ཝུའུ་ཧྲིན་རྫོང་།སྔ་མའི་པར་གཞི་དེ ཡུན་དུང་སྐྱབས་རྒྱལ། ནས 2020-06-29 10:31ལ་འགྲུབ།
ཝུའུ་ཧྲིན་རྫོང་།
ཝུའུ་ཧྲིན་རྫོང་།
ཝུའུ་ཧྲིན་རྫོང་ནི་སི་ཁྲོན་ཞིང་ཆེན་ཀོང་ཨན་གྲོང་ཁྱེར་ཁོངས་སུ་གཏོགས་ཤིང་སི་ཁྲོན་གཤོང་སའི་ཤར་རྒྱུད་དུ་གནས་ཡོད།
གཞི་རྩའི་གནས་ཚུལ།
རྒྱ་ཡིག་གི་མིང་།
武胜
མི་གྲངས།
ཁྲི84.8ཡོད།
དབྱིན་ཡིག་གི་མིང་།
Wusheng County
ཡུལ་སྐད།
སི་ཁྲོན་སྐད།
མིང་གཞན།
ཧུང་ཁྲིན།
ནམ་ཟླ
ཚ་ཁུལ་བརླན་གཤེར་རང་བཞིན་གྱི་དུས་རླུང་ནམ་ཟླ།
སྲིད་འཛིན་ས་ཁོངས་ཀྱི་རིགས་དབྱེ།
རྫོང་།
མཛེས་ལྗོངས་གྲགས་ཅན།
པའེ་ཕིན་ཡུལ་ཚོ་སོགས་ཡོད།
ཁོངས་གཏོགས་ས་ཁུལ།
སི་ཁྲོན་ཞིང་ཆེན་ཀོང་ཨན་གྲོང་ཁྱེར།
གནམ་གྲུ་ཐང་།
ནན་ཁྲུང་ཀའོ་ཕིང་གནམ་གྲུ་ཐང་།
མངའ་ཁོངས།
ཡན་ཁའོ་སོགས་ཡོད།
མེ་འཁོར་འབབ་ཚུགས།
ཝུའུ་ཧྲིན་འབབ་ཚུགས།
ས་ཁོངས་ཁ་པར་ཨང་རྟགས།
0826
རླངས་འཁོར་ཚབ་ཨང་།
ཁྲོན（川）X
སྦྲག་སྲིད་ཨང་རྟགས།
638400
སྲིད་འཛིན་ས་ཁུལ་དབྱེ་མཚམས་ཚབ་ཨང་།
511622
རྒྱ་ཁྱོན།
སྤྱི་ལེ་གྲུ་བཞི་མ966ཟིན།
དཀར་ཆག
1
ལོ་རྒྱུས་འཕེལ་རིམ།
སྤྱི་ལོ1949ལོའི་ཟླ12པའི་ཚེས13ཉིན་ཝུའུ་ཧྲིན་རྫོང་ཞི་བས་བཅིངས་འགྲོལ་བཏང་།
སྤྱི་ལོ1950ལོའི་ཟླ1པོའི་ཚེས12ཉིན་ཝུའུ་ཧྲིན་རྫོང་མི་དམངས་སྲིད་གཞུང་བཙུགས།
སྤྱི་ལོ1952ལོའི་ཟླ9པའི་ཚེས1ཉིན་སི་ཁྲོན་བྱང་རྒྱུད་སྲིད་འཛིན་ཀུང་ཧྲུའུ་ཆུས་སུ་ཕྱིར་འཐེན་བྱས་ཤིང་ཝུའུ་ཧྲིན་རྫོང་ནི་སི་ཁྲོན་ཞིང་ཆེན་ནན་ཁྲུང་ཀྲོན་ཆུས་ཁོངས་སུ་གཏོགས།
2
སྲིད་འཛིན་ས་ཁུལ་གྱི་དབྱེ་མཚམས།
ཝུའུ་ཧྲིན་རྫོང་དུ་ལུང་ཉང་གྲོང་རྡལ། སན་ཞི་གྲོང་རྡལ། ཅིན་ཉིའུ་གྲོང་རྡལ། ཆིང་ཕིང་གྲོང་རྡལ། ལི་ཨན་གྲོང་རྡལ། ཧྭ་ཧྥེང་གྲོང་རྡལ། པའོ་ཅི་སའེ་གྲོང་རྡལ། ཝན་ལུང་གྲོང་རྡལ། ཝན་ཧྲན་གྲོང་རྡལ། རེ་མེན་གྲོང་རྡལ། སའེ་མ་གྲོང་རྡལ། ལེ་ཧྲན་གྲོང་རྡལ། ཅེ་ཙི་གྲོང་རྡལ། ཧྥེ་ལུང་གྲོང་རྡལ། ཧྲི་ཕན་གྲོང་རྡལ། མིང་ཀྲུང་གྲོང་རྡལ། ཀྲེན་ཅིན་ཡུལ་ཚོ་དང་མེང་ཧྲན་ཡུལ་ཚོ། ཧྲོང་ཞིན་ཡུལ་ཚོ་བཅས་འདུས།
3
ས་ཁམས་གནས་ཡུལ།
ཝུའུ་ཧྲིན་རྫོང་གི་ས་ཁམས་གནས་ཚད་ནི་བྱང་གི་འཕྲེད་ཐིག30°10′46″-60°32′36″བར་དང་ཤར་གྱི་གཞུང་ཐིག105°56′39″-106°26′50″བར་དུ་གནས། རྫོང་མཁར་གྱི་ས་ཁམས་གནས་ཚད་ནི་བྱང་གི་འཕྲེད་ཐིག30°18′དང་ཤར་གྱི་གཞུང་ཐིག106°13′བར་ཡིན། དེ་ནི་སི་ཁྲོན་ཞིང་ཆེན་ཤར་རྒྱུད་ཀྱི་ཅ་ལིན་གཙང་པོའི་དབུས་རྒྱུད་དུ་གནས་པ་དང་ཀོང་ཨན་ས་ཁུལ་གྱི་ལྷོ་ནུབ་རྒྱུད་དུ་གནས་ཡོད།
4
མི་གྲངས་དང་མི་རིགས།
སྤྱི་ལོ2013ལོར་སྤྱིའི་མི་འབོར་ཁྲི84.8ཟིན་ཡོད་ཅིང་གཙོ་བོ་རྒྱ་རིགས་འདུས་སྡོད་ཁུལ་ཡིན་པ་དང་། རྫོང་ཡོངས་སུ་ཧུའེ་རིགས་དང་བོད་རིགས། སོག་རིགས། ཡུ་གུར་རིགས་སོགས་གྲངས་ཉུང་མི་རིགས35ཡོད།
5
དཔལ་འབྱོར།
སྤྱི་ལོ2014ལོར་རྫོང་ཡོངས་སུ་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར173.3ཟིན་ནས་འཕར། ས་གནས་ཀྱི་སྤྱི་པའི་ནོར་སྲིད་ཡོང་འབབ་སྒོར་དུང་ཕྱུར7.4ཟིན་ནས20.5%འཕར་བ་དང་ཐེངས་གསུམ་ཐོན་ལས་གྲུབ་ཆ20.2:51.4:28.4ཡིན། སྤྱི་ཚོགས་ཡོངས་ཀྱི་གཏན་འཇགས་རྒྱུ་ནོར་ལ་མ་དངུལ་སྒོར་དུང་ཕྱུར125.8བཏང་ནས29.3%འཕར། སྤྱི་ཚོགས་ཀྱི་འཛད་སྤྱོད་དངོས་རྫས་སིལ་ཚོང་བསྡོམས་འབོར་སྒོར་དུང་ཕྱུར57ཟིན་ནས13.4%འཕར། གྲོང་ཁྱེར་དང་གྲོང་རྡལ་གྱི་གྲོང་མིའི་བཀོལ་སྤྱོད་ཆོག་པའི་ཡོང་འབབ་སྒོར23856ཟིན་ནས10.1%འཕར་བ་དང་ཞིང་པ་མི་རེའི་ཆ་སྙོམས་ཡོང་འབབ་ཁེ་གཙང་སྒོར10032ཟིན་ནས12.7%འཕར་ཡོད། སྤྱི་ལོ2013ལོར་ཝུའུ་ཧྲིན་རྫོང་གི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར157.5ཟིན་པ་དེ་སྤྱི་ལོ2012ལོ་དང་བསྡུར་ན10.8%འཕར་བ་དང་། ས་གནས་ཀྱི་སྤྱི་པའི་ནོར་སྲིད་ཀྱི་ཡོང་སྒོ་སྒོར་དུང་ཕྱུར6.1ཡིན། སྤྱི་ཚོགས་ཡོངས་ཀྱི་གཏན་འཇགས་རྒྱུ་ནོར་ཐད་མ་དངུལ་སྒོར་དུང་ཕྱུར97.3བཏང་། སྤྱི་ཚོགས་ཀྱི་འཛད་སྤྱོད་དངོས་རྫས་སིལ་ཚོང་བསྡོམས་འབོར་སྒོར་དུང་ཕྱུར50.3ཟིན། གྲོང་ཁྱེར་དང་གྲོང་རྡལ་གྱི་གྲོང་མི་མི་རེའི་ཆ་སྙོམས་ལག་ཐོག་ཡོང་འབབ་སྒོར21677ཟིན་པ་དང་ཞིང་པ་མི་རེའི་ཆ་སྙོམས་ཡོང་འབབ་ཁེར་གཙང་སྒོར8905ཐོབ།
6
སྤྱི་ཚོགས་ལས་དོན།
6_1
སློབ་གསོ།
སྤྱི་ལོ2012ལོའི་བར་རིམ་པ་ཁག་དང་རིགས་ཁག་གི་སློབ་གྲྭ1 སློབ་གྲྭ་ཆུང་བ71 སློབ་འབྲིང་དཀྱུས་མ49ཡོད། འབྲིང་རིམ་ལས་རིགས་སློབ་གསོའི་སློབ་གྲྭ5 བུ་བཅོལ་ཁང67བཅས་ཡོད། ཆེད་བསྐོས་དགེ་རྒན5100ཡོད་པའི་ནང་སློབ་ཆུང་གི་དགེ་རྒན2225ཡོད། སློབ་འབྲིང་དཀྱུས་མའི་སློབ་མ2488དང་འབྲིང་རིམ་ལས་རིགས་སློབ་གསོའི་སློབ་གྲྭ168 བུ་བཅོལ་ཁང་གི་མི208དང་དགེ་རྒན་ཟབ་སྦྱོང་སློབ་གྲྭ11ཡོད། སློབ་གྲྭར་ཡོད་པའི་སློབ་མ131362ཡོད། དེའི་ནང་སློབ་ཆུང་གི་སློབ་གྲྭར་ཡོད་པའི་སློབ་མ57387ཡོད། སློབ་འབྲིང་དཀྱུས་མའི་སློབ་གྲྭར་ཡོད་པའི་སློབ་མ53224(དམའ་རིམ་སློབ་འབྲིང་གི་སློབ་མ38752)དང་འབྲིང་རིམ་ལས་རིགས་སློབ་གསོའི་སློབ་གྲྭར་ཡོད་པའི་སློབ་མ6653ཡོད། བུ་བཅོལ་ཁང་གི་བྱིས་པའི་མི་གྲངས14098དང་བུ་བཅོལ་ཁང་གི་བྱིས་པའི་མི་གྲངས10983ཡོད། རྫོང་ཡོངས་ཀྱི་སློབ་གྲྭར་སློབ་གྲྭའི་ཁང་པའི་རྒྱ་ཁྱོན་སྨི་གྲུ་བཞི་མ་ཁྲི86ཡོད། དཔེ་དེབ་ཉར་ཚད་ཁྲི122ཟིན་པ་དང་སློབ་ཁྲིད་རྩིས་འཁོར5066ཡོད། སློབ་གྲྭའི་གཏན་འཇགས་རྒྱུ་ནོར་གྱི་རིན་ཐང་བསྡོམས་འབོར་སྒོར་དུང་ཕྱུར3.41ཟིན།
6_2
འཕྲོད་བསྟེན།
ཝུའུ་ཧྲིན་རྫོང་མི་དམངས་སྨན་ཁང་དང་ཝུའུ་ཧྲིན་རྫོང་ཀྲུང་ལུགས་སྨན་ཁང་། ཝུའུ་ཧྲིན་རྫོང་མ་བུ་འཕྲོད་བསྟེན་ཁང་། ཝུའུ་ཧྲིན་རྫོང་ཧྥེ་ལུང་ལྟེ་བའི་འཕྲོད་བསྟེན་ཁང་བཅས་ཡོད། སྤྱི་ལོ2013ལོར་མ་དངུལ་སྒོར་དུང་ཕྱུར2བཏང་ནས་རྫོང་སྨན་ཁང་གི་སྨན་བཅོས་ལག་རྩལ་ཐོག་ཁང་དང་ཀྲུང་ལུགས་སྨན་ཁང་གི་སྨན་ཁང་དུ་སྡོད་པའི་ཐོག་ཁང་བསྐྲུན་ནས་ལེ་ཧྲན་སོགས་འཕྲོད་བསྟེན་ཁང15ཡི་བཙོག་ཆུ་གཙང་སེལ་ལས་གྲྭ་ལེགས་གྲུབ་བྱུང། ཡུལ་ཚོ་དང་གྲོང་རྡལ་གྱི་འཕྲོད་བསྟེན་ཁང་དང་སྡེ་ཁུལ་གྱི་འཕྲོད་བསྟེན་ཞབས་ཞུའི་ལྟེ་གནས་དང་དེ་བཞིན་གྲོང་ཚོའི་འཕྲོད་བསྟེན་ཁང32ལ་གཞི་རྩའི་སྨན་བཅོས་སྒྲིག་ཆས་བཀོད་སྒྲིག་བྱས། ལྟེ་བའི་འཕྲོད་བསྟེན་ཁང5ཚང་མར་མྱུར་སྐྱོབ་རླངས་འཁོར་སྒྲིག་ཆས་སྒྲིག་ནང་འདྲེན་བྱས་ཤིང་སྨན་དོན་མི་སྣ་མི་ཐེངས1500ལྷག་ཙམ་གསོ་སྦྱོང་བྱས་པ་དང་མི97ཡོངས་བསྒྲགས་སུ་རྒྱུགས་བླངས། ཆེད་ལས་ཤེས་ལྡན་མི་སྣ་དཀོན་རིགས14བདམས་ནས་གདན་འདྲེན་ཞུས་ཏེ་སྨན་བཅོས་ཚོགས་པ་ཅན་དང་། འཕྲོད་བསྟེན་བརྡ་འཕྲིན་ཅན། གྲོང་གསེབ་གཞི་གཅིག་ཅན་བཅས་སུ་འགྱུར་བར་སྐུལ་འདེད་བྱས།
6_3
ཆོས་ལུགས།
ཝུའུ་ཧྲིན་རྫོང་ནི་མི་རིགས་མང་པོ་འདུས་སྡོད་བྱེད་ས་ཡིན། ཅ་ལིན་ཅང་གཙང་པོའི་འབབ་རྒྱུད་ཀྱི་ཧུའེ་རིགས་འདུས་སྡོད་བྱེད་ས་ཡིན་ལ། རྒྱ་རིགས་གཙོ་བོ་ཡིན། ད་དུང་ཧུའེ་རིགས་དང་། པའེ་རིགས། མིའོ་རིགས། ཐུའུ་ཅ་རིགས། བོད་རིགས་སོགས་མི་རིགས20ལྷག་ཡོད། གྲངས་ཉུང་མི་རིགས་ཀྱི་ཁྲོད་དུ་ཧུའེ་རིགས་གཙོ་བོ་ཡིན་པ་དང་མི་རིགས་གཞན་དག་གི་མི་གྲངས་ཧ་ཅང་ཉུང་། རྫོང་ནང་ཁུལ་གྱི་མང་ཚོགས་ཀྱིས་སངས་རྒྱས་ཆོས་ལུགས་དང་ཏའོ་ཇོ་ཆོས་ལུགས། དབྱི་སི་ལམ་ཆོས་ལུགས། གནམ་བདག་ཆོས་ལུགས། ཡེ་ཤུའི་ཆོས་ལུགས་སོགས་ལ་དད་པ་བྱེད་བཞིན་ཡོད།
7
གཟི་བརྗིད་མཚན་སྙན།
རྒྱལ་ཡོངས་ཀྱི་ཚོང་འབྲུ་ཐོན་སྐྱེད་རྫོང་ཆེ་གྲས།
ཞིང་ཆེན་ཡོངས་ཀྱི་དེང་རབས་ཞིང་ལས་ཐོན་ལས་རྟེན་གཞི་རྫོང་།
རྒྱལ་ཡོངས་བདེ་འཇགས་འཛུགས་སྐྲུན་སྔོན་ཐོན་རྫོང་།
ཞིང་ཆེན་རིམ་པའི་འཕྲོད་བསྟེན་རྫོང་།
ཞིང་ཆེན་རིམ་པའི་སྐྱེད་ཚལ་རྫོང་།
སི་ཁྲོན་ཞིང་ཆེན་གྱི་དཔལ་ཡོན་རྫོང་།
ཞིང་ཆེན་རིམ་པའི་ཁོར་ཡུག་སྲུང་སྐྱོང་དཔེ་སྟོན་རྫོང་།
ཞིང་ཆེན་ཡོངས་ཀྱི་ཞིང་བའི་ཡོང་འབབ་འཕར་སྣོན་བྱ་བའི་སྔོན་ཐོན་རྫོང་།
རྒྱལ་ཡོངས་གཉིས་བཀུར་དཔེ་བཟང་རྫོང་།
རྒྱལ་ཡོངས་སྤྲོ་གསེང་ཞིང་ལས་དང་གྲོང་གསེབ་ཡུལ་སྐོར་དཔེ་སྟོན་རྫོང་།
ཞིང་ཆེན་ཡོངས་ཀྱི་གྲོང་གསེབ་ཡུལ་སྐོར་དཔེ་སྟོན་རྫོང་།
ཞིང་ཆེན་ཡོངས་ཀྱི་ཡུལ་སྐོར་ཚད་ལྡན་ཅན་གྱི་དཔེ་སྟོན་རྫོང་།
དཔྱད་གཞིའི་ཡིག་ཆ།