ཁྲའོ་ཐེན་ཆུས།སྔ་མའི་པར་གཞི་དེ རྒྱ་ལོ་རྟ་མགྲིན་ཚེ་བརྟན། ནས 2020-06-03 16:51ལ་འགྲུབ།
ཁྲའོ་ཐེན་ཆུས།
ཁྲའོ་ཐེན་ཆུས།
ཁྲའོ་ཐེན་ཆུས་ནི་སི་ཁྲོན་ཞིང་ཆེན་ཀོང་ཡོན་གྲོང་ཁྱེར་གྱི་ཐད་སྐྱོང་ཆུས་ཤིག་ཡིན་པ་དང་ཆུས་ཡོངས་སུ་ཤང་གྲོང25ཡོད་པ་དང་། སྤྱིའི་མི་གྲངས་ཁྲི20ཡོད། མངའ་ཁོངས་རྒྱ་ཁྱོན་སྤྱི་ལེ་གྲུ་བཞི་མ1620ཡོད། རྨོ་ཞིང་རྒྱ་ཁྱོན་མུའུ་ཁྲི26ཡོད་པ་བཅས་རེད། དེ་ནི་ཆིན་ལིན་ལྷོ་ངོས་ཀྱི་སི་ཁྲོན་ལམ་གྱི་འགོ་ཚུགས་སའི་ཆབ་སྲིད་དང་། དཔལ་འབྱོར། རིག་གནས་བཅས་ཀྱི་ལྟེ་གནས་དང་པོ་དེ་ཡིན་ཞིང་། དེར“ཆིན་ཧྲུའུ་ཡི་གྲོང་རྡལ་གལ་ཆེན”དང“སི་ཁྲོན་བྱང་རྒྱུད་ཀྱི་འགག་སྒོ”ཞེས་འབོད་སྲོལ་ཡོད།
ཁྲའོ་ཐེན་ནི་ཐོག་མཐའ་བར་གསུམ་དུ་ལི་ཀྲོའུ་སྲིད་གཞུང་དང་ཀོང་ཡོན་ཧྥུ(ཀྲོའུ་དང་རྫོང)སྐྱོང་ཡུལ་ཡིན། ཀྲུང་གོ་གསར་བ་དབུ་བརྙེས་རྗེས། ཀོང་ཡོན་རྫོང་གི་མངའ་འོག་ཏུ་གཏོགས། སྤྱི་ལོ1989ལོར་རྒྱལ་སྲིད་སྤྱི་ཁྱབ་ཁང་གི་ཆོག་མཆན་ཐོབ་པ་བརྒྱུད་ཀོང་ཡོན་གྲོང་ཁྱེར་ཁྲའོ་ཐེན་ཆུས་བཙུགས།
སྤྱི་ལོ2018ལོའི་ཟླ9པའི་ཚེས25ཉིན་ཚོང་དོན་པུའི“སྤྱི་ལོ2018ལོའི་དྲ་ཐོག་ཚོང་དོན་གྲོང་གསེབ་ཏུ་ཁྱབ་གདལ་གཏོང་བའི་ཕྱོགས་བསྡུས་དཔེ་སྟོན་རྫོང”གི་གཟི་བརྗིད་མཚན་སྙན་ཐོབ་པ་རེད། སྤྱི་ལོ2019ལོའི་ཟླ1པའི་ཚེས9ཉིན་མ་ལིའུ་འཚེམ་དྲུབ་ལ་བརྟེན་ནས་སྤྱི་ལོ2018ལོ་ནས་སྤྱི་ལོ2020ལོའི་ལོ་འཁོར་གྱི“ཀྲུང་གོའི་དམངས་ཁྲོད་རིག་གནས་སྒྱུ་རྩལ་གྱི་ཕ་ཡུལ”གྱི་མིང་ཐོའི་ནང་ཚུད།
སྤྱི་ལོ2019ལོའི་ཟླ3པར་སྐོར་དང་པོའི་གསར་བརྗེའི་རིག་དངོས་སྲུང་སྐྱོང་བེད་སྤྱོད་གློག་བརྙན་དབྱེ་འབྱེད་རྫོང་གི་མིང་ཐོར་སླེབས་ཡོད། སྤྱི་ལོ2019ལོའི་ཟླ4པའི་ཚེས28ཉིན། སི་ཁྲོན་ཞིང་ཆེན་མི་དམངས་སྲིད་གཞུང་གིས་ཁྲའོ་ཐེན་ཆུས་དབུལ་ཐར་བྱུང་བར་ཆོག་མཆན་བཀོད།
གཞི་རྩའི་གནས་ཚུལ།
བོད་ཡིག་གི་མིང་།
ཁྲའོ་ཐེན་ཆུས།
རྒྱ་ཡིག་གི་མིང་།
朝天区
ཕྱི་ཡིག་གི་མིང་།
Chaotian Qu
སྲིད་འཛིན་ས་ཁོངས་ཀྱི་རིགས་དབྱེ།
གྲོང་ཁྱེར་ཁོངས་གཏོགས་ཆུས།
ཁོངས་གཏོགས་ས་ཁུལ།
སི་ཁྲོན་ཞིང་ཆེ་ཀོང་ཡོན་གྲོང་ཁྱེར།
མངའ་ཁོངས།
གྲོང་རྡལ6 ཤང19
སྲིད་གཞུང་སྡོད་གནས།
ཁྲའོ་ཐེན་གྲོང་རྡལ།
ས་ཁོངས་ཁ་པར་ཨང་རྟགས།
0839
སྦྲག་སྲིད་ཚབ་ཨང་།
628012
རྒྱ་ཁྱོན།
སྟོང་སྨི་གྲུ་བཞི་མ1618
མི་གྲངས།
ཁྲི24
ནམ་ཟླ།
ཚ་ཁུལ་ཕལ་བའི་དུས་རླུང་གི་བརླན་བཤེར་ཅན་གྱི་ནམ་ཟླ།
མེ་འཁོར་འབབ་ཚིགས།
ཁྲའོ་ཐེན་མེ་འཁོར་འབབ་ཚིགས།
གནམ་གྲུའི་ཐང་།
ཀོང་ཡོན་གནམ་གྲུའི་ཐང་།
དཀར་ཆག
1
ལོ་རྒྱུས་འཕེལ་རིམ།
སྤྱི་ལོ1949ལོའི་ཟླ12པའི་ཚེས13ཉིན། ཁྲའོ་ཐེན་ཆུས་ལ་བཅིངས་འགྲོལ་ཐོབ། སྤྱི་ལོ1950ལོའི་ལོ་སྟོད་ནས་སྤྱི་ལོ1952ལོའི་བར་སྔ་རྗེས་སུ་ཆུས་ཀུང་སུའོ་ལྔ་སྒྲིག་འཛུགས་བྱས་པ་དང་ཁོངས་གཏོགས་ཤང་དང་གྲོང་རྡལ28སོ་སོར་ཕྱེ་ཡོད།
སྤྱི་ལོ1986ལོའི་ཟླ10པའི་ཚེས30ཉིན། ཁྲའོ་ཐེན་ཆུས (རྫོང་རིམ་པ་དང་འདྲ)ནི་ཀོང་ཡོན་གྲོང་ཁྱེར་དབུས་ཁུལ་བཅོས་སྐྱོང་གི་ཁོངས་སུ་གཏོགས་པ་དང་། དེའི་ཁོངས་སུ་བྱང་ལམ་གྱི་ཁུལ་ཆུང་ལྔ་གཏོགས་ཤིང་། ཆུས་ཀུང་སུའུ་དེ་ཁྲའོ་ཐེན་གྲོང་རྡལ་དུ་བཅའ་སྡོད་བྱས་ཡོད།
སྤྱི་ལོ1989ལོའི་ཟླ8པའི་ཚེས15ཉིན། ཀོང་ཡོན་གྲོང་ཁྱེར་གྱི་གྲོང་ཁུལ་ཆུས་ཇེ་ཆུང་དུ་བཏང་ཞིང་། ཁྲའོ་ཐེན་དང་ཡོན་པ་རྫོང་རིམ་པའི་གྲོང་འདབས་ཆུས་གཉིས་བཙུགས་པ་དང་། ཀོང་ཡོན་གྲོང་ཁྱེར་མི་དམངས་སྲིད་གཞུང་གི་ཁོངས་སུ་གཏོགས་པ་དང་ཁྲའོ་ཐེན་ཆུས་སྲིད་གཞུང་གི་སྡོད་གནས་དང་མངའ་ཁོངས་སྔར་ལྟར་མི་འགྱུར་བ་རེད། འདི་ནི་ཀྲུང་གོ་གསར་བ་དབུ་བརྙེས་རྗེས་ཁྲའོ་ཐེན་མངའ་ཁོངས་སུ་བཙུགས་པའི་རྫོང་རིམ་པའི་མི་དམངས་སྲིད་གཞུང་དང་པོ་ཡིན།
2
སྲིད་འཛིན་ཁོངས་བགོས།
ཁྲའོ་ཐེན་ཆུས་ཁོངས་སུ་གྲོང་རྡལ6（ཁྲའོ་ཐེན་གྲོང་རྡལ། ཏ་ཐན་གྲོང་རྡལ། ཡངས་མོ་གྲོང་རྡལ། ཙེང་ཅ་གྲོང་རྡལ། ཀྲུང་ཙི་གྲོང་རྡལ། ཧྲ་ཧོ་གྲོང་རྡལ）དང་ཤང19（ཁྲེན་ཤང་། ཞའོ་ཨན་ཤང་། ཡིའུ་ཏུང་ཤང་། ཏུང་ཞི་ཧོ་ཤང་། ཧྭ་ཧྲི་ཤང་། ཕུའུ་ཤང་། ནུབ་བྱང་ཤང་། ཞོན་ཧོ་ཤང་། ཕན་ཏའོ་ཤང་། ཆིན་ལིན་ཤང་། ཕིན་ཞི་ཤང་། ལི་ཧོ་ཁོའུ་ཤང་། ཝང་ཤང་། མ་ལིའུ་ཤང་། ལིན་ཞི་ཤང་། ཝུན་ཨན་ཤང་། མ་ཅ་པ་ཤང་། པའེ་དབྱང་ཤང）ཡོད།
3
མི་གྲངས་གནས་ཚུལ།
3_1
མི་གྲངས།
སྤྱི་ལོ2013ལོའི་ལོ་མཇུག་ཏུ་ཁྲའོ་ཐེན་ཆུས་ཀྱི་ཁྱིམ་དུད་བསྡོམས་འབོར68085ཡོད་པ་དང་། མི་གྲངས་བསྡོམས་འབོར207597ཡོད་པའི་ནང་ཞིང་ལས་མི་གྲངས189758དང་། ཞིང་བ་མིན་པའི་མི་གྲངས17839ཡོད། རྒྱུན་སྡོད་མི་གྲངས་ཁྲི18.5དང་གྲོང་ཁྱེར་དང་གྲོང་རྡལ་གྱི་མི་གྲངས་ཁྲི5.38ལ་སླེབས་ཡོད། སྤྱི་ལོ2013ལོར་ཁྲའོ་ཐེན་ཆུས་སུ་སྐྱེས་པའི་མི་གྲངས1857ཡོད་པ་དང་མི་གྲངས་སྐྱེ་ཚད8.96‰ལ་སླེབས། རྐྱེན་ལམ་དུ་ཤོར་བའི་མི་གྲངས1316དང་མི་ཤི་ཚད6.28‰ལ་སླེབས། མི་གྲངས་རང་ཤུགས་སུ་འཕར་ཚད2.67‰ཡིན།
3_2
མི་རིགས།
ཁྲའོ་ཐེན་ཆུས་ཀྱི་ས་ཁོངས་སུ་རྒྱ་རིགས་དང་། མན་ཇུ་རིགས། སོག་རིགས། ཧུའེ་རིགས། མིའོ་རིགས། ཀྲོང་རིགས། ཐུང་རིགས། ཏའེ་རིགས། ཆའང་རིགས། ཁྲའོ་ཞན་རིགས། ཐུའུ་ཅ་རིགས། པུའུ་དབྱི། ཡུ་གུར་རིགས། བོད་རིགས་བཅས་མི་རིགས15ཡོད་པ་དང་། རྒྱ་རིགས་ཀྱི་མི་གྲངས་མང་བ་དང་། ཧུའེ་རིགས་ཀྱི་མི་གྲངས་ཀྱང་ཅུང་མང་། མི་རིགས་གཞན་དག་ཅུང་ཉུང་།
4
དཔལ་འབྱོར་རགས་བཤད།
སྤྱི་ལོ2013ལོར་ཁྲའོ་ཐེན་ཆུས་ཀྱི་ཐོན་སྐྱེད་རིན་ཐང་བསྡོམས་འབོར(GDP)སྒོར་ཁྲི325731མངོན་འགྱུར་བྱུང་བ་དེ་བསྡུར་གཞི་ཡོད་པའི་རིན་གོང་ལྟར་བརྩིས་ན་ལོ་གོང་མ་ལས10.8%འཕར་བའི་ནང་ཐོན་ལས་དང་པོའི་རིན་ཐང་འཕར་མ་སྒོར་ཁྲི67825ལ་སླེབས་པ་དེ་ལོ་གོང་མ་ལས4.3%འཕར་བ་དང་། ཐོན་ལས་གཉིས་པའི་འཕར་ཐང་སྒོར་ཁྲི176179ལ་སླེབས་པ་དེ་ལོ་གོང་མ་ལས15.8%འཕར། ཐོན་ལས་གསུམ་པའི་འཕར་ཐང་སྒོར་ཁྲི81727ལ་སླེབས་ནས་སྔ་ལོ་ལས7.8%འཕར་ཡོད། ཐོན་ལས་གསུམ་གྱི་གྲུབ་ཆ་དེ་ལོ་གོང་མའི21.5:53.5:25.0ནས20.8:54.1:25.1བར་ལེགས་སྒྲིག་བྱས། ཐོན་ལས་གཉིས་པ་དང་ཐོན་ལས་གསུམ་པའི་བཟུང་ཚད་སོ་སོར0.6％དང0.1％མཐོ་རུ་ཕྱིན། ཐོན་ལས་དང་པོའི་བཟུང་ཚད0.7％ཇེ་དམའ་རུ་ཕྱིན།
4_1
ཐོན་ལས་དང་པོ།
སྤྱི་ལོ2013ལོར་ཁྲའོ་ཐེན་ཆུས་སུ་ཞིང་ནགས་འབྲོག་ཉ་བཅས་ཀྱི་ཐོན་སྐྱེད་རིན་ཐང་བསྡོམས་འབོར་སྒོར་ཁྲི128098ལ་སླེབས་པ་དེ་ལོ་གོང་མ་ལས9.6%འཕར་ཡོད། འདེབས་འཛུགས་ལས་རིགས་ཀྱི་ཐོན་རྫས་རིན་ཐང་སྒོར་ཁྲི83388ལ་སླེབས་པ་དེ་ལོ་གོང་མ་ལས10.4%འཕར་ཡོད། ཁྲའོ་ཐེན་ཆུས་ལ་ད་ཆ་རྨོ་ཞིང་རྒྱ་ཁྱོན་སྤྱི་ཆིང15114ཡོད་པ་དང་སྤྱི་ལོ2013ལོར་འབྲུ་རིགས་འདེབས་ཁྱོན་སྤྱི་ཆིང25485ལ་སླེབས་ནས0.97%འཕར་ནས་འབྲུ་རིགས་ཀྱི་སྤྱིའི་ཐོན་ཚད་ཏུན་ཁྲི10.14ལ་སླེབས་པ་དེ་དུས་མཚུངས་ལས1.32%འཕར་བ་དང་། སྣུམ་རྒྱུ་འདེབས་ཁྱོན་སྤྱི་ཆིང3881ལ་སླེབས་ནས3.62%འཕར་ནས་ཐོན་ཚད་ཏུན5898ལ་སླེབས་པ་དེ་དུས་མཚུངས་ལས2.22%འཕར། ཁྱད་ལྡན་ཐོན་ལས་འཕེལ་རྒྱས་མྱུར་པོ་བྱུང་ནས་སྟར་ཀའི་ཐོན་ཚད་ཏུན་ཁྲི2.038ལ་སླེབས་ནས“ཁའོ་ཐེན་སྟར་ཀའི”ཞིང་ཆེན་རིམ་པའི་ས་ཁམས་མཚོན་རྟགས་ཐོན་རྫས་སྲུང་སྐྱོང་དཔེ་སྟོན་ཁུལ་དུ་བཙུགས་པ་དང་། “ཁྲའོ་ཐེན་སྟར་ཀ”ཀྲུང་གོའི་ཡོངས་ཁྱབ་ཚོང་རྟགས་སུ་གྱུར་པ་དང་། སྔོ་ཚལ་བསྐྱར་འདེབས་རྒྱ་ཁྱོན་མུའུ་ཁྲི21.16ལ་སླེབས་ནས་ཐོན་ཚད་ཏུན་ཁྲི62.57ལ་སླེབས་པ་དང་། “ཙེང་ཅ་རི”སྔོ་ཚལ་སི་ཁྲོན་ཞིང་ཆེན་གྱི་གྲགས་ཅན་ཚོང་རྟགས་སུ་བསྐྲུན། ཙེང་ཅ་ཧྲན་གྱི་མ་རྨོས་ལོ་ཏོག་དང་ཀན་ལན་ལ་རྒྱལ་ཁབ་ཀྱི་ལྗང་མདོག་བཟའ་བཅའAརིམ་པའི་བདེན་དཔང་ར་སྤྲོད་དང་རྒྱལ་ཁབ་ཀྱི་ཞིང་ལས་ཐོན་རྫས་ས་ཁམས་མཚོན་རྟགས་ཀྱི་བདེན་དཔང་ར་སྤྲོད་སོ་སོར་ཐོབ། ཙེང་ཅ་ཧྲན་རི་མཐོའི་མཐོངས་ཡངས་ལྗང་མདོག་སྔོ་ཚལ་རྟེན་གཞི་ཀོང་ཡོན་གྲོང་ཁྱེར་སྙོམས་སྒྲིག་སྔོ་ཚལ་རྟེན་གཞིའི་ནང་འཇུག་བྱས། ཤ་མོ་དང་མོག་རོ་ཐོན་ཚད་སོ་སོར་ཏུན4996དང་ཏུན612ལ་སླེབས་ཡོད།
4_2
ཐོན་ལས་གཉིས་པ།
སྤྱི་ལོ2013ལོར་ཁྲའོ་ཐེན་ཆུས་ཀྱི་བཟོ་ལས་ཀྱི་སྤྱིའི་ཐོན་རྫས་རིན་ཐང་བསྡོམས་འབོར་སྒོར་དུང་ཕྱུར48.6ལ་སླེབས་པ་དེ་དུས་མཚུངས་ལས16.2%འཕར་བ་དང་རིན་ཐང་འཕར་མ་སྒོར་ཁྲི159809ལ་སླེབས་པ་དེ་དུས་མཚུངས་ལས15.3%འཕར་ཡོད། དེའི་ནང་ཚད་ལོན་ཡན་གྱི་བཟོ་ལས་ཁེ་ལས་ཀྱི་སྤྱིའི་ཐོན་རྫས་རིན་ཐང་སྒོར་ཁྲི427395ལ་སླེབས་པ་དེ་དུས་མཚུངས་ལས16%འཕར་བ་དང་རིན་ཐང་འཕར་མ་སྒོར་ཁྲི155631ལ་སླེབས་པ་དེ་དུས་མཚུངས་ལས15.4%འཕར་བ་དང་། ཁེ་སྤོགས་བསྡོམས་འབོར་སྒོར་ཁྲི56965ལ་སླེབས་པ་དེ་དུས་མཚུངས་ལས12.7%འཕར་བ་དང་ཁེ་སྤོགས་དང་དཔྱ་ཁྲལ་བསྡོམས་འབོར་སྒོར་ཁྲི75639ལ་སླེབས་པ་དེ་དུས་མཚུངས་ལས11.5%འཕར་བ་དང་སྤྱིའི་རྒྱུ་ནོར་སྐྱེས་འབུལ་ཚད32.53%ལ་སླེབས་པ་དེ་དུས་མཚུངས་ལས1.1%འཕར།
4_3
ཐོན་ལས་གསུམ་པ།
སྤྱི་ལོ2013ལོར་ཁྲའོ་ཐེན་ཆུས་སུ་སྤྱི་ཚོགས་འཛད་རྫས་སིལ་ཚོང་བསྡོམས་འབོར་སྒོར་ཁྲི92384བྱུང་བ་དེ་དུས་མཚུངས་ལས13.7%འཕར་བའི་ནང་གྲོང་ཁྱེར་དང་གྲོང་རྡལ་དུ་སྒོར་ཁྲི67716ལེགས་གྲུབ་ལ་སླེབས་པ་དེ་དུས་མཚུངས་ལས14.4%འཕར་བ་དང་། གྲོང་གསེབ་ལ་སྒོར་ཁྲི24668བཏང་བ་དེ་དུས་མཚུངས་ལས11.8%འཕར་ཡོད། ལོ་མཇུག་ཏུ་དངུལ་རྩའི་སྒྲིག་གཞི་ཡོངས་ཀྱི་བཅོལ་དངུལ་ལྷག་གྲངས་སྒོར་ཁྲི311504ལ་སླེབས་པ་དེ་ལོ་གོང་མ་ལས6.4%འཕར་བའི་ནང་གྲོང་ཁྱེར་དང་གྲོང་གསེབ་ཀྱི་གྲོང་མིའི་བཅོལ་དངུལ་ལྷག་གྲངས་སྒོར་ཁྲི221257ལ་སླེབས་པ་དེ་ལོ་གོང་མ་ལས25.9%འཕར་བ་དང་། ལོ་མཇུག་ཏུ་དངུལ་བུན་ཁག་གི་ལྷག་གྲངས་སྒོར་ཁྲི163036ལ་སླེབས་པ་དེ་ལོ་གོང་མ་ལས33.5%འཕར་ཡོད།
4_4
མཚན་སྙན་རྟགས་མ།
སྤྱི་ལོ2019ལོའི་ཟླ2པའི་ཚེས2ཉིན་རིག་གནས་དང་ཡུལ་སྐོར་པུའུ་ཡིས་སྤྱི་ལོ2018ལོ་ནས་སྤྱི་ལོ2020ལོའི་ལོ་འཁོར་གྱི“ཀྲུང་གོའི་དམངས་ཁྲོད་རིག་གནས་སྒྱུ་རྩལ་གྱི་ཕ་ཡུལ”ཞེས་མིང་བཏགས་པ་རེད།
སྤྱི་ལོ2020ལོའི་ཟླ3པའི་ཚེས31ཉིན་སྤྱི་ལོ2019ལོའི་ལོ་འཁོར་གྱི་སི་ཁྲོན་ཞིང་ཆེན་གྱི་ཞིང་པའི་འབབ་འཕར་ལས་དོན་གྱི་སྔོན་ཐོན་རྫོང(གྲོང་ཁྱེར་དང་ཆུས)དུ་བདམས་པ་རེད།
དཔྱད་གཞིའི་ཡིག་ཆ།