དབྱི་ལུང་རྫོང་།སྔ་མའི་པར་གཞི་དེ རྒྱ་ལོ་རྟ་མགྲིན་ཚེ་བརྟན། ནས 2020-06-30 10:26ལ་འགྲུབ།
དབྱི་ལུང་རྫོང་།
དབྱི་ལུང་རྫོང་།
དབྱི་ལུང་རྫོང་ནི་སི་ཁྲོན་གཤོངས་སའི་བྱང་རྒྱུད་ཀྱི་རི་དམའ་བ་དང་སི་ཁྲོན་གྱི་རི་མ་ཐང་གི་བར་བརྒལ་ས་རྒྱུད་དུ་གནས་ཡོད། རི་དམའ་གཙོ་བོར་ཡིན་པ་དང་། ས་བབ་ནི་བྱང་ཤར་ནས་ལྷོ་ནུབ་ཕྱོགས་སུ་གསེག་ཡོད། དབྱི་ལུང་རྫོང་གི་མངའ་ཁོངས་སུ་རི་ལུང་འབར་འབུར་དང་། ལུང་ཤུར་འཕྲེད་གཞུང་། ས་བབ་རྙོག་འཛིང་ཆེ་བ་བཅས་ཡིན། ས་ངོས་ཆགས་ཚུལ་ནི་རི་བོ་དམའ་ཞིང་རི་མ་ཐང་གཙོ་བོ་ཡིན། རི་དེ་གཏུབ་གཅོད་ཅུང་གཏིང་ཟབ་པ་དང་། ས་བབ་མཐོ་ཚད་ལ་སྨི309-སྨི793ཡོད།
གཞི་རྩའི་གནས་ཚུལ།
རྒྱ་ཡིག་གི་མིང་།
仪陇县
ཕྱི་ཡིག་གི་མིང་།
Yilong County
སྲིད་འཛིན་ས་ཁོངས་ཀྱི་རིགས་དབྱེ།
རྫོང་།
ཁོངས་གཏོགས་ས་ཁུལ།
སི་ཁྲོན་ཞིང་ཆེན་ནན་ཁྲུང་གྲོང་ཁྱེར།
མངའ་ཁོངས།
གྲོང་རྡལ29 ཤང7 ཁྲོམ་གཞུང1
སྲིད་གཞུང་སྡོད་གནས།
ཞིན་ཀྲེན་གྲོང་རྡལ།
ས་ཁོངས་ཁ་པར་ཨང་རྟགས།
0817
སྦྲག་སྲིད་ཚབ་ཨང་།
637600
རྒྱ་ཁྱོན།
སྤྱི་ལེ་གྲུ་བཞི་མ1788
མི་གྲངས།
ཁྲི93.4
ནམ་ཟླ།
ཚ་ཁུལ་ཕལ་བའི་དུས་རླུང་གི་ནམ་ཟླ།
རླངས་འཁོར་ཚབ་ཨང་།
ཁྲོན།R 川R
སྲིད་འཛིན་ཚབ་ཨང་།
511324
དཀར་ཆག
1
ལོ་རྒྱུས་འཕེལ་རིམ།
སྤྱི་ལོ1932ལོར། ཀྲུང་གོའི་བཟོ་ཞིང་དམར་དམག་ངོས་ཕྱོགས་དཔུང་ཚོགས་བཞི་པས་ཧུའུ་པེ་དང་། ཧོ་ནན། ཨན་ཧུའེ་བཅས་འབྲེལ་མཚམས་ས་ཁུལ་གྱི་གནས་གཞིའི་ས་ཁུལ་ནས་སི་ཁྲོན་གྱི་བྱང་ཤར་ས་ཁུལ་དུ་བསྐྱོད་ཅིང་། སྤྱི་ལོ1933ལོའི་ཟླ8པའི་ཚེས23ཉིན་དབྱི་ལུང་བཅིངས་འགྲོལ་བཏང་བ་རེད། རྫོང་དང་། གྲོང་ཁྱེར། ཆུས། ཤང་། གྲོང་ཚོ་བཅས་ཀྱི་སུའུ་ཝེ་ཨུའེ་སྲིད་དབང་བཙུགས་པ་རེད།
སྤྱི་ལོ1935ལོའི་ཟླ2པ་ནས4པའི་བར་དམར་དམག་བྱང་ཕྱོགས་སུ་བསྐྱོད་ཆེད་སྔ་རྗེས་སུ་དབྱི་ལུང་ནས་ཕྱིར་འཐེན་བྱས། དམར་དམག་ཕྱིར་འཐེན་བྱས་རྗེས། དབྱི་ལུང་རྫོང་གིས་མི་སེར་རྒྱལ་ཁབ་ཀྱི་ལམ་ལུགས་རྙིང་པ་སླར་གསོ་བྱས།
སྤྱི་ལོ1949ལོའི་ཟླ12པའི་ཚེས23ཉིན་དབྱི་ལུང་བཅིངས་འགྲོལ་མ་བྱས་པའི་བར་དུ་སྔར་སོར་བཞིན་བཞག།
སྤྱི་ལོ1950ལོར་དབྱི་ལུང་རྫོང་ནི་ཁྲོན་པེ་སྲིད་འཛིན་ཀུང་ཧྲུའུ་ནན་ཁྲུང་ཀྲོན་ཆུས་ཀྱི་མངའ་འོག་ཏུ་གཏོགས།
སྤྱི་ལོ1952ལོའི་ཟླ9པར། ཁྲོན་པེ་སྲིད་འཛིན་ཀུང་ཧྲུའུ་མེད་པར་བྱས་རྗེས། དབྱི་ལུང་རྫོང་ནི་སི་ཁྲོན་ཞིང་ཆེན་ནན་ཁྲུང་ཆེད་ཁུལ་གྱི་ཁོངས་སུ་གཏོགས། སྤྱི་ལོ1968ལོའི་ཟླ་8པར་ནན་ཁྲུང་ས་ཁུལ་ཞེས་པར་བསྒྱུར། སྤྱི་ལོ1994ལོར་ནན་ཁྲུང་གྲོང་ཁྱེར་ཞེས་པར་བསྒྱུར།
སྤྱི་ལོ1978ལོའི་ཟླ8པར་ནན་པུའུ་རྫོང་གི་ཞིན་ཀྲིན་དང་། མ་སང(ད་ལྟའི་གོ་རི)དང་། སན་ཡོན། (ད་ལྟའི་ཡིང་ཧྲན ) ཕིན་ཐོ(ད་ལྟའི་ཧུན་ཧྲན) ཞིན་ཀྲེང་གྲོང་རྡལ་བཅས་དབྱི་ལུང་གི་ཁོངས་སུ་བགོས།
སྤྱི་ལོ2005ལོའི་ཟླ9པར་རྫོང་སྲིད་གཞུང་དེ་ཞིན་ཀྲེང་གྲོང་རྡལ་དུ་སྤོས།
2
སྲིད་འཛིན་ཁོངས་བགོས།
སྤྱི་ལོ2019ལོའི་བར། དབྱི་ལུང་རྫོང་ཁོངས་ཀྱི་གྲོང་རྡལ29（ཞིན་ཀྲེང་གྲོང་རྡལ་དང་། ཅིན་ཁྲེང་གྲོང་རྡལ། ཝུའུ་ཧྥུ་གྲོང་རྡལ། ཐུའུ་མོན་གྲོང་རྡལ། ཧུའེ་ཁྲུན་གྲོང་རྡལ། ཀོན་ཙི་གྲོང་རྡལ། ཏ་དབྱི་གྲོང་རྡལ། གདོང་ལེན་གྲོང་རྡལ། ཀྲང་ཀུང་གྲོང་རྡལ། སན་ཆི་གྲོང་རྡལ། ཞིན་ཧྭ་གྲོང་རྡལ། སའེ་ཅིན་གྲོང་རྡལ། ཧྲོང་ཧྲེང་གྲོང་རྡལ། ཨེར་ཏའོ་གྲོང་རྡལ། ཡུང་ལེ་གྲོང་རྡལ། པའོ་ཕིང་གྲོང་རྡལ། ཝུན་ཞིང་གྲོང་རྡལ། ཏ་དབྱིན་གྲོང་རྡལ། ཡུང་ཀོང་གྲོང་རྡལ། རི་ཞིན་གྲོང་རྡལ། མ་ཨན་གྲོང་རྡལ། དབྱང་ཆའོ་གྲོང་རྡལ། ཏིན་ཙི་ཟམ་གྲོང་རྡལ། ལིའུ་ཨའེ་གྲོང་རྡལ།）དང་། ཤང7（ཁྲའེ་ཅིན་ཤང་། ཧྥེང་དབྱི་ཤང་། ཐུང་ཀུའུ་ཤང་། པ་ཅའོ་ཤང་། ཧྥུ་ལིན་ཤང་། ལའེ་དབྱི་ཤང་། པན་ཆའོ་ཤང） ཁྲོམ་གཞུང1（ཏུའུ་མོན་ཁྲོམ་གཞུང）བཅས་ཡོད།
3
ས་ཁམས་ཆ་རྐྱེན།
3_1
གནས་ས།
དབྱི་ལུང་རྫོང་ནི་སི་ཁྲོན་གཤོངས་སའི་བྱང་རྒྱུད་ཀྱི་རི་དམའ་བ་དང་སི་ཁྲོན་གྱི་རི་མ་ཐང་གི་བར་བརྒལ་ས་རྒྱུད་དུ་གནས་ཡོད། རི་དམའ་གཙོ་བོར་ཡིན་པ་དང་། ས་བབ་ནི་བྱང་ཤར་ནས་ལྷོ་ནུབ་ཕྱོགས་སུ་གསེག་ཡོད། དབྱི་ལུང་རྫོང་གི་མངའ་ཁོངས་སུ་རི་ལུང་འབར་འབུར་དང་། ལུང་ཤུར་འཕྲེད་གཞུང་། ས་བབ་རྙོག་འཛིང་ཆེ་བ་བཅས་ཡིན། ས་ངོས་ཆགས་ཚུལ་ནི་རི་བོ་དམའ་ཞིང་རི་མ་ཐང་གཙོ་བོ་ཡིན། རི་དེ་གཏུབ་གཅོད་ཅུང་གཏིང་ཟབ་པ་དང་། ས་བབ་མཐོ་ཚད་ལ་སྨི309-སྨི793ཡོད།
3_2
ཆུ་དཔྱད།
དབྱི་ལུང་རྫོང་ཁོངས་སུ་ཅ་ལིང་གཙང་པོ་དང་། དབྱི་ལུང་གཙང་པོ། ལུའུ་ཧྲུའེ་གཙང་པོ། ཧོ་ཧྲུའེ་གཙང་པོ་སོགས་ཡོད། དབྱི་ལུང་རྫོང་གིས་ཞིང་སྤྱིའི་རྒྱ་ཁྱོན་སྤྱི་ཆིང16917ཡོད། དེའི་ནང་རྨོ་ཞིང་སྤྱི་ཆིང69650.96ཡོད་པ་དང་མི་རེའི་ཆ་སྙོམས་རྨོ་ཞིང་སྤྱི་ཆིང0.048ཡོད།
3_3
ནམ་ཟླ།
དབྱི་ལུང་རྫོང་ནི་ཚ་བའིས་ཁུལ་གྱི་བརླན་གཤེར་ཆེ་བའི་དུས་ཚིགས་ཀྱི་གནམ་གཤིས་ཁོངས་སུ་གཏོགས། གནམ་གཤིས་དྲོ་བ་དང་། དགུན་དྲོ་ཞིང་དབྱར་རིང་། སད་རྒྱག་པའི་དུས་ཡུན་ཐུང་བ་དང་དུས་བཞིའི་དབྱེ་བ་གསལ་བ་དང་། ཚ་ཚད་འདང་བ་དང་ཆར་ཆུ་འབེལ་བའི་ཁྱད་ཆོས་ལྡན།
4
མི་གྲངས་གནས་ཚུལ།
4_1
མི་གྲངས།
སྤྱི་ལོ2019ལོའི་ལོ་མཇུག་བར་དབྱི་ལུང་རྫོང་གི་མི་གྲངས་བསྡོམས་འབོར1068704ལ་སླེབས་ཡོད། དེའི་ནང་སྐྱེས་པ569044ཡོད་པ་དང་བུད་མེད499660ཡོད། ཕོ་མོའི་ཕོ་མོའི་བསྡུར་ཚད་ནི1.13886:1ཡིན། རྒྱུན་སྡོད་མི་གྲངས་ཁྲི93.4ལ་སླེབས་ཡོད། དེའི་ནང་གྲོང་ཁྱེར་དང་གྲོང་རྡལ་གྱི་རྒྱུན་སྡོད་མི་གྲངས་ཁྲི40.4ལ་སླེབས་པ་དེས་རྒྱུན་སྡོད་མི་གྲངས་བསྡོམས་འབོར་གྱི་བསྡུར་ཚད(རྒྱུན་སྡོད་མི་གྲངས་གྲོང་ཁྱེར་དང་གྲོང་རྡལ་ཅན་དུ་གྱུར་ཚད)43%ལ་སླེབས་ཡོད། སྤྱི་ལོ2018ལོའི་ལོ་མཇུག་ལས1.9%འཕར་ཡོད། ལོ་ཧྲིལ་པོར་སྐྱེས་པའི་མི་གྲངས11433ཡོད་པ་དང་སྐྱེས་ཚད10.38‰ལ་སླེབས་པ་དང་། རྐྱེན་ལམ་དུ་ཤོར་བའི་མི་གྲངས5903དང་ཤི་ཚད5.36‰ལ་སླེབས། རང་བྱུང་འཕར་ཚད5.02‰ཡིན།
4_2
མི་རིགས།
དབྱི་ལུང་རྫོང་གི་མི་གྲངས་ཁྲོད་རྒྱ་རིགས་གཙོ་བོ་ཡིན་ཞིང་། གྲངས་ཉུང་མི་རིགས་ལ་པའེ་རིགས་དང་། པུའུ་དབྱི་རིགས། བོད་རིགས། ཧུའེ་རིགས། དབྱིས་རིགས། མིའོ་རིགས། འཇང་རིགས། པུའུ་དབྱི་རིགས། པའེ་རིགས། ཀྲོང་རིགས། ཏའེ་རིགས་སོགས་ཡོད་པ་དང་། གྲངས་ཉུང་མི་རིགས་ཀྱི་མི་གྲངས580ཡོད།
5
དཔལ་འབྱོར་རགས་བཤད།
སྤྱི་ལོ2018ལོར་དབྱི་ལུང་རྫོང་གི་ས་གནས་ཀྱི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར203.8ལ་སླེབས་པ་དང་ལོ་གོང་མ་ལས8.8%འཕར་བའི་ནང་། ཐོན་ལས་དང་པོའི་འཕར་ཐང་སྒོར་དུང་ཕྱུར62.3ལ་སླེབས་ནས3.9%འཕར། ཐོན་ལས་གཉིས་པའི་འཕར་ཐང་སྒོར་དུང་ཕྱུར60.4ལ་སླེབས་ནས9.9%འཕར། ཐོན་ལས་གསུམ་པའི་འཕར་ཐང་སྒོར་དུང་ཕྱུར81.1ལ་སླེབས་ནས12.2%འཕར་ཡོད། ཐོན་ལས་དང་པོའི་འཕར་ཐང་གིས་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་གྱི་བསྡུར་ཚད30.6%ལ་སླེབས་ཡོད། ཐོན་ལས་གཉིས་པའི་འཕར་ཐང་གི་བསྡུར་ཚད29.6%ལ་སླེབས་པ་དང་ཐོན་ལས་གསུམ་པའི་འཕར་ཐང་གི་བསྡུར་ཚད39.8%ལ་སླེབས་ཡོད། ཐོན་ལས་གྲུབ་ཆ་ཐེངས་གསུམ་སྤྱི་ལོ2017ལོའི32:30:30ནས་སྤྱི་ལོ2018ལོའི30.6:29.6:39.8བར་ལེགས་སྒྲིག་བྱས་ཡོད། ལོ་ཧྲིལ་པོར་མི་རེས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་སྒོར21747ལ་སླེབས་ནས་སྔ་ལོ་ལས8.5%འཕར་ཡོད།
སྤྱི་ལོ2018ལོར་དབྱི་ལུང་རྫོང་གི་སྤྱིར་བཏང་གི་སྤྱི་པའི་སྔོན་རྩིས་ཀྱི་སྤྱིའི་ཡོང་འབབ་སྒོར་དུང་ཕྱུར12.98ལ་སླེབས་པ་དེ་ལོ་གོང་མ་ལས4.56%འཕར་ཡོད། དེའི་ནང་ས་གནས་ཀྱི་སྤྱིར་བཏང་གི་སྤྱི་པའི་སྔོན་རྩིས་ཡོང་འབབ་སྒོར་དུང་ཕྱུར7.91ལེགས་གྲུབ་བྱུང་བ་དེ་ལོ་གོང་མ་ལས10.01%འཕར་ཡོད། ཁྲལ་རིགས་གཙོ་བོ་ཁག་ནས་བལྟས་ན། གནས་ཐང་འཕར་ཁྲལ་སྒོར་དུང་ཕྱུར1.42ལེགས་གྲུབ་བྱུང་ཡོད། གྲོང་ཁྱེར་སྲུང་སྐྱོང་དང་འཛུགས་སྐྲུན་དཔྱ་ཁྲལ་སྒོར་དུང་ཕྱུར0.226ཡིན་པ་དང་། ས་ཞིང་གི་གནས་ཐང་འཕར་ཁྲལ་སྒོར་དུང་ཕྱུར0.38ཡིན། རྨོ་ཞིང་བཟུང་སྤྱོད་དཔྱ་ཁྲལ་སྒོར་དུང་ཕྱུར0.55ལ་སླེབས་པ་དེ་ལོ་གོང་མ་ལས་སོ་སོར27.5%དང་། 31.7% 31.7% 167.32%བཅས་འཕར་ཡོད། མི་རེའི་ཆ་སྙོམས་ནོར་སྲིད་ཡོང་འབབ་སྒོར739ལ་སླེབས་ནས་ལོ་གོང་མ་ལས12.5%འཕར་ཡོད།
དཔྱད་གཞིའི་ཡིག་ཆ།