ཕིང་ཆོན་གྲོང་ཁྱེར།སྔ་མའི་པར་གཞི་དེ གསེར་ཞང་འཇམ་བསོད། ནས 2020-06-04 14:24ལ་འགྲུབ།
ཕིང་ཆོན་གྲོང་ཁྱེར།
ཕིང་ཆོན་གྲོང་ཁྱེར།
ཕིང་ཆོན་གྲོང་ཁྱེར་ནི་ཧོ་པེ་ཞིང་ཆེན་ཁྲེང་ཏེ་གྲོང་ཁྱེར་གྱི་ཁོངས་སུ་གཏོགས་དང་། ཧོ་པེ་ཞིང་ཆེན་གྱི་བྱང་ཤར་རྒྱུད་དུ་གནས་ཡོད། གཞུང་ཐིག་ཤར་མའི118°21′03″－119°15′34″དང་། བྱང་གི་འཕྲེད་ཐིག40°24′0″－40°40′17″བར་དུ་གནས་ཡོད། སྤྱིའི་རྒྱ་ཁྱོན་ལ་སྟོང་སྨི་གྲུ་བཞི་མ3297དང་། མངའ་འོག་ཏུ་གྲོང་རྡལ15དང་ཤང4ཡོད།
གཞི་རྩའི་གནས་ཚུལ།
རྒྱ་ཡིག་གི་མིང་།
平泉
ཕྱི་ཡིག་གི་མིང་།
Pingquan City
སྲིད་འཛིན་ས་ཁོངས་ཀྱི་རིགས་དབྱེ།
རྫོང་རིམ་པའི་གྲོང་ཁྱེར།
ཁོངས་གཏོགས་ས་ཁུལ།
ཧོ་པེ་ཞིང་ཆེན་ཁྲེང་ཏེ་གྲོང་ཁྱེར།
མངའ་ཁོངས།
གྲོང་རྡལ15དང་ཤང4ཡོད།
གནས་ཡུལ།
ཁྲེང་ཏེ་གྲོང་ཁྱེར་གྱི་ཤར་བྱང་རྒྱུད།
སྲིད་གཞུང་གནས་ཡུལ།
ཕིང་ཆོན་གྲོང་རྡལ་སྲིད་གཞུང་མདུན་ཁྲོམ་ཨང17པ།
རྒྱ་ཁྱོན།
སྟོང་སྨི་གྲུ་བཞི་མ3297ཡོད།
མི་གྲངས།
ཁྲི48.3ཡོད།
ནམ་ཟླ།
དྲོད་རྒྱུན་དུས་རླུང་ནམ་ཟླ།
མེ་འཁོར་འབབ་ཚུགས།
ཕིང་ཆེན་ས་ཚིིགས།
གནམ་གྲུ་ཐང་།
ཧོ་པེ་ཕིང་ཆེན་གནམ་ཐང་།
ས་ཁོངས་ཁ་པར་ཨང་རྟགས།
0314
སྦྲག་སྲིད་ཨང་རྟགས།
067500
སྲིད་འཛིན་ཚབ་ཨང་།
130881
རླངས་འཁོར་ཚབ་ཨང་།
ཅི（冀）H
དཀར་ཆག
1
ལོ་རྒྱུས་འཕེལ་རིམ།
མི་སེར་རྒྱལ་ཁབ་ཀྱི་སྲིད་ལོ་སུམ་ཅུ་སོ་བདུན་པའི(སྤྱི་ལོ1948ལོ)ཟླ5པར་ཕིན་ཆོན་རྫོང་བཅིངས་འགྲོལ་བཏང་ནས་རེ་ཧོ་ཞིང་ཆེན་ཕིན་ཆོན་རྫོང་གི་སྒྲིག་བཀོད་སླར་གསོ་བྱས།
སྤྱི་ལོ1956ལོའི་ཟླ1པོར་རེ་ཧོ་ཞིང་ཆེན་མེད་པར་བཟོས་པ་དང་། ཕིན་ཆོན་རྫོང་ཧོ་པེ་ཞིང་ཆེན་ཁྲེང་ཏེ་ཀྲོན་ཆུས་ཀྱི་མངའ་འོག་ཏུ་བཅུག
སྤྱི་ལོ1993ལོའི་ཟླ7པའི་རྗེས་སུ། ཕིན་ཆོན་གྲོང་ཁྱེར་གྱི་ཁོངས་གཏོགས་ཧོ་པེ་ཞིང་ཆེན་གྱི་ཁྲེང་ཏེ་གྲོང་ཁྱེར་གྱི་ཁོངས་སུ་གཏོགས།
སྤྱི་ལོ2017ལོའི་ཟླ4པའི་ཚེས10ཉིན་རྒྱལ་སྲིད་སྤྱི་ཁྱབ་ཁང་གི་ཆོག་མཆན་ཐོབ་པ་བརྒྱུད། ཕིན་ཆོན་རྫོང་མེད་པར་བཟོ་བར་འཐད་པ་བྱུང་། རྫོང་རིམ་པའི་ཕིན་ཆོན་གྲོང་ཁྱེར་བཙུགས། དེ་སྔའི་ཕིན་ཆོན་རྫོང་གི་སྲིད་འཛིན་ས་ཁོངས་ནི་ཕིན་ཆོན་གྲོང་ཁྱེར་གྱི་སྲིད་འཛིན་ས་ཁོངས་ཡིན།
སྤྱི་ལོ2018ལོའི་ཟླ9པའི་ཚེས29ཉིན་ཧོ་པེ་ཞིང་ཆེན་སྲིད་གཞུང་གིས་བརྡ་ཐོ་བཏང་ནས་ཕིང་ཆོན་གྲོང་ཁྱེར་རྫོང་དབུལ་པོའི་གྲས་ནས་ཕྱིར་འཐེན་བྱ་རྒྱུའི་ཆོག་མཆན་དངོས་སུ་སྤྲད་པ་རེད།
2
ས་ཁུལ་དབྱེ་འབྱེད་ཀྱི་གནས་ཚུལ།
སྤྱི་ལོ2018ལོའི་བར་ཕིང་ཆོན་གྲོང་ཁྱེར་གྱི་མངའ་འོག་ཏུ་གྲོང་རྡལ15དང་ཤང4ཡོད་པ་རེད། ཕིང་ཆོན་གྲོང་ཁྱེར་མི་དམངས་སྲིད་གཞུང་ནི་ཕིང་ཆོན་གྲོང་རྡལ་དུ་གནས་པའི་སྲང་ལམ17པར་བཅའ་སྡོད་བྱས་ཡོད།
3
ས་ཁམས་ཁོར་ཡུག
3_1
གནས་སའི་ཡུལ་ཁོངས།
ཕིང་ཆོན་གྲོང་ཁྱེར་ནི་ཧོ་པེ་ཞིང་ཆེན་གྱི་བྱང་ཤར་རྒྱུད་དུ་གནས་ཡོད། ཧོ་པེ་དང་། ལིའོ་རིགས། སོག་རིགས་བཅས་ཞིང་ཆེན་གསུམ་གྱི་འབྲེལ་མཚམས་སུ་གནས་ཡོད།
3_2
ས་དབྱིབས།
ཕིང་ཆོན་གྲོང་ཁྱེར་གྱི་བྱང་ངོས་ཀྱི་རི་བོ་ཡན་ཧྲན་རི་བོའི་རི་མ་ཐང་དུ་གནས་པ་དང་། མུ་འབྲེལ་རི་བོ་ནི་དབྱིབས་མི་འདྲ་ཞིང་ཆེ་ཆུང་མི་འདྲ་བའི་ལུང་ཤུར་གཞོང་ས་ཡིན།
3_3
ནམ་ཟླ།
ཕིང་ཆོན་གྲོང་ཁྱེར་ནི་སྐམ་སའི་རང་བཞིན་གྱི་དུས་རླུང་གི་ནམ་ཟླའི་ཁོངས་སུ་གཏོགས།
4
མི་གྲངས།
སྤྱི་ལོ2016ལོའི་ལོ་མཇུག་བར། ཕིང་ཆོན་གྲོང་ཁྱེར་གྱི་རྒྱུན་སྡོད་མི་གྲངས་ཁྲི44.6939ཡོད་པའི་ནང་གྲོང་ཁྱེར་དང་གྲོང་རྡལ་གྱི་མི་གྲངས་ཁྲི22.6133ཡོད་པ་དང་། སྤྱི་ལོ2019ལོའི་ཟླ6པའི་བར་ཕིང་ཆོན་གྲོང་ཁྱེར་ལ་སྤྱིའི་མི་གྲངས་ཁྲི48.3ཡོད།
5
མི་རིགས།
ཕིང་ཆོན་གྲོང་ཁྱེར་གྱི་མི་རིགས་གཙོ་བོ་རྒྱ་རིགས་ཡིན་པ་དང་། གྲངས་ཉུང་མི་རིགས་ལ་མན་ཇུ་རིགས་དང་སོག་རིགས། ཧུའེ་རིགས། ཁྲའོ་ཞན་རིགས་སོགས20ཡོད།
6
སྤྱི་ཚོགས་ལས་དོན།
6_1
ཚན་རྩལ་བྱ་གཞག
སྤྱི་ལོ2016ལོར་ཕིང་ཆོན་གྲོང་ཁྱེར་གྱི་མཐོ་གསར་ལག་རྩལ་ཐོན་ལས་ཀྱི་རིན་ཐང་འཕར་མ་སྒོར་དུང་ཕྱུར5.78ཡོད་པ་དང་། GDPཡི་བསྡུར་ཚད་ཀྱི3.5%བཟུང་བ་དེ་སྤྱི་ལོ2015ལོ་ལས་14.4%འཕར་ཡོད། ཚན་རྩལ་ཡར་ཐོན་གྱི་ལེགས་སྐྱེས་འབུལ་ཚད55%ཟིན་ནས་རྒྱལ་ཡོངས་ཀྱི་ཚན་རྩལ་ཡར་ཐོན་གྱི་སྔོན་ཐོན་རྫོང་དང་རྒྱལ་ཡོངས་ཀྱི་ཚན་རྩལ་ཁྱབ་གདལ་དཔེ་སྟོན་རྫོང་གི་མཚན་སྙན་ཐོབ།
6_2
སློབ་གསོའི་བྱ་གཞག
སྤྱི་ལོ2016ལོའི་བར་ཕིང་ཆོན་གྲོང་ཁྱེར་དུ་ཁྱོན་རིམ་པ་ཁག་དང་རིགས་ཁག་གི་སློབ་གྲྭ264ཡོད་པ་རེད། སློབ་གྲྭར་ཡོད་པའི་སློབ་མ70255དང་དགེ་རྒན་དང་ལས་བཟོ5453ཡོད། དེའི་ནང་། འོས་འགན་སློབ་གསོའི་དུས་རིམ་གྱི་སློབ་གྲྭ196(དམའ་རིམ་སློབ་འབྲིང11དང་། ལྟེ་བའི་སློབ་ཆུང42སློབ་ཁྲིད་བྱེད་གནས143)ཡོད་པ་དང་། སློབ་གྲྭར་ཡོད་པའི་སློབ་མ49718ཡོད། དགེ་རྒན་དང་ལས་བཟོ་པ3863ཡོད། ཚད་ལྡན་ཅན་གྱི་སློབ་གྲྭ11བསྐྲུན་པ་དང་ཕིང་ཆོན་སློབ་འབྲིང་བཞི་པའི་འབྲིང་རྒྱུགས་ཀྱི་གྲུབ་འབྲས་ལོ12བསྟུད་མར་གྲོང་ཁྱེར་དེ་ཡོངས་ཀྱི་ཨང་དང་པོར་སླེབས་ཡོད། རིམ་རྩིས་བྱས་ན་ཆིང་ཧྭ་སློབ་ཆེན་དང་པེ་ཅིང་སློབ་ཆེན་གྱི་སློབ་མ5ལ་རྒྱུགས་འཕྲོད་ནས་རྒྱལ་ཁབ་ཀྱི་འོས་འགན་སློབ་གསོ་འཕེལ་རྒྱས་ཀྱི་གཞི་རྩའི་དོ་སྙོམས་རྫོང་དུ་གྱུར་ཡོད།
6_3
རིག་གནས་ལས་དོན།
སྤྱི་ལོ2016ལོར་ཕིང་ཆོན་གྲོང་ཁྱེར་གྱི“རིག་གནས་དང་། དངོས་མང་། རི་མོ། མངོན་མིན་རིག་གནས་ཤུལ་བཞག ཆ་འཕྲིན་མཉམ་སྤྱོད”བཅས་ཚང་མ་རིན་མེད་ངང་སྒོ་དབྱེ་ཐུབ་ཡོད། ཧོ་པེ་ཞིང་ཆེན་གྱི་ཡིག་གཟུགས་འབྲི་རྩལ་གྱི་ཕ་ཡུལ་བསྐྲུན་ནས་རྒྱལ་ཡོངས་ཀྱི་དམངས་ཡོངས་ཀྱི་ལུས་སྦྱོང་ལས་འགུལ་གྱི་སྔོན་ཐོན་རྫོང་གི་གཟི་བརྗིད་མཚན་སྙན་ཐོབ་ཡོད།
7
མཚན་སྙན།
སྤྱི་ལོ2017ལོའི་ཟླ12པར་ཕིང་ཆོན་གྲོང་ཁྱེར་ཀྲུང་གོའི་སྣོད་བཅུད་རིག་གནས་ཡུལ་སྐོར་གྲོང་ཁྱེར་ཡག་ཤོས་དང་། ཀྲུང་གོའི་སྤྲོ་གསེང་ཡུལ་སྐོར་སྤྲོ་གསེང་གྲོང་ཁྱེར་མཛེས་ཤོས་སུ་བདམས།
སྤྱི་ལོ2019ལོར་རྒྱལ་ཁབ་ཀྱི་ཞིང་ཞོར་ཐོན་ཟོག་གི་སྤུས་ཚད་བདེ་འཇགས་རྫོང་ཁག་གཉིས་པའི་གྲས་སུ་བདམས།
སྤྱི་ལོ2020ལོའི་ཟླ2པར་སྤྱི་ལོ2020ལོར་ཀྲུང་གོའི་ཁྱད་ལྡན་སིལ་ཟས་པའེ་ཅ་རྫོང་དང་གྲོང་ཁྱེར་དུ་བདམས།
དཔྱད་གཞིའི་ཡིག་ཆ།