ཁྲལ་བསྡུའི་ཆ་འཕྲིན་མ་ལག་གི་བརྟག་དཔྱད་ཞིབ་ཕྲ།སྔ་མའི་པར་གཞི་དེ གླང་ཕག་ལོ། ནས 2022-05-20 10:30ལ་འགྲུབ།
ཁྲལ་བསྡུའི་ཆ་འཕྲིན་མ་ལག་གི་བརྟག་དཔྱད་ཞིབ་ཕྲ་ཞེས་པ་ནི་བརྟག་དཔྱད་རགས་ཙམ་བྱས་པའི་རྨང་གཞིའི་ཐོག་ལག་བསྟར་བྱས་འཐུས་རང་བཞིན་གྱི་དབྱེ་ཞིབ་སྙན་ཞུའི་ནང་གཏན་འཁེལ་བྱས་པའི་བླང་བྱ་གཞིར་བཟུང་ནས་ད་ལྟ་ལག་བསྟར་བྱེད་བཞིན་པའི་ཁྲལ་བསྡུའི་མ་ལག་ལ་དབྱེ་ཞིབ་དང་བརྟག་དཔྱད་སྔར་བས་གཏིང་ཟབ་དང་ཞིབ་ཚགས་བྱེད་པ་ལ་ཟེར། དེའི་དམིགས་ཡུལ་ནི་ད་ལྟ་སྤྱོད་བཞིན་པའི་མ་ལག་གི་ད་ལྟའི་གནས་ཚུལ་ཁོང་དུ་ཆུད་པ་དང་། ཁྲལ་བསྡུའི་ཆ་འཕྲིན་དང་། དཔྱད་གཞི། གཞི་གྲངས་བཅས་ཡོད་ཚད་བསྡུ་རུབ་དང་དབྱེ་ཞིབ་བྱས་ཏེ། ཁྲལ་བསྡུའི་ཆ་འཕྲིན་མ་ལག་གི་བྱེད་ནུས་དཔེ་དུམ་དབྱེ་འབྱེད་བྱེད་པར་ཇུས་འགོད་མ་ལག་གི་གཏན་ཚིགས་དཔེ་དབྱིབས་ལ་བློས་འགེལ་ཆོག་པའི་གཞི་འཛིན་ས་མཁོ་འདོན་བྱེད་པ་དང་། དེ་བཞིན་ཁྲལ་བསྡུའི་གློག་རྩིས་ཅན་གྱི་ཇུས་འགོད་དང་དགོས་ངེས་ཀྱི་གྲ་སྒྲིག་བྱེད་ཆེད་ཡིན།
བརྟག་དཔྱད་ཞིབ་ཕྲ་བྱེད་པའི་ཁྲོད་ཐོག་མཐའ་བར་གསུམ་དུ་གཞི་རྩའི་རྩ་དོན་གཉིས་མཐའ་འཁྱོངས་བྱེད་དགོས་པ་སྟེ། ཁྲལ་དོན་སྡེ་ཚན(སྤྱོད་མཁན)གྱི་ཧུར་སེམས་འདོན་སྤེལ་གང་ཐུབ་བྱས་ནས་སྤྱོད་མཁན་དང་གཞོགས་འདེགས་དམ་ཟབ་བྱས་ཏེ་ཐུན་མོང་ཐོག་བརྟག་དཔྱད་ལས་འགན་ལེགས་སྒྲུབ་བྱེད་དགོས་པ་དང་། ཚད་གཞི་མཐོ་ཤོས་ཀྱི་སྒོ་ནས་སྤྱོད་མཁན་གྱིས་བསམ་ཤེས་བྱེད་སླ་བ་བྱས་ཏེ་བརྟག་དཔྱད་ཀྱི་འཕེལ་རིམ་ཇེ་མགྱོགས་སུ་གཏོང་དགོས།