ཁྲོན་ཧྲན་ཆུས།སྔ་མའི་པར་གཞི་དེ རྒྱ་ལོ་རྟ་མགྲིན་ཚེ་བརྟན། ནས 2020-06-02 17:22ལ་འགྲུབ།
ཁྲོན་ཧྲན་ཆུས།
ཁྲོན་ཧྲན་ཆུས།
ཁྲོན་ཧྲན་ཆུས་ནི་སི་ཁྲོན་ཞིང་ཆེན་སུའེ་ཉིང་གྲོང་ཁྱེར་གྱི་ཁོངས་སུ་ཡོད་པའི་ཆུས་ཤིག་ཡིན་པ་དང་། སྤྱི་ལོ2003ལོར་རྒྱལ་སྲིད་སྤྱི་ཁྱབ་ཁང་གི་ཆོག་མཆན་ཐོབ་པ་བརྒྱུད་དེ་སྔའི་གྲོང་ཁྱེར་དབུས་ཆུས་རྫོང་རིམ་པའི་སྲིད་འཛིན་ཆུས་ཤིག་ཏུ་བསྒྱུར། སུའེ་ཉིང་གྲོང་ཁྱེར་གྱི་ཆབ་སྲིད་དང་དཔལ་འབྱོར། རིག་གནས་བཅས་ཀྱི་ལྟེ་གནས་ཤིག་ཀྱང་ཡིན། རྒྱ་ཁྱོན་སྤྱི་ལེ་གྲུ་བཞི་མ618ཡོད་པ་དེའི་ཁོངས་སུ་ཤང5དང་གྲོང་རྡལ7 ཁྲོམ་གཞུང་དོན་གཅོད་ཁྲུའུ14ཡོད་པ་དང་སྤྱིའི་མི་གྲངས་ཁྲི72ཡོད་པ་རེད།
ཁྲིན་ཏུའུ་དང་ཁྲུང་ཆིང་དཔལ་འབྱོར་ཁུལ་གྱི་ལྟེ་བའི་ཁུལ་དུ་གནས་པ་དང་། དེ་ནི་ཁྲིན་ཏུའུ་དང་ཁྲུང་ཆིང་གི་དཔལ་འབྱོར་ཁུལ་གྱི་ལྟེ་བའི་གྲོང་ཁྱེར་གལ་ཆེན་ཞིག་ཡིན་ཞིང་། ལོ་ལྟར་ཀོང་ཁྲེང་དང་ཁྲུང་ཆིང་གི་དཔལ་འབྱོར་ཁུལ་ཚོང་ཚོགས་ཀྱི་མཉམ་ལས་དབུ་ཚོགས་འཚོག་བཞིན་ཡོད། དེ་ནི་ཀྲུང་གོའི་ཤར་རྒྱུད་དང་ནུབ་རྒྱུད་ས་ཁུལ་གྱི་ཐོན་ལས་གཞན་སྒྱུར་གྱི་འབྲེལ་མཐུད་ས་ཁོངས་གལ་ཆེན་ཞིག་རེད། ཁྲོན་ཧྲན་ཆུས་ནི་རྒྱལ་ཁབ་ཀྱི་ཤེས་བྱའི་ཐོན་དབང་སྟོབས་ཆེའི་རྫོང་གི་ལས་གྲྭའི་དཔེ་སྟོན་རྫོང(ཆུས)ཡིན། སྤྱི་ལོ2018ལོའི་ཟླ10པའི་ཚེས22ཉིན་སྤྱི་ལོ2018ལོའི་རྒྱལ་ཡོངས་གྲོང་གསེབ་ཀྱི་ཐོན་ལས་དང་པོ་དང་། གཉིས་པ། གསུམ་པ་བཅས་མཉམ་འདྲེས་འཕེལ་རྒྱས་ཀྱི་སྣེ་ཁྲིད་ཁུལ་གཏོད་པའི་མིང་ཐོར་བདམས།
སྔ་རྗེས་སུ“རྒྱལ་ཁབ་ཀྱི་འཕྲོད་བསྟེན་གྲོང་ཁྱེར”དང་། “ཀྲུང་གོའི་ཕུལ་བྱུང་གི་ཡུལ་སྐོར་གྲོང་ཁྱེར” “ཀྲུང་གོའི་སྤྱན་རས་གཟིགས་ཀྱི་རིག་གནས་ཕ་ཡུལ”བཅས་ཀྱི་སྙན་གྲགས་ལྡན།
གཞི་རྩའི་གནས་ཚུལ།
བོད་ཡིག་གི་མིང་།
ཁྲོན་ཧྲན་ཆུས།
རྒྱ་ཡིག་གི་མིང་།
船山区
ཕྱི་ཡིག་གི་མིང་།
Chuanshan District
སྲིད་འཛིན་ས་ཁོངས་ཀྱི་རིགས་དབྱེ།
གྲོང་ཁྱེར་ཁོངས་གཏོགས་ཆུས།
ཁོངས་གཏོགས་ས་ཁུལ།
སི་ཁྲོན་ཞིང་ཆེན་སུའེ་ཉིང་གྲོང་ཁྱེར།
མངའ་ཁོངས།
ཤང5 གྲོང་རྡལ7 ཁྲོམ་གཞུང14
སྲིད་གཞུང་སྡོད་གནས།
ཅ་ཧོ་ཤར་ལམ་ཨང་རྟགས55པ།
ས་ཁོངས་ཁ་པར་ཨང་རྟགས།
0825
སྦྲག་སྲིད་ཚབ་ཨང་།
629000
རྒྱ་ཁྱོན།
སྟོང་སྨི་གྲུ་བཞི་མ618
མི་གྲངས།
ཁྲི68.99（སྤྱི་ལོ2009ལོ）
ནམ་ཟླ།
ཚ་ཁུལ་ཕལ་བའི་དུས་རླུང་གི་བརླན་བཤེར་ཅན་གྱི་ནམ་ཟླ།
རླངས་འཁོར་ཚབ་ཨང་།
川J
སྲིད་འཛིན་ཚབ་ཨང་།
511003
མེ་འཁོར་འབབ་ཚིགས།
སུའེ་ཉིང་མེ་འཁོར་འབབ་ཚིགས།
དཀར་ཆག
1
ལོ་རྒྱུས་འཕེལ་རིམ།
ཀྲུང་གོ་གསར་བ་དབུ་བརྙེས་རྗེས། སྤྱི་ལོ1950ལོའི་ཟླ1པོར་སུའེ་ཉིང་རྫོང་བཙུགས་པ་དང་། སི་ཁྲོན་བྱང་ཁུལ་སྲིད་འཛིན་ཀུང་ཧྲུའུ་སུའེ་ཉིང་ཡན་ལག་ཁུལ་གྱི་ཁོངས་སུ་གཏོགས། དེང་སང་ཁྲོན་ཧྲན་ཆུས་གྱི་ས་ཁོངས་དེ་སུའེ་ཉིན་ཡན་ལག་དམག་ཁུལ་ཁང་ཁོངས་སུའེ་ཉིན་རྫོང་ལ་གཏོགས།
སྤྱི་ལོ1952ལོའི་ཟླ9པའི་ཚེས1ཉིན། སི་ཁྲོན་བྱང་ཁུལ་སྲིད་འཛིན་ཀུང་ཧྲུའུ་མེད་པར་བཟོས། སུའེ་ཉིང་རྫོང་སི་ཁྲོན་ཞིང་ཆེན་སུའེ་ཉིང་ཀྲོན་ཆུས་སུ་གཏོགས། དེང་སང་ཁྲོན་ཧྲན་ཆུས་ནི་སི་ཁྲོན་ཞིང་ཆེན་ཁོངས་སུའེ་ཉིན་ཀྲོན་ཆུས་སུའེ་ཉིན་རྫོང་གི་ཁོངས་སུ་གཏོགས།
སྤྱི་ལོ1958ལོའི་ཟླ10པར་སུའེ་ཉིང་ཀྲོན་ཆུས་མེན་དབྱང་ཀྲོན་ཆུས་སུ་བསྒྱུར་པ་དང་། སུའེ་ཉིང་རྫོང་དེ་སི་ཁྲོན་ཞིང་ཆེན་མཆན་དབྱང་ས་ཁུལ་གྱི་ཁོངས་སུ་བསྒྱུར།
སྤྱི་ལོ1968ལོའི་ཟླ9པར་སུའེ་ཉིང་རྫོང་དེ་མེན་དབྱང་ཀྲོན་ཆུས་ཀྱི་ཁོངས་སུ་བཅུག སུའེ་ཉིང་རྫོང་སི་ཁྲོན་ཞིང་ཆེན་མེན་དབྱང་ཀྲོན་ཆུས་སུ་གཏོགས།
སྤྱི་ལོ1985ལོའི་ཟླ2པར། མེན་དབྱང་ས་ཁུལ་དུ་མེན་དབྱང་དང་ཀོང་ཡོན། ཏེ་དབྱང་། སུའེ་ཉིང་བཅས་ཞིང་ཆེན་གྱི་ཐད་གཏོགས་གྲོང་ཁྱེར་བཞི་བཙུགས། ཟླ5པར། སུའེ་ཉིང་རྫོང་དེ་སུའེ་ཉིང་གྲོང་ཁྱེར་གྱི་གྲོང་དབུས་ཆུས་སུ་བསྒྱུར། ད་ལྟའི་ཁྲོན་ཧྲན་ཆུས་གྱི་མངའ་ཁོངས་དེ་སུའེ་ཉིང་གྲོང་ཁྱེར་གྱི་གྲོང་དབུས་ཆུས་ཀྱི་ཁོངས་སུ་བཅུགཛ
2
སྲིད་འཛིན་ཁོངས་བགོས།
སྤྱི་ལོ2016ལོའི་བར། གྲུ་ཁུལ་ཁོངས་གཏོགས་ཀྱི་ཁྲོམ་གཞུང14(ཁའེ་ཞོན་ལམ་ཁྲོམ་གཞུང་། ཀའོ་ཧྲེང་ཁྲོམ་གཞུང་། ཀྲེན་ཅང་དགོན་ཁྲོམ་གཞུང་། ཡུས་ཚའེ་ལམ་ཁྲོམ་གཞུང་། ཅེ་ཕུའུ་ལམ་ཁྲོམ་གཞུང་། ཅ་ཧོ་ཁྲོམ་གཞུང་། ཀོང་ཏེ་དགོན་ཁྲོམ་གཞུང་། ཧྥུའུ་ཡོན་ལམ་ཁྲོམ་གཞུང་། ནན་ཆང་ཁྲོམ་གཞུང་། ལུང་ཕིང་ཁྲོམ་གཞུང་། ལིན་ཆོན་དགོན་ཁྲོམ་གཞུང་། ཚི་དབྱིང་ཁྲོམ་གཞུང་། ཅིའུ་ལེན་ཁྲོམ་གཞུང)དང་། གྲོང་རྡལ7(ལུང་ཧྥུང་གྲོང་རྡལ་དང་། རིན་ལི་གྲོང་རྡལ། ཧྥུའུ་ཆའོ་གྲོང་རྡལ། ཡུང་ཤིན་གྲོང་རྡལ། ཧོ་ཧྲ་གྲོང་རྡལ། ཤིན་ཆའོ་གྲོང་རྡལ། ཀུའེ་ཧྭ་གྲོང་རྡལ) ཤང5 (ཟི་ལིང་ཤང་། ལའོ་ཁྲི་ཤང་། པའོ་ཧྲེང་ཤང་། ཐང་གི་ཕ་ཡུལ། པེ་ཀུའུ་ཤང་)བཅས་ཡོད་པ་རེད།
3
མི་གྲངས་གནས་ཚུལ།
སྤྱི་ལོ2016ལོའི་ལོ་མཇུག་ཏུ་ཁྲོན་ཧྲན་ཆུས་དུ་སྤྱིའི་མི་གྲངས་ཁྲི72.03ཙམ་ཡོད་པ་དང་རྒྱུན་སྡོད་མི་གྲངས་ཁྲི67.15ཙམ་ཡོད་ཅིང་། ཆུས་ཡོངས་སུ་ཧུའེ་རིགས་དང་། བོད་རིགས། སོག་རིགས། མིའོ་རིགས། དབྱིས་རིགས། ཀྲོང་རིགས། ཡུ་རིགས། ཡུ་གུར་རིགས། ཀའོ་ཧྲན་རིགས་སོགས་གྲངས་ཉུང་མི་རིགས་མང་པོ་རྒྱ་རིགས་ཀྱི་ཁྲོད་དུ་ཁ་ཐོར་དུ་གནས་པས། གཅིག་འདུས་སྡོད་ཁུལ་མར་ཆགས་མེད།
4
དཔལ་འབྱོར་རགས་བཤད།
ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར། (GDP)སྤྱི་ལོ2016ལོར་ཁྲོན་ཧྲན་ཆུས་དུ་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར(GDP)སྒོར་དུང་ཕྱུར286.31ལ་སླེབས་པ་དེ་ལོ་གོང་མ་ལས9.6%འཕར་ཡོད། དེའི་ནང་ཐོན་ལས་དང་པོའི་འཕར་ཐང་སྒོར་དུང་ཕྱུར15.38ལ་སླེབས་ནས1.9%འཕར་བ་དང་། དཔལ་འབྱོར་འཕར་རྒྱུར་སྐྱེས་འབུལ་ཚད1.2%ལ་སླེབས་ནས་དཔལ་འབྱོར་འཕར་ཚད0.1%ལ་སྐུལ་ཁྲིད་ཐུབ། ཐོན་ལས་གཉིས་པའི་འཕར་ཐང་སྒོར་དུང་ཕྱུར161.77ལ་སླེབས་ནས་8.6%འཕར་བ་དང་དཔལ་འབྱོར་འཕར་རྒྱུར་ལེགས་སྐྱེས་འབུལ་ཚད་51.4%ལ་སླེབས་ནས་དཔལ་འབྱོར་འཕར་ཚད4.9%ལ་སྐུལ་ཁྲིད་བྱས། ཐོན་ལས་གསུམ་པའི་འཕར་ཐང་སྒོར་དུང་ཕྱུར109.16ལ་སླེབས་ནས12.3%འཕར་ཏེ་དཔལ་འབྱོར་འཕར་རྒྱུར་སྐྱེས་འབུལ་ཚད47.4%ལ་སླེབས་པ་དང་དཔལ་འབྱོར་འཕར་ཚད4.6%འཕར་རྒྱུར་སྐུལ་ཁྲིད་ཐུབ་ཡོད། ཆུས་ཡོངས་ཀྱི་དཔལ་འབྱོར་སྤྱི་འབོར་ཁྲོད་ཀྱི་ཐོན་ལས་གྲུབ་ཆ་དང་པོ་དང་། གཉིས་པ། གསུམ་པ་བཅས་ཀྱི་བསྡུར་ཚད་དེ་ལོ་གོང་མའི6.0:56.9:37.1ནས5.4:56.5:38.1བར་ལེགས་སྒྲིག་བྱས་ཡོད། མི་རེའི་ཆ་སྙོམས་ཀྱི་ས་ཁུལ་ཐོན་སྐྱེད་རིན་ཐང་བསྡོམས་འབོར་སྒོར42733ཡིན་པས9.1%འཕར་ཡོད།
སྤྱི་ལོ2016ལོར་ཆུས་ཡོངས་ཀྱི་དམངས་གཉེར་དཔལ་འབྱོར་གྱི་རིན་ཐང་འཕར་མ་སྒོར་དུང་ཕྱུར184.4ལ་སླེབས་ནས9.4%འཕར་བ་དང་། དམངས་གཉེར་དཔལ་འབྱོར་འཕར་བས་GDPའཕར་རྒྱུར་སྐྱེས་འབུལ་ཚད62.7%ལ་སླེབས་ནས་དཔལ་འབྱོར་འཕར་རྒྱུར་སྐུལ་ཁྲིད་ཐུབ་ཡོད།
སྤྱི་ལོ2016ལོར་ཆུས་ཡོངས་ཀྱི་གྲོང་མིའི་འཛད་སྤྱོད་རིན་གོང་གི་སྤྱིའི་ཆུ་ཚད(CPI)ལོ་གོང་མ་ལས1.4%འཕར་བའི་ནང་བཟའ་བཅའི་ཐ་མག་དང་ཨ་རག་རིགས་ཀྱི་རིན་གོང3.9%འཕར་བ་དང་། གྱོན་ཆས་0.4%འཕར། སྡོད་གནས་རིགས་0.1%འཕར། འཚོ་བའི་མཁོ་ཆས་དང་ཞབས་ཞུའི་རིགས0.2%མར་ཆག འགྲིམ་འགྲུལ་དང་འཕྲིན་གཏོང་རིགས0.9%མར་ཆག སློབ་གསོ་རིག་གནས་དང་རོལ་རྩེད་རིགས་ཀྱི་རིན་གོང0.2%འཕར། སྨན་བཅོས་འཕྲོད་སྦྱོར་རིགས2.5%འཕར། མཁོ་ཆས་དང་ཞབས་ཞུ་གཞན་དག2.1%འཕར་བ་བཅས་རེད།
སྤྱི་ལོ2016ལོར་ས་གནས་ནོར་སྲིད་ཀྱི་ཡོང་འབབ་སྒོར་དུང་ཕྱུར15.4བྱུང་ནས24.4%འཕར་ཡོད། ས་གནས་ནོར་སྲིད་ཀྱི་སྤྱིར་བཏང་སྔོན་རྩིས་གཏོང་སྒོ་སྒོར་དུང་ཕྱུར39.09ཡིན་པས16.3%འཕར་ཡོད།
4_1
ཐོན་ལས་དང་པོ།
སྤྱི་ལོ2016ལོར་ཆུས་ཡོངས་ཀྱི་ཞིང་ལས། ནགས་ལས། འབྲོག་ལས། ཉ་ལས་བཅས་སྤྱི་ཁྱབ་ཐོན་རྫས་རིན་ཐང་སྒོར་དུང་ཕྱུར29.06ལ་སླེབས་ནས་ལོ་གོང་མ་ལས3.18%འཕར་ཡོད། དེའི་ནང་ཞིང་ལས་ཀྱི་ཐོན་རྫས་རིན་ཐང་སྒོར་དུང་ཕྱུར13.2ལ་སླེབས་ནས4.11%འཕར་བ་དང་། ནགས་ལས་ཀྱི་ཐོན་རྫས་རིན་ཐང་སྒོར་དུང་ཕྱུར1.03ལ་སླེབས་ནས4.25%འཕར། འབྲོག་ལས་ཀྱི་ཐོན་རྫས་རིན་ཐང་སྒོར་དུང་ཕྱུར13.16ལ་སླེབས་ནས2.03%འཕར། ཉ་ལས་ཀྱི་ཐོན་རྫས་རིན་ཐང་སྒོར་དུང་ཕྱུར1.08ལ་སླེབས་ནས3.97%འཕར། ཞབས་ཞུའི་ལས་རིགས་ཀྱི་ཐོན་རྫས་རིན་ཐང་སྒོར་དུང་ཕྱུར0.58ལ་སླེབས་ནས3.76%འཕར་ཡོད། སྤྱི་ལོ2016ལོར་ཁྲོན་ཧྲན་ཆུས་གྱི་ཞིང་ལས། ནགས་ལས། འབྲོག་ལས། ཉ་ལས་བཅས་ཀྱི་རིན་ཐང་འཕར་མ་སྒོར་དུང་ཕྱུར17.2ལ་སླེབས་ནས3.43%འཕར་ཡོད།
ལོ་ཧྲིལ་པོར་འབྲུ་རིགས་འདེབས་ཁྱོན་སྤྱི་ཆིང་ཁྲི2.53ལ་སླེབས་པ་དེ་དུས་མཚུངས་ལས0.1%མར་ཆག ལོ་ཧྲིལ་པོར་འབྲུ་རིགས་ཀྱི་སྤྱིའི་ཐོན་ཚད་ཏུན་ཁྲི13.11ལ་སླེབས་ནས1.0%འཕར་ཡོད། ལོ་ཧྲིལ་པོར་སྣུམ་རྒྱུའི་ལོ་ཏོག་འདེབས་ཁྱོན་སྤྱི་ཆིང་ཁྲི10.15ལ་སླེབས་ནས1.1%འཕར། ཐོན་ཚད་བསྡོམས་འབོར་ཏུན་ཁྲི2.66ལ་སླེབས་ནས2.01%འཕར་ཡོད། པད་ཁའི་འདེབས་ཁྱོན་སྤྱི་ཆིང་ཁྲི0.84ལ་སླེབས་ནས1.32%འཕར། ཐོན་ཚད་བསྡོམས་འབོར་ཏུན་ཁྲི2.3ལ་སླེབས་ནས1.88%འཕར་ཡོད། ལོ་ཧྲིལ་པོར་སྔོ་ཚལ་འདེབས་ཁྱོན་སྤྱི་ཆིང་ཁྲི0.69ལ་སླེབས་ནས0.67%འཕར། ཐོན་འབབ་ཏུན་ཁྲི26.13ལ་སླེབས་ནས0.78%འཕར་བ་དང་། ཤིང་ཏོག(ཀྭ་རིགས་ཚུད་པ)ཐོན་ཚད་ཏུན་ཁྲི1.72ལ་སླེབས་ནས0.7%འཕར་ཡོད།
4_2
ཐོན་ལས་གཉིས་པ།
ཆུས་ཡོངས་ཀྱི་གཞི་ཁྱོན་ཡན་གྱི་བཟོ་ལས་ཁེ་ལས་198ལ་སླེབས་ནས9.4%འཕར་ནས་གཞི་ཁྱོན་ཡན་གྱི་བཟོ་ལས་ཁེ་ལས་ཀྱི་སྤྱིའི་ཐོན་རྫས་རིན་ཐང་སྒོར་དུང་ཕྱུར621.04ལ་སླེབས་ནས11.9%འཕར། ཚད་ལོན་ཡན་གྱི་བཟོ་ལས་ཀྱི་འཕར་ཐང10.6%འཕར། ལོ་ཧྲིལ་པོར་གཞི་ཁྱོན་ཡན་གྱི་བཟོ་ལས་ཁེ་ལས་ལ་གཙོ་གཉེར་ལས་སྒོའི་ཡོང་འབབ་སྒོར་དུང་ཕྱུར545.95བྱུང་ནས11.8%འཕར། ཁེ་སྤོགས་སྒོར་དུང་ཕྱུར32.2ལ་སླེབས་ནས5.0%འཕར་ཡོད།
ཆུས་ཡོངས་ཀྱི་ཨར་ལས་སྤྱིའི་འགན་གཙང་ལེན་དང་ཆེད་ལས་འགན་གཙང་ལེན་གྱི་ཨར་ལས་ཁེ་ལས114 བཟོ་སྐྲུན་ལས་རིགས་ཀྱི་ཐོན་རྫས་རིན་ཐང་སྒོར་དུང་ཕྱུར98.19ལ་སླེབས་ནས15%འཕར་ཡོད།
4_3
ཐོན་ལས་གསུམ་པ།
སྤྱི་ལོ2016ལོར་སྤྱི་ཚོགས་ཡོངས་ཀྱི་གཏན་འཇགས་རྒྱུ་ནོར་ལ་མ་དངུལ་སྒོར་དུང་ཕྱུར459.48བཏང་ནས12.0%འཕར་ཡོད།
སྤྱི་ལོ2016ལོར་ཆུས་ཡོངས་སུ་ཨར་ལས་རྣམ་གྲངས525ཡོད་པ་དེ་ལོ་གོང་མ་ལས5.2%འཕར། གསར་དུ་ལས་འགོ་ཚུགས་པའི་རྣམ་གྲངས385ཡོད་པ་དང་། ལོ་ཧྲིལ་པོར་ལས་མཇུག་འགྲིལ་ནས་ཐོན་སྐྱེད་བྱེད་འགོ་ཚུགས་པའི་རྣམ་གྲངས327ཡོད་པ་རེད།
ལོ་ཧྲིལ་པོར་ས་ཁང་བདག་ཁོངས་ཀྱི་མ་དངུལ་སྒོར་དུང་ཕྱུར75.32བཏང་ནས28.5%འཕར་ནས་མ་འཇོག་བསྡོམས་འབོར་གྱི16.4%བཟུང་ཡོད། དེའི་ནང་སྡོད་ཁང་ལ་མ་དངུལ་སྒོར་དུང་ཕྱུར50.9བཏང་བ་དང་། ལོ་ཧྲིལ་པོར་སྡོད་ཁང་རྒྱ་ཁྱོན་སྨི་གྲུ་བཞི་མ་ཁྲི618.6ལ་སླེབས་པའི་ནང་སྡོད་ཁང་རྒྱ་ཁྱོན་སྨི་གྲུ་བཞི་མ་ཁྲི417.9ལ་སླེབས་པ་དང་སྡོད་ཁང་རྒྱ་ཁྱོན་སྨི་གྲུ་བཞི་མ་ཁྲི72.7ལ་སླེབས་ཡོད།
ལོ་ཧྲིལ་པོར་སྤྱི་ཚོགས་ཀྱི་འཛད་རྫས་སིལ་ཚོང་བསྡོམས་འབོར་སྒོར་དུང་ཕྱུར165.44ལ་སླེབས་ནས12.9%འཕར་ཡོད། གྲོང་ཁྱེར་དང་གྲོང་གསེབ་ཀྱི་ཚོང་ར་མཐུན་སྦྱོར་ངང་འཕེལ་རྒྱས་བཏང་བ་དང་། གྲོང་ཁྱེར་དང་གྲོང་རྡལ་དུ་སིལ་འཚོང་བྱས་གྲངས་སྒོར་དུང་ཕྱུར137.9ལ་སླེབས་པས12.6%འཕར་ཡོད། གྲོང་གསེབ་ཏུ་སིལ་ཚོང་བྱེད་ཚད་སྒོར་དུང་ཕྱུར27.54ལ་སླེབས་ནས13.7%འཕར་ཡོད།
ལས་རིགས་དབྱེ་ནས་བལྟས་ན། སྡེབ་ཚོང་སིལ་ཚོང་ལས་རིགས་ཀྱི་སིལ་ཚོང་དངུལ་འབོར་སྒོར་དུང་ཕྱུར18.13ལ་སླེབས་ནས13%འཕར། སིལ་ཚོང་ལས་རིགས་ལ་སྒོར་དུང་ཕྱུར117.69བྱུང་ནས12.7%འཕར། ཞག་སྡོད་ལས་རིགས་ལ་སྒོར་དུང་ཕྱུར5.31བྱུང་ནས13.2%འཕར། བཟའ་བཏུང་ལས་རིགས་ལ་སྒོར་དུང་ཕྱུར24.31བྱུང་ནས13.6%འཕར་ཡོད། སྤྱི་ལོ2016ལོར་བཅད་གྲངས་ཡན་གྱི་ཚོང་དོན་ཁེ་ལས་ལ་འཛད་རྫས་སིལ་ཚོང་བྱེད་ཚད་སྒོར་དུང་ཕྱུར112.13ལ་སླེབས་པ་དེ་དུས་མཚུངས་ལས12.4%འཕར་ཡོད།
ལོ་ཧྲིལ་པོར་ཕྱིར་གཏོང་ནང་འདྲེན་བསྡོམས་འབོར་ཨ་སྒོར་ཁྲི29343ལ་སླེབས་པ་དེ་སྔ་ལོ་ལས17.2%མར་ཆག་ཡོད།
སྤྱི་ལོ2016ལོར། ལོ་ཧྲིལ་པོར་ཆུས་ཡོངས་ཀྱིས་རྒྱལ་ནང་གི་ཡུལ་སྐོར་བ་མི་ཐེངས་ཁྲི1316.6ལ་སྣེ་ལེན་ཞུས་པ་དང་རྒྱལ་ནང་གི་ཡུལ་སྐོར་ཡོང་འབབ་སྒོར་དུང་ཕྱུར98.8ལ་སླེབས། རྒྱལ་ནང་དུ་ཡུལ་སྐོར་དུ་ཡོང་མཁན་མི་གྲངས330ཡོད། དེའི་ནང་ཕྱི་རྒྱལ་བ285དང་། ཤང་ཀང་དང་། ཨའོ་མོན། ཐའེ་ཝན་བཅས་ཀྱི་སྤུན་ཟླ45ཡོད། ཆུས་ཡོངས་ཀྱིAརིམ་པའི་ཡུལ་སྐོར་མཛེས་ཆུས་ཁུལ་གྱི་རྒྱ་ཁྱོན་སྤྱི་ལེ་གྲུ་བཞི་མ4.76ལ་སླེབས་པ་དངAརིམ་པའི་ཡུལ་སྐོར་མཛེས་ཆུས་ཁུལ་གྱི་ཡུལ་སྐོར་བ་མི་ཐེངས་ཁྲི1357ལ་སླེབས་ནས་ཡུལ་སྐོར་མཛེས་ཆུས་ཁུལ་གྱི་གཉེར་སྐྱོང་ཡོང་འབབ་སྒོར་ཁྲི18825.62བྱུང་ཡོད།
ལོ་ཧྲིལ་པོར་གཞུང་ལམ་ཐོག་འགྲུལ་སྐྱེལ་བྱེད་ཚད་སྤྱི་ལེ་ཁྲི་56028.98ལ་སླེབས་ནས་དུས་མཚུངས་ལས་16.9%མར་ཆག ཟོག་འདྲེན་འཁོར་རྒྱུག་བྱེད་ཚད་སྤྱི་ལེ་ཁྲི201117ལ་སླེབས་ནས6.9%འཕར་ཡོད། ལོ་མཇུག་ཏུ་མངའ་ཁོངས་ནང་གི་གཞུང་ལམ་སྤྱིའི་ལམ་ཚད་སྤྱི་ལེ1402ལ་སླེབས་ཡོད།
ལོ་ཧྲིལ་པོར་སྦྲག་ཏར་གཙོ་གཉེར་ལས་སྒོའི་ཡོང་འབབ་སྒོར་ཁྲི67081ལ་སླེབས་པ་དེ་དུས་མཚུངས་ལས9.8%འཕར། ལོ་མཇུག་ཏུ་གཏན་འཇགས་ཁ་པར་སྤྱོད་མཁན་དུད་ཚང་ཁྲི14.31ལ་སླེབས་ནས3.8%འཕར། ལོ་མཇུག་ཏུ་སྒུལ་བདེའི་ཁ་པར་སྤྱོད་མཁན་དུད་ཚང་ཁྲི83.41ལ་སླེབས་ནས7.5%འཕར། ལོ་མཇུག་ཏུ་དྲ་སྦྲེལ་སྤྱོད་མཁན་དུད་ཚང་ཁྲི20.12ལ་སླེབས་ནས24.3%འཕར་ཡོད།
སྤྱི་ལོ2016ལོའི་ལོ་མཇུག་ཏུ་དངུལ་རྩའི་སྒྲིག་གཞིའི་བཅོལ་དངུལ་ལྷག་གྲངས་སྒོར་དུང་ཕྱུར584.83ལ་སླེབས་པ་དེ་ལོ་འགོ་ལས18.1%འཕར་ཡོད། ལོ་མཇུག་ཏུ་དངུལ་རྩའི་སྒྲིག་གཞིའི་དངུལ་བུན་ཁག་གི་ལྷག་གྲངས་སྒོར་དུང་ཕྱུར411.77ལ་སླེབས་པ་དེ་ལོ་འགོ་ལས8.6%འཕར་ཡོད།
དཔྱད་གཞིའི་ཡིག་ཆ།