས་ཀྱི་རེ་འདུན་བཏོན་ནས་མཉམ་འབྲེལ་ཐོག་གསར་འཛུགས་བྱས་རིགས་ལ་དེས་གྲོས་མོལ་བྱས་ནས་འདེམས་སྒྲུག་བྱས་པའི་འཐུས་མིས་ཆུ་ལེན་འཐུས་ཀྱི་རེ་འདུན་ཞུ་དགོས།
རེ་ཞུ་བྱས་པའི་ཆུ་འཐེན་ཚད་དེ་ཆོག་མཆན་བཀོད་པའི་ཆུའི་ལས་གྲྭ་དང་འཕྲུལ་ཆས་ཀྱི་ཆུ་འཐེན་སྒྲིག་བཀོད་ཀྱི་ཇུས་འགོད་ནང་གཏན་འབེབས་བྱས་པའི་ཆུ་འཐེན་ཚད་ལས་བརྒལ་མི་ཆོག
དོན་ཚན་བཅུ་གསུམ་པ། ཆུ་ལེན་འཐུས་ཀྱི་རེ་འདུན་ཞུ་སྐབས་གཤམ་གསལ་གྱི་ཡིག་ཆ་དག་འབུལ་དགོས་པ་སྟེ།
（གཅིག）ཆུ་བཏོན་འཐུས་ཀྱི་ཞུ་ཡིག་དང་།
（གཉིས）ཆུ་བཏོན་འཐུས་ཀྱི་ཞུ་ཡིག་ནང་གཞི་འཛིན་སའི་འབྲེལ་ཡོད་ཡིག་ཆ།
（གསུམ）ཆུ་བཏོན་འཐུས་ཀྱི་རེ་འདུན་ཞུ་བ་དང་ཕུང་གསུམ་པ་དང་ཕན་གནོད་ཀྱི་འབྲེལ་བ་ཡོད་སྐབས།ཕུང་གསུམ་པས་ཁས་ལེན་ཞུ་ཡིག་གམ་ཡང་ན་ཡིག་ཆ་གཞན་དག་བཅས་སོ།
དོན་ཚན་བཅུ་བཞི་པ། ཆུ་ལེན་འཐུས་ཀྱི་ཞུ་ཡིག་ནང་གཤམ་གསལ་གྱི་དོན་ཚན་ཚུད་དགོས་པ་སྟེ།
（གཅིག）ཆུ་བཏོན་འཐུས་ཀྱི་རེ་འདུན་ཞུ་མཁན་སྡེ་ཚན་ནམ་མི་སྒེར(གཤམ་དུ་རེ་འདུན་ཞུ་མཁན་ཞེས་བསྡུ་རྒྱུ)གྱི་མིང་དང་། རུས་མིང་། སྡོད་གནས་བཅས་དང་།
（གཉིས）ཆུ་ལེན་པའི་ཐོག་མའི་དུས་ཚོད་དང་དུས་ཚད།
（གསུམ）ཆུ་ལེན་བྱེད་ཀྱི་རྣམ་གྲངས་དང་།ཆུ་འདོན་ཚད། ལོ་འདིའི་ཟླབ་ཁག་གི་ཆུ་སྤྱོད་ཚད་དང་འགན་ལེན་བྱེད་ཚད་སོགས།
（བཞི）རེ་འདུན་ཞུ་བའི་རྒྱུ་མཚན།
（ལྔ）ཆུ་འགོ་དང་ཆུ་ལེན་ས།
（དྲུག）ཆུ་ལེན་སྟངས།
（བདུན）ཆུ་གྲོན་ཆུང་བྱེད་ཐབས།
（བརྒྱད）ཆུ་ཕྱིར་འཐེན་བྱེད་ས་དང་ཆུ་ཕྱིར་འཐེན་བྱེད་རིང་དུ་ཚུད་པའི་སྦགས་བཙོག་དངོས་རིགས་གཙོ་བོ་དང་དེ་བཞིན་བཙོག་ཆུ་གཙང་སྒྱུར་བྱེད་ཐབས།
（དགུ）འཛོམས་དགོས་པའི་དོན་དག་གཞན་དག་བཅས་ཡིན།
དོན་ཚན་བཅོ་ལྔ་པ།ཆུའི་སྲིད་འཛིན་གཙོ་འགན་འཁུར་མཁན་སྡེ་ཚན་གྱིས་འཛུགས་སྐྲུན་རྣམ་གྲངས་ཆེ་འབྲིང་གི་ས་འོག་གི་ཆུ་འཐེན་འཁྲོལ་འཛིན་གྱི་ཞུ་ཡིག་དང་ཆུ་མཁོ་འདོན་ཆུ་འགོའི་ས་འོག་གི་ཆུ་འཐེན་འཁྲོལ་འཛིན་ཞུ་ཡིག་ལ་ཞིབ་མཆན་འགོད་སྐབས་ངེས་པར་དུ་ས་གཤིས་གཏེར་རྫས་སྲིད་འཛིན་གཙོ་འགན་འཁུར་མཁན་སྡེ་ཚན་གྱིས་ཞིབ་དཔྱད་མོས་མཐུན་བྱེད་དགོས་པ་མ་ཟད་བསམ་འཆར་ལ་མིང་རྟགས་བཀོད་རྗེས་གཞི་ནས་ཞིབ་མཆན་འགོད་ཆོགཆུའི་སྲིད་འཛིན་གཙོ་གཉེར་སྡེ་ཁག་གིས་གོང་དུ་བརྗོད་པའི་ས་འོག་གི་ཆུའི་ཆོག་འཐུས་རེ་འདུན་ལ་ས་གཤིས་གཏེར་རྫས་སྲིད་འཛིན་གཙོ་གཉེར་སྡེ་ཁག་དང་། གྲོང་ཁྱེར་འཛུགས་སྐྲུན་སྲིད་འཛིན་གཙོ་གཉེར་སྡེ་ཁག་གམ་ཡང་ན་འབྲེལ་ཡོད་སྡེ་ཁག་གཞན་དག་ལ་ཆོག་མཆན་འགོད་རྒྱུའི་དབང་ཆ་སྤྲད་ཆོག
དོན་ཚན་བཅུ་དྲུག་པ། ཆུའི་སྲིད་འཛིན་གཙོ་སྐྱོང་སྡེ་ཁག་གམ་དེས་ཆུ་བཏོན་འཐུས་ཀྱི་ལག་ཁྱེར་སྤྲོད་དབང་བསྐུར་མཁན་སྡེ་ཁག་གིས་ཆུ་བཏོན་འཐུས་ཀྱི་ཞུ་ཡིག་འབྱོར་ཉིན་ནས་བཟུང་གི་ཉིན་དྲུག་ཅུའི་ནང་ཚུན་ཆོག་མཆན་འགོད་མིན་གྱི་ཐག་གཅོད་དགོས།འཕྲལ་མར་ཆུ་ལེན་དགོས་རིགས་ལ་ཉིན་སུམ་ཅུའི་ནང་ཚུན་ཆོག་མཆན་འགོད་མིན་གྱི་ཐག་གཅོད་དགོས།
སྔོན་ལ་ས་གཤིས་གཏེར་རྫས་སྲིད་འཛིན་གཙོ་སྐྱོང་སྡེ་ཁག་དང་གྲོང་ཁྱེར་འཛུགས་སྐྲུན་སྲིད་འཛིན་གཙོ་སྐྱོང་སྡེ་ཁག་ནས་ཞིབ་བཤེར་ཆོག་མཆན་ཞུ་དགོས་རིགས་ལ་ས་གཤིས་གཏེར་རྫས་སྲིད་འཛིན་གཙོ་སྐྱོང་སྡེ་ཁག་དང་གྲོང་ཁྱེར་འཛུགས་སྐྲུན་སྲིད་འཛིན་གཙོ་སྐྱོང་སྡེ་ཁག་གིས་ཆུ་བཏོན་འཐུས་ཀྱི་ཞུ་ཡིག་འབྱོར་ཉིན་ནས་བཟུང་གི་ཉིན་སུམ་ཅུའི་ནང་ཞིབ་བཤེར་གཏན་འབེབས་བྱས་པའི་བསམ་འཆར་འབུལ་དགོས།
ཆུ་བླངས་འཐུས་ཀྱི་རེ་འདུན་ཞུ་བར་རྩོད་གླེང་ངམ་ཡང་ན་གཏུག་བཤེར་བྱུང་ཚེ། རེ་འདུན་ཞུ་མཁན་ལ་ཡིག་ཐོག་ནས་རྩོད་གླེང་སྒུག་རྒྱུའམ་ཡང་ན་གཏུག་བཤེར་མཇུག་སྒྲིལ་རྒྱུའི་བརྡ་ཐོ་བཏང་རྗེས། ཡང་བསྐྱར་ཆུ་བཏོན་འཐུས་ཀྱི་རེ་འདུན་ཞུ་དགོས།
དོན་ཚན་བཅུ་བདུན་པ། ས་འོག་གི་ཆུ་འཐེན་འཁྲོལ་འཛིན་གྱི་ཞུ་ཡིག་དེ་ཆུའི་སྲིད་འཛིན་བདག་པོའི་སྡེ་ཁག་གམ་ཡང་ན་དེས་དབང་ཆ་སྤྲད་པའི་འབྲེལ་ཡོད་སྡེ་ཁག་ནས་ཆོག་མཆན་ཐོབ་མཚམས་སུ་ཆུ་ལེན་མཁན་སྡེ་ཚན་གྱིས་གཞི་ནས་ཁྲོན་པ་བརྐོས་ཆོག་པ་དང་། ཁྲོན་པའི་ནང་འཁོད་ཀྱི་ཚད་འཇལ་གཏན་འཁེལ་བྱས་པ་བརྒྱུད་ཆུ་འཐེན་ཚད་ཞིབ་བཤེར་གཏན་འབེབས་བྱས་ནས་ཆུའི་སྲིད་འཛིན་གཙོ་གཉེར་སྡེ་ཁག་གམ་དེས་དབང་ཆ་སྤྲད་པའི་ས་གཤིས་གཏེར་རྫས་སྲིད་འཛིན་གཙོ་གཉེར་སྡེ་ཁག་དང་། གྲོང་ཁྱེར་འཛུགས་སྐྲུན་སྲིད་འཛིན་གཙོ་གཉེར་སྡེ་ཁག་གམ་ཡང་ན་འབྲེལ་ཡོད་སྡེ་ཁག་གཞན་དག་གིས་ཆུ་ལེན་འཐུས་ཀྱི་འཁྲོལ་འཛིན་སྤྲོད་དགོས།
དོན་ཚན་བཅོ་བརྒྱད་པ། ཆུ་བླངས་འཐུས་ཀྱི་ཞུ་ཡིག་ལ་ཞིབ་བཤེར་བྱས་ནས་ཆོག་མཆན་ཐོབ་པ་མ་ཟད་འཁྲོལ་འཛིན་ཡང་ཐོབ་པ་རྣམས་ཆུ་བཏོན་འཐུས་ཀྱི་ཐོ་འགོད་སྲབ་མོའི་ནང་བཀོད་དེ་དུས་བཀག་ཐོག་སྤྱི་བསྒྲགས་བྱ་དགོས།
དོན་ཚན་བཅུ་དགུ་པ། གཤམ་གསལ་གྱི་ཆུ་ལེན་རྒྱུ་ནི་རྒྱལ་སྲིད་སྤྱི་ཁྱབ་ཁང་གི་ཆུའི་སྲིད་འཛིན་གཙོ་སྐྱོང་སྡེ་ཁག་གམ་དེས་དབང་བསྐུར་བའི་འབབ་རྒྱུད་དོ་དམ་ལས་ཁུངས་ཀྱིས་ཆུ་ལེན་འཐུས་ཀྱི་རེ་འདུན་ཞུ་བར་ཞིབ་མཆན་འགོད་རྒྱུ་དང་ཆུ་ལེན་འཐུས་ལག་ཁྱེར་སྤྲོད་དགོས།
（གཅིག）འབྲི་ཆུ་དང་། རྨ་ཆུ། ཧའེ་ཧོ་ཆུ་བོ།ལོན་ཧོ་ཆུ་བོ། ཀྲུའུ་ཅང་གཙང་པོ། སུང་ཧྭ་ཅང་གཙང་པོ། ལིའོ་ཧོ་ཆུ་བོ། འབྲི་ཆུ། ཧན་ཅང་གཙང་པོ་བཅས་ཀྱི་གཞུང་རྒྱུན་དང་། རྒྱལ་སྤྱིའི་ཆུ་བོ། རྒྱལ་མཚམས་ཀྱི་མཐའ་མཚམས་ཀྱི་ཆུ་བོ་དང་དེ་བཞིན་ཞིང་ཆེན་དང་། རང་སྐྱོང་ལྗོངས། ཐད་སྐྱོང་གྲོང་ཁྱེར་བཅས་ཀྱི་ཆུ་བོ་སོགས་ཞིང་ཆེན་དང་། རང་སྐྱོང་ལྗོངས། ཐད་སྐྱོང་གྲོང་ཁྱེར་བཅས་ལས་བརྒལ་བའི་ཆུ་བོ་སོགས་ཀྱིས་དམིགས་འཛུགས་བྱས་པའི་ཆུ་རྒྱུད་ཀྱི་བཅད་འབོར་ཡན་གྱི་ཆུ་ལེན་དགོས།
（གཉིས）ཞིང་ཆེན་དབར་གྱི་མཐའ་མཚམས་ཆུ་བོ་དང་མཚེའུ་ཡི་ཚད་བཀག་ཡན་གྱི་ཆུ་ལེན་པ།
（གསུམ）ཞིང་ཆེན་དང་། རང་སྐྱོང་ལྗོངས། ཐད་སྐྱོང་གྲོང་ཁྱེར་བཅས་ལས་བརྒལ་བའི་སྲིད་འཛིན་ས་ཁོངས་ཀྱི་བཅད་གྲངས་ཡན་གྱི་ཆུ་ལེན་པ།
（བཞི）རྒྱལ་སྲིད་སྤྱི་ཁྱབ་ཁང་གིས་ཆོག་མཆན་བཀོད་པའི་འཛུགས་སྐྲུན་རྣམ་གྲངས་ཆེ་གྲས་ཀྱི་ཆུ་ལེན་དགོས། འོན་ཀྱང་རྒྱལ་སྲིད་སྤྱི་ཁྱབ་ཁང་ཁོངས་ཀྱི་ཆུའི་སྲིད་འཛིན་གཙོ་སྐྱོང་སྡེ་ཁག་གིས་འབྲེལ་ཡོད་སྡེ་ཁག་གཞན་དག་ལ་ཆུ་བཏོན་འཐུས་ཀྱི་རེ་འདུན་ཞུ་བར་ཞིབ་མཆན་འགོད་རྒྱུ་དང་ཆུ་བཏོན་འཐུས་ཀྱི་ལག་ཁྱེར་སྤྲོད་རྒྱུའི་འགན་འཁུར་རྒྱུའི་དབང་ཆ་སྤྲད་རིགས་འདིའི་ཁོངས་སུ་མི་གཏོགས།
གོང་གསལ་ནང་གསེས་དོན་ཚན་དུ་འཁོད་པའི་དམིགས་འཛུགས་བྱས་པའི་ཆུ་རྒྱུད་དང་བཅད་གྲངས་ནི་རྒྱལ་སྲིད་སྤྱི་ཁྱབ་ཁང་ཁོངས་ཀྱི་ཆུའི་སྲིད་འཛིན་གཙོ་སྐྱོང་སྡེ་ཁག་ནས་གཏན་འབེབས་བྱ་དགོས།
དོན་ཚན་ཉི་ཤུ་པ། ཆུ་བཏོན་འཐུས་ཀྱི་རེ་འདུན་ལ་ཆོག་མཆན་མི་འགོད་སྐབས། རེ་འདུན་ཞུ་མཁན་གྱིས་ཆུ་བཏོན་འཐུས་ཀྱི་རེ་འདུན་དེ་ཁྲིམས་བཀོད་ཀྱི་ཆ་རྐྱེན་དང་མཐུན་པར་འདོད་ན། ཁྲིམས་ལྟར་བསྐྱར་གྲོས་ཡོང་རེ་ཞུ་བའམ་ཡང་ན་མི་དམངས་ཁྲིམས་ཁང་ལ་ཞུ་སྦྱོར་བྱས་ཆོག
དོན་ཚན་ཉེར་གཅིག་པ། གཤམ་གསལ་གྱི་གནས་ཚུལ་གྲས་ཤིག་ཡོད་ཚེ་ཆུའི་སྲིད་འཛིན་གཙོ་འགན་འཁུར་མཁན་སྡེ་ཚན་ནམ་ཡང་ན་དེས་དབང་ཆ་སྤྲད་པའི་ཆུ་འཐེན་འཁྲོལ་འཛིན་སྤྲོད་མཁན་སྡེ་ཚན་གྱིས་སྡེ་ཚན་དེ་གའི་དབང་ཚད་གཞིར་བཟུང་རྫོང་རིམ་ཡན་གྱི་མི་དམངས་སྲིད་གཞུང་གི་ཆོག་མཆན་ཐོབ་པ་བརྒྱུད་ཆུ་ལེན་འཐུས་ལག་ཁྱེར་འཛིན་མཁན（གཤམ་དུ་བསྡུས་མིང་ལ་དཔང་མི་ཞེས་བསྡུས་ཡོད）གྱི་ཆུ་འཐེན་ཚད་ལ་ཞིབ་དཔྱད་ཉུང་འཕྲི་དང་ཚོད་འཛིན་བྱས་ཆོག
（གཅིག）རང་བྱུང་གི་རྒྱུ་རྐྱེན་སོགས་ཀྱི་དབང་གིས་ཆུ་འགོ་ས་ཁུལ་དེ་གའི་རྒྱུན་ལྡན་གྱི་ཆུ་མཁོ་འདོན་གྱི་དགོས་མཁོ་སྐོང་མི་ཐུབ་པ་དང་།
（གཉིས）ས་འོག་ཆུ་ཚད་བརྒལ་གྱིས་སྔོག་འདོན་ཚབས་ཆེན་བྱས་པའམ་ས་འོག་གི་ཆུ་སྔོག་འདོན་བྱས་པའི་དབང་གིས་ས་ངོས་རྡིབ་པ་སོགས་ས་གཤིས་ཀྱི་གནོད་འཚེ་བྱུང་རིགས།
（གསུམ）སྤྱི་ཚོགས་ཀྱི་ཆུ་འདོན་ཚད་མང་དུ་སོང་ནས་ཆུ་ཁུངས་གཞན་དུ་འདོན་ཐབས་བྲལ་བ།
（བཞི）ཐོན་རྫས་དང་ཐོན་ཚད་དམ་ཡང་ན་ཐོན་སྐྱེད་བཟོ་རྩལ་ལ་འགྱུར་བ་བྱུང་བའི་དབང་གིས་ཆུ་ལེན་ཚད་འགྱུར་བ་བྱུང་རིགས།
（ལྔ）ཉིང་རྡུལ་ཉུང་འཕྲིའམ་ཡང་ན་ཆུ་འཐེན་ཚད་ཚོད་འཛིན་བྱ་དགོས་པའི་དམིགས་བསལ་གྱི་གནས་ཚུལ་གཞན་དག་བྱུང་རིགས་བཅས་ཡིན།
དོན་ཚན་ཉེར་གཉིས་པ། རང་བྱུང་རྒྱུ་རྐྱེན་སོགས་ཀྱི་དབང་གིས་ཆུ་ལེན་ཡུལ་བསྒྱུར་དགོས་བྱུང་ཚེ་ངེས་པར་དུ་དེ་སྔ་ཆོག་མཆན་འགོད་མཁན་ལས་ཁུངས་ནས་ཆོག་མཆན་ཞུ་དགོས།
དོན་ཚན་ཉེར་གསུམ་པ། ཆུ་གྲོན་གཏན་འབེབས་བྱས་པའི་ཚད་གཞི་ལས་བརྒལ་བའི་ཆུ་འཐེན་མཁན་སྡེ་ཚན་ལ་ཆུའི་སྲིད་འཛིན་གཙོ་སྐྱོང་སྡེ་ཁག་གིས་འབྲེལ་ཡོད་སྡེ་ཁག་དང་མཉམ་དུ་དུས་བཀག་ནང་ལེགས་བཅོས་སམ་ཡོ་བསྲང་བྱེད་དུ་འཇུག་དགོས།རྒྱུ་མཚན་ཁུངས་འཕེར་མེད་པར་གཏན་འབེབས་བྱས་པའི་བླང་བྱའི་ཚད་ལ་སླེབས་མེད་ན། རྫོང་རིམ་པའི་མི་ནས་སྲིད་གཞུང་དང་མཉམ་དུ་ཆོག་མཆན་བཀོད་རྗེས་གཏན་འབེབས་བྱས་པའི་ཆུ་སྤྱོད་ཚད་གཞི་ལྟར་དེའི་ཆུ་འཐེན་ཚད་ཉུང་དུ་བཏང་ཆོག《གྲོང་ཁྱེར་གྱི་ཆུ་སྤྱོད་གྲོན་ཆུང་གི་དོ་དམ་གཏན་འབེབས》ནང་གཏན་འབེབས་ལོགས་སུ་བྱས་ཡོད་རིགས་གཏན་འབེབས་དེ་གཞིར་བཟུང་བསྒྲུབ་དགོས།
དོན་ཚན་ཉེར་བཞི་པ། ཆུ་ལེན་མཚམས་བསྟུད་མར་ལོ་གཅིག་བཞག་རིགས་ལ་ཆུའི་སྲིད་འཛིན་གཙོ་གཉེར་སྡེ་ཁག་གམ་ཡང་ན་དེས་དབང་བསྐུར་བའི་ཆུ་ལེན་འཐུས་ལག་ཁྱེར་སྤྲོད་མཁན་སྲིད་འཛིན་གཙོ་གཉེར་སྡེ་ཁག་གིས་ཞིབ་བཤེར་བྱས་རྗེས་རྫོང་རིམ་པ་ཡན་གྱི་མི་དམངས་སྲིད་གཞུང་ལ་ཆོག་མཆན་ཞུས་ནས་དེའི་ཆུ་ལེན་འཐུས་ལག་ཁྱེར་ཕྱིར་བསྡུ་དགོས། འོན་ཀྱང་འགོག་ཐབས་བྲལ་བའི་རྐྱེན་ངན་འཕྲད་པའམ་ཡང་ན་ལག་རྩལ་བསྒྱུར་བཀོད་གལ་ཆེན་བྱས་པ་སོགས་ཀྱི་རྐྱེན་པས་ཆུ་ལེན་མཚམས་བསྟུད་མར་བཞག་ནས་ལོ་གཅིག་ཟིན་རིགས་ལ་རྫོང་རིམ་པ་ཡན་གྱི་མི་དམངས་སྲིད་གཞུང་གི་ཆོག་མཆན་ཐོབ་པ་བརྒྱུད་ཆུ་བཏོན་འཐུས་ཀྱི་ལག་ཁྱེར་ཕྱིར་འཐེན་བྱ་མི་དགོས།
དོན་ཚན་ཉེར་ལྔ་པ། བྱ་ཐབས་འདིའི་གཏན་འབེབས་གཞིར་བཟུང་རྒྱལ་སྲིད་སྤྱི་ཁྱབ་ཁང་གི་ཆུའི་སྲིད་འཛིན་གཙོ་འགན་འཁུར་མཁན་སྡེ་ཚན་ནམ་ཡང་ན་དེས་དབང་ཆ་སྤྲད་པའི་འབབ་རྒྱུད་དོ་དམ་ལས་ཁུངས་ཀྱིས་ཆུ་འཐེན་འཁྲོལ་འཛིན་སྤྲོད་རྒྱུར་ཆོག་མཆན་སྤྲད་རིགས་ལ་དེའི་ཆུ་འཐེན་ཚད་དེ་ཉིང་རྡུལ་ཉུང་འཕྲི་དང་ཚོད་འཛིན་བྱེད་རྒྱུར་དེ་སྔ་ཆོག་མཆན་སྤྲོད་མཁན་ལས་ཁུངས་ནས་ཆོག་མཆན་སྤྲོད་རྒྱུ་དང་། ཆུ་འཐེན་འཁྲོལ་འཛིན་རྩིས་མེད་དུ་གཏོང་དགོས་རིགས་ལ་ངེས་པར་དུ་རྒྱལ་སྲིད་སྤྱི་ཁྱབ་ཁང་གི་ཆུའི་སྲིད་འཛིན་གཙོ་འགན་འཁུར་མཁན་སྡེ་ཚན་གྱི་ཆོག་མཆན་ཐོབ་དགོས།
དོན་ཚན་ཉེར་དྲུག་པ། ཆུ་བཏོན་འཐུས་ཀྱི་འཁྲོལ་འཛིན་ནང་བཤུག་བྱས་མི་ཆོགཆུ་ལེན་པའི་དུས་ཚད་ཐིམ་རྗེས་ཆུ་བླངས་འཐུས་ཀྱི་ལག་ཁྱེར་རང་ཤུགས་སུ་གོ་མི་ཆོད་པར་འགྱུར་དགོས། ཆུ་བཏོན་འཐུས་ཀྱི་ཡུན་ཚད་བསྲིང་དགོས་བྱུང་ཚེ་རྒྱང་ཐག་མ་ཐིམ་གོང་གི་ཉིན་དགུ་བཅུ་མ་ཐིམ་གོང་གི་ཆུ་བཏོན་འཐུས་ཀྱི་འཁྲོལ་འཛིན་སྤྲོད་རྒྱུར་ཆོག་མཆན་སྤྲོད་མཁན་ལས་ཁུངས་ལ་རེ་འདུན་ཞུ་དགོས། དང་ཐོག་ཆུ་བཏོན་འཐུས་ཀྱི་འཁྲོལ་འཛིན་སྤྲོད་རྒྱུར་ཆོག་མཆན་འགོད་མཁན་ལས་ཁུངས་ཀྱིས་ཞུ་ཡིག་འབྱོར་ཉིན་ནས་བཟུང་གི་ཉིན་སུམ་ཅུའི་ནང་ཚུན་ཆོག་མཆན་འགོད་མིན་གྱི་ཐག་གཅོད་དགོས།
དོན་ཚན་ཉེར་བདུན་པ། ལག་ཁྱེར་འཛིན་མཁན་གྱིས་ཆུ་ལེན་འཐུས་ཀྱི་ལག་ཁྱེར་ནང་གསལ་གཏན་འབེབས་ལྟར་ཆུ་ལེན་དགོས།
ལག་ཁྱེར་འཛིན་མཁན་གྱིས་ཆུ་མི་ལེན་པའི་སྔོན་དུ་ཆུའི་སྲིད་འཛིན་གཙོ་གཉེར་སྡེ་ཁག་ལ་ལོ་འཁོར་འདིའི་ཆུ་སྤྱོད་འཆར་གཞི་སྙན་ཞུ་འབུལ་དགོས་པ་མ་ཟད། ལོ་འཁོར་རྗེས་མའི་ཟླབ་དང་པོར་ཆུ་སྤྱོད་ཕྱོགས་བསྡོམས་བྱེད་པར་འབུལ་དགོས།ས་འོག་གི་ཆུ་བླངས་ནས་སྤྱོད་དགོས་ན། ལོ་འཁོར་མོའི་ཆུའི་འཆར་གཞི་དང་ཕྱོགས་བསྡོམས་བྱས་རིགས་ས་གཤིས་གཏེར་རྫས་སྲིད་འཛིན་གཙོ་སྐྱོང་སྡེ་ཁག་ལ་ངོ་བཤུས་བྱས་ནས་སྤྱོད་དགོས། གྲོང་ཁྱེར་གྱི་འཆར་འགོད་ས་ཁུལ་ནང་ཆུ་བླངས་ན་ལོ་འཁོར་མོའི་ཆུ་སྤྱོད་འཆར་གཞི་དང་ཕྱོགས་བསྡོམས་དུས་གཅིག་ཏུ་གྲོང་ཁྱེར་འཛུགས་སྐྲུན་སྲིད་འཛིན་གཙོ་སྐྱོང་སྡེ་ཁག་ལ་ངོ་བཤུས་འབུལ་དགོས།
ལག་ཁྱེར་འཛིན་མཁན་གྱིས་ཚད་འཇལ་སྒྲིག་ཆས་སྒྲིག་སྦྱོར་བྱ་དགོས་པ་དང་། གཏན་འབེབས་ལྟར་ཆུ་ལེན་སྙན་ཞུའི་རེའུ་མིག་འབྲི་དགོས།
ཆུའི་སྲིད་འཛིན་གཙོ་སྐྱོང་སྡེ་ཁག་གམ་ཡང་ན་དེས་དབང་ཆ་སྤྲད་པའི་ཆུ་ལེན་འཐུས་ལག་ཁྱེར་སྤྲོད་མཁན་སྡེ་ཁག་གིས་ཆུ་ལེན་ཚུལ་ལ་ཞིབ་བཤེར་བྱེད་སྐབས། ལག་ཁྱེར་འཛིན་མཁན་གྱིས་དེར་རོགས་རམ་བྱས་ཏེ། ཆུ་ལེན་ཚད་ཀྱི་གཞི་གྲངས་སོགས་འབྲེལ་ཡོད་དཔྱད་ཡིག་ཇི་མ་ཇི་བཞིན་མཁོ་འདོན་བྱ་དགོས།
དོན་ཚན་ཉེར་བརྒྱད་པ། གཤམ་གསལ་གྱི་གནས་ཚུལ་ལས་རིགས་གཅིག་ཡོད་ཚེ་ཆུའི་སྲིད་འཛིན་གཙོ་འགན་འཁུར་མཁན་སྡེ་ཚན་ནམ་ཡང་ན་དེས་དབང་ཆ་སྤྲད་པའི་ཆུ་འཐེན་འཁྲོལ་འཛིན་སྤྲོད་མཁན་སྡེ་ཚན་གྱིས་དུས་བཀག་ནང་ཁྲིམས་འགལ་གྱི་བྱ་སྤྱོད་ཡོ་བསྲང་བྱེད་རྒྱུའི་བཀའ་གཏོང་རྒྱུ་དང་། གནས་ཚུལ་ཚབས་ཆེ་རིགས་ལ་རྫོང་རིམ་ཡན་གྱི་མི་དམངས་སྲིད་གཞུང་ལ་ཆོག་མཆན་ཞུ་རྒྱུ་དང་འབྲེལ་དེའི་ཆུ་འཐེན་འཁྲོལ་འཛིན་རྩིས་མེད་དུ་གཏོང་དགོས།
（གཅིག）གཏན་འབེབས་ལྟར་ཆུ་མ་བླངས་པ་དང་།
（གཉིས）གཏན་འབེབས་བྱས་པའི་དུས་བཀག་ནང་ཚད་འཇལ་སྒྲིག་ཆས་སྒྲིག་སྦྱོར་བྱས་མེད་པའི་རིགས།
（གསུམ）ཆུ་བླངས་ནས་ཚད་འཇལ་བྱས་པའི་གཞི་གྲངས་ལ་སོགས་པའི་འབྲེལ་ཡོད་དཔྱད་གཞིའི་ཡིག་རིགས་འདོན་སྤྲོད་མི་བྱེད་པའམ་ཡང་ན་དཔྱད་ཡིག་རྫུན་མ་འདོན་སྤྲོད་བྱེད་རིགས།
（བཞི）ཆུའི་སྲིད་འཛིན་གཙོ་འགན་འཁུར་མཁན་སྡེ་ཚན་ནམ་ཡང་ན་དེས་དབང་ཆ་སྤྲད་པའི་ཆུ་འཐེན་འཁྲོལ་འཛིན་སྤྲོད་མཁན་སྡེ་ཚན་གྱིས་བཏོན་པའི་ཆུ་འཐེན་ཚད་དེ་ཞིབ་དཔྱད་ཉུང་གཏོང་ངམ་ཡང་ན་ཚོད་འཛིན་གཏན་འབེབས་ལག་བསྟར་མི་བྱེད་པ།
（ལྔ）ཆུ་བླངས་འཐུས་ཀྱི་ལག་ཁྱེར་ལྟར་ཐོབ་པའི་ཆུ་ཁྲིམས་འགལ་ངང་འཚོང་རྒྱུའི་བརྒྱུད་སྤྲོད་བྱས་རིགས་བཅས་སོ།
དོན་ཚན་ཉེར་དགུ་པ། ཆོག་མཆན་མ་ཐོབ་པར་རང་དགར་ཆུ་བླངས་རིགས་ལ་ཆུའི་སྲིད་འཛིན་གཙོ་སྐྱོང་སྡེ་ཁག་གམ་ཡང་ན་དེས་དབང་བསྐུར་བའི་ཆུ་ལེན་འཐུས་ལག་ཁྱེར་སྤྲོད་མཁན་སྡེ་ཁག་གིས་ཆུ་ལེན་མཚམས་འཇོག་ཏུ་འཇུག་དགོས།
དོན་ཚན་སུམ་ཅུ་པ། ཆུ་འཐེན་འཁྲོལ་འཛིན་ནང་བཤུག་བཏང་ཚེ་ཆུའི་སྲིད་འཛིན་གཙོ་འགན་འཁུར་མཁན་སྡེ་ཚན་ནམ་ཡང་ན་དེས་དབང་ཆ་སྤྲད་པའི་ཆུ་འཐེན་འཁྲོལ་འཛིན་སྤྲོད་མཁན་སྡེ་ཚན་གྱིས་ཆུ་འཐེན་འཁྲོལ་འཛིན་རྩིས་མེད་དུ་གཏོང་རྒྱུ་དང་ཁྲིམས་འགལ་གྱི་ཐོབ་ཆ་གཞུང་བཞེས་གཏོང་དགོས།
དོན་ཚན་སོ་གཅིག་པ། བྱ་ཐབས་འདིའི་གཏན་འབེབས་དང་འགལ་ཏེ་ཆུ་བླངས་ནས་མི་གཞན་ལ་འགོག་རྐྱེན་བཟོ་བའམ་ཡང་ན་གྱོང་གུན་བཟོས་ཚེ་གནོད་འཚེ་གཏོང་མཚམས་འཇོག་པ་དང་། འགོག་རྐྱེན་སེལ་བ། གུན་གསབ་སྤྲོད་པ་བཅས་བྱེད་དགོས།
དོན་ཚན་སོ་གཉིས་པ། སྲིད་འཛིན་ཐོག་གི་ཆད་པ་བཅད་དོན་དོ་བདག་གི་བློར་མ་བབས་ན།《སྲིད་འཛིན་ཐད་ཀྱི་གཏུག་བཤེར་བྱེད་ཕྱོགས་སྐོར་གྱི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བཅའ་ཁྲིམས》དང《སྲིད་འཛིན་བསྐྱར་གྲོས་བྱེད་ཕྱོགས་སྐོར་གྱི་སྲོལ་ཡིག》ནང་འཁོད་གཏན་འབེབས་ལྟར་བསྐྱར་གྲོས་ཡོང་རེ་ཞུ་བའམ་ཞུ་གཏུག་བྱས་ཆོགདོ་བདག་གིས་དུས་བཀག་ནང་ཚུན་བསྐྱར་གྲོས་ཡོང་རེ་མི་ཞུ་བའམ་མི་དམངས་ཁྲིམས་ཁང་ལ་ཞུ་སྦྱོར་མི་བྱེད་ལ་ཆད་གཅོད་ཆོད་དོན་ཡང་ལག་བསྟར་མི་བྱེད་ན།ཆད་གཅོད་ཆོད་དོན་འཇོག་མཁན་ལས་ཁུངས་ཀྱིས་མི་དམངས་ཁྲིམས་ཁང་ལ་བཙན་ཐབས་ཀྱིས་ལག་བསྟར་བྱེད་དུ་འཇུག་རྒྱུའི་རེ་འདུན་ཞུས་ཆོག་པའམ།ཡང་ན་ཁྲིམས་ལྟར་བཙན་ཐབས་ཀྱིས་ལག་བསྟར་བྱེད་དུ་འཇུག་དགོས།
དོན་ཚན་སོ་གསུམ་པ། བྱ་ཐབས་འདི་ལག་བསྟར་མ་བྱས་གོང་དུ་ཆུ་བླངས་ཟིན་པའི་ཚན་པ་དང་མི་སྒེར་གྱིས་བྱ་ཐབས་འདིའི་དོན་ཚན་གསུམ་པ་དང་བཞི་པའི་ནང་གཏན་འབེབས་བྱས་པའི་གནས་ཚུལ་ཕུད་རྫོང་རིམ་ཡན་གྱི་མི་དམངས་སྲིད་གཞུང་གི་ཆུའི་སྲིད་འཛིན་གཙོ་འགན་འཁུར་མཁན་སྡེ་ཚན་ལ་ཆུ་འཐེན་ཐོ་འགོད་བྱས་ནས་ཆུ་བཏོན་འཐུས་ཀྱི་ལག་ཁྱེར་ལེན་དགོས།གྲོང་ཁྱེར་གྱི་འཆར་འགོད་ཁུལ་ནང་གི་ཆུ་ལེན་ཐོ་འགོད་ལས་ཀ་དེ་རྫོང་རིམ་པ་ཡན་གྱི་མི་དམངས་སྲིད་གཞུང་གི་ཆུའི་སྲིད་འཛིན་གཙོ་གཉེར་སྡེ་ཁག་གིས་གྲོང་ཁྱེར་འཛུགས་སྐྲུན་སྲིད་འཛིན་གཙོ་གཉེར་སྡེ་ཁག་དང་མཉམ་དུ་སྤེལ་དགོས།ཆུ་ལེན་ཐོ་འགོད་སྒྲིག་སྲོལ་ནི་ཞིང་ཆེན་རིམ་པའི་མི་དམངས་སྲིད་གཞུང་དང་རྒྱལ་སྲིད་སྤྱི་ཁྱབ་ཁང་གི་ཆུའི་སྲིད་འཛིན་གཙོ་སྐྱོང་སྡེ་ཁག་གམ་དེས་དབང་བསྐུར་བའི་འབབ་རྒྱུད་དོ་དམ་ལས་ཁུངས་སོ་སོས་གཏན་འབེབས་བྱ་དགོས།
དོན་ཚན་སོ་བཞི་པ། ཆུ་ལེན་འཐུས་ཀྱི་ལག་ཁྱེར་དང་ཆུ་ལེན་འཐུས་ཀྱི་ཞུ་ཡིག་དང་འབྲི་སྟངས་ནི་རྒྱལ་སྲིད་སྤྱི་ཁྱབ་ཁང་ཁོངས་ཀྱི་ཆུའི་སྲིད་འཛིན་གཙོ་སྐྱོང་སྡེ་ཁག་གིས་གཅིག་གྱུར་ཐོག་གཏན་འབེབས་བྱ་དགོས།
དོན་ཚན་སོ་ལྔ་པ། ཆུའི་ཐོན་ཁུངས་ཕུན་སུམ་ཚོགས་པའི་ས་ཁུལ་གྱི་ཞིང་ཆེན་རིམ་པའི་མི་དང་སྲིད་གཞུང་ལ་རྒྱལ་སྲིད་སྤྱི་ཁྱབ་ཁང་གི་ཆུ་དོན་གཙོ་གཉེར་སྡེ་ཁག་གི་མོས་མཐུན་ཐོབ་རྗེས་གནས་སྐབས་ཆུ་ལེན་འཐུས་ལམ་ལུགས་ལག་བསྟར་མི་བྱེད་པའི་ཁྱབ་ཁོངས་དབྱེ་འབྱེད་གཏན་འབེབས་བྱས་ཆོག
དོན་ཚན་སོ་དྲུག་པ། ཞིང་ཆེན་དང་། རང་སྐྱོང་ལྗོངས། ཐད་སྐྱོང་གྲོང་ཁྱེར་བཅས་ཀྱི་མི་དམངས་སྲིད་གཞུང་གིས་བྱེད་ཐབས་འདི་གཞིར་བཟུང་ནས་ལག་བསྟར་བྱེད་ཐབས་ཞིབ་གསལ་གཏན་འབེབས་བྱས་ཆོག
དོན་ཚན་སོ་བདུན་པ། བྱེད་ཐབས་འདིར་རྒྱལ་སྲིད་སྤྱི་ཁྱབ་ཁང་གི་ཆུའི་སྲིད་འཛིན་གཙོ་སྐྱོང་སྡེ་ཁག་གིས་འགྲེལ་བཤད་རྒྱག་འགན་འཁུར་དགོས།
དོན་ཚན་སོ་བརྒྱད་པ། བྱེད་ཐབས་འདི་སྤྱི་ལོ1993ལོའི་ཟླ9པའི་ཚེས1ཉིན་ནས་ལག་བསྟར་བྱས།
དཔྱད་གཞིའི་ཡིག་ཆ།