ཞིན་ལུང་རྫོང་།སྔ་མའི་པར་གཞི་དེ གསེར་ཞང་འཇམ་བསོད། ནས 2020-06-02 11:44ལ་འགྲུབ།
ཞིན་ལུང་རྫོང་།
ཞིན་ལུང་རྫོང་།
ཞིན་ལུང་རྫོང་ནི་ཧོ་པེ་ཞིང་ཆེན་གྱི་ཁོངས་སུ་གཏོགས་ཤིང་། ཧོ་པེ་ཞིང་ཆེན་གྱི་བྱང་ཤར་དང་ཁྲེང་ཏེ་ལྷོ་སྣེ་རུ་གནས་ཡོད། ཡན་ཧྲན་རི་རྒྱུད་ཀྱི་ཤར་ཕྱོགས་སུ་གནའ་བོའི་ལྕགས་རི་རིང་པོའི་བྱང་ངོས་སུ་ཡོད། བྱང་གི་འཕྲེད་ཐིག40°11′—41°42′དང་། ཤར་གྱི་གཞུང་ཐིག117°12′—118°15′བར་དུ་གནས་ཡོད། སྤྱི་ལོ2019ལོའི་ཟླ་དང་པོའི་བར། ཞིན་ལུང་རྫོང་ཁོངས་སུ་གྲོང་རྡལ13དང་ཤང7ཡོད། སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ3123ཡོད། སྤྱིའི་མི་གྲངས་ཁྲི32.4ཡོད། རྫོང་སྲིད་གཞུང་ནི་ཞིན་ལུང་གྲོང་རྡལ་དུ་བཅའ་སྡོད་བྱས་ཡོད།
གཞི་རྩའི་གནས་ཚུལ།
རྒྱ་ཡིག་གི་མིང་།
兴隆县
ཕྱི་ཡིག་གི་མིང་།
Xinglong County
སྲིད་འཛིན་ས་ཁོངས་ཀྱི་རིགས་དབྱེ།
རྫོང་།
ཁོངས་གཏོགས་ས་ཁུལ།
ཧོ་པེ་ཁྲེང་ཏེ།
མངའ་ཁོངས།
གྲོང་རྡལ7དང་ཤང11མི་རིགས་ཤང2སྡེ་ཁུལ7གྲོང་ཚོ297བཅས་ཡོད།
གནས་ཡུལ།
ཧོ་པེ་ཞིང་ཆེན་བྱང་ཤར་རྒྱུད།
སྲིད་གཞུང་གནས་ཡུལ།
ཞིན་ལུང་གྲོང་རྡལ་གྲོང་ནུབ་སྲང་ལམ་ཨང116པ།
རྒྱ་ཁྱོན།
སྤྱི་ལེ་གྲུ་བཞི་མ3123ཡོད།(སྤྱི་ལོ2019ལོ)
མི་གྲངས།
མི་ཁྲི32.4(2019ལོ)ཡོད།
ནམ་ཟླ།
དྲོད་རྒྱུན་དུས་རླུང་ནམ་ཟླ།
མཛེས་ལྗོངས་གྲགས་ཅན།
ལིན་ཧྲན་དང་། ལིའུ་ལི་ཕིང་ནགས་ཚལ་སྤྱི་གླིང་། ཞིན་ལུང་ཞུན་ཏུང་། པེ་ཅིན་གནམ་དཔྱད་ཐའེ་ཤིང་ལུང་ལྟ་ཞིབ་ཚད་ལེན་ས་ཚིགས།
མེ་འཁོར་འབབ་ཚུགས།
པན་པི་ཧྲན་འབབ་ཚུགས་དང་། ཞིན་ལུང་རྫོང་གི་འབབ་ཚུགས་ཆིའུ་ཤིན་ལུང་ནུབ་ཚིགས།
ས་ཁོངས་ཁ་པར་ཨང་རྟགས།
0314
སྦྲག་སྲིད་ཨང་རྟགས།
067300
སྲིད་འཛིན་ཚབ་ཨང་།
130822
རླངས་འཁོར་ཚབ་ཨང་།
ཅི（冀)H
ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར།
སྒོར་དུང་ཕྱུར107.8(སྤྱི་ལོ2017ལོ)ཡོད།
དཀར་ཆག
- 1 ལོ་རྒྱུས་འཕེལ་རིམ།
- 2 སྲིད་འཛིན་ས་ཁུལ་གྱི་དབྱེ་མཚམས།
- 3 ས་ཁམས་ཁོར་ཡུག
-
3.1 གནས་སའི་ཡུལ་ཁོངས།
3.2 ས་དབྱིབས།
3.3 ནམ་ཟླ།
3.4 ཆུ་དཔྱད།
- 4 མི་གྲངས།
- 5 དཔལ་འབྱོར།
-
5.1 ཕྱོགས་བསྡུས།
- 6 འགྲིམ་འགྲུལ་སྐྱེལ་འདྲེན།
- 7 སྤྱི་ཚོགས་ལས་དོན།
-
7.1 སློབ་གསོའི་བྱ་གཞག
7.2 ཚན་རིག་ལག་རྩལ།
7.3 སྨན་བཅོས་འཕྲོད་བསྟེན།
7.4 སྤྱི་ཚོགས་འགན་སྲུང་།
- 8 གཟི་བརྗིད་མཚན་སྙན།
1
ལོ་རྒྱུས་འཕེལ་རིམ།
མི་སེར་རྒྱལ་ཁབ་ཀྱི་སྲིད་ལོ38པའི(སྤྱི་ལོ1949ལོ)ཟླ3པར་ཞིན་ལུང་རེ་ཧོ་ཞིང་ཆེན་གྱི་མངའ་འོག་ཏུ་གཏོགས།
སྤྱི་ལོ1956ལོའི་ཟླ1པོར་རེ་ཧོ་ཞིང་ཆེན་མེད་པར་བཟོས་ཤིང་། ཞིན་ལུང་ཧོ་པེ་ཞིང་ཆེན་ཁྲེང་ཏེ་ཀྲོན་ཧྲུའུ་ཡི་ཁོངས་སུ་བགོས།
སྤྱི་ལོ1960ལོའི་ཟླ5པར། ཁྲེང་ཏེ་ཀྲོན་ཡོན་ཧྲུའུ་དང་ཁྲེང་ཏེ་གྲོང་ཁྱེར་ཟླ་སྒྲིལ་བཏང་ནས་ཞིན་ལུང་ནི་ཁྲེང་ཏེ་གྲོང་ཁྱེར་གྱི་ཁོངས་གཏོགས་ཡིན།
སྤྱི་ལོ1961ལོའི་ཟླ5པར་ཁྲེང་ཏེ་ཀྲོན་ཡོན་ཧྲུའུ་སླར་གསོ་བྱས་པ་དང་། ཞིན་ལུང་སླར་ཡང་ཁྲེང་ཏེ་ཀྲོན་ཡོན་ཀུང་ཧྲུའུ་ཡི་མངའ་འོག་ཏུ་བཅུག
སྤྱི་ལོ1993ལོའི་ཟླ7པར་ཁྲེང་ཏེ་ས་ཁུལ་སྲིད་འཛིན་ཀུང་ཧྲུའུ་ཕྱིར་འཐེན་བྱས། ས་ཁུལ་དང་གྲོང་ཁྱེར་ཟླ་སྒྲིལ་བཏང་བ་དང་། ཞིན་ལུང་ནི་ཁྲེང་ཏེ་གྲོང་ཁྱེར་གྱི་མངའ་ཁོངས་སུ་གཏོགས།
2
སྲིད་འཛིན་ས་ཁུལ་གྱི་དབྱེ་མཚམས།
སྤྱི་ལོ2019ལོའི་ཟླ་དང་པོའི་བར། ཞིན་ལུང་རྫོང་ཁོངས་སུ་གྲོང་རྡལ15དང་། ཤང5སྲིད་འཛིན་གྲོང་ཚོ289བཅས་ཡོད། རྫོང་སྲིད་གཞུང་ནི་ཞིན་ལུང་གྲོང་རྡལ་ནུབ་ཀྱི་སྲང་ལམ་དུ་བཅའ་སྡོད་བྱས་ཡོད།
3
ས་ཁམས་ཁོར་ཡུག
3_1
གནས་སའི་ཡུལ་ཁོངས།
ཞིན་ལུང་རྫོང་ནི་ཧོ་པེ་ཞིང་ཆེན་གྱི་བྱང་ཤར་རྒྱུད་དུ་གནས་པ་དང་ཁྲེང་ཏེའི་ལྷོ་སྣེ་རུ་གནས་ཡོད།
3_2
ས་དབྱིབས།
ཞིན་ལུང་རྫོང་གི་རི་མཐོ་ལ་གྲོག་རོང་གཏིང་ཟབ་པ་དང་། རི་ཁུལ་གྱི་རྒྱ་ཁྱོན་ཆེ་བ་དང་གྱེན་གཟར་བ། རྨོ་ཞིང་ཉུང་བ་བཅས་རེད། རྫོང་ཡོངས་ཀྱི་ས་བབ་ནུབ་བྱང་མཐོ་བ་དང་། ཤར་ལྷོ་དམའ་བ་ཡིན།
3_3
ནམ་ཟླ།
ཞིན་ལུང་རྫོང་གི་ལོ་རེའི་ཆ་སྙོམས་དྲོད་ཚད6.5-10.3℃བར་ཡིན་པ་རེད། རྫོང་ཁོངས་སུ་རི་བོ་མང་བ་དང་། དྲོད་ཚད་དྲང་འཕྱང་གི་འགྱུར་ལྡོག་མངོན་གསལ་ཡིན།
3_4
ཆུ་དཔྱད།
ཞིན་ལུང་རྫོང་གི་ཆུ་བོ་གཙོ་བོ་ནི་ལིའུ་ཧོ་གཙང་པོ་དང་། ལུའོ་ཧོ་ཆུ་བོ། ཧེང་ཧོ་ཆུ་བོ། ཧུའེ་ཧོ་ཆུ་བོ། ཁྲའོ་ཧོ་ཆུ་བོ། ཀྲོའུ་ཧོ་ཆུ་བོ། ཁྲེ་ཧོ་ཆུ་བོ་བཅས་ཡིན། རྫོང་དེ་ཡོངས་སུ་ཤང་དང་གྲོང་རྡལ20ལྷག་ཡོད།
4
མི་གྲངས།
སྤྱི་ལོ2018ལོའི་བར་ཞིན་ལུང་རྫོང་གི་མི་གྲངས་བསྡོམས་འབོར་ཁྲི32.4ཟིན་པ་དང་མི་གྲངས་འདུས་ཚད་སྤྱི་ལེ་གྲུ་བཞི་མ་རེར་མི103.7ཡོད་པ་རེད། ཞིན་ལུང་རྫོང་ནི་མི་རིགས་མང་བའི་རྫོང་ཞིག་ཡིན་ཞིང་། དེའི་ཁོངས་སུ་རྒྱ་རིགས་ཕུད། ད་དུང་མན་ཇུ་རིགས་དང་སོག་རིགས། ཧུའེ་རིགས་སོགས་གྲངས་ཉུང་མི་རིགས་སྡོད་ཀྱི་ཡོད་ཅིང་། དེའི་ནང་གི་མི་གྲངས་བསྡོམས་འབོར་གྱི་བརྒྱ་ཆའི90%ཡན་རྒྱ་རིགས་རེད།
5
དཔལ་འབྱོར།
5_1
ཕྱོགས་བསྡུས།
སྤྱི་ལོ2017ལོར་ཞིན་ལུང་རྫོང་གི་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར113.8ཟིན་པ་དང་། ཚད་ལོན་ཡན་གྱི་བཟོ་ལས་ཐོན་རྫས་རིན་ཐང་སྒོར་དུང་ཕྱུར184.7ཟིན་པ་དང་། འཕར་ཐང་སྒོར་དུང་ཕྱུར44.2ཟིན་ཡོད། གཏན་འཇགས་རྒྱུ་ནོར་ལ་མ་དངུལ་སྒོར་དུང་ཕྱུར166བཏང་ནས་ནོར་སྲིད་ཀྱི་ཡོང་སྒོ་སྒོར་དུང་ཕྱུར9བཏང་ཡོད། དེའི་ནང་སྤྱིར་བཏང་གི་སྤྱི་པའི་སྔོན་རྩིས་ཀྱི་ཡོང་སྒོ་སྒོར་དུང་ཕྱུར5ཡིན་པ་དང་། སྤྱི་ཚོགས་ཀྱི་འཛད་རྫས་སིལ་འཚོང་བསྡོམས་འབོར་སྒོར་དུང་ཕྱུར53.9ཟིན་ཡོད། སྒོར་དུང་ཕྱུར་ཡན་གྱི་རྣམ་གྲངས83ལག་བསྟར་བྱས་པར་མ་དངུལ་སྒོར་དུང་ཕྱུར་95.3བཏང་ཡོད། ཡུལ་སྐོར་བ་མི་ཐེངས་ཁྲི287.9ལ་སྣེ་ལེན་ཞུས་པ་དང་། ཕྱོགས་བསྡུས་ཡོང་འབབ་སྒོར་དུང་ཕྱུར20ལས་བརྒལ་བ་དང་། ཐོན་ལས་གསུམ་པའི་ཁྲལ་འབབ་ལེགས་སྐྱེས་འབུལ་ཚད59.3%ཟིན་ཡོད།
སྤྱི་ལོ2018ལོར་ཞིན་ལུང་རྫོང་གི་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར6.8%འཕར་བ་དང་། ཚད་ལོན་ཡན་གྱི་བཟོ་ལས་འཕར་ཐང་འཕར་ཚད13.3%ཟིན་ཡོད། ནོར་སྲིད་ཡོང་འབབ་སྒོར་དུང་ཕྱུར11.07ཟིན་ནས་སྒོར་དུང་ཕྱུར10ཡི་འགག་སྒོ་ཆེན་པོ་ལས་ཐོག་མར་བརྒལ་ནས22.8%འཕར་ཡོད། ལོ་ཧྲིལ་པོར་སྒོར་དུང་ཕྱུར་ཡན་གྱི་གཙོ་གནད་རྣམ་གྲངས110ལག་བསྟར་བྱས་པ་དང་། ཐོན་ལས་གསུམ་གྱི་བསྡུར་ཚད་སྤྱི་ལོ2016ལོའི25.2:44.8:30ནས25:39.4:35.6བར་ལེགས་སྒྲིག་བྱས་ཡོད།
6
འགྲིམ་འགྲུལ་སྐྱེལ་འདྲེན།
ཞིན་ལུང་རྫོང་ནས་པེ་ཅིང་གྲོང་ཁྱེར་དང་བར་ཐག་སྤྱི་ལེ165དང་ཐེན་ཅིན་གྲོང་ཁྱེར་དང་བར་ཐག་སྤྱི་ལེ170ཡོད། ཐང་ཧྲན་གྲོང་ཁྱེར་དང་བར་ཐག་སྤྱི་ལེ150ཡོད་པ་དང་པེ་ཅིང་རྒྱལ་སའི་རྒྱལ་སྤྱིའི་གནམ་ཐང་དང་ཐེན་ཅིན་རྒྱལ་སྤྱིའི་གྲུ་ཁ་དང་ཆ་སྙོམས་ཆུ་ཚོད2ཀྱང་ཟིན་གྱི་མེད།
7
སྤྱི་ཚོགས་ལས་དོན།
7_1
སློབ་གསོའི་བྱ་གཞག
སྤྱི་ལོ2018ལོའི་བར་ཞིན་ལུང་རྫོང་གིས་རྣམ་གྲངས23མཐུད་སྐྲུན་བྱས་པ་རེད། ཨར་སྐྲུན་གྱི་སྤྱིའི་རྒྱ་ཁྱོན་ལ་སྨི་གྲུ་བཞི་མ38462ཟིན་པ་དང་སྤྱིའི་མ་དངུལ་སྒོར་ཁྲི7785ཟིན་ཡོད། མ་དངུལ་སྒོར་ཁྲི214.04བཏང་ཡོད། རྫོང་ཡོངས་ཀྱི་སློབ་གྲྭ་འབྲིང་ཆུང་ལ་གློག་ཀླད114ཉོས་ནས་འཕྲུལ་འཁོར181ཚོད་འཛིན་བྱས་པ་རེད། སྤྱི་ལོ2018ལོར་མཐོ་རྒྱུགས་ནང་སློབ་མ238ཡོད་པ་རེད། དངོས་གཞིའི་ཚན་ཁག་གི་སློབ་མ801ཡོད་པ་དང་། དེབ་གཅིག་དྲ་ཞུགས་བྱེད་ཚད27.1%ཟིན་ཡོད། གཉིས་ནས་དྲ་ཐོག་ཏུ་ཞུགས་ཚད91.2%ཡིན་པ་དང་། སྐར་མ600ཡན་གྱི་སྐར་གྲངས་མཐོ་བའི་མི་གྲངས42ཟིན། སྤྱི་ལོ2017ལོ་དང་བསྡུར་ན་མི32འཕར་ཡོད། 211.985སློབ་གྲྭ་ཆེན་མོ་ནས་བསྡུ་ལེན་བྱས་པའི་མི་གྲངས44ཟིན་ཡོད།
7_2
ཚན་རིག་ལག་རྩལ།
སྤྱི་ལོ2018ལོའི་ཟླ12པའི་བར། རྫོང་དེ་ཡོངས་ཀྱི་ཁེ་བེད་བདག་ཐོབ་འདུན་ཞུ་བྱེད་ཚད52(དེའི་ནང་གསར་གཏོད་ཀྱི་ཁེ་བེད་བདག་ཐོབ16ཡོད་པ)དང་ཁེ་བེད་བདག་ཐོབ་སྤྲོད་ཚད29ཡོད་པ་རེད། དེའི་ནང་གསར་གཏོད་ཀྱི་ཁེ་བེད་བདག་ཐོབ5ཡོད་པ་དང་། རྫོང་ཡོངས་སུ་གོ་ཆོད་ཀྱི་གསར་གཏོད་ཁེ་བེད་བདག་ཐོབ27ཡོད་པ་དང་། མི་ཁྲིའི་ཁེ་བེད་བདག་ཐོབ་0.84ཡོད། ཟླ10པར་རྫོང་དེ་ཡོངས་ཀྱི་མཐོ་གསར་ལག་རྩལ་ཁེ་ལས2མང་དུ་ཕྱིན་པ་དང་རྫོང་དེ་ཡོངས་ཀྱི་ཁེ་ལས4ཡོད། ཚན་རྩལ་རྣམ་པའི་ཁེ་ལས་འབྲིང་ཆུང23གསར་འཕར་བྱུང་བ་དང་། རྫོང་ཡོངས་ཀྱི་ཁེ་ལས128ཟིན་ཡོད། ཚན་རྩལ་ཅན་གྱི་ཁེ་ལས་ཆུང་འབྲིང་གི་འཕར་ཚད22%ཟིན་ནས་སྔོན་དཔག་བྱས་ན་ལོ་མཇུག་ཏུ་སླེབས་རྒྱུ་རེད།
7_3
སྨན་བཅོས་འཕྲོད་བསྟེན།
སྤྱི་ལོ2017ལོར་ཞིན་ལུང་རྫོང་གིས་མ་དངུལ་སྒོར་ཁྲི1968གྲབས་གསོག་བྱས་ནས་སྨན་བཅོས་རོགས་སྐྱོབ་མི་ཐེངས་ཁྲི1.57བྱས་པ་རེད།
7_4
སྤྱི་ཚོགས་འགན་སྲུང་།
སྤྱི་ལོ2018ལོའི་ཟླ12པའི་བར། ཞིན་ལུང་རྫོང་གིས་གྲོང་ཁྱེར་དང་གྲོང་རྡལ་གྱི་མ་མཐའི་འཚོ་བ་འགན་ལེན་བྱ་ཡུལ་ལ་མ་མཐའི་འཚོ་བའི་འགན་ལེན་རིན་གོང་གི་གནས་སྐབས་ཁ་གསབ་དངུལ་སྒོར་ཁྲི13.66སྤྲད་པ་དང་གྲོང་གསེབ་ཀྱི་མ་མཐའི་འཚོ་བ་འགན་ལེན་བྱ་ཡུལ་ལ་མ་མཐའི་འཚོ་བའི་འགན་ལེན་རིན་གོང་གི་གནས་སྐབས་ཁ་གསབ་དངུལ་སྒོར་ཁྲི43.26སྤྲད་པ་རེད། རིམ་རྩིས་བྱས་ན་གྲོང་ཁྱེར་དང་གྲོང་གསེབ་ཀྱི་མ་མཐའི་འཚོ་བའི་འགན་ལེན་དངུལ་སྒོར་ཁྲི2215.69སྤྲད་པ་དང་རིམ་རྩིས་བྱས་ན་ནད་གཡོག་ཁ་གསབ་སྒོར་ཁྲི84.38སྤྲད་པ་རེད། རྫོང་དེར་དམིགས་བསལ་དཀའ་ངལ་ཡོད་པའི་བསྙེན་བཀུར་མི་སྣ2463ཡོད་པ་རེད། དེའི་ནང་ཁ་ཐོར་བསྙེན་བཀུར་བྱས་པའི་མི་གྲངས2370དང་གཅིག་སྡུད་བསྙེན་བཀུར་བྱས་པའི་མི་གྲངས་93ཡོད་པ་དང་རིམ་རྩིས་བྱས་ན་བསྙེན་བཀུར་དངུལ་སྒོར་ཁྲི1236.09སྤྲད་པ་རེད།
8
གཟི་བརྗིད་མཚན་སྙན།
སྤྱི་ལོ2017ལོའི་ཟླ11པའི་ཚེས28ཉིན་ཞིན་ལུང་རྫོང་ལ་ཞིང་ལས་པུའི་སྤྱི་ལོ2017ལོའི་རྒྱལ་ཡོངས་ཀྱི་སོས་དལ་ཞིང་ལས་དང་གྲོང་གསེབ་ཡུལ་སྐོར་དཔེ་སྟོན་རྫོང་གི་མཚན་སྙན་ཐོབ།
སྤྱི་ལོ2018ལོའི་ཟླ4པའི་ཚེས21ཉིན་ཞིན་ལུང་རྫོང་ལ“རྒྱལ་ཡོངས་ཀྱི་སྣོད་བཅུད་ཤེས་དཔལ་གྲོང་ཁྱེར་རྩེ་གྲ་བཅུའི”གཟི་བརྗིད་མཚན་སྙན་ཐོབ།
སྤྱི་ལོ2019ལོའི་ཟླ2པའི་ཚེས2ཉིན་རྒྱལ་ཁབ་ཀྲུང་ལུགས་གསོ་རིག་དོ་དམ་ཅུས་ཀྱིས་རྫོང་རིམ་པའི་རྒྱལ་ཡོངས་ཀྱི་གཞི་རིམ་ཀྲུང་ལུགས་གསོ་རིག་ལས་དོན་གྱི་སྔོན་ཐོན་ཚན་པར་བདམས།
སྤྱི་ལོ2019ལོའི་ཟླ5པའི་ཚེས18ཉིན་ཞིན་ལུང་རྫོང་དེ“སྤྱི་ལོ2019ལོའི་ཀྲུང་གོའི་རྫོང་ཁོངས་མཛེས་ཤོས་ཀྱི་མིང་ཐོའི”ནང་བདམས།
སྤྱི་ལོ2019ལོའི་ཟླ11པའི་ཚེས14ཉིན་ཞིན་ལུང་རྫོང་སྣོད་བཅུད་ཁོར་ཡུག་པུས་ཁག་གསུམ་པའི་རྒྱལ་ཁབ་སྣོད་བཅུད་ཤེས་དཔལ་འཛུགས་སྐྱོང་དཔེ་སྟོན་གྲོང་ཁྱེར་དང་རྫོང་དུ་བདམས།
སྤྱི་ལོ2020ལོའི་ཀྲུང་གོའི་དབྱར་དུས་སྤྲོ་གསེང་རྫོང་གྲོང་ཁྱེར་དུ་བདམས།
སྤྱི་ལོ2020ལོའི་ཟླ5པར་སྤྱི་ལོ2020ལོའི་ཀྲུང་གོའི་རྫོང་ཁོངས་ཀྱི་སྣོད་བཅུད་ཀུན་བཟང་མིང་ཐོའི་ནང་ཚུད་ཡོད།
དཔྱད་གཞིའི་ཡིག་ཆ།