ཕལ་ཆེན་ལེའུ་ཞེ་གསུམ་པ་དེ་བཞིན་གཤེགས་པའི་སྐྱེ་བ་འབྱུང་བ་བསྟན་པ་ལས་བྱུང་བ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སྐྱེས་བུ་དམ་པའི་མིང་ཐོབ་པ་བཅུ་སྟེ།
1.འདི་ལྟར་བྱང་ཆུབ་ཀྱི་ཡེ་ཤེས་ཀྱི་ལུས་དང་ལྡན་པས་བྱང་ཆུབ་སེམས་དཔའ་ཞེས་བྱ་བ་ཡིན།
2.ཐེག་པ་ཆེན་པོ་ལ་རབ་ཏུ་གནས་པའི་ཕྱིར་སེམས་དཔའ་ཆེན་པོ་ཞེས་བྱ་བ་ཡིན།
3.ཆོས་ཀྱི་དམ་པ་མངོན་པར་སྟོབས་པས་སེམས་དཔའ་ཞེས་བྱ་བ་ཡིན།
4.མཆོག་གི་ཆོས་མངོན་པར་འཚང་རྒྱ་བས་མཆོག་གི་སེམས་དཔའ་ཞེས་བྱ་བ་ཡིན།
5.ཡེ་ཤེས་ཀྱི་ཁྱད་པར་རབ་དང་ལྡན་པས་རབ་ཀྱི་སེམས་དཔའ་ཞེས་བྱ་བ་ཡིན།
6.ཕུལ་དུ་བརྩོན་འགྲུས་རྩོམ་པས་ཕུལ་གྱི་སེམས་དཔའ་ཞེས་བྱ་བ་ཡིན།
7.གོང་ན་མེད་པའི་ཆོས་ཡང་དག་པར་སྟོན་པས་བླ་ན་མེད་པའི་སེམས་དཔའ་ཞེས་བྱ་བ་ཡིན།
8.སྟོབས་བཅུའི་ཡེ་ཤེས་ཡངས་པ་དང་ལྡན་པས་སྟོབས་ཀྱི་སེམས་དཔའ་ཞེས་བྱ་བ་ཡིན།
9.འགྲོ་བ་ཐམས་ཅད་ན་དཔེ་མེད་པས་མི་མཉམ། མི་འདྲ་བའི་སེམས་དཔའ་ཞེས་བྱ་བ་ཡིན།
10.ནམ་འདོད་པའི་སེམས་ཀྱིས་སྐད་ཅིག་ལ་བྱང་ཆུབ་ཏུ་མངོན་པར་འཚང་རྒྱ་བས་བསམ་གྱིས་མི་ཁྱབ་པའི་སེམས་དཔའ་ཞེས་བྱ་བ་ཡིན་ནོ༎