ཅི་ལིན་ཞིང་ཆེན་ཡུས་ཧྲུའུ་གྲོང་ཁྱེར་མི་དམངས་ཁྲིམས་ཁང་ནི་སྤྱི་ལོ1948ལོའི་ཟླ9པར་བཙུགས་ཤིང་། དེ་སྔའི་ཡུས་ཧྲུའུ་རྫོང་མི་དམངས་ཁྲིམས་ཁང་ཡིན། ཁྲིམས་ཁང་གི་འདྲི་གཅོད་གཞུང་ལས་ཐོག་ཁང་དེ་ད་ལྟའི་ཡུས་ཧྲུའུ་གྲོང་ཁྱེར་སན་ཧྲེང་ལམ་དང་དར་རྒྱས་ཁྲོམ་གཞུང་གི་འབྲེལ་མཚམས་སུ་གནས་ཡོད། ཁྲིམས་ཁང་ཡོངས་སུ་ད་ཡོད་མི་གྲངས158ཡོད་པའི་ནང་སྲིད་ཁྲིམས་ཆེད་དོན་སྒྲིག་ཁོངས119དང་། བྱ་གཞག་སྒྲིག་ཁོངས་མི་གྲངས23 བཟོ་ལས་ལས་ཞབས་ལས་མི་གྲངས13 གདན་ཞུས་ལས་བསྐོས་ལམ་ལུགས་ཀྱི་ཁྲིམས་འཛིན་ཉེན་རྟོག་པ3 ཁྲིམས་དཔོན་གྱི་གོ་གནས་ཡོད་མཁན81བཅས་ཡོད། ཞིབ་འཇུག་སློབ་མ4 དངོས་གཞིའི་སློབ་མ141 ཆེད་སྦྱོང་དང་དེའི་མན་གྱི་སློབ་མ13བཅས་ཡོད། སྐྱེས་པ116ཡོད་པ་དེས73.4%ཟིན་པ་དང་བུད་མེད42ཡོད་པ་དེས་མི་གྲངས་ཀྱི26.6%ཟིན་ཡོད།
ཡུས་ཧྲུའུ་གྲོང་ཁྱེར་མི་དམངས་ཁྲིམས་ཁང་དུ་ཆབ་སྲིད་ཁྲུའུ་དང་། ལག་བསྟར་ཅུའུ། བཅའ་ཁྲིམས་གཏུག་བཤེར་དང་འབྲེལ་བའི་ཡིག་སྐུར་ངོ་བཅར་ཅུའུ་བཅས་ཁྲིམས་ཁང་རིམ་པ་གཉིས་པའི་ཚན་པ་གསུམ་ཡོད་པ་དང་། ཉེས་དོན་འདྲི་གཅོད་ཁྲིམས་ས་དང་དམངས་དོན་འདྲི་གཅོད་ཁྲིམས་ས་དང་པོ། དམངས་དོན་འདྲི་གཅོད་ཁྲིམས་ས་གཉིས་པ། སྲིད་འཛིན་འདྲི་གཅོད་ཁྲིམས་ས། འདྲི་གཅོད་ལྟ་སྐུལ་ཁྲིམས་ས། ལག་བསྟར་ཅུའུ། ཕྱོགས་བསྡུས་ལྟ་སྐུལ་ཁང་། ཡིག་སྐུར་ངོ་གཏུག་ཅུའུ་ཡི་ཚན་པ་གཉིས་པ། ཡིག་སྐུར་ངོ་གཏུག་ཅུའུ་ཡི་ཚན་པ་གསུམ་པ། ཡིག་སྐུར་ངོ་གཏུག་ཅུའུ་ཡི་ལས་བྱེད་འདྲི་གཅོད་ཁང་བཅས་ཡོད།
ཉེ་བའི་ལོ་འགའི་རིང་། ཡུས་ཧྲུའུ་ཁྲིམས་ཁང་གིས་ལོ་རེར་གྱོད་གཞི་བསྡུ་ལེན་བྱས་པའི་གྲངས་འབོར་སྟོང6.8ཡས་མས་ཟིན་པ་དང་། གྱོད་གཞི་མཇུག་སྒྲིལ་ཚད90%ཡན་ཟིན་ཡོད། ལོ་མང་རིང་ཡུས་ཧྲུའུ་ཁྲིམས་ཁང་གིས་དཔུང་ཁག་གི་བསམ་བློ་ཆབ་སྲིད་འཛུགས་སྐྱོང་དང་ལས་སྒོ་འཛུགས་སྐྲུན། རིག་གནས་འཛུགས་སྐྱོང་བཅས་ལ་ཤུགས་སྣོན་རྒྱག་པར་རྒྱུན་འཁྱོངས་བྱས་ཏེ། དཔུང་ཁག་གི་སྤྱི་ཡོངས་ཀྱི་བྱང་ཚད་མཐོ་རུ་ཧུར་ཐག་བཏང་བ་དང་། གྱོད་གཞིའི་སྤུས་ཚད་དང་ལས་ཆོད་ཁྲང་ཁྲུན་གྲོང་ཁྱེར་ཁྲིམས་ཁང་ཁོངས་གཏོགས་ཀྱི་མདུན་གྲལ་དུ་སླེབས་ཡོད། སྤྱི་ལོ2012ལོའི་ཟླ10པར་མི་དམངས་ཁྲིམས་ཁང་གིས་ཡུས་ཧྲུའུ་ཁྲིམས་ཁང་གིས་རིག་གནས་འཛུགས་སྤེལ་ལ་ཤུགས་སྣོན་བྱས་པའི་ཉམས་མྱོང་ཆེད་དོན་གནས་འཕྲིན་སྤེལ་ཡོད།
ཉེ་བའི་ལོ་འགའི་རིང་། ཡུས་ཧྲུའུ་ཁྲིམས་ཁང་ལ་སྔ་རྗེས་སུ་ཁྲང་ཁྲུན་གྲོང་ཁྱེར་ཁྲིམས་ཁང་ཁོངས་གཏོགས་ཀྱི་ཡིག་སྐུར་ངོ་བཅར་ལས་དོན་གྱི་སྔོན་ཐོན་ཚན་པ་དང་། ཞིང་ཆེན་ཡོངས་ཀྱི་ཁྲིམས་ཁང་ཁོངས་གཏོགས་ཀྱི་བསམ་བློ་དྲིལ་སྒྲོག་དང་ཁྲིམས་འཛིན་གསར་འགྱུར་དྲིལ་སྒྲོག ཚན་ཞིབ་ལས་དོན་བཅས་ཀྱི་སྔོན་ཐོན་ཚན་པ་དང་། ཞིང་ཆེན་ཡོངས་ཀྱི་ཕུལ་བྱུང་མི་དམངས་ཁྲིམས་ཁང་བཅས་ཀྱི་མཚན་སྙན་ཐོབ་ཡོད།