ཀླུ།སྔ་མའི་པར་གཞི་དེ མགོན11 ནས 2022-05-16 09:41ལ་འགྲུབ།
རྒྱ་ཡིག 龙
དབྱིན་ཡིག serpentine deity
1.དག་ཡིག་གསར་བསྒྲིགས་ལས། ①ལྷ་སྲིན་སྡེ་བརྒྱད་ཀྱི་ནང་ཚན་མཚོ་དང་ཆུ་མིག་སོགས་ལ་གནས་འཆའ་བའི་སྲོག་ཆགས་ཀྱི་གཟུགས་བརྙན་འཛིན་པ་ཞིག ②ཀླུ་ཆེན་བརྒྱད་ཡོད་པས་གྲངས་བརྒྱད་མཚོན།
2.བརྡ་དག་མིང་ཚིག་གསལ་བ་ལས། འོག་དང་བརྒྱད་དང་ཆུ་བདག་ཀླུ་ཟེར། ①地下。②八数。水主的龙。
3.དུང་དཀར་ཚིག་མཛོད་ཆེན་མོ་ལས། འགྲོ་བ་རིགས་དྲུག་གི་ནང་ཚན་ཞིག་སྟེ་སངས་རྒྱས་ཆོས་ལུགས་ཀྱི་བཤད་སྲོལ་ལ། ཆོས་ལ་དད་པ་ཡོད་ཀྱང་ཆོས་ཁྲིམས་ཁག་གཅིག་མ་བསྲུང་བའི་རྐྱེན་གྱིས་ཀླུ་ལ་སྐྱེས་པ་ཡིན་ཟེར།
4.བོད་རྒྱ་ཚིག་མཛོད་ཆེན་མོ་ལས། [ནཱག] 名词。①སྡེ་བརྒྱད་ཀྱི་ནང་ཚན་ཆུ་ལ་གནས་པའི་དུད་འགྲོའི་རིགས་ཤིག 龙。梵音译作那伽。佛教典籍中所说八部众中一类水栖的人 首蛇身的畜生。②བྱེད་པ་བཅུ་གཅིག་ནང་གི་རྟོག་བྱེད་ཅིག 龙部。藏历十一作用神中，四固定作用神之一。③[མངོན]ཀླུ་ཆེན་ལ་མཐའ་ཡས་དང༌། འཇོག་པོ། སྟོབས་རྒྱུ། རིགས་ལྡན། ནོར་རྒྱས་བུ། དུང་སྐྱོང༌། པད་མ། པད་མ་ཆེན་པོ་སྟེ། བརྒྱད་ཡོད་པས་གྲངས་བརྒྱད་མཚོན། 龙王有无边、安止、力游、具种、广财、护贝、莲花、大莲等八，故表数字8。
5.བོན་གྱི་ཤེས་རིག་ཚིག་མཛོད་ལས། དཔལ་མགོན་བདུན་ཅུ་རྩ་བཞིའི་ཡ་གྱལ་ཏེ། དེ་ལ་ཀླུ་ཆེན་པོ་བརྒྱད་དུ་བརྩི་བ་སྟེ། ཀླུ་ཆེན་པོ་མཐའ་ཡས་དང་། ཀླུ་ཆེན་པོ་འཇོག་པོ། ཀླུ་ཆེན་པོ་སྟོབས་ཀྱི་རྒྱལ་པོ། ཀླུ་ཆེན་པོ་རིགས་ལྡན། ཀླུ་ཆེན་པོ་ནོར་རྒྱས། ཀླུ་ཆེན་པོ་དུང་སྐྱོང་། ཀླུ་ཆེན་པོ་པད་མའི་མགོ་ཅན། ཀླུ་ཆེན་པོ་ཆུ་ལྷ་བརྒྱད་དོ༎
6.སྨོན་ལམ་ཚིག་མཛོད་ཆེན་མོ་ལས། མིང་ཚིག ①དུད་འགྲོའི་རིགས་ཆུ་ལ་གནས་པ་དྲེགས་པ་སྡེ་བརྒྱད་ཀྱི་ནང་ཚན་ཞིག མིང་གི་རྣམ་གྲངས། ནཱ་ག མཐུ་སྒྱིང་། གདེངས་ཀ་ཅན། རི་རྩར་གནས། ②རྩིས་རིག སྐར་རྩིས་ལུགས་ཀྱི་གཟའ་སྐར་བྱེད་པ་བཅུ་གཅིག་གི་ཡ་གྱལ་ཞིག ③མངོན་བརྗོད། གྲངས་ཀ་བརྒྱད་དེ། ཀླུ་ཆེན་ལ་མཐའ་ཡས་དང༌། འཇོག་པོ། སྟོབས་རྒྱུ། རིགས་ལྡན། ནོར་རྒྱས་བུ། དུང་སྐྱོང༌། པད་མ། པད་མ་ཆེན་པོ་སྟེ་བརྒྱད་ཡོད་པས་དེ་ལྟར་བཏགས།