ཚུལ་ཁྲིམས་ཡང་དག་པར་བླངས་པའི་རྒྱུ་གསུམ།སྔ་མའི་པར་གཞི་དེ རྡོར་འཚོ།890 ནས 2021-04-25 08:38ལ་འགྲུབ།
རྣལ་འབྱོར་སྤྱོད་པའི་ས་རྣམ་པར་གཏན་ལ་དབབ་པ་བསྡུ་བ་ལས་བྱུང་བ་སྟེ།
1.བསམ་པ་རྣམ་པར་དག་པ་ནི། ཐར་བའི་ཕྱིར་ཚངས་པར་སྤྱད་པ་སྤྱོད་པ་བྱེད་ཀྱི། མཐོ་རིས་ཀྱི་ཕྱིར་ཡང་མ་ཡིན་པའོ༎
2.འཚོ་བ་རྣམ་པར་དག་པ་ནི། ཚུལ་དང་མཐུན་པར་ཡོངས་སུ་འཚོ་བར་བྱེད་ཀྱི། ཇི་ལྟར་ཡོངས་སུ་བཙལ་བར་བྱ་བ་དང་། གང་ནས་ཡོངས་སུ་བཙལ་བར་བྱ་བ་དེ་ལྟར་དེ་ནས་ཡོངས་སུ་བཙལ་ཏེ། འཚོ་བར་བྱེད་པ་གང་ཡིན་པའོ༎ དེ་ལ་ཇི་ལྟར་ཡོངས་སུ་བཙལ་བར་བྱ་ཞེ་ན། ཚུལ་འཆོས་པས་ཡོངས་སུ་ཚོལ་བར་མི་བྱེད་པ་དང་། ཁ་གསག་གིས་མི་བྱེད་པ་དང་། གཞོགས་སློང་གིས་མི་བྱེད་པ་དང་། ཐོབ་ཀྱིས་འཇལ་གྱིས་མི་བྱེད་པ་དང་། རྙེད་པས་རྙེད་པར་བྱེད་འདོད་པས་ཡོངས་སུ་ཚོལ་བར་བྱེད་པ་དེ་ལྟར་ཡོངས་སུ་བཙལ་བར་བྱའོ༎ གང་ནས་ཡོངས་སུ་བཙལ་བར་བྱ་ཞེ་ན། སྤྱོད་ཡུལ་མ་ཡིན་པ་ལྔ་མ་གཏོགས་པ་ནས་ཡོངས་སུ་བཙལ་བར་བྱའོ༎
3.སྒྲུབ་པ་རྣམ་པར་དག་པ་ནི། ལྟུང་བའི་འབྲས་བུ་མི་འདོད་པ་ལ་མངོན་པར་ཡིད་ཆེས་པས་རྒྱུ་གང་ཡང་རུང་གནས་ཀྱང་མི་རུང་སྟེ། བསམས་བཞིན་དུ་ལྟུང་བ་མི་འབྱིན་པ་དང་། བྱུང་ན་ཡང་གཞན་ལས་ཕྱིན་ཆད་སྡོམ་པ་ཡང་དག་པར་ལེན་པ་དང་། ཆོས་བཞིན་དུ་ཕྱིར་བྱེད་པའོ༎