སྤྱི་ལོ1697ལོར་ཨ་ལ་ཧྲན་དང་ཧྲོ་ཐེ་ཤོག་བཙུགས་པ་དང་། ད་ལྟའི་ཝུའུ་ཏ་ས་ཁུལ་ནི་ཨ་ལག་ཤ་ཤོག་མངའ་འོག་ཏུ་གཏོགས།
ཆིང་རྒྱལ་རབས་ཀྱི་དུས་མཇུག་ཏུ་ཝུའུ་ཏ་ས་ཁུལ་དུ་རྡོ་སོལ་རྐོ་ཁུང་ཆུང་ཆུང་ཞིག་བཙུགས།
ཀྲུང་ཧྭ་མི་སེར་རྒྱལ་ཁབ་ཀྱི་སྐབས་སུ། ཉིང་ཞའི་སྲུང་དམག་གིས་ཨ་ལག་ཤ་དང་ཧྲུའོ་ཐེ་ཤོག་གཅིག་གྱུར་བྱས། རྗེས་སུ་ཀྲུང་དབྱང་སྲིད་འཛིན་ཁང་གི་སོག་བོད་ཨུ་ཡོན་ལྷན་ཚོགས་ཀྱི་ཁོངས་སུ་གཏོགས།
མི་སེར་རྒྱལ་ཁབ་ཀྱི་སྲིད་ལོ17པའི་ཟླ10པར། ནན་ཅིན་རྒྱལ་དམངས་སྲིད་གཞུང་གིས་ཉིན་ཞ་ཞིང་ཆེན་བཙུགས་ཏེ། ཨ་ལག་ཤ་ཤོག(དེང་གི་ཝུའུ་ཏ་ས་ཁུལ་ལ་གཏོགས་པ)ཉིན་ཞ་ཞིང་ཆེན་དུ་བསྒྱུར།
སྤྱི་ལོ2013ལོའི་བར། ཝུའུ་ཏ་ཆུས་ཁོངས་སུ་ཁྲོམ་གཞུང7དང་གྲོང་རྡལ1ཡོད་པ་རེད།
ཝུའུ་ཏ་ཆུས་ནི་ནང་སོག་རང་སྐྱོང་ལྗོངས་ཀྱི་དབུས་ནུབ་རྒྱུད་དུ་གནས་པ་དང་། ཝུའུ་ཧའེ་གྲོང་ཁྱེར་གྱི་ཁོངས་གཏོགས་ཁུལ་གྱི་གྲས་ཤིག་ཡིན། ཤར་ནས་རྨ་ཆུ་དང་ཉེ་ཞིང་། ལྷོ་ནས་ཉིང་ཞའི་ཧྲི་ཙུའེ་ཧྲན་གྲོང་ཁྱེར་དང་ཐག་ཉེ། ནུབ་ཏུ་ཨ་ལག་ཤ་མེང་དང་ས་མཚམས་འབྲེལ་ནས“མེང་ཉིང་ཧྲའན”དཔལ་འབྱོར་ས་ཁོངས་ཀྱི་ལྟེ་གནས་སུ་གནས་ཡོད།
ཝུའུ་ཏ་ཆུས་ནི་འཕྲེད་ཐིག་བར་མ་རུ་གནས་ཡོད། སྐམ་སའི་ཁུལ་གྱི་སྐམ་སའི་རང་བཞིན་གྱི་གནམ་གཤིས་ལ་གཏོགས་པ་དང་། ལོ་རེའི་ཆ་སྙོམས་དྲོད་ཚད9.3℃ཡིན། ཉིན་རེའི་དྲོད་ཚད་ཧེ་བག་ཧྲེ་ཧྲི་ཏུའུ10-25བར་ཡིན། ལོ་རེའི་ཆ་སྙོམས་ཀྱི་ཆར་ཆུ་འབབ་ཚད་ཧའོ་སྨི260དང་སད་མེད་དུས་ཀྱི་ཉིན160ཡས་མས་ཡིན། ལོ་རེའི་ཉི་འོད་ཆུ་ཚོད3000-3300རེད།
ཝུའུ་ཏ་ཆུས་ནི་དྲོད་རྒྱུན་སྐམ་སའི་རང་བཞིན་གྱི་གནམ་གཤིས་ལ་གཏོགས་ཤིང་། ལོ་ལྟར་ཉི་འོད་ཆུ་ཚོད3000ནས3300བར་ཕོག་གི་ཡོད་པས་སྤུས་ལེགས་གྲགས་ཅན་གྱི་ཀྭ་རིགས་དང་སྔོ་ཚལ་འདེབས་རྒྱུར་འཚམ་པོ་ཡོད།
ཝུའུ་ཏ་ཆུས་ཀྱི་ཆུའི་ཐོན་ཁུངས་ཕུན་སུམ་ཚོགས་པོ་ཡོད། རྨ་ཆུ་ནི་ཝུའུ་ཏ་ས་ཁུལ་གྱི་ས་ངོས་ཀྱི་ཆུ་ཆེ་ཤོས་དེ་ཡིན་པ་དང་། ཝུའུ་ཏ་ས་ཁུལ་ལ་སྣོད་བཅུད་དང་འཐུང་ཆུའི་ཆུ་འདང་ངེས་མཁོ་འདོན་བྱས་ཡོད། རྨ་ཆུའི་རྒྱུག་ཚད་མངའ་ཁོངས་སུ་སྤྱི་ལེ50ཙམ་ཡོད་པ་དང་ཆ་སྙོམས་རྒྱུག་ཚད་སྐར་ཆ་རེར་སྨི་རྒྱ་དཔངས་གྲུ་བཞི་མ2100ཡོད།
ཝུའུ་ཏ་ཆུས་ཀྱི་མི་གྲངས་བསྡོམས་འབོར་ཁྲི13(སྤྱི་ལོ2013ལོ)ཡོད་པ་དང་། དེའི་ཁོངས་གཏོགས་སུ་རྒྱ་རིགས་དང་། སོག་རིགས། ཧུའེ་རིགས། ཁྲའོ་ཞན་རིགས། ཏ་ཝོར་རིགས། ཨུ་རུ་སུ། པའེ་ལི། ལི་རིགས། ཞི་པའོ། ཀྲོང་རིགས། ཨོ་ཝུན་ཁེ། ཨོ་ལུན་ཁྲུན་སོགས་མི་རིགས17ལས་གྲུབ་ཡོད།
ཆུས་ཨུའི་ཧྲུའུ་ཅི། ཁྲུའུ་ཀོན་ལི་ཝུའུ།
ཆུས་ཀྲང་། ཆི་པའོ་ཡེ།
མི་དམངས་འཐུས་མི་ཚོགས་ཆེན་གྱི་ཀྲུའུ་རེན། ཧུའེ་ཝང་ཙི་ལིན།
སྲིད་གྲོས་ཀྱི་ཀྲུའུ་ཞི། ལིའུ་སུའེ་ཧྥེང་།
ལྗོངས་སྲིད་གཞུང་གི་ཏང་ཙུའུ་ཡི་ཁོངས་མི། ཡུས་ཅན་ཏུང་།
ལྗོངས་སྲིད་གཞུང་གི་ཏང་ཙུའུ་ཡི་ཁོངས་མི། དབྱང་ཙི་ཆིང་།
ཆུས་ཀྲང་གཞོན་པ། ཝང་ཅུན་ཞན།
ཆུས་ཀྲང་གཞོན་པ། ཀྲང་ཅན་གོ།
སྤྱི་ལོ2011ལོར་ཞིང་ལས་ཀྱི་འཕར་ཐང་སྒོར་ཁྲི5061ལེགས་འགྲུབ་བྱུང་ཡོད། ལོ་གོང་མའི་དུས་མཚུངས་ལས7.20%འཕར་བ་དེ“ལོ་ལྔའི་འཆར་གཞིའི་དགུ་བའི”དུས་མཇུག་གི་ལྡབ1.63ཡིན་པ་རེད། ལོ་ཧྲིལ་པོར་སྤྱིའི་འདེབས་ཁྱོན་མུའུ28085ཡོད་པ་རེད། སྲུང་སྐྱོང་ས་ཆ་མུའུ201དང་རྒུན་འབྲུམ་མུའུ834གསར་འདེབས་བྱས་པ་སོ་སོར་མུའུ1174དང2840ཟིན་ཡོད། རིགས་ཁག་གི་ནགས་ལས་ནགས་བཟོ་མུའུ2136ལེགས་འགྲུབ་ཡོད་པ་དང་སྣོད་བཅུད་བཅོས་སྐྱོང་རྒྱ་ཁྱོན་ལ་མུའུ53000ཟིན་ཡོད། ཝུའུ་ཏ་ཆུས་ཀྱི་ཞིང་ལས་ནི་གྲོང་ཁྱེར་ཉེ་འདབས་ཀྱི་ཞིང་ལས་གཙོ་བོ་ཡིན་པ་དང་། ལོ་ཏོག་གཙོ་བོར་སྔོ་ཚལ་དང་། ཀུ་ཤུ། ཀུ་ཤུའི་ལི་ལི། རྒུན་འབྲུམ། གྲོ། མ་རྨོས་ལོ་ཏོག་སོགས་ཡོད། ཝུའུ་ཁི་ལན་གྱི་ཀྭ་རིགས་ནི་དེའི་འབྲས་བུ་ཕུན་སུམ་ཚོགས་པའི་མངར་ཆའི་འདུས་ཚད་མཐོ་ཞིང་སྙན་གྲགས་ཆེ། “དྭངས་ཤིང་གཙང་བ”ཞེས་པའི་མཚན་སྙན་ཡོད།
སྤྱི་ལོ2014ལོར། ཝུའུ་ཏ་ཆུས་ཀྱིས་ཁྱོན་རིག་གནས་སྤུས་རྟགས་བྱེད་སྒོ་ཁག6སྤེལ་ནས་སྤུས་རྟགས་རིག་གནས་བྱེད་སྒོར་བརྟེན་ནས་སྤྱི་པའི་རིག་གནས་ཀྱི་ཡིད་དབང་འགུག་ནུས་མུ་མཐུད་ཆེ་རུ་བཏང་ཡོད།
ཝུའུ་ཏ་ཁུལ་ནི་གནས་སྤོས་ཡུལ་མིའི་གྲོང་ཁུལ་དང་རྡོ་སོལ་གྲོང་ཁུལ་ནས་རིམ་འགྱུར་བྱུང་བ་རེད། རིག་གནས་དེ་གཉིས་ཀྱིས“འཆམ་མཐུན་མཐུན་སྒྲིལ”གྱི་སྙིང་སྟོབས་ནི་ཝུའུ་ཏ་ཁུལ་འཕེལ་རྒྱས་ལ་སྐུལ་འདེད་གཏོང་བའི་རྒྱུ་རྐྱེན་གལ་ཆེན་ཞིག་ཡིན་ཞིང་། སྤྱི་ལོ2014ལོར་ཝུའུ་ཏ་ཆུས་ཀྱིས“འཆད་པ་དང་། བརྒྱུད་བསྒྲགས། གྱེར་འདོན། གླུ་ལེན། དཔྱད་བརྗོད”བཅས་རྣམ་པ་གཙོ་བོར་བྱས་ནས“འཆམ་མཐུན”བརྗོད་དོན་གཙོ་བོར་བྱས་པའི་བརྒྱུད་རིམ་ལྡན་པའི་རིག་གནས་བྱེད་སྒོ་སྤེལ་རྒྱུ་རེད། དེ་དང་ཆབས་ཅིག་རིག་གནས་འཆད་ཁྲིད་ཆེ་མོ་དེ་དཔེ་མཛོད་ཁང་གིས་ཟླ་རེར་གཙོ་གཉེར་ཐེངས་རེ་བྱས་ནས་གྲགས་ཅན་མཁས་དབང་གདན་དྲངས་ཏེ་རིག་གནས་དང་། རང་རྒྱལ་གྱི་རིག་པ། སྒྱུ་རྩལ་གཟིགས་དཔྱད། ཁྱིམ་ཚང་སློབ་གསོ་སོགས་ཀྱི་ནང་དོན་གཙོ་བོར་འཛིན་གྱིན་ཡོད།
སྤྱི་ལོ2019ལོའི་ཟླ3པར་ཆུ་བེད་པུའུ་ཡིས་ཆུ་གྲོན་ཆུང་རྣམ་པའི་སྤྱི་ཚོགས་འཛུགས་སྐྲུན་གྱི་ཚད་ལོན་རྫོང(ཆུས)ཁག་དང་པོར་ཡོངས་བསྒྲགས་བྱས་པ་རེད།