སྤྱི་ལོ1989ལོར་མཚོ་སྔོན་མི་རིགས་སློབ་གླིང་གི་རྒྱ་ཡིག་ཚན་ཁག་ནས་མཐར་ཕྱིན། སྔ་རྗེས་སུ་གུང་ཧོ་རྫོང་སློབ་དཔྱོད་ཁང་དུ་སློབ་དཔྱོད་པ་དང་། མཚོ་ལྷོ་ཁུལ་དམངས་སྲིད་ཅུའུ། མཚོ་ལྷོ་ཁུལ་ལས་ཞུགས་ཅུའུ་ཡི་ཁོ་ཡོན་དང་། ཀྲུའུ་རེན་གཞོན་པའི་ཁོ་ཡོན་སོགས་བྱས་ཤིང་། དེའི་རིང་ལ་འཇར་པན་དུ་སློབ་གཉེར་ལ་སོང་། འཇར་པན་ཞང་ཁྲོན་སློབ་ཆེན་སློབ་གསོ་རིག་པའི་རབ་འབྱམས་པའི་བསླབ་གནས་ཐོབ། སྤྱི་ལོ2003ལོར་མཚོ་ལྷོ་ཁུལ་སློབ་གསོ་ཅུས་སློབ་གསོ་ཁོ་ཡི་ཁོ་ཀྲང་གི་འགན་བཞེས། སྤྱི་ལོ2005ལོར་གུང་ཧོ་རྫོང་སྲིད་གཞུང་གི་རྫོང་དཔོན་གཞོན་པའི་འགན་བཞེས། སྤྱི་ལོ2010ལོའི་ཟླ12པར་མཚོ་ལྷོ་ཁུལ་དབང་པོ་སྐྱོན་ཅན་མཉམ་འབྲེལ་ལྷན་ཚོགས་ཀྱི་ལི་ཧྲི་ཀྲང་གི་འགན་བཞེས།
དེ་རྗེས་མཚོ་ལྷོ་ཁུལ་སློབ་གསོ་ལས་དོན་ཨུ་ཡོན་ལྷན་ཁང་གི་ཧྲུའུ་ཅི་གཞོན་པ་དང་སློབ་གསོ་ཅུས་ཀྱི་ཏང་ཨུའི་ཧྲུའུ་ཅི་དང་ཅུས་ཀྲང་གི་འགན་བཞེས།
སྤྱི་ལོ2016ལོའི་ཟླ11པར་མཚོ་ལྷོ་བོད་རིགས་རང་སྐྱོང་ཁུལ་གྱི་ཁུལ་དཔོན་གཞོན་པའི་འགན་བཞེས།
སྤྱི་ལོ2018ལོའི་ཟླ6པ་ནས་བཟུང་ལན་ཡུན་ཀང་གྲོང་ཁྱེར་སྲིད་གཞུང་གི་ཧྲི་ཀྲང་གཞོན་པ་དང་ཏང་ཙུའུ་ཡི་ཁོངས་མིའི་འགན་བཞེས།
མི་རིགས་ཆོས་ལུགས་ཐད་ཀྱི་ལས་དོན་ལ་ལས་བགོས་འགན་གཉེར་བྱས་ཡོད། སྤྱི་ཚོགས་བྱ་གཞག་དང་ཡུལ་སྐོར་ཐད་ཀྱི་ལས་དོན་ཐད་རམ་འདེགས་བྱས་ཡོད། གྲོང་ཁྱེར་གྱི་མི་རིགས་ཆོས་ལུགས་ལས་དོན་ཅུས་ལ་དོ་དམ་བྱས་ཡོད།
སྤྱི་ལོ2018ལོའི་ཟླ6པའི་ཚེས29ཉིན། ལན་ཡུན་ཀང་གྲོང་ཁྱེར་གྱི་སྐབས་བཅུ་བཞི་པའི་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཚོགས་འདུ་ཐེངས་བཅུ་གཅིག་པའི་ཐོག་བསྐོ་གཞག་གཏན་ཁེལ་བྱས་པ་སྟེ། དཔའ་འབུམ་ཐར་ལན་ཡུན་ཀང་གྲོང་ཁྱེར་མི་དམངས་སྲིད་གཞུང་གི་ཧྲི་ཀྲང་གཞོན་པར་བསྐོ་གཞག་བྱ་རྒྱུར་གཏན་ཁེལ་བྱས།