སྤྱི་ལོ1987ལོའི་ཟླ7པར་ནང་སོག་ནོར་དཔལ་སློབ་གླིང་ནས་སློབ་མཐར་ཕྱིན། ཤེས་རམས་པའི་བསླབ་གནས་ཐོབ།
སྤྱི་ལོ2006ལོའི་ཟླ9པ་ནས་སྤྱི་ལོ2009ལོའི་ཟླ9པའི་བར། བྱང་ཤར་ནོར་དཔལ་སློབ་ཆེན་བཟོ་ཚོང་དོ་དམ་སློབ་གླིང་གི་བཟོ་ཚོང་དོ་དམ་ཆེད་ལས་སུ་ལས་ཐོག་རབ་འབྱམས་པའི་སློབ་གཉེར་བྱས། དོ་དམ་རིག་པའི་རབ་འབྱམས་པའི་བསླབ་གནས་ཐོབ།
སྤྱི་ལོ1987ལོའི་ཟླ7པ་ནས་སྤྱི་ལོ1994ལོའི་ཟླ4པའི་བར། ནང་སོག་ནོར་སྲིད་དཔལ་འབྱོར་སློབ་གྲྭ་ཆེན་མོའི་གུང་གཞོན་ཚོགས་པའི་ཨུ་ཡོན་ལྷན་ཁང་དུ་ལས་ཀ་བསྒྲུབ། དྲིལ་བསྒྲགས་པུའུ་ཡི་འགོ་འཛིན་དང་། ཧྲུའུ་ཅི་གཞོན་པ། བསམ་བློ་དང་ཆབ་སྲིད་སློབ་གསོའི་ཞིབ་འཇུག་ལག་རོགས་པ་བཅས་ཀྱི་འགན་ཁུར།
སྤྱི་ལོ1991ལོའི་ཟླ1པོ་ནས་སྤྱི་ལོ1992ལོའི་ཟླ1པའི་བར། ནང་སོག་ཧུའུ་ཧྲི་གྲོང་ཁྱེར་ཉེ་འདབས་ཀྱི་ཐའེ་ཕིན་ཀྲོང་དུ། སྤྱི་ཚོགས་རིང་ལུགས་ཀྱི་བསམ་བློ་དང་ཆབ་སྲིད་ཀྱི་སློབ་གསོའི་ཚན་ཆུང་གི་ཚན་གཙོའི་འགན་ཁུར།
སྤྱི་ལོ1994ལོའི་ཟླ4པ་ནས་སྤྱི་ལོ2000ལོའི་ཟླ10པའི་བར་ནང་སོག་ནོར་དཔལ་སློབ་གླིང་གི་དངུལ་རྩ་རིག་པའི་ཚན་ཁག་ཏུ་ཏང་གི་སྤྱི་ཁྱབ་ཀྲི་པུའུ་ཡི་ཧྲུའུ་ཅི་གཞོན་པ་དང་། ཧྲུའུ་ཅི་དང་ཀྲུའུ་རེན་གཞོན་པ་བཅས་ཀྱི་འགན་གཅིག་ལྕོགས་སུ་ཁུར།
སྤྱི་ལོ2000ལོའི་ཟླ10པ་ནས་སྤྱི་ལོ2004ལོའི་ཟླ2པའི་བར། ནང་སོག་ནོར་དཔལ་སློབ་གླིང་གི་ཏང་ཨུའི་རྩ་འཛུགས་པུའུ་རུ་ལས་ཀ་བསྒྲུབ།
སྤྱི་ལོ2004ལོའི་ཟླ2པ་ནས་སྤྱི་ལོ2009ལོའི་ཟླ1པོའི་བར། ནང་སོག་ཚོང་དོན་ལས་རིགས་སློབ་གླིང་དུ་ལས་ཀ་བསྒྲུབ། ཏང་ཨུའི་ཧྲུའུ་ཅི་དང་བསམ་བློའི་སློབ་གསོའི་ཞིབ་འཇུག་པ་གཞོན་པའི་འགན་ཁུར།
སྤྱི་ལོ2009ལོའི་ཟླ1པོ་ནས་སྤྱི་ལོ2014ལོའི་ཟླ4པའི་བར། ནང་སོག་གློག་རྡུལ་ཆ་འཕྲིན་ལས་རིགས་ལག་རྩལ་སློབ་གླིང་དུ་ལས་ཀ་བསྒྲུབ། ཏང་ཨུའི་ཧྲུའུ་ཅི་དང་བསམ་བློ་དང་ཆབ་སྲིད་ཀྱི་སློབ་གསོའི་ཞིབ་འཇུག་པའི་འགན་ཁུར།
སྤྱི་ལོ2014ལོའི་ཟླ4པར། ཁྲི་ཧྥེང་སློབ་གླིང་གི་ཏང་ཨུའི་ཧྲུའུ་ཅི་གཞོན་པ་དང་ཡོན་ཀྲང་གི་འགན་ཁུར།