རྗེས་འཇུག་གི་ནང་གསེས་དྲིལ་ཚུལ་གསུམ།སྔ་མའི་པར་གཞི་དེ གསེར་ཞང་འཇམ་བསོད། ནས 2021-03-03 17:05ལ་འགྲུབ།
1.རྗེས་འཇུག་ཕོ་ཡིག་གི་ནང་གསེས་དྲིལ་ཚུལ་གསུམ་སྟེ།
(1)སྐྱེས་བུ་རབ་ཡང་འཇུག་ཅན་གྱི་ག་ཡིག
(2)སྐྱེས་བུ་འབྲིང་ཡང་འཇུག་ཅན་གྱི་བ་ཡིག
(3)སྐྱེས་བུ་ཐ་མ་ཡང་འཇུག་མེད་པའི་ག་བ་གཉིས་དང་ད་ས་བཅས་བཞི།
2.རྗེས་འཇུག་མ་ཡིག་གི་ནང་གསེས་དྲིལ་ཚུལ་གཉིས་ཏེ།
(1)མོ་ཙམ་གྱི་ཡི་གེ་ཡང་འཇུག་ཡོད་པའི་ང་མ་གཉིས།
(2)ཤིན་ཏུ་མོའི་ཡི་གེ་ཡང་འཇུག་མེད་པའི་ང་མ་གཉིས་དང་འ་བཅས་གསུམ།
3.རྗེས་འཇུག་མ་ནིང་གི་ནང་གསེས་དྲིལ་ཚུལ་གསུམ་ཏེ།
(1)འགྱུར་བ་མ་ནིང་ནི། ན་ར་ལ་གསུམ་མིང་གཞི་ཕོ་ཡིག་གི་མཐར་ཡང་འཇུག་ཡོད་མེད་གཉིས་ཀ་དང་། མིང་གཞི་མོ་ཡིག་གི་མཐར་ཡང་འཇུག་མེད་པ་ཁོ་ནའོ༎
(2)མཚན་གཉིས་མ་ནིང་ནི། ན་ར་གཉིས་མིང་གཞི་ཕོ་ཡིག་གི་མཐར་ད་དྲག་ཡོད་མེད་གཉིས་ཀ་དང་། མིང་གཞི་མོ་ཡིག་གི་མཐར་ཡང་འཇུག་མེད་པ་ཁོ་ན་དང་། མིང་གཞི་མོ་ཡིག་གི་མཐར་ཡང་འཇུག་ཡོད་པ་དང་གསུམ།
(3)མཚན་མེད་མ་ནིང་ནི། ན་ར་ལ་གསུམ་མིང་གཞི་མ་ནིང་གི་མཐར་ཡང་འཇུག་ཡོད་མེད་གཉིས་ཀའོ༎ （སྐབས་འདིར་ཡང་འཇུག་ཡོད་མེད་དང་། མིང་གཞི་གང་ཕྲད་སྐོར་གསལ་པོ་ཡོང་ཆེད་ཁ་སྐོང་བྱས་པ་ཡིན）