ཏང་གི་ལོ་རྒྱུས་ཤེས་བྱ་ཆིག་བརྒྱ་མ།སྔ་མའི་པར་གཞི་དེ འབུམ་མཚོ། ནས 2021-03-24 15:02ལ་འགྲུབ།
ཏང་གི་ལོ་རྒྱུས་ཤེས་བྱ་ཆིག་བརྒྱ་མ།
ཏང་གི་ལོ་རྒྱུས་ཤེས་བྱ་ཆིག་བརྒྱ་མ།
ཏང་གི་ལོ་རྒྱུས་ལ་སློབ་སྦྱོང་དང་། དགོངས་དོན་རྟོགས་པ། བྱ་བ་དངོས་སྒྲུབ་པ། རྣམ་པ་གསར་གཏོད་བཅས་མངོན་འགྱུར་བྱ་བར་ཏང་གི་ལོ་རྒྱུས་ཤེས་བྱ་ཆིག་བརྒྱ་མར་སློབ་སྦྱོང་བྱ་དགོས།
གཞི་རྩའི་གནས་ཚུལ།
རྒྱ་ཡིག་གི་མིང་།
党史知识100讲
རིགས་དབྱེ།
ཆབ་སྲིད་ལོ་རྒྱུས།
དཀར་ཆག
1
ངོ་སྤྲོད།
དང་པོ།
ལོ་རྒྱུས་བཞི་ནི། ཏང་གི་ལོ་རྒྱུས་དང་ཀྲུང་གོ་གསར་བའི་ལོ་རྒྱུས། བཅོས་བསྒྱུར་སྒོ་འབྱེད་ཀྱི་ལོ་རྒྱུས། སྤྱི་ཚོགས་རིང་ལུགས་འཕེལ་རྒྱས་ཀྱི་ལོ་རྒྱུས་བཅས་སོ།།
གཉིས་པ།
སྤྱི་ལོ1919ལོར་ལི་ཏ་ཀྲའོ་ཡིས《ན་གཞོན་གསར་བ》ཡི་སྟེང《ང་ཡི་མར་ཁེ་སི་རིང་ལུགས་ཀྱི་ལྟ་བ》ཞེས་པའི་རྩོམ་ཡིག་སྤེལ་ཏེ། མ་ལག་ལྡན་པའི་སྒོ་ནས་མར་ཁེ་སི་རིང་ལུགས་ཀྱི་དངོས་གཙོ་ལོ་རྒྱུས་ལྟ་བ་དང་ཆབ་སྲིད་དཔལ་འབྱོར་རིག་པ། ཚན་རིག་སྤྱི་ཚོགས་རིང་ལུགས་ཀྱི་རྨང་གཞིའི་རིགས་པའི་གཞུང་ལུགས་ངོ་སྤྲོད་བྱས།
གསུམ་པ།
《གུང་ཁྲན་ཏང་གི་བསྒྲགས་གཏམ》གྱི་རྒྱ་ཡིག་གི་ཐོག་མའི་འགྱུར་ཆ་ཚང་ནི་ཁྲིན་ཝང་ཏའོ་ཡིས་བསྒྱུར་ཞིང་། སྤྱི་ལོ1920ལོའི་ཟླ8པར་ཧྲང་ཧེ་སྤྱི་ཚོགས་རིང་ལུགས་ཞིབ་འཇུག་ཁང་གིས་དཔར་བསྐྲུན་བྱས།
བཞི་པ།
ཀྲུང་གོ་གུང་ཁྲན་ཏང་གི་ཐེངས་དང་པོའི་རྒྱལ་ཡོངས་འཐུས་མིའི་ཚོགས་ཆེན་དེ་སྤྱི་ལོ1921ལོའི་ཟླ7པའི་ཚེས23ཉིན་འཚོགས་ཤིང་། ཚོགས་ར་ཧྲང་ཧེའི་ཧྥ་རན་སིའི་བཙན་གཡར་ས་ཆའི་ཝང་ཀྲི་ལམ་གྱི་སྒོ་རྟགས་ཨང106པ(ད་ལྟའི་ཞིན་ཡེ་ལམ་གྱི་སྒོ་རྟགས་ཨང76པ)ལ་བཀོད་སྒྲིག་བྱས། ཚོགས་ཆེན་གྱི་ཆེས་མཐའ་མཇུག་གི་ཚོགས་འདུ་དེ་ཀྲེ་ཅང་ཅཱ་ཞིན་གྱི་ནན་ཧུའུ་མཚེའུ་ཡི་ཡུལ་སྐོར་མཚོ་གྲུར་གནས་སྤར་ཏེ་འཚོགས།
ལྔ་པ།
ཀྲུང་གོ་གུང་ཁྲན་ཏང་གི་ཐེངས་དང་པོའི་རྒྱལ་ཡོངས་འཐུས་མིའི་ཚོགས་ཆེན་སྟེང་ཁྲིན་ཏུའུ་ཞིའུ་ཀྲུང་དབྱང་ཅུས་ཀྱི་ཧྲུའུ་ཅིར་བདམས།
དྲུག་པ།
ཀྲུང་གོ་གུང་ཁྲན་ཏང་གི་ཐེངས་དང་པོའི་རྒྱལ་ཡོངས་འཐུས་མིའི་ཚོགས་ཆེན་གྱི་གཞི་རྩའི་གྲོས་དོན་ནི་ཚད་ལྡན་ཅན་གྱི་ཀྲུང་གོ་གུང་ཁྲན་ཏང་དངོས་སུ་བཙུགས་པ་དེ་ཡིན།
བདུན་པ།
གྲུ་ཆེན་དམར་པོའི་སྙིང་སྟོབས་ནི་གནམ་ས་གོ་འབྱེད་དང་ཀུན་གྱི་སྔོན་ལ་བསྒྲུབ་ཕོད་པ་དེ་ཡིན།
བརྒྱད་པ།
ཏང་གི་ཚོགས་ཆེན་གཉིས་པ་སྤྱི་ལོ1922ལོའི་ཟླ7པའི་ཚེས16ཉིན་ནས་ཚེས23ཉིན་བར་ཧྲང་ཧེ་ནས་འཚོགས།
དགུ་པ།
ཏང་གི་ཚོགས་ཆེན་གཉིས་པས་གཏན་ལ་ཕབ་པའི་ཏང་གི་ཆེས་མཐོའི་རྩ་འཛིན་དང་ཆེས་དམའ་བའི་རྩ་འཛིན་ལས། ཆེས་མཐོའི་རྩ་འཛིན་ནི་འབྱོར་མེད་གྲལ་རིམ་རྩ་འཛུགས་བྱས་ཤིང་གྲལ་རིམ་འཐབ་རྩོད་ཀྱི་བྱེད་ཐབས་སྤྱད་ནས་ངལ་རྩོལ་མི་དམངས་ཀྱི་སྲིད་དབང་སྒེར་འཛིན་གྱི་ཆབ་སྲིད་འཛུགས་པ་དང་། རྒྱུ་ནོར་སྒེར་ལ་དབང་བའི་ལམ་ལུགས་རྩད་རྫོགས་བྱས་ཏེ། རིམ་གྱིས་གུང་ཁྲན་རིང་ལུགས་སྤྱི་ཚོགས་མངོན་འགྱུར་བྱ་རྒྱུ་དེ་ཡིན། ཆེས་དམའ་བའི་རྩ་འཛིན་ནི་ནང་འཁྲུག་མེད་པར་བཟོ་བ་དང་། དམག་ཤེད་ཅན་གྱི་མགོ་རྟིང་བསློག་པ། རྒྱལ་ནང་ལ་ཞི་བདེ་བསྐྲུན་པ་དང་རྒྱལ་སྤྱིའི་བཙན་རྒྱལ་རིང་ལུགས་ཀྱི་གཉའ་གནོན་རྩ་མེད་དུ་བཏང་སྟེ། ཀྲུང་ཧྭ་མི་རིགས་གཞི་ནས་སྒེར་ཚུགས་བྱེད་ཐུབ་པར་མ་ཟད། གཅིག་གྱུར་གྱི་ཀྲུང་གོ་ནི་དོན་དངོས་སྟེང་དམངས་གཙོའི་སྤྱི་མཐུན་རྒྱལ་ཁབ་ཞིག་ཏུ་བསྒྱུར་རྒྱུ་དེ་ཡིན།
བཅུ་པ།
ཏང་གི་ཚོགས་ཆེན་གསུམ་པས་གུང་ཁྲན་ཏང་ཡོན་རང་ངོས་ནས་གོ་མིན་ཏང་ལ་ཞུགས་ནས། གོ་གུང་མཉམ་འབྲེལ་མངོན་འགྱུར་བྱེད་པ་དང་། དུས་མཚུངས་སུ་ངེས་པར་ཆབ་སྲིད་དང་བསམ་བློ། རྩ་འཛུགས་ཀྱི་སྟེང་ནས་རང་ཉིད་ཀྱི་སྒེར་ཚུགས་རང་བཞིན་སྲུང་འཛིན་བྱེད་དགོས་པར་ཐག་བཅད།
བཅུ་གཅིག
བདུན་གཅིག་ལྔའི“གུང་ཁྲན་ཏང་ལོགས་སུ་བཀར་བའི”དོན་རྐྱེན་ལ་བརྟེན་ནས། ཐེངས་དང་པོའི་གོ་གུང་མཉམ་འབྲེལ་ཕྱོགས་ཡོངས་ནས་འཐོར་ཞིང་གསར་བརྗེ་ཆེན་མོ་མཇུག་མཐར་ཕམ་ཉེས་བྱུང་བ་མཚོན།
བཅུ་གཉིས།
ནན་ཁྲང་འོས་ལངས་ཀྱིས་དྲག་ཆས་ལ་བརྟེན་ནས་གོ་མིན་ཏང་ལོག་སྤྱོད་ཕྱོགས་ཁག་ལ་ངོ་རྒོལ་བྱེད་པའི་མེ་མདའ་དང་པོ་བརྒྱབ་པས། ཀྲུང་གོ་གུང་ཁྲན་ཏང་གིས་རང་ཚུགས་ཀྱིས་གསར་བརྗེ་ལ་མགོ་ཁྲིད་བྱེད་པ་དང་། མི་དམངས་དམག་དཔུང་སྒྲིག་འཛུགས་བྱེད་པ། དྲག་ཆས་ལ་བརྟེན་ནས་སྲིད་དབང་འཛིན་པའི་མགོ་བརྩམས་པ་མཚོན།
བཅུ་གསུམ།
སྤྱི་ལོ1926ལོའི་ཟླ7པའི་ཚེས9ཉིན། བྱང་འདུལ་དམག་འཁྲུག་དངོས་སུ་མགོ་བརྩམས།
བཅུ་བཞི།
བྱང་འདུལ་དམག་འཁྲུག་གི་འབོད་ཚིག་ནི་མ་རྩ་རིང་ལུགས་རྩ་མེད་དུ་གཏོང་བ་དང་དམག་ཤེད་ཅན་གཙང་སེལ་བྱ་རྒྱུ་དེ་ཡིན།
བཅོ་ལྔ།
བརྒྱད་བདུན་གྲོས་ཚོགས་ནི་སྤྱི་ལོ1927ལོའི་ཟླ8པའི་ཚེས7ཉིན་ཧུའུ་པེ་ཧན་ཁུག་ནས་འཚོགས་པ་ཡིན།
བཅུ་དྲུག
བློ་མཐུན་མའོ་ཙེ་ཏུང་གི“མེ་མདའ་ལ་བརྟེན་ནས་སྲིད་དབང་འཛུགས་པ”ཞེས་པའི་སྐད་གྲགས་ཆེ་བའི་ཆོད་གཏམ་ཡང་བརྒྱད་བདུན་གྲོས་ཚོགས་སྟེང་བཏོན་པ་ཡིན།
བཅུ་བདུན།
ཀྲུང་གོ་གུང་ཁྲན་ཏང་གིས་བཙུགས་པའི་ཐོག་མའི་གསར་བརྗེ་གནས་གཞིའི་ས་ཁུལ་ནི་ཅིན་ཀང་རི་བོའི་གསར་བརྗེ་གནས་གཞིའི་ས་ཁུལ་ཡིན།
བཅོ་བརྒྱད།
མོ་ཙེ་ཏུང་གིས་མགོ་ཁྲིད་བྱས་པའི་ཞང་ཀན་མཐའ་མཚམས་ཀྱི་སྟོན་སྡུད་འོས་ལངས་ཀྱི་དམག་དཔུང་དེ་སྤྱི་ལོ1927ལོའི་ཟླ10པར་ཅང་ཞིས་ཉིན་ཀཱང་ལ་སླེབས་ཏེ། ཅིན་ཀང་རི་བོའི་གསར་བརྗེ་གནས་གཞིའི་ས་ཁུལ་གྱི་འཐབ་རྩོད་བྱེད་པའི་མགོ་བརྩམས།
བཅུ་དགུ།
སྤྱི་ལོ1928ལོའི་ཟླ6པའི་ཚེས18ཉིན་ནས་ཟླ7པའི་ཚེས11ཉིན་པར། ཀྲུང་གོ་གུང་ཁྲན་ཏང་གི་སྐབས་དྲུག་པའི་རྒྱལ་ཡོངས་མི་དམངས་འཐུས་མི་ཚོགས་ཆེན་དེ་ཨུ་རུ་སུའི་རྒྱལ་ས་མོ་སི་ཁོའི་ཉེ་འདབས་ཀྱི་གྲོང་རྡལ་ཙི་བེ་ཉི་ཀའོ་ལའོ་ཏི“དངུལ་མདོག་གཞིས་སྒར”དུ་གསང་བའི་སྒོ་ནས་འཚོགས།
ཉི་ཤུ།
དམར་དམག་རྒྱང་སྐྱོད་ནི་སྤྱི་ལོ1934ལོའི་ཟླ10པར་མགོ་བརྩམས་ཤིང་སྤྱི་ལོ1936ལོའི་ཟླ10པར་མཇུག་བསྡུས་པ་ཡིན།
དཔྱད་གཞིའི་ཡིག་ཆ།