སྤྱི་ལོ1978ལོའི་ཟླ10པར་ཆིང་དབྱང་ས་ཁུལ་སྲིད་འཛིན་ཀུང་ཧྲུའུ་རུ་བསྒྱུར།
སྤྱི་ལོ1986ལོའི་ཟླ་དང་པོར་ཞི་ཧྥེང་གྲོང་ཁྱེར་བཙུགས་པ་དང་། ཆིང་དབྱང་ས་ཁུལ་སྲིད་འཛིན་ཀུང་ཧྲུའུ་ཡི་མངའ་འོག་ཏུ་རྫོང7དང་གྲོང་ཁྱེར1ཡོད།
སྤྱི་ལོ2002ལོའི་ཟླ6པའི་ཚེས22ཉིན། རྒྱལ་སྲིད་སྤྱི་ཁྱབ་ཁང་གིས་ཆིང་དབྱང་ས་ཁུལ་དང་རྫོང་རིམ་པའི་ཞི་ཧྥེང་གྲོང་ཁྱེར་གྱིས་ཁུལ་རིམ་པའི་ཆིང་དབྱང་གྲོང་ཁྱེར་འཛུགས་རྒྱུར་མོས་མཐུན་བྱས་ཡོད། ཆིང་དབྱང་གྲོང་ཁྱེར་དུ་ཞི་ཧྥེང་ཆུས་བཙུགས་ནས་དེ་སྔའི་རྫོང་རིམ་པའི་ཞི་ཧྥེང་གྲོང་ཁྱེར་གྱི་སྲིད་འཛིན་ས་ཁོངས་དེ་ཞི་ཧྥེང་ཆུས་ཀྱི་སྲིད་འཛིན་ས་ཁོངས་ཡིན་པ་རེད། ཆིང་དབྱང་རྫོང་ལ་ཆིང་ཁྲེང་རྫོང་ཞེས་མིང་བསྒྱུར། ཆིང་དབྱང་གྲོང་ཁྱེར་ཁོངས་གཏོགས་ཀྱི་དེ་སྔའི་ཆིང་དབྱང་ས་ཁུལ་གྱི་ཀྲེན་ཡོན་རྫོང་དང་། ཧོན་རྫོང་། ཧྭ་ཁྲི་རྫོང་། ཧོ་ཧྲུའེ་རྫོང་། ཉིང་རྫོང་། ཀྲེང་ཉིང་རྫོང་། གསར་དུ་མིང་བརྗེ་བའི་ཆིང་ཁྲེང་རྫོང་བཅས་དང་དེ་བཞིན་གསར་དུ་བཙུགས་པའི་ཞི་ཧྥེང་ཆུས་བཅས་ཡིན་པ་རེད།
སྤྱི་ལོ2019ལོའི་ཟླ11པའི་བར། ཆིང་དབྱང་གྲོང་ཁྱེར་ཁོངས་གཏོགས་སུ་ཤིས་ཧྥུང་ཆུས་དང་། ཆིང་ཁྲེང་རྫོང་། ཧྭ་ཁྲེ་རྫོང་། ཉིང་རྫོང་། ཀྲེན་ཡོན་རྫོང་། ཧོ་ཧྲུའེ་རྫོང་། ཀྲེང་ཉིང་རྫོང་། ཧོན་རྫོང་སོགས་ཆུས1དང་རྫོང7ཡོད།
ཀན་སུའུ་ཞིང་ཆེན་ཆིང་དབྱང་གྲོང་ཁྱེར་གྱི་ཤར་ངོས་སུ་ཧྲའན་ཤིས་ཞིང་ཆེན་ཡན་ཨན་གྲོང་ཁྱེར་དང་འབྲེལ་བ། ལྷོ་ཀན་སུའུ་ཞིང་ཆེན་གྱི་ཅིན་ཁྲོན་རྫོང་དང་ཧྲའན་ཞི་ཞིང་ཆེན་གྱི་ཁྲང་ཝུའུ་དང་པིན་རྫོང་། མུའུ་དབྱི་རྫོང་བཅས་དང་འབྲེལ་ཡོད། བྱང་ཕྱོགས་སུ་ཧྲའན་ཞི་ཞིང་ཆེན་གྱི་ཡུས་ལིན་གྲོང་ཁྱེར་དང་ཉིང་ཞའི་ཡན་ཁྲི་རྫོང་དང་འབྲེལ་བ་ཡོད། ལྗོངས་ནང་ཁུལ་གྱི་ཤར་ནུབ་དབར་སྤྱི་ལེ208ཡོད་པ་དང་ལྷོ་བྱང་དབར་བར་ཐག་སྤྱི་ལེ207ཡོད།
རྒྱལ་ལམ211དང་ཞིང་ཆེན་རིམ་པའི་གཞུང་ལམ202ལྷོ་བྱང་དུ་འབྲེལ་ཡོད། རྒྱལ་ལམ309དང་ཞིང་ཆེན་རིམ་པའི་གཞུང་ལམ303གྱིས་ཤར་ནུབ་འཕྲེད་དུ་བཅད་པ་དེས“གཞུང་གཉིས་འཕྲེད་གཉིས”ཀྱི་གཞུང་ལམ་གྱི་སྒྲོམ་གཞི་གཙོ་བོ་གྲུབ་ཡོད།
སྤྱི་ལོ2018ལོའི་ལོ་མཇུག་ཏུ་ཆིང་དབྱང་གྲོང་ཁྱེར་གྱི་རྒྱུན་སྡོད་མི་གྲངས་ཁྲི226.66ཡོད་པ་དང་། ལོ་གོང་མ་དང་བསྡུར་ན་མི་ཁྲི1འཕར་མེད་ཅིང་། དེའི་ནང་གྲོང་ཁྱེར་དང་གྲོང་རྡལ་གྱི་མི་གྲངས་ཁྲི87.03ཡོད། རྒྱུན་སྡོད་མི་གྲངས་གྱི་བསྡུར་ཚད(རྒྱུན་སྡོད་མི་གྲངས་གྲོང་ཁྱེར་དང་གྲོང་རྡལ་ཅན་དུ་འགྱུར་ཚད)ཟིན་གྲངས38.4%ཟིན་ཡོད། ལོ་ཧྲིལ་པོར་གསར་སྐྱེས་མི་གྲངས་ཁྲི2.64ཡོད་པ་དང་སྐྱེས་ཚད11.63%ཡོད་པ། རྐྱེན་ལམ་དུ་ཤོར་བའི་མི་གྲངས་ཁྲི1.61ཡོད་པས་ཤི་ཚད7.11%ཡོད་པ། རང་བྱུང་འཕར་ཚད4.52ཡིན།
ཀན་སུའུ་ཞིང་ཆེན་ཆིང་དབྱང་གྲོང་ཁྱེར་ནི་གྲངས་ཉུང་མི་རིགས་ཁ་ཐོར་དང་འདྲེས་སྡོད་ས་ཁུལ་ཞིག་ཡིན། ཧུའེ་རིགས་དང་། བོད། མན་ཇུ་སོགས་གྲངས་ཉུང་མི་རིགས29ཡོད་ཅིང་། ཧུའེ་རིགས་གཙོ་བོ་ཧུའེ་རིགས་ཡིན། གྲངས་ཉུང་མི་རིགས་ཀྱི་མི་གྲངས་གྱིས་གྲོང་ཁྱེར་ཡོངས་ཀྱི་མི་གྲངས་ཁྲི264ཡི0.3%བཟུང་བ་དང་གཙོ་བོ་རྫོང(ཆུས)6གི་མི་རིགས་ཤང1དང་མི་རིགས་གྲོང་ཚོ9ལ་ཁྱབ་ཡོད།
སྤྱི་ལོ2018ལོར་ཆིང་དབྱང་གྲོང་ཁྱེར་གྱི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར708.15ཟིན་ཡོད། བསྡུར་གཞི་ཡོད་པའི་རིན་གོང་ལྟར་རྩིས་བརྒྱབ་ན་སྤྱི་ལོ2017ལོ་ལས3.6%འཕར་ཡོད། དེའི་ནང་ཐོན་ལས་དང་པོའི་འཕར་ཐང་སྒོར་དུང་ཕྱུར71.01ཡོད་པས6.5%འཕར་བ་དང་། ཐོན་ལས་གཉིས་པའི་འཕར་ཐང་སྒོར་དུང་ཕྱུར355.67ཡོད་པས1.5%ཆག་པ། ཐོན་ལས་གསུམ་པའི་འཕར་ཐང་སྒོར་དུང་ཕྱུར281.47ཡོད་པས10.1%འཕར་ཡོད། ཐོན་ལས་དང་པོའི་འཕར་ཐང་གིས་ཐོན་སྐྱེད་རིན་ཐང་བསྡོམས་འབོར་ནང་ཡོད་པའི་བསྡུར་ཚད་བརྒྱ་ཆའི10.0ཟིན་ཡོད། ཐོན་ལས་གཉིས་པའི་འཕར་ཐང་གི་བསྡུར་ཚད་ནི50.2%ཡོད་པ་དང་ཐོན་ལས་གསུམ་པའི་འཕར་ཐང་གི་བསྡུར་ཚད39.8%ཟིན་ཡོད། རྒྱུན་སྡོད་མི་གྲངས་ལྟར་བརྩིས་ན་མི་རེའི་ཆ་སྙོམས་ཐོན་སྐྱེད་རིན་ཐང་བསྡོམས་འབོར་སྒོར31312ཡོད་པས3.0%འཕར་ཡོད།
སྤྱི་ལོ2017ལོའི་ཟླ12པའི་ཚེས24ཉིན། ཆིང་དབྱང་སྤྱི་ལོ2017ལོའི་ཀྲུང་གོའི་ཁྱད་ཆོས་ལྡན་པའི་གྲོང་ཁྱེར་སྟོབས་ཆེན200ཡི་ཁོངས་སུ་བདམས།
སྤྱི་ལོ2018ལོའི་ཟླ4པར“སྤྱི་ལོ2018ལོའི་ཡུལ་སྐོར་དུ་བསྐྱོད་པའི་ཀྲུང་གོའི་གྲོང་ཁྱེར100”གྲས་སུ་བདམས།
སྤྱི་ལོ2019ལོའི་ཟླ8པའི་ཚེས13ཉིན། རྒྱལ་ཡོངས་ཀྱི་གྲོང་ཁྱེར་སྨན་བཅོས་མཉམ་འབྲེལ་སྒྲིག་གཞི་འཛུགས་པའི་ཚོད་ལྟའི་གྲོང་ཁྱེར་དུ་བདམས།
སྤྱི་ལོ2019ལོའི་ཟླ11པའི་ཚེས3ཉིན། “ཀྲུང་གོའི་གྲོང་ཁྱེར་གྱི་ལྗང་མདོག་འགྲན་རྩོད་ནུས་པའི་བང་རིམTOP100”ཡོངས་བསྒྲགས་བྱས་པ་དང་ཆིང་དབྱང་ཨང་རིམ14པའི་གྲལ་དུ་ཚུད།