རྒྱ་ཡིག 号角,海螺
དབྱིན་ཡིག 1.a horn 2.conch shell
1.དག་ཡིག་གསར་བསྒྲིགས་ལས། ①རྒྱ་མཚོའི་ནང་གི་རུས་པ་མེད་པའི་སྲོག་ཆགས་ཕྱི་ཤུན་སྲ་ཞིང་དཀར་ལ་འཁྱིལ་བའི་རི་མོ་ཡོད་པ་ཞིག་ཡིན། ཕྱི་ཤུན་གྱིས་འབུད་པའི་རོལ་མོ་བཟོ་ཆོག་ཅིང་དེ་ལའང་དུང་ཟེར། ②དབུགས་ཀྱིས་བུས་ནས་བརྡ་གཏོང་བྱེད་ཀྱི་ཡོ་བྱད་དམ་རོལ་མོའི་མིང་སྟེ། དམག་དུང་། ཟངས་དུང་། དུང་ཆེན། རྭ་དུང་ཞེས་པ་ལྟ་བུ། ③(བྱེད་མེད་ལས་ཚིག)སད་པ་དང་སངས་པའི་དོན་ཏེ། གཉིད་དུང་། སྨུགས་པ་དུང་ལྟ་བུ། ④དུངས་ཀྱི་འབྲི་ཚུལ་གཞན།
2.བརྡ་དག་མིང་ཚིག་གསལ་བ་ལས། རྒྱ་མཚོ་ནང་གི་སེམས་ཅན་ཞིག་སྟེ་དེའི་རུས་པ་ལའང་དུང་དཀར་གཡས་འཁྱིལ་དང་གཡོན་འཁྱིལ་ཟེར། 螺,海中的一种生物,又指其骨壳,白螺有右旋的和左旋的。
3.བོད་ཡིག་ཚིག་གཏེར་རྒྱ་མཚོ་ལས། ①རོལ་ཆ་ཞིག དམག་དུང་། དུང་ཆེན། དུང་སྐད། དུང་བརྡ་གཏོང་བ། དུང་འབུད་པ། ②རྒྱ་མཚོ་སོགས་ལས་སྐྱེས་པའི་སྲོག་ཆགས་ཀྱི་རིགས་ཤིག་སྟེ། ནང་གསེས་སུ་དབྱེ་ན་དུང་གཡས་འཁྱིལ་དང་། གཟི་དུང་། དུང་འཁྱིལ་པ། དུང་ཚེར་མ་ཅན། དུང་དམར་བཅས་ལྔ་མཆིས། རོ་བསྐ། ཞུ་རྗེས་བསིལ། ནུས་པས་རྣག་སྐེམ་པ་དང་། འབྲས་འཇོམས། ཆུ་སེར་དང་དམུ་ཆུ་སྐེམ། ཀླད་པའི་ནད་དང་དུག་ནད་ལ་ཕན།
4. བོད་རྒྱ་ཚིག་མཛོད་ཆེན་མོ་ལས། 名词。[1]རོལ་ཆ་ཞིག号角,喇叭:མག་དུང༌། 军号。དུང་ཆེན། 长号。དུང་སྐད། 号音。དུང་བརྡ་གཏོང་བ། 以号音练习。དུང་འབུད་པ། 吃号角。[2]རྒྱ་མཚོ་སོགས་ལས་སྐྱེས་པའི་སྲོག་ཆགས་ཀྱི་རིགས་ཤིག་སྟེ། ནང་གསེས་སུ་དབྱེ་ན་དུང་གཡས་འཁྱིལ་དང༌། གཟི་དུང༌། དུང་འཁྱིལ་པ། དུང་ཚེར་མ་ཅན། དུང་དམར་བཅས་ལྔ་མཆིས། རོ་བསྐ། ཞུ་རྗེས་བསིལ། ནུས་པས་རྣག་སྐེམ་པ་དང༌། རྣག་འགྱིངས་པ་འབིགས། རུས་ཚད་སེལ། འབྲས་འཇོམས། ཆུ་སེར་དང་དམུ་ཆུ་སྐེམ། ཀླད་པའི་ནད་དང་དུག་ནད་ལ་ཕན། 螺贝,海螺,阵磲。一种复足类水生软体动物。有右旋螺、玛瑙螺、旋纹贝、刺螺、赤贝等五类。味涩,性凉,功能收敛脓血,破脓头,清骨热,散疮核,收敛黄水、积水,治脑疾,解诸毒病。
5. སྨོན་ལམ་ཚིག་མཛོད་ཆེན་མོ་ལས། མིང་ཚིག ①རྒྱ་མཚོར་གནས་པའི་རུས་པ་ལུས་ཀྱི་ཕྱིར་ཆགས་པའི་སྲོག་ཆགས་དུང་གི་རུས་སྐོགས་ལས་འབྱུང་བ་ཞིག་སྟེ། ཕལ་ཆེར་རྒྱུ་སྲ་མཁྲེགས་ཁ་དོག་དཀར་པོ་རུས་པའི་རང་བཞིན་ཅན་བཅད་ཁ་བརྡར་འོས་ལ་འཁོར་འོད་ཡོད་པ། བརྡར་ཕྱེ་དཀར་པོ་འབྱུང་བ་དང་བསྲེགས་ན་དྲི་མེད་ཅིང་དུད་པ་མི་འབྱུང་བ་ནི་དུང་གི་ཁྱད་ཆོས་ཡིན་པར་གྲག དེ་ཡང་བཟོ་དབྱིབས་སོགས་མི་འདྲ་བས་མཆོག་དམན་གྱི་དབྱེ་བ་ནི། དཀྴི་ཎ་ཝརྟ་ཤཾ་ཁ་ཞེས་པ་དུང་གཡས་སུ་འཁྱིལ་བ་སྟེ་འདི་སྐྱེ་བ་གཞན་གྱིས་བར་མ་ཆོད་པའི་དུང་སྐྱེ་བ་ལྔ་པ་ཡིན་པར་བཤད། ཁ་དོག་ཀུནད་ལྟར་རབ་ཏུ་དཀར་བ་འབྱུང་བ་བཀྲ་ཤིས་པའི་རྫས་སོ། ། དུང་མཇུག་འབུད་ཁའི་ཕྱོགས་ཕྲ་ལ་རིང་བ། ཁ་དོག་གཟི་སེར་ཁྲ་འདྲ་བར་ཁྲ་བ་འདི་གཟི་དུང་ཡིན་ལ་དེ་གཉིས་བཟང་བས་སྔ་མ་མཆོག་དང་ཕྱི་མ་རབ་ཡིན། གཞན་སི་ཏ་ཤཾ་ཁའམ། ཤཾ་ཁ་ཝརྟ་ཞེས་པ་དུང་དཀར་རམ་དུང་འཁྱིལ་བ་སྟེ། ཡོངས་གྲགས་དུང་དཀར་འདི་འབྲིང་། ཀཎྡ་ཤཾ་ཁ་ཞེས་པ་དུང་ཚེར་མ་ཅན་ནམ་དུང་རྭ་ཅན་ཟེར་ཏེ། དུང་གི་ཕྱི་ལ་གཟུགས་མོ་བྱི་ཐུར་འདྲ་བའི་དུང་གི་རིམ་པས་དམན་པའོ། ། འདི་རུས་ཚད་སྐབས་མ་གཏོགས་སོལ་མེར་དཀར་སངས་ཚོས་པར་བསྲེགས་དགོས། རོ་ཚ་བ། ཞུ་རྗེས་ཁ་བ། ནུས་པ་བསིལ་ལ་རྣོ་བའོ ། ། ངོ་བོའི་ནུས་པས་རྣག་དང་ཆུ་སེར་སྐྲན་ལ་སོགས་པ་རྣམས་སྐེམ་ཞིང་འབྱིན་པར་བྱེད་ལ། རུས་པར་ཚ་བ་ཞུགས་པའི་ནད་ལ་སོགས་པ་སེལ་བར་བྱེད་དོ། ། མིང་གི་རྣམ་གྲངས། ཤཾ་ཀ ཁབ་ཀྱི་ཁ། ཆུ་སྐྱེས། ཆུ་སྲིན་གཤེད། ②འབུད་རྒྱུའི་རིགས་ཀྱི་རོལ་ཆ་ཞིག་སྟེ། དཔེར་ན། དམག་དུང་། ཟངས་དུང་། དུང་ཆེན། གཡག་དུང་། རྭ་དུང་ཞེས་པ་ལྟ་བུ། བྱ་ཚིག ①བྱ་བྱེད་ཐ་མི་དད་པ། ཡིད་ཧ་ཅང་ཞེན་པའམ་སྨར་བའི་དོན་ཏེ། མ་འོངས་པ། དུང་། ད་ལྟ་བ། དུང་། འདས་པ། དུངས། དཔེར་ན། མ་འོངས་པ། བལྟ་རྒྱུ་མང་ན་དུང་ཡོད། ད་ལྟ་བ། ང་ལ་དུང་མཁན་ཁྱེད་ཡིན། འདས་པ། ཡིད་དུངས་ནས་འབྲལ་མ་ཐུབ་ལྟ་བུ། ②གཉིད་སད་པའི་དོན་དུ་བཤད་པ་ཡང་ཡོད།