སྤྱི་ལོ1933ལོར་ཁོན་ཁྲིན་འཇར་དམག་གིས་བཟུང་སྟེ་མན་ཇུའི་རྒྱལ་ཁབ་ཀྱི་ཆེས་མཇུག་མཐའི་མངའ་ཁོངས་སུ་གྱུར། སྤྱི་ལོ1963ལོར་ཁོན་ཁྲེང་རྫོང་བཙུགས་པ་དང་། སྤྱི་ལོ1989ལོར་རྒྱལ་སྲིད་སྤྱི་ཁྱབ་ཁང་གིས་ཆོག་མཆན་བཀོད་པ་བརྒྱུད་མན་ཇུའི་རང་སྐྱོང་རྫོང་བཙུགས།
སྤྱི་ལོ2018ལོར། ཁོན་ཁྲིན་མན་ཇུ་རིགས་རང་སྐྱོང་རྫོང་གི་ཁོངས་སུ་གྲོང་རྡལ10དང་ཞང8ཡོད་པ་སྟེ། ཁོན་ཁྲང་གྲོང་རྡལ། ལོན་ཤི་མིན་གྲོང་རྡལ། ཁེང་ཧྲི་མོན་གྲོང་རྡལ། ཡུས་ཨེར་ཡ་གྲོང་རྡལ། པན་ཏའོ་ཧོ་གྲོང་རྡལ། ཐུང་ལུའོ་ཐའེ་གྲོང་རྡལ། ཉན་ཙི་ཡུས་གྲོང་རྡལ། ལིའང་ཅ་ཐའེ་གྲོང་རྡལ། ཧྭ་ཕི་ལན་ཙི་གྲོང་རྡལ། སུང་ལིན་གྲོང་རྡལ་བཅས་དང་། ཀུའུ་ཧྲན་ཞང་། མེང་ཙི་ལིང་ཞང་། ཏུའུ་ཧྲི་ལིན་ཞང་། ཧྭ་ཅན་ཞང་། ཏུང་ཧོང་ཧྭ་ཁྲོན་ཞང་། ཡུས་ཙི་ཀོའུ་ཞང་། ཏ་ཙི་ཀོའུ་ཞང་། ཏ་ཧྲི་ཀྲུའུ་ཙི་ཞང་བཅས་ཡོད།
སྤྱི་ལོ2016ལོར་ཁོན་ཁྲིན་མན་ཇུ་རིགས་རང་སྐྱོང་རྫོང་གི་མི་གྲངས་བསྡོམས་འབོར250304ཡོད། སྤྱི་ལོ2020ལོའི་ཟླ4པར་ཁོན་ཁྲིན་མན་ཇུ་རིགས་རང་སྐྱོང་རྫོང་ལ་མི་རིགས14ཡོད།
ཁོན་ཁྲིན་ནི་ཧོ་པེ་ཞིང་ཆེན་གྱི་བྱང་ཤར་རྒྱུད་དུ་གནས་ཡོད། ནུབ་ནས་པེ་ཅིན་དང་ཐེན་ཅིན་དང་། ཤར་ནས་པོ་ཧའེ་རྒྱ་མཚོ་དང་ཐག་ཉེ།
ཁོན་ཁྲིན་རྫོང་ནི་པོ་ཧའེ་རྒྱ་མཚོའི་མཐའ་འཁོར་དང་པེ་ཅིན་དང་ཐེན་ཅིན་གྱི་དཔལ་འབྱོར་ཁུལ་གྱི་དབུས་ཁུལ་དུ་གནས་ཡོད། ཆིན་རྒྱལ་རབས་ཀྱི་མཚོ་ཐོག་གཞུང་ལམ་དང་། པེ་ལིན་གཞུང་ལམ། ཕིང་ཆིང་ལེ་གཞུང་ལམ། ཕིང་ཐེ་གཞུང་ལམ་བཅས་ཡོད།
ཁོན་ཁྲིན་མན་ཇུ་རིགས་རང་སྐྱོང་རྫོང་གི་རང་བྱུང་ཡུལ་ལྗོངས་ལ་ལིའོ་ཅིན་དུས་སྐབས་ཀྱི་རྒྱ་བརྒྱུད་ནང་བསྟན་གྱི་རྗེས་ཤུལ“ཝན་ཐ་ཧོང་ཡ་དགོན”དང་མིང་རྒྱལ་རབས་ཀྱི་ལེ་དབར་ཁྲི་ཡི་ལྕགས་རི་རིང་བོ་ཡོད། ཧྭ་བྱང་ཆུ་བེད་ཆུ་གློག་ལས་གྲྭ་སྟེ་ཕན་ཅ་ཁོའུ་ཆུ་མཛོད་དུ་ཆུ་གསོག་ནས་ཆགས་པའི་ཕན་ལུང་མཚེའུ་ལ“སའེ་ཝའེ་ཀུའེ་ལིན”ཞེས་འབོད་ཀྱིན་ཡོད།
སྤྱི་ལོ2019ལོའི་ཟླ5པའི་ཚེས18ཉིན་ཁོན་ཁྲིན་རྫོང་ནི“སྤྱི་ལོ2019ལོའི་ཀྲུང་གོའི་རྫོང་ཁོངས་མཛེས་ཤོས་ཀྱི་མིང་ཐོའི”ནང་བདམས།