སྤྱི་ལོ1970ལོར་མ་ཧྲེང་རང་བྱུང་ཚན་རིག་དང་བཟོ་སྐྲུན་རིག་པའི་སློབ་གླིང་དུ་སྐྱེ་དངོས་དངོས་ལུགས་རིག་པའི་འབུམ་རམས་པའི་བསླབ་གནས་ཐོབ། སྤྱི་ལོ1972ལོ་ནས་སྤྱི་ལོ1974ལོའི་བར་དབྱིན་ཇིའི་ཨའེ་ཏིང་པའོ་སློབ་ཆེན་གྱི་སྲོག་ཆགས་རྒྱུད་འཛིན་ཞིབ་འཇུག་ཁང་དུ་འབུམ་རམས་པའི་ཞིབ་འཇུག་གི་ཕྱག་ལས་གནང་། དེ་རྗེས་ཁོང་གིས་པུའུ་ལན་ཏའེ་སི་སློབ་ཆེན་གྱི་སྐྱེ་དངོས་རིག་པའི་ཚན་ཁག་ཏུ་དགེ་རྒན་གནང་བ་དང་། སྤྱི་ལོ1973ལོ་ནས་སྤྱི་ལོ1980ལོའི་བར་ལས་རོགས་དགེ་རྒན་ཆེ་མོ་དང་། སྤྱི་ལོ1980ལོ་ནས་སྤྱི་ལོ1986ལོའི་བར་དགེ་རྒན་ཆེན་མོ་གཞོན་པ། སྤྱི་ལོ1986ལོ་ནས་བཟུང་དགེ་རྒན་ཆེན་མོ་བ་བཅས་གནང་བ་མ་ཟད། སྤྱི་ལོ2012ལོར་པི་ཏེ•ཀེ་ལུའུ་པོ་དབང་རྩའི་ཚན་རིག་འཆད་ཁྲིད་བསླབ་གནསPeter Gruber Endowed Chairཐོབ་པ་རེད།
སྤྱི་ལོ2017ལོའི་ཟླ10པའི་ཚེས2ཉིན་ནོ་པེར་ལུས་ཁམས་རིག་པའམ་གསོ་རིག་བྱ་དགའ་ཡོངས་བསྒྲགས་བྱས་པ་དང་། ཅེ་ཕུའུ་ལི•ཧོའར་དང་། མའེ་ཁུ་ཨེར•ལུའོ་སི་པཱ་ཧྲེན། མའེ་ཁུ་ཨེར•དབྱང་བཅས་ལ་མཉམ་དུ་བྱ་དགའ་ཐོབ་ནས་ཁོང་ཚོའི“ལུས་ཁམས་མཚམས་ཚིགས་ཚོད་འཛིན་བྱེད་པའི་ཆ་རྡུལ་ལམ་སྲོལ་ཤེས་རྟོགས་བྱུང་པས”གཟེངས་བསྟོད་བྱས་པ་རེད།