གཙོས་གྲོང་ཁྱེར།

ཐོ་ཞུགས། ཐོ་འགོད།

གཙོས་གྲོང་ཁྱེར།སྔ་མའི་པར་གཞི་དེ སེང་ལྡེང་མཚོ། ནས 2020-06-29 16:26ལ་འགྲུབ།

གཙོས་གྲོང་ཁྱེར།

གཞི་རྩའི་གནས་ཚུལ།

རྒྱ་ཡིག་གི་མིང་།

合作市

ཁོངས་གཏོགས་ས་ཁུལ།

ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ཁུལ།

སྲིད་འཛིན་ས་ཁོངས་ཀྱི་རིགས་དབྱེ།

རྫོང་རིམ་པའི་གྲོང་ཁྱེར།

མངའ་ཁོངས།

ཡུལ་ཚོ6 ཁྲོམ་གཞུང4

སྲིད་གཞུང་གནས་ཡུལ།

རེན་མིན་ཁྲོམ་ལམ་ཨང24བ།

ས་ཁོངས་ཁ་པར་ཨང་རྟགས།

0941

སྦྲག་སྲིད་ཨང་རྟགས།

747000

གནས་ཡུལ།

ཀན་སུའུ་ཞིང་ཆེན་གྱི་ལྷོ་ནུབ་རྒྱུད།

རྒྱ་ཁྱོན།

སྤྱི་ལེ་གྲུ་བཞི་མ2670ཡོད།

མི་གྲངས།

མི་ཁྲི9.50ཡོད།

ནམ་ཟླ།

ས་མཐོའི་ནམ་ཟླ།

གནམ་གྲུ་ཐང་།

བསང་ཆུ་གནམ་གྲུ་ཐང་།

མེ་འཁོར་འབབ་ཚུགས།

གཙོས་འབབ་ཚུགས།

རླངས་འཁོར་ཚབ་ཨང་།

ཀན(甘)P

དཀར་ཆག

1 ངོ་སྤྲོད།
2 ལོ་རྒྱུས་འཕེལ་རིམ།
3 སྲིད་འཛིན་ས་ཁུལ་གྱི་དབྱེ་མཚམས།
4 གནས་ཡུལ།
5 ནམ་ཟླ།
6 མི་གྲངས།
7 མི་རིགས།
8 དཔལ་འབྱོར།
9 སྤྱི་ཚོགས་ལས་དོན།: 9.1 སློབ་གསོ།
9.2 འཕྲོད་བསྟེན།
10 གཟི་བརྗིད་མཚན་སྙན།

1 ངོ་སྤྲོད།

གཙོས་གྲོང་ཁྱེར་ནི་མདོ་དབུས་མཐོ་སྒང་གི་བྱང་ཤར་དུ་གནས་ཡོད་པ་དང་། ཀན་སུའུ། མཚོ་སྔོན། སི་ཁྲོན་བཅས་ཞིང་ཆེན་གསུམ་གྱི་འབྲེལ་མཚམས་ཡིན། ཤར་ཅོ་ནེ་རྫོང་དང་འབྲེལ་བ། ལྷོ་ཀླུ་ཆུ་རྫོང་དང་འབྲེལ་ཡོད། ནུབ་བསང་ཆུ་རྫོང་དང་འབྲེལ་ཞིང་། བྱང་ལིན་ཞ(ཀ་ཅི)ཁུལ་གྱི་ཧོ་ཀྲེང་དང་ལིན་ཞ་རྫོང་དང་འབྲེལ་ཡོད། རྒྱལ་ལམ213དང་ཞིང་ཆེན་ལམ306གྲོང་ཁྱེར་བརྒྱུད་ནས་བསྐྱོད་བཞིན་ཡོད། ནང་ལོགས་ནས་མཚོ་སྔོན་དང་བོད་ལྗོངས་སུ་སྐྱོད་པའི་འགྲིམ་འགྲུལ་གྱི་འགག་མདོ་ཡིན་ལ། ཞིང་ཆེན་ལྟེ་གནས་ལན་ཀྲོའུ་དང་བར་ཐག་སྤྱི་ལེ226ཡོད། ཀན་ལྷོ་བོད་རིགས་རང་སྐྱོང་ཁུལ་སྲིད་གཞུང་གི་གནས་ཡུལ་ཡིན་ལ་ཁུལ་ཡོངས་ཀྱི་ཆབ་སྲིད་དང་། དཔལ་འབྱོར། རིག་གནས། ཚན་རྩལ། དངུལ་རྩའི་ལྟེ་གནས་བཅས་ཤིག་ཀྱང་ཡིན། གཙོས་བོད་སྐད་ཀྱི་མིང་ནི“ཧེ་ཚུའོ(黑错)”ཞེས་པ་ལས་བསྒྱུར་བ་ཡིན་ལ། ནང་དོན་ནི་རི་དྭགས་གཙོད་འགྲོ་འོང་བྱས་སའི་ས་ཆ་ཡིན། སྤྱི་ལོ1956ལོར་གཙོས་གྲོང་རྡལ་བཙུགས་པ་དང་། བསང་ཆུ་རྫོང་གི་ཁོངས་སུ་གཏོགས། སྤྱི་ལོ1996ལོའི་ཟླ5བར་རྒྱལ་སྲིད་སྤྱི་ཁྱབ་ཁང་གིས་གཙོས་གྲོང་ཁྱེར་འཛུགས་རྒྱུའི་ཆོག་མཆན་བཀོད། སྤྱི་ལོ1997ལོར་གྲབས་འཛུགས་བྱས། སྤྱི་ལོ1998ལོའི་ཟླ1པོའི་ཚེས1ཉིན་དངོས་སུ་སྒོ་བྱང་བཀལ་ནས་ལས་གཉེར་བྱས། གྲོང་ཁྱེར་དེ་ཡོངས་ཀྱི་ཁོངས་སུ་ཡུལ་ཚོ6གི་ཁྲོམ་གཞུང4དང་། གྲོང་མིའི་ཨུ་ཡོན་ལྷན་ཁང38 སྡེ་ཁུལ8 གྲོང་མིའི་ཚོགས་ཆུང249བཅས་ཡོད་པ་དང་། གྲོང་ཁྱེར་དེ་ཡོངས་སུ་བོད་རིགས་དང་། རྒྱ་རིགས། ཧུའེ་རིགས་སོགས་མི་རིགས18ཡོད།

སྤྱི་ལོ2017ལོའི་ལོ་མཇུག་ཏུ་གྲོང་ཁྱེར་ཡོངས་ཀྱི་རྒྱུན་སྡོད་མི་འབོར་ཁྲི9.50ཟིན་ཡོད། ལོ་གོང་མ་དང་བསྡུར་ན་མི་ཁྲི0.11འཕར་བའི་ནང་གྲོང་ཁྱེར་དང་གྲོང་རྡལ་གྱི་མི་འབོར་ཁྲི5.42ཡོད། ཁྲི0.21འཕར་སྣོན་བྱུང་།

གྲོང་ཁྱེར་དེ་ཡོངས་ཀྱི་རྒྱལ་ཁབ་ས་ཆའི་སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ2670ཟིན་པའི་ནང་འབྲོག་ལས་ཀྱི་ས་ཆ་མུའུ་ཁྲི261དང་། ཞིང་ལས་ཀྱི་ས་ཆ་མུའུ་ཁྲི15.36ནགས་ལས་ཀྱི་ས་ཆ་མུའུ་ཁྲི77.87བཅས་ཡོད་པ་དང་། གྲོང་ཁུལ་གྱི་པར་གཞི་གསར་པའི་འཆར་འགོད་རྒྱ་ཁྱོན་ལ་སྤྱི་ལེ་གྲུ་བཞི་མ17.10ཟིན་པ་དང་བསྐྲུན་ཟིན་པའི་ཁུལ་གྱི་རྒྱ་ཁྱོན་ལ་སྤྱི་ལེ་གྲུ་བཞི་མ8.68ཟིན་ཡོད། ཁོངས་གཏོགས་ཁུལ་གྱི་ཆ་སྙོམས་རྒྱ་མཚོ་ངོས་ལས་མཐོ་ཚད་སྨི2960ཟིན་པ་དང་ལོར་ཆ་སྙོམས་དྲོད་ཚད1.7℃ཟིན་ཡོད།

སྤྱི་ལོ2018ལོའི་ཟླ9བའི་ཚེས29ཉིན་ཀན་སུའུ་ཞིང་ཆེན་མི་དམངས་སྲིད་གཞུང་གིས་གཙོད་གྲོང་ཁྱེར་རྫོང་དབུལ་པོ་ནས་ཕྱིར་འཐེན་བྱ་རྒྱུའི་ཆོག་མཆན་སྤྲད།

2 ལོ་རྒྱུས་འཕེལ་རིམ།

སྤྱི་ལོ1953ལོར། ཀན་ལྷོའི་བོད་རིགས་རང་སྐྱོང་ལྗོངས(རྗེས་སུ་ཁུལ་དུ་བསྒྱུར)བཙུགས་པའི་སྐབས་སུ། ཕྱོགས་བཞིའི་སྒང་གཤོང་ཐོར་བུར་བདམས་ཤིང་། རི་བོ་དམའ་པོས་བསྐོར་བ་དང་། ས་བབ་ཁོད་སྙོམས་པའི་དིམ་བསགས་གཞོང་སའི་ཧེ་ཚུའོ་ནི་ཁུལ་སྲིད་གཞུང་གི་གནས་ཡུལ་ཡིན།

སྤྱི་ལོ1954ལོར། ཀན་སུའུ་ཞིང་ཆེན་ཇུས་འགོད་ཀུང་སིས་གྲོང་ཁུལ་འཛུགས་སྐྲུན་ལ་འཆར་འགོད་རགས་ཙམ་བྱས་རྗེས་སྤྱི་ལོ1955ལོ་ནས་བཟུང་ཕྱོགས་ཡོངས་ནས་འཛུགས་སྐྲུན་བྱེད་འགོ་ཚུགས་ཡོད།

སྤྱི་ལོ1956ལོའི་ཟླ5པར། ཁུལ་མི་དམངས་ཨུ་ཡོན་ལྷན་ཁང་གི་ཁོངས་གཏོགས་ལས་ཁུངས་ཁ་ཤས་ཐོག་མར་བསང་ཆུ་བླ་བྲང་ནས་གནས་འདིར་སྤོས་ཏེ་གཞུང་ལས་སྒྲུབ་པར་ཡོང་བ་དང་། གྲོང་རྡལ་གྱི་མིང་ཡང་དུས་མཉམ་དུ་མཉམ་ལས་སུ་བསྒྱུར། བོད་སྐད་ཀྱི་སྒྲ་གདངས་མཐུན་ལ་མི་རིགས་མཐུན་སྒྲིལ་དང་འཆམ་མཐུན་ཡང་མཚོན་གྱིན་ཡོད།

སྤྱི་ལོ1996ལོའི་ཟླ6པར་རྒྱལ་སྲིད་སྤྱི་ཁྱབ་ཁང་གིས་ཆོག་མཆན་གནང་བ་བརྒྱུད། ཀན་སུའུ་ཞིང་ཆེན་མི་དམངས་སྲིད་གཞུང་གིས་གཙོས་གྲོང་ཁྱེར་འཛུགས་རྒྱུའི་བརྡ་ཐོ་དངོས་སུ་བཏང་བ་དང་ལོ་གཅིག་གི་གྲ་སྒྲིག་བྱས་པ་བརྒྱུད་གཙོད་གྲོང་ཁྱེར་སྤྱི་ལོ1998ལོའི་ཟླ1པོའི་ཚེས1ཉིན་དངོས་སུ་སྒོ་བྱང་བཀལ་ནས་ལས་གཉེར་བྱེད་འགོ་ཚུགས་པ་ཡིན། དེ་རྗེས་གཙོས་གྲོང་རྡལ་མེད་པ་བཟོས་ནས་སྤྱི་ལོ2000ལོའི་ཟླ1པོའི་ཚེས18ཉིན་ཁྲོམ་གཞུང་དོན་གཅོད་ཁྲུའུ4བཙུགས།

3 སྲིད་འཛིན་ས་ཁུལ་གྱི་དབྱེ་མཚམས།

སྤྱི་ལོ2010ལོར་གཙོས་གྲོང་ཁྱེར་གྱི་ཁོངས་གཏོགས་སུ་ཡུལ་ཚོ6གི་ཁྲོམ་གཞུང4དང་། གྲོང་མིའི་ཨུ་ཡོན་ལྷན་ཁང38 སྡེ་ཁུལ8 གྲོང་མིའི་ཚོགས་ཆུང249བཅས་ཡོད།

4 གནས་ཡུལ།

གཙོས་གྲོང་ཁྱེར་ནི་ཀན་ལྷོ་བོད་རིགས་རང་སྐྱོང་ཁུལ་གྱི་བྱང་རྒྱུད་དུ་ཆགས་ཡོད་པ་དང་། ཤར་གྱི་གཞུང་ཐིག100°44′45″～104°45′30″དང་བྱང་གི་འཕྲེད་ཐིག33°06′30″～35°32′35″བར་ཡིན། ཤར་ཅོ་ནེ་རྫོང་འབྲེལ་བ། ལྷོ་ཀླུ་ཆུ་རྫོང་དང་འབྲེལ་ཡོད། ནུབ་་བསང་ཆུ་རྫོང་དང་འབྲེལ་ཞིང་། བྱང་ལིན་ཞ་ཧུའེ་རིགས་རང་སྐྱོང་ཁུལ་གྱི་ཧོ་ཀྲེང་དང་ལིན་ཞ་རྫོང་གཉིས་དང་འབྲེལ་ཡོད། གཙོས་གྲོང་ཁྱེར་ནས་ལིན་ཞ་ཁུལ་དང་བར་ཐག་སྟོང་སྨི105ཡོད་པ་དང་། ཞིང་ཆེན་སྲིད་གཞུང་ལན་ཀྲོའུ་གྲོང་ཁྱེར་དང་བར་ཐག་སྟོང་སྨི267ཡོད། སྤྱིའི་རྒྱ་ཁྱོན་ལ་སྟོང་སྨི་གྲུ་བཞི་མ2670ཡོད་པའི་ནང་རྩྭ་རའི་རྒྱ་ཁྱོན་སྤྱི་ཆིང་ཁྲི16.45ཡོད་པ་དང་། རྨོ་ཞིང་རྒྱ་ཁྱོན་སྤྱི་ཆིང་ཁྲི1.02དང་ནགས་སའི་རྒྱ་ཁྱོན་སྤྱི་ཆིང་ཁྲི1.33བཅས་ཟིན་ཡོད།

5 ནམ་ཟླ།

གཙོས་གྲོང་ཁྱེར་ནི་གྲང་ངར་ཆེ་ཞིང་བརླན་གཤེར་ཆེ་བའི་རིགས་དབྱིབས་ཡིན་པ་དང་། དྲོ་དུས་ཐུང་། ལོ་རེའི་ཆ་སྙོམས་དྲོད་ཚད་ཀླད་ཀོར་འོག་གི0.5℃ནས་3.5℃བར་ཡིན། དྲོད་ཚད་མཐོ་ཤོས28℃དང་དྲོད་ཚད་དམའ་ཤོས-23℃ཡིན། ལོ་རེའི་ཆ་སྙོམས་ཀྱི་ཆར་ཆུ་འབབ་ཚད་ཧའོ་སྨི545བཅས་ཡིན།

6 མི་གྲངས།

སྤྱི་ལོ2017ལོའི་ལོ་མཇུག་ཏུ་གྲོང་ཁྱེར་ཡོངས་ཀྱི་རྒྱུན་སྡོད་མི་འབོར་ཁྲི9.50ཟིན་ཡོད། ལོ་གོང་མ་དང་བསྡུར་ན་མི་ཁྲི0.11འཕར་བ་དང་། གྲོང་ཁྱེར་དང་གྲོང་རྡལ་ཅན་དུ་འགྱུར་ཚད་ཀྱི57.10%ཟིན་ཡོད། ལོ་སྔོན་མ་ལས་བརྒྱ་ཆའི་གཞི་གྲངས1.62ཇེ་མཐོར་གྱུར། མི་འབོར་རང་ཤུགས་སུ་འཕར་ཚད་སྟོང་ཆའི9.57ཟིན་པ། མི་འབོར་སྐྱེ་ཚད་ཀྱི15.09‰ཟིན་ནས་ལོ་གོང་མ་ལས་སྟོང་ཆའི0.13འཕར་བ། མི་འབོར་ཤི་ཚད་ཀྱི5.52‰ཟིན་ནས་ལོ་གོང་མ་ལས་སྟོང་ཆའི0.14འཕར་ཡོད།

7 མི་རིགས།

གྲོང་ཁྱེར་ཡོངས་སུ་བོད་རིགས་དང་། རྒྱ་རིགས། ཧུའེ་རིགས། ས་ལར་རིགས། ཏུང་ཞང་རིགས། པའོ་ཨན་རིགས། མན་ཇུ་རིགས། ཧོར་རིགས། སོག་རིགས། ཡུས་ཀུའུ་རིགས། ཁྲའོ་ཞན་རིགས་སོགས་མི་རིགས་ཡོད།

8 དཔལ་འབྱོར།

སྤྱི་ལོ2017ལོར་རིམ་རྩིས་བྱས་ན་ནོར་སྲིད་ཡོང་འབབ་སྒོར་ཁྲི52000ཟིན་པ་དང་། ལོ་གོང་མ་ལས་སྒོར་ཁྲི2437མང་དུ་ཕྱིན་ནས4.92%འཕར་ཡོད། སྤྱིར་བཏང་སྔོན་རྩིས་ཡོང་འབབ་སྒོར་ཁྲི15872ཟིན་པ་དེ་ལོ་གོང་མ་ལས13.5%ཆག་ཡོད།

9 སྤྱི་ཚོགས་ལས་དོན།

9_1 སློབ་གསོ།

སྤྱི་ལོ2017ལོར་གྲོང་ཁྱེར་ཡོངས་སུ་ད་ཆ་རིམ་པ་ཁག་དང་རིགས་ཁག་གི་སློབ་གྲྭ53ཡོད་པ་དང་། དེའི་ནང་སློབ་འབྲིང1ཡོད་པ་དང་གཞོན་ནུ་ལོ་ཆུང་གི་བྱེད་སྒོའི་ལྟེ་གནས1ཡོད། གྲོང་ཁྱེར་ཐད་གཏོགས་སློབ་ཆུང6དང་ཡུལ་ཚོ་ལྟེ་བའི་སློབ་ཆུང6 གྲོང་ཚོ་རིམ་པའི་སློབ་ཆུང6དང་བུ་བཅོལ་ཁང33(དེའི་ནང་དམངས་བཙུགས་བུ་བཅོལ་ཁང2ཚུད་ཡོད)བཅས་ཡོད།

9_2 འཕྲོད་བསྟེན།

སྤྱི་ལོ2017ལོའི་ལོ་མཇུག་ཏུ་གྲོང་ཁྱེར་ཡོངས་སུ་སྨན་བཅོས་འཕྲོད་བསྟེན་སྒྲིག་གཞི14ཡོད་པ་དང་། ཆེད་ལས་ལག་རྩལ་མི་སྣ་ཁྱོན་བསྡོམས161ཡོད་པ་དང་། མཐོ་རིམ་གཞོན་པ་ཡན་གྱི་གོ་མིང་ཡོད་མཁན6ཡོད། འབྲིང་རིམ་གོ་མིང་མི16དང་དམའ་རིམ་གོ་མིང་མན་ཆད་དང་གོ་མིང་མེད་པའི་མི་སྣ139ཡོད། དེའི་ནང་ནད་ཐོག་གསོ་རིག་ཆེད་ལས་ཀྱི་མི101དང་ནད་གཡོག་ཆེད་ལས་ཀྱི་མི39བཅས་ཡོད།

10 གཟི་བརྗིད་མཚན་སྙན།

སྤྱི་ལོ2020ལོའི་ཟླ5བའི་ཚེས26ཉིན་ཀན་སུའུ་ཞིང་ཆེན་འགྲིམ་འགྲུལ་སྐྱེལ་འདྲེན་ཐིང་གིས“སྤྱི་ལོ2019ལོའི་ལོ་འཁོར་གྱི་ཀན་སུའུ་ཞིང་ཆེནETCའགྲེམས་སྤེལ་ཞབས་ཞུའི་ལས་དོན་གྱི་སྔོན་ཐོན་རྫོང”ལ་བདམས།

དཔྱད་གཞིའི་ཡིག་ཆ།

1 པའེ་ཏུའུ་རིག་མཛོད། 2020-6-24

བརྡ་འགྲེལ་གདོང་འཛར།

གཙོས་གྲོང་ཁྱེར། འཕྲོད་བསྟེན། མི་རིགས། དཔལ་འབྱོར།